ಬಜೆಟ್ 2024: ಇನ್ಷೂರೆನ್ಸ್ ವಲಯದ ಕೆಲ ನಿರೀಕ್ಷೆಗಳು

2047ರಷ್ಟರಲ್ಲಿ ಭಾರತವನ್ನು ಮುಂದುವರಿದ ದೇಶವನ್ನಾಗಿ ಮಾಡುವ ಸಂಕಲ್ಪ ಇದೆ. ಬಜೆಟ್ನಲ್ಲಿ ಬಹಳಷ್ಟು ನಿರೀಕ್ಷೆಗಳಿವೆ. ಇನ್ಷೂರೆನ್ಸ್ ವಲಯದಲ್ಲಿ ಇರುವ ಪ್ರಮುಖ ನಿರೀಕ್ಷೆಗಳಲ್ಲಿ ಡಿಜಿಟಲ್ ಹೆಲ್ತ್ ರೆಕಾರ್ಡ್, ಆಭಾ ಐಡಿ, ತೆರಿಗೆ ವಿನಾಯಿತಿ ಇತ್ಯಾದಿ ಸೇರಿವೆ. ಫೆಬ್ರುವರಿ 1ರಂದು ಮಂಡನೆಯಾಗುವ ಬಜೆಟ್ನಲ್ಲಿ ಇವೆಲ್ಲಾ ನಿರೀಕ್ಷೆಗಳು ಈಡೇರುತ್ತವಾ ಎಂಬುದು ಕುತೂಹಲ ಮೂಡಿಸಿದೆ.

ಇನ್ಷೂರೆನ್ಸ್

ಸುಗ್ಗನಹಳ್ಳಿ ವಿಜಯಸಾರಥಿ |
Updated on: Jan 28, 2024 | 12:52 PM

ಫೆಬ್ರುವರಿ 1ರಂದು ಮಂಡಿಸಲಾಗುವ ಮಧ್ಯಂತರ ಬಜೆಟ್ನಲ್ಲಿ (Interim Budget 2024) ಹೆಚ್ಚೇನೂ ದೊಡ್ಡ ಕ್ರಮಗಳು ಪ್ರಕಟವಾಗುವುದಿಲ್ಲವಾದರೂ ಪ್ರತೀ ಕ್ಷೇತ್ರಗಳಲ್ಲೂ ಒಂದಷ್ಟು ನಿರೀಕ್ಷೆಗಳಂತೂ ಇರುತ್ತವೆ. 2047ರೊಳಗೆ ಭಾರತವನ್ನು ಮುಂದುವರಿದ ದೇಶವನ್ನಾಗಿ ಮಾಡುವ ಸಂಕಲ್ಪ ಹೊಂದಿರುವ ಸರ್ಕಾರ ಈ ನಿಟ್ಟಿನಲ್ಲಿ ನಿರಂತರವಾಗಿ ಕ್ರಮಗಳನ್ನು ಕೈಗೊಳ್ಳಬೇಕಾಗುತ್ತದೆ. ಪ್ರತೀ ಬಜೆಟ್ನಲ್ಲಿ ಏನಾದರೂ ಹೊಸತನ್ನು ನಿರೀಕ್ಷಿಸಬಹುದು. ಈ ಬಜೆಟ್ನಲ್ಲಿ ಇನ್ಷೂರೆನ್ಸ್ ವಲಯದಿಂದ ಏನು ನಿರೀಕ್ಷೆಗಳಿವೆ ಎಂಬ ಪುಟ್ಟ ವಿವರ ಇಲ್ಲಿದೆ. 2047ರಷ್ಟರಲ್ಲಿ ದೇಶದ ಪ್ರತಿಯೊಬ್ಬ ಪ್ರಜೆಗೂ ವಿಮಾ ಕವರೇಜ್ ಇರಬೇಕೆಂಬ ಕನಸು ಕೇಂದ್ರ ಸರ್ಕಾರದ್ದಾಗಿದೆ. ಈ ಹಿನ್ನೆಲೆಯಲ್ಲಿ ಪ್ರತೀ ಬಜೆಟ್ನಲ್ಲೂ ಇನ್ಷೂರೆನ್ಸ್ ವಲಯಕ್ಕೆ ಏನಾದರೂ ಕೊಡುಗೆ ಸಿಗಬಹುದಾ ಎಂಬ ನಿರೀಕ್ಷೆಗಳಿರುತ್ತವೆ.

