Bank Holidays in April 2023: ಈ ತಿಂಗಳೇ ನಿಮ್ಮ ಬ್ಯಾಂಕ್ ವ್ಯವಹಾರ ಮುಗಿಸಿಕೊಳ್ಳಿ, ಏಪ್ರಿಲ್ನಲ್ಲಿ ಸಾಲು ಸಾಲು ರಜೆ
ಏಪ್ರಿಲ್ನಲ್ಲಿ ಸಾಲು ಸಾಲು ಬ್ಯಾಂಕ್ ರಜೆಗಳು ಇದೆ. ಈ ತಿಂಗಳೇ ನಿಮ್ಮ ಎಲ್ಲ ಬ್ಯಾಂಕ್ ವ್ಯವಹಾರಗಳನ್ನು ಮುಗಿಸಿಕೊಳ್ಳುವುದು ಒಳ್ಳೆಯದು, ಹೌದು ಭಾರತೀಯ ರಿಸರ್ವ್ ಬ್ಯಾಂಕ್ (RBI) ರಜಾ ಪಟ್ಟಿಯ ಪ್ರಕಾರ, ಹದಿನೈದು ದಿನಗಳ ಕಾಲ ಬ್ಯಾಂಕ್ ರಜಾದಿನಗಳು ಇರುತ್ತವೆ .
Updated on:Mar 28, 2023 | 3:38 PM
ಏಪ್ರಿಲ್ನಲ್ಲಿ ಬ್ಯಾಂಕ್ಗೆ ಸಾಲು ಸಾಲು ರಜೆಗಳು (Bank Holidays) ಇದೆ. ಗ್ರಾಹಕರು ಈ ತಿಂಗಳೇ ತಮ್ಮ ಬ್ಯಾಂಕ್ ವ್ಯವಹಾರಗಳನ್ನು ಮುಗಿಸುವುದು ಒಳ್ಳೆಯದು. ಏಪ್ರಿಲ್ ತಿಂಗಳಲ್ಲಿ ಅರ್ಧ ತಿಂಗಳು ಗ್ರಾಹಕರು ಬ್ಯಾಂಕ್ ಶಾಖೆಗಳಿಗೆ ಭೇಟಿ ನೀಡಲು ಸಾಧ್ಯವಾಗುವುದಿಲ್ಲ. ಏಕೆಂದರೆ ಮುಂಬರುವ ತಿಂಗಳಲ್ಲಿ, ಭಾರತೀಯ ರಿಸರ್ವ್ ಬ್ಯಾಂಕ್ (RBI) ರಜಾ ಪಟ್ಟಿಯ ಪ್ರಕಾರ, ಹದಿನೈದು ದಿನಗಳ ಕಾಲ ಬ್ಯಾಂಕ್ ರಜಾದಿನಗಳು ಇರುತ್ತವೆ . ಹಬ್ಬಗಳು, ಎರಡನೇ ಮತ್ತು ನಾಲ್ಕನೇ ಶನಿವಾರ ಮತ್ತು ಭಾನುವಾರದಂದು ಬ್ಯಾಂಕ್ಗಳು ಕಾರ್ಯನಿರ್ವಹಿಸುವುದಿಲ್ಲ.
RBI ನೀಡಿರುವ ರಜಾದಿನಗಳ ಪಟ್ಟಿಯಲ್ಲಿ ‘ರಾಷ್ಟ್ರೀಯ’ ಮತ್ತು ‘ಪ್ರಾದೇಶಿಕ’ ಎಂದು ವರ್ಗೀಕರಿಸುತ್ತದೆ. ಈ ವರ್ಗೀಕರಣದಂತೆ ಮೊದಲ ವರ್ಗೀಕರಣ ರಾಷ್ಟ್ರೀಯ ಪಟ್ಟಿಯಂತೆ ದೇಶಾದ್ಯಂತ ಬ್ಯಾಂಕುಗಳನ್ನು ಮುಚ್ಚಲಾಗುವುದು, ಮತ್ತೊಂದು ಪ್ರಾದೇಶಿಕ ಪಟ್ಟಿ ನಿರ್ದಿಷ್ಟ ಪ್ರದೇಶದಲ್ಲಿ ಮಾತ್ರ ಶಾಖೆಗಳು ಕಾರ್ಯನಿರ್ವಹಿಸುವುದಿಲ್ಲ. ಆದರೆ ಆನ್ಲೈನ್ ಹಣಕಾಸು ಸೇವೆಗಳು ಎಂದಿನಂತೆ ಕಾರ್ಯನಿರ್ವಹಿಸುತ್ತವೆ.
ಇದನ್ನೂ ಓದಿ:Central Bank of India Recruitment 2023: 5000 ಅಪ್ರೆಂಟಿಸ್ ಹುದ್ದೆಗಳಿಗೆ ಅರ್ಜಿ ಅಹ್ವಾನ
ಏಪ್ರಿಲ್ನಲ್ಲಿ ಬ್ಯಾಂಕ್ ರಜಾದಿನಗಳ ಸಂಪೂರ್ಣ ಪಟ್ಟಿ:
ಏಪ್ರಿಲ್ 1 (ಶನಿ): ಖಾತೆಗಳನ್ನು ಮುಚ್ಚುವುದು
ಏಪ್ರಿಲ್ 2: ಭಾನುವಾರ
ಏಪ್ರಿಲ್ 4 (ಮಂಗಳವಾರ): ಮಹಾವೀರ ಜಯಂತಿ (ಅಹಮದಾಬಾದ್, ಐಜ್ವಾಲ್, ಬೇಲಾಪುರ್, ಬೆಂಗಳೂರು, ಭೋಪಾಲ್, ಚಂಡೀಗಢ, ಚೆನ್ನೈ, ಜೈಪುರ, ಕಾನ್ಪುರ, ಕೋಲ್ಕತ್ತಾ, ಲಕ್ನೋ, ಮುಂಬೈ, ನಾಗ್ಪುರ, ನವದೆಹಲಿ, ರಾಯ್ಪುರ್ ಮತ್ತು ರಾಂಚಿ)
ಏಪ್ರಿಲ್ 5 (ಬುಧ): ಬಾಬು ಜಗಜೀವನ್ ರಾಮ್ ಅವರ ಜನ್ಮದಿನ (ಹೈದರಾಬಾದ್)
ಏಪ್ರಿಲ್ 7 (ಶುಕ್ರ): ಶುಭ ಶುಕ್ರವಾರ (ಅಗರ್ತಲಾ, ಅಹಮದಾಬಾದ್, ಗುವಾಹಟಿ, ಜೈಪುರ, ಜಮ್ಮು, ಶಿಮ್ಲಾ ಮತ್ತು ಶ್ರೀನಗರ ಹೊರತುಪಡಿಸಿ)
ಏಪ್ರಿಲ್ 8: ಎರಡನೇ ಶನಿವಾರ
ಏಪ್ರಿಲ್ 9: ಭಾನುವಾರ
ಎಪ್ರಿಲ್ 14 (ಶುಕ್ರ): ಅಂಬೇಡ್ಕರ್ ಜಯಂತಿ/ಬೋಹಾಗ್ ಬಿಹು/ಚೀರೋಬಾ/ವೈಶಾಖಿ/ಬೈಸಾಖಿ/ತಮಿಳು ಹೊಸ ವರ್ಷ/ಮಹಾ ಬಿಸುಭಾ ಸಂಕ್ರಾಂತಿ/ಬಿಜು/ಬುಯಿಸು (ಐಜ್ವಾಲ್, ಭೋಪಾಲ್, ನವದೆಹಲಿ, ರಾಯ್ಪುರ, ಶಿಲ್ಲಾಂಗ್ ಮತ್ತು ಶಿಮ್ಲಾ ಹೊರತುಪಡಿಸಿ ಎಲ್ಲೆಡೆ)
ಎಪ್ರಿಲ್ 15 (ಶನಿ): ವಿಷು/ಬೋಹಾಗ್ ಬಿಹು/ಹಿಮಾಚಲ ದಿನ/ ಬಂಗಾಳಿ ಹೊಸ ವರ್ಷ (ಅಗರ್ತಲಾ, ಗುವಾಹಟಿ, ಕೊಚ್ಚಿ, ಕೋಲ್ಕತ್ತಾ, ಶಿಮ್ಲಾ ಮತ್ತು ತಿರುವನಂತಪುರಂ)
ಎಪ್ರಿಲ್ 16: ಭಾನುವಾರ
ಎಪ್ರಿಲ್ 18 (ಮಂಗಳವಾರ): ಶಬ್-ಐ-ಖಾದರ್ (ಜಮ್ಮು, ಶ್ರೀನಗರ)
ಎಪ್ರಿಲ್ 21 (ಶುಕ್ರ): ಈದ್-ಉಲ್-ಫಿತರ್/ಗರಿಯಾ ಪೂಜೆ/ಜುಮಾತ್-ಉಲ್-ವಿದಾ (ಅಗರ್ತಲಾ, ಜಮ್ಮು, ಕೊಚ್ಚಿ, ಶ್ರೀನಗರ ಮತ್ತು ತಿರುವನಂತಪುರಂ)
ಎಪ್ರಿಲ್ 22 (ಶನಿ): ರಂಜಾನ್ ಈದ್ (ಅಗರ್ತಲಾ, ಅಹಮದಾಬಾದ್, ಐಜ್ವಾಲ್, ಬೆಂಗಳೂರು, ಭುವನೇಶ್ವರ, ಚಂಡೀಗಢ, ಗ್ಯಾಂಗ್ಟಾಕ್, ಕೊಚ್ಚಿ, ಶಿಮ್ಲಾ ಮತ್ತು ತಿರುವನಂತಪುರಂ ಹೊರತುಪಡಿಸಿ ಎಲ್ಲೆಡೆ)
ಏಪ್ರಿಲ್ 23: ಭಾನುವಾರ
ಏಪ್ರಿಲ್ 30: ಭಾನುವಾರ
ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 3:38 pm, Tue, 28 March 23
