ಮುಂಬೈ ತಾಜ್​ ಹೋಟೆಲ್​ನಲ್ಲಿ ಒಂದು ರಾತ್ರಿ ತಂಗಲು 6 ರೂಪಾಯಿ; ಆನಂದ್ ಮಹೀಂದ್ರಾ ಟ್ವೀಟ್ ನೋಡಿದರಾ?

“ನಮ್ಮ ಕಾಲದಲ್ಲಿ ಇಷ್ಟೆಲ್ಲ ರೇಟ್​ ಇರಲಿಲ್ಲ ಬಿಡು,” ಅನ್ನೋ ಮಾತನ್ನ ನೀವೆಷ್ಟು ಬಾರಿ ಕೇಳಿಸಿಕೊಂಡಿದ್ದೀರೋ ಏನೋ? ಇದೂ ಒಂದು ಸಲ ಕೇಳಿಸಿಕೊಂಡು ಬಿಡಿ. ಹಾಗಂತ ಇಲ್ಲಿಗೆ ಕೊನೆ ಅಂತೇನೂ ಅಲ್ಲ. ಮಹೀಂದ್ರಾ ಅಂಡ್ ಮಹೀಂದ್ರಾ ಸಮೂಹದ ಅಧ್ಯಕ್ಷ ಆನಂದ್​ ಮಹೀಂದ್ರಾ “ಆ ದಿನಗಳು” ನೆನಪಿಸಿಕೊಂಡಿದ್ದಾರೆ. ಇವತ್ತಿನ ದಿನಮಾನಕ್ಕೆ ಹೋಲಿಸಿದಲ್ಲಿ ಭಾರತೀಯ ಕರೆನ್ಸಿ ಮೌಲ್ಯ ಓಹ್ ಅದ್ಭುತವಾಗಿತ್ತು ಎಂಬಂಥ ದಿನಗಳವು. ಅದೆಷ್ಟು ಸಸ್ತಾ ಇತ್ತು ಅಂದರೆ, ಮುಂಬೈನಲ್ಲಿನ ಜಗದ್ವಿಖ್ಯಾತ ತಾಜ್​ ಹೋಟೆಲ್​ನಲ್ಲಿ ಒಂದು ರಾತ್ರಿ ಉಳಿದುಕೊಳ್ಳಬೇಕು ಅಂದರೆ ಕೇವಲ 6 ರೂಪಾಯಿ ಮಾತ್ರು ಆಗಿತ್ತು. ಹಾಂ, ಇದ್ಯಾವ ಓಬೀರಾಯನ ಕಾಲದ ಕಥೆಯೋ ಅಂದುಕೊಳ್ಳಬೇಡಿ. ಆನಂದ್​ ಮಹೀಂದ್ರಾ ಜಸ್ಟ್ 117 ವರ್ಷದ ಹಿಂದೆ ಹೋಗಿದ್ದಾರಷ್ಟೇ. ಈಗ ಬಿಡಿ, ತಾಜ್​ ಹೋಟೆಲ್​ನಲ್ಲಿ ಉಳಿದುಕೊಳ್ಳುವುದಕ್ಕೆ ಸಾವಿರಾರು ರೂಪಾಯಿ ಆಗುತ್ತದೆ.

ತಮ್ಮ ಟ್ವೀಟ್​ನಲ್ಲಿ ಆನಂದ್ ಮಹೀಂದ್ರಾ, “ಹಣದುಬ್ಬರವನ್ನು ಮೀರಿಸುವ ದಾರಿ ಇಲ್ಲಿದೆ. ಒಂದು ಟೈಮ್​ ಮಶೀನ್​ ಪಡೆಯಿರಿ ಮತ್ತು ಹಿಂದೆ…ಬಹಳ ಹಿಂದೆ ಹೋಗಿ. ತಾಜ್​, ಮುಂಬೈನಲ್ಲಿ ಒಂದು ರಾತ್ರಿಗೆ 6 ರೂಪಾಯಿ ಇತ್ತು. ಈಗೇನಿದ್ದರೂ ಅಂಥ ದಿನಗಳಿದ್ದವು…” ಆನಂದ್​ ಮಹೀಂದ್ರಾ ಅವರು ತಾಜ್ ಹೋಟೆಲ್ ಉದ್ಘಾಟನೆ ಆದ ಡಿಸೆಂಬರ್ 1, 1903ರ ಚಿತ್ರ ಹಂಚಿಕೊಂಡಿದ್ದಾರೆ. ತಾಜ್​ ಹೋಟೆಲ್​ಗೆ ತಾಜ್​ಮಹಲ್ ಪ್ಯಾಲೆಸ್ ಹೋಟೆಲ್ ಎಂದು ಹೆಸರಿಡಲಾಗಿತ್ತು ಹಾಗೂ ಅದು ಎಲ್ಲ ಹೊಚ್ಚ ಹೊಸ ಸೌಕರ್ಯಗಳೊಂದಿಗೆ ಮಧ್ಯಮ ದರದೊಂದಿಗೆ ಬಂದಿತ್ತು. ತಾಜ್​ ಹೋಟೆಲ್​ ಸ್ಥಾಪನೆ ಮತ್ತು ಶುರು ಮಾಡಿದ್ದು ಟಾಟಾ ಸಮೂಹದ ಸ್ಥಾಪಕರಾದ ಜಮ್ಷೆಟ್​ಜೀ ನುಸೆರ್​ವಂಜಿ ಟಾಟಾ.