ಡಿಜಿಟಲ್ ಹೆಲ್ತ್ ರೆಕಾರ್ಡ್ಸ್

2023ರಲ್ಲಿ ಆರೋಗ್ಯ ಕ್ಷೇತ್ರಕ್ಕೆ ಪೂರಕವಾಗಿರುವ ಕೆಲವಿಷ್ಟು ಸುಧಾರಣಾ ಕ್ರಮಗಳನ್ನು ಕೈಗೊಳ್ಳಲಾಗಿತ್ತು. ರಾಷ್ಟ್ರೀಯ ಹೆಲ್ತ್ ಕ್ಲೈಮ್ ಎಕ್ಸ್ಚೇಂಜ್ ಆದ ಬಿಮಾ ಸುಗಮ್ ಮತ್ತು ಇನ್ಷೂರೆನ್ಸ್ ತಿದ್ದುಪಡಿ ಮಸೂದೆ ಇತ್ಯಾದಿ ಹೊಸ ಯೋಜನೆಗಳನ್ನು ಆರಂಭಿಸಿದೆ.

ಈ ಬಜೆಟ್ನಲ್ಲಿ ಡಿಜಿಟಲ್ ಹೆಲ್ತ್ ಮಿಷನ್ ಅನ್ನು ಇನ್ನಷ್ಟು ಬಲಯುತಗೊಳಿಸಲು ಕ್ರಮ ತೆಗೆದುಕೊಳ್ಳುವ ನಿರೀಕ್ಷೆ ಇದೆ. ಡಿಜಿಟಲ್ ಹೆಲ್ತ್ ರೆಕಾರ್ಡ್ ಪಾಲಿಸುವ ಆಭಾ ಐಡಿಯನ್ನು (ABHA ID) ಹೆಚ್ಚು ಪ್ರಚುರಗೊಳಿಸಬಹುದು.

ಇದನ್ನೂ ಓದಿ: ಬಜೆಟ್ ಪೂರ್ವ ಹಲ್ವಾ ಸಮಾರಂಭ; ಸಿಹಿ ಹಂಚಿದ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್

ಜಿಎಸ್ಟಿ ವಿನಾಯಿತಿ

ಇನ್ಷೂರೆನ್ಸ್ ಪಾಲಿಸಿಗೆ ಜಿಎಸ್ಟಿ ತೆರಿಗೆಯಿಂದ ವಿನಾಯಿತಿ ಕಲ್ಪಿಸಬೇಕೆಂಬ ಕೂಗು ವಿಮಾ ಕ್ಷೇತ್ರದಲ್ಲಿ ಇದೆ. ಇದಾದರೆ ಇನ್ಷೂರೆನ್ಸ್ ಪ್ರೀಮಿಯಮ್ ಹಣ ತುಸು ಕಡಿಮೆ ಆಗುತ್ತದೆ.

ಆದಾಯ ತೆರಿಗೆ ಸೆಕ್ಷನ್ 80ಸಿ ಅಡಿಯಲ್ಲಿ ವಿನಾಯಿತಿ

ಆದಾಯ ತೆರಿಗೆಯ ಸೆಕ್ಷನ್ 80ಸಿ ಅಡಿಯಲ್ಲಿ ಇರುವ ತೆರಿಗೆ ವಿನಾಯಿತಿ ಮಿತಿಯನ್ನು ಇನ್ನಷ್ಟು ಹೆಚ್ಚಿಸಬೇಕು. ಇದರಿಂದ ಇನ್ಷೂರೆನ್ಸ್ ಇತ್ಯಾದಿ ಯೋಜನೆಗಳಿಗೆ ಜನರು ಹೆಚ್ಚು ವೆಚ್ಚ ಮಾಡಲು ಉತ್ತೇಜನ ಸಿಕ್ಕಂತಾಗುತ್ತದೆ.