Atmanirbhar Bharat Rozgar Yojana: ಕೇಂದ್ರದಿಂದ ಇಪಿಎಫ್​ ಕೊಡುಗೆ ಮಾರ್ಚ್ 31, 2022ರ ತನಕ ವಿಸ್ತರಣೆ

Atmanirbhar Bharat Rozgar Yojana: ಕೇಂದ್ರದಿಂದ ಇಪಿಎಫ್​ ಕೊಡುಗೆ ಮಾರ್ಚ್ 31, 2022ರ ತನಕ ವಿಸ್ತರಣೆ
ಸಾಂದರ್ಭಿಕ ಚಿತ್ರ

ಕೊರೊನಾ ಎರಡನೇ ಅಲೆಯ ಹಿನ್ನೆಲೆಯಲ್ಲಿ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಘೋಷಣೆ ಮಾಡಿದಂತೆ, ಆತ್ಮನಿರ್ಭರ್ ರೋಜ್​ಗಾರ್ ಯೋಜನೆ ಅಡಿಯಲ್ಲಿ ಕೇಂದ್ರದ ಇಪಿಎಫ್​ ಕೊಡುಗೆಯನ್ನು ಮಾರ್ಚ್​ 31, 2022ರ ತನಕ ವಿಸ್ತರಣೆ ಮಾಡಲಾಗಿದೆ.

TV9kannada Web Team

| Edited By: Srinivas Mata

Jun 28, 2021 | 9:25 PM

ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಸೋಮವಾರದಂದು ಘೋಷಣೆ ಮಾಡಿದ ಕೊರೊನಾ ಪ್ಯಾಕೇಜ್​ನಲ್ಲಿ ಆತ್ಮನಿರ್ಭರ್ ಭಾರತ್ ರೋಜ್​ಗಾರ್​ ಯೋಜನೆ ಸಹ ಒಳಗೊಂಡಿತ್ತು. ಅಕ್ಟೋಬರ್ 1, 2020ರಲ್ಲಿ ಈ ಯೋಜನೆಯನ್ನು ಆರಂಭಿಸಲಾಯಿತು. ಹೊಸ ಉದ್ಯೋಗ ಸೃಷ್ಟಿಗೆ, ಉದ್ಯೋಗ ಕಳೆದುಕೊಂಡಿದ್ದಲ್ಲಿ ಇಪಿಎಫ್​ಒ ಮೂಲಕ ಮರುಜೀವ ನೀಡಲು ಉದ್ಯೋಗದಾತರಿಗೆ ಇದರೊಂದಿಗೆ ಪ್ರೋತ್ಸಾಹಿಸುವ ಉದ್ದೇಶ ಇರಿಸಿಕೊಂಡಿದೆ. ಅಂದಾಜು 58.10 ಲಕ್ಷ ಫಲಾನುಭವಿಗಳಿಗೆ 22,810 ಕೋಟಿ ರೂಪಾಯಿಗೆ ಅನುಮತಿ ನೀಡಲಾಗಿದೆ. ನೋಂದಣಿಗೆ ಕೊನೆ ದಿನಾಂಕ ಜೂನ್ 30, 2021 ಆಗಿದೆ. ತಿಂಗಳಿಗೆ 15,000 ರೂಪಾಯಿಗಿಂತ ಕಡಿಮೆ ಸಂಬಳ ತೆಗೆದುಕೊಳ್ಳುವ ಹೊಸ ಉದ್ಯೋಗಿಗಳಿಗೆ ನೋಂದಣಿ ಆದಾಗಿನಿಂದ ಎರಡು ವರ್ಷಗಳ ಕಾಲ ಸಬ್ಸಿಡಿ ನೀಡಲಾಗುವುದು.

1000 ಉದ್ಯೋಗಿಗಳ ಒಳಗೆ ಇರುವ ಸಂಸ್ಥೆಗಳಿಗೆ ಉದ್ಯೋಗಿಗಳು ಮತ್ತು ಉದ್ಯೋಗದಾತರ ಕೊಡುಗೆ (ಒಟ್ಟಾರೆ ವೇತನದಲ್ಲಿ ಶೇ 24ರಷ್ಟು) ಅಥವಾ 1000ಕ್ಕೂ ಹೆಚ್ಚು ಸಾಮರ್ಥ್ಯ ಇರುವ ಸಂಸ್ಥೆಗಳಲ್ಲಿ ಉದ್ಯೋಗಿಗಳ ವೇತನದ ಶೇ 12ರಷ್ಟು ಮೊತ್ತವನ್ನು ಸರ್ಕಾರದಿಂದ ಪಾವತಿಸಲಾಗುತ್ತದೆ. 79,577 ಸಂಸ್ಥೆಗಳ 21.42 ಲಕ್ಷ ಫಲಾನುಭವಿಗಳಿಗೆ 902 ಕೋಟಿ ರೂಪಾಯಿ ಜೂನ್ 18, 2021ರ ತನಕ ನೀಡಲಾಗಿದೆ. ಈ ಯೋಜನೆಯನ್ನು ಜೂನ್ 30, 2021ರಿಂದ ಮಾರ್ಚ್ 31, 2022ರ ತನಕ ಯೋಜನೆ ವಿಸ್ತರಿಸಲಾಗಿದೆ.

ಮಕ್ಕಳು ಮತ್ತು ಪೀಡಿಯಾಟ್ರಿಕ್ ಕೇರ್/ಪೀಡಿಯಾಟ್ರಿಕ್ ಬೆಡ್​ಗಳ ಮೇಲೆ ವಿಶೇಷ ಕಾಳಜಿಯನ್ನು ವಹಿಸಿ ಹೊಸ ಯೋಜನೆಯನ್ನು ಸಿದ್ಧಪಡಿಸಲಾಗಿದೆ. ವೈದ್ಯಕೀಯ ಸಿಬ್ಬಂದಿ (ಇಂಟರ್ನ್​ಗಳು, ರೆಸಿಡೆಂಟ್​ಗಳು, ಅಂತಿಮ ವರ್ಷ) ಮೂಲಕ ಹಣಕಾಸು ನೆರವು ನೀಡಲಾಗುವುದು. ಕೇಂದ್ರೀಯ, ಜಿಲ್ಲೆ ಮತ್ತು ಉಪ ಜಿಲ್ಲೆಗಳಲ್ಲಿ ಐಸಿಯು ಬೆಡ್​ಗಳು, ಆಕ್ಸಿಜನ್ ಪೂರೈಕೆ ಹೆಚ್ಚಿಸಲು ಹಣಕಾಸು ಯೋಜನೆಯನ್ನು ತರಲಾಗಿದೆ.

ಇದನ್ನೂ ಓದಿ: How to merge two UAN: ಪಿಎಫ್​ ಖಾತೆದಾರರು ಒಂದಕ್ಕಿಂತ ಹೆಚ್ಚು ಯುಎಎನ್​ ಹೊಂದಿದ್ದರೆ ನಿಯಮಬಾಹಿರ; ಇಂಥ ಸನ್ನಿವೇಶ ಏನು ಮಾಡಬೇಕು?

(Union finance minister Nirmala Sitharaman today announced extension of Atmanirbhar Rozgar Yojana. Here is the details)

Follow us on

Related Stories

Most Read Stories

Click on your DTH Provider to Add TV9 Kannada