So here’s a way to beat inflation. Get into a time machine and go back…way back. ₹6 per night for the Taj, Mumbai? Now those were the days… pic.twitter.com/7WYHqKodGx

— anand mahindra (@anandmahindra) August 6, 2021

ಈಚೆಗೆ ಆನಂದ್​ ಮಹೀಂದ್ರಾ ಅವರು ಫಿಯೆಟ್ 1100 ಕಾರಿನ ಹಳೆ ಜಾಹೀರಾತೊಂದರ ಚಿತ್ರ ಹಂಚಿಕೊಂಡಿದ್ದರು. ಅದರ ಬೆಲೆ ರೂ. 9750 (ಎಕ್ಸ್​- ಫ್ಯಾಕ್ಟರಿ ಎಲ್ಲ ತೆರಿಗೆಗಳನ್ನು ಹೊರತುಪಡಿಸಿ). ಕಾರು 1950ರ ದಶಕದಲ್ಲಿ ಭಾರತದ ರಸ್ತೆಗಳಲ್ಲಿ ಓಡಾಡಿತ್ತು. ಹಣದುಬ್ಬರವನ್ನು ಗಣನೆಗೆ ತೆಗೆದುಕೊಂಡರೂ 1950ರ ದಶಕದಲ್ಲಿ 9750 ರೂಪಾಯಿ ಎಂಬುದು ತಮಾಷೆಯಲ್ಲ. ಆಗ ಫಿಯೆಟ್ 1100 ಜನಪ್ರಿಯವಾಗಿತ್ತು. ಆ ಕಾರಿನ ಪ್ರವೇಶದೊಂದಿಗೆ ಭಾರತದಲ್ಲಿ ನಿಧಾನವಾಗಿ ಫಿಯೆಟ್ ಮತ್ತಷ್ಟು ಹೆಸರು ಮಾಡಿತು. ಅದು ಯಾವ ಪರಿ ಅಂದರೆ, ಕಾರು ಅಂದರೆ ಫಿಯೆಟ್ ಎನ್ನುವಂತಾಯಿತು. ಆ ಕಾರು 1089cc, 4 ಸಿಲಿಂಡರ್ ಎಂಜಿನ್ ಜತೆಗೆ 36bhp ಉತ್ಪಾದಿಸುವ ಸಾಮರ್ಥ್ಯ ಇತ್ತು. ಈ ವಾಹನವನ್ನು ಆಧುನಿಕ ಕಾರುಗಳಿಗೆ ಹೋಲಿಸುವುದು ತಪ್ಪಾಗುತ್ತದೆ.

Ah the good old days… pic.twitter.com/SNH3Cwirki

— anand mahindra (@anandmahindra) July 14, 2021

ಇದನ್ನೂ ಓದಿ: Viral Video: ರಸ್ತೆಗಿಳಿದ ಭಾರತೀಯನ ಚಿನ್ನದ ಕಾರಿನ ವಿಡಿಯೋ ವೈರಲ್; ಕನ್​ಫ್ಯೂಸ್ ಆದ ಆನಂದ್ ಮಹೀಂದ್ರಾ

ಇದನ್ನೂ ಓದಿ: ಆಸ್ಟ್ರೇಲಿಯಾಗೆ ಸೋಲುಣಿಸಿದ ಟೀಂ ಇಂಡಿಯಾದ 6 ಯುವ ಆಟಗಾರರಿಗೆ ಎಸ್​​ಯುವಿ ಗಿಫ್ಟ್​ ಮಾಡಿದ ಆನಂದ್​ ಮಹೀಂದ್ರಾ

(Anand Mahindra Remembers Inauguration Day Of Hotel Taj Room Per Night Price At Rs 6)

Published On - 6:13 pm, Sat, 7 August 21