Blue Aadhaar Card: ನೀಲಿ ಬಣ್ಣದ ಆಧಾರ್ ಕಾರ್ಡ್; ಯಾಕೆ ಬೇಕು, ಹೇಗೆ ಮಾಡಿಸುವುದು?; ವಿವರ ಓದಿ

ಬ್ಲೂ ಆಧಾರ್ ಕಾರ್ಡ್ ಬಗ್ಗೆ ನೀವು ಕೇಳಿರಬೇಕು. ಇದು ಬಾಲ ಆಧಾರ್ ಕಾರ್ಡ್ (Bal Aadhaar Card). ಇದೂ ಕೂಡ ಒಂದು ವಿಧದ ಆಧಾರ್ ಕಾರ್ಡ್. 5 ವರ್ಷದೊಳಗಿನ ಮಕ್ಕಳಿಗೆ ಯುಐಡಿಎಐನಿಂದ ಕೊಡಲಾಗುವ ಬಾಲ್ ಆಧಾರ್ ಕಾರ್ಡ್. ಈ ಕಾರ್ಡ್​ನ ಬಣ್ಣ ನೀಲಿಯದ್ದಾದ್ದರಿಂದ ಇದಕ್ಕೆ ಬ್ಲೂ ಆಧಾರ್ ಕಾರ್ಡ್ (Blue Aadhaar Card) ಎಂದೂ ಸಂಬೋಧಿಸುವುದುಂಟು. ಉಚಿತವಾಗಿ ಮಾಡಿಸಬಹುದಾದ ಈ ಬ್ಲೂ ಆಧಾರ್ ಕಾರ್ಡ್​ಗೆ ಮಗುವಿನ ಫಿಂಗರ್ ಪ್ರಿಂಟ್ (Finger Print), ಕಣ್ಣಿನ ಸ್ಕ್ಯಾನ್ (Iris Scan) ಇತ್ಯಾದಿ ಬಯೋಮೆಟ್ರಿಕ್ ಮಾಹಿತಿಯ ಅಗತ್ಯ ಇರುವುದಿಲ್ಲ. ಈ ಮಗುವಿನ ವಯಸ್ಸು 5 ವರ್ಷ ದಾಟಿದ ಬಳಿಕ ಅದರ ಆಧಾರ್ ಕಾರ್ಡ್​ನಲ್ಲಿ ಬಯೋಮೆಟ್ರಿಕ್ ಮಾಹಿತಿ ಸೇರಿಸಬೇಕಾಗುತ್ತದೆ. ಅಂದರೆ ಬಾಲ್ ಆಧಾರ್ ಕಾರ್ಡ್ ಹೊಂದಿರುವ ಮಗು 5 ವರ್ಷ ವಯಸ್ಸು ದಾಟುತ್ತಲೇ ಆಧಾರ್ ಕೇಂದ್ರಕ್ಕೆ ಹೋಗಿ ಅದರ ಫಿಂಗರ್ ಪ್ರಿಂಟ್ ಮತ್ತು ಐರಿಸ್ ಸ್ಕ್ಯಾನ್​ನ ಬಯೋಮೆಟ್ರಿಕ್ ಮಾಹಿತಿಯನ್ನು ಅಪ್​ಡೇಟ್ ಮಾಡಿಸಬೇಕು.

ಬಾಲ್ ಆಧಾರ್ ಕಾರ್ಡ್ ಮಾಡಿಸಲು ದಾಖಲೆಗಳೇನು ಬೇಕು?

ಆಧಾರ್ ಕಾರ್ಡ್ ಪ್ರತಿಯೊಬ್ಬ ಭಾರತೀಯ ನಾಗರಿಕರಿಗೂ ಮುಖ್ಯವಾಗಿರುವ ಒಂದು ದಾಖಲೆ. 5 ವರ್ಷದೊಳಗಿನ ಮಗುವಿಗೂ ಇದು ಅಗತ್ಯ ಬೀಳಬಹುದು. ಹೀಗಾಗಿ, ಬಹಳ ಮಂದಿ ಈಗ ಮಗು ಒಂದು ವರ್ಷ ತುಂಬುವುದರೊಳಗೆ ಬ್ಲೂ ಆಧಾರ್ ಕಾರ್ಡ್ ಮಾಡಿಸುತ್ತಾರೆ.

ಇದನ್ನೂ ಓದಿ: Best Companies: ಅತ್ಯುತ್ತಮ ಕೆಲಸದ ವಾತಾವರಣ: ಟಿಸಿಎಸ್ ಪ್ರಥಮ; ಬೆಂಗಳೂರಲ್ಲೇ ಹೆಚ್ಚಿವೆ ಬೆಸ್ಟ್ ಕಂಪನಿಗಳು; ಲಿಂಕ್ಡ್​ಇನ್ ರಿಪೋರ್ಟ್

ಬಾಲ್ ಆಧಾರ್ ಕಾರ್ಡ್ ಮಾಡಿಸಬೇಕಾದರೆ ಮಗುವಿನ ಜನನ ಪ್ರಮಾಣಪತ್ರ ನೀಡಬೇಕು. ಮತ್ತು ತಂದೆ ಅಥವಾ ತಾಯಿ ಇಬ್ಬರಲ್ಲಿ ಒಬ್ಬರ ಆಧಾರ್ ಕಾರ್ಡ್ ಬೇಕಾಗುತ್ತದೆ. ಬಾಲ್ ಆಧಾರ್ ಕಾರ್ಡ್​ಗೆ ಒಬ್ಬ ಪೋಷಕರ ಆಧಾರ್ ನಂಬರ್ ಅನ್ನು ಲಿಂಕ್ ಮಾಡಲಾಗುತ್ತದೆ.

ಬಾಲ್ ಆಧಾರ್ ಕಾರ್ಡ್ ಹೇಗೆ ಮಾಡಿಸುವುದು?

• ಯುಐಡಿಎಐನ ಅಧಿಕೃತ ವೆಬ್​ಸೈಟ್ uidai.gov.in ಪ್ರವೇಶಿಸಿ
• ಇಲ್ಲಿ ಕಾಣುವ ಆಧಾರ್ ಕಾರ್ಡ್ ರಿಜಿಸ್ಟ್ರೇಶನ್ ಎಂಬ ಲಿಂಕ್ ಕ್ಲಿಕ್ ಮಾಡಿ
• ಮಗುವಿನ ಹೆಸರು, ಪೋಷಕರ ಫೋನ್ ನಂಬರ್, ಇಮೇಲ್ ವಿಳಾಸ ಇತ್ಯಾದಿ ಮಾಹಿತಿ ತುಂಬಿರಿ
• ಜೊತೆಗೆ ವಾಸಸ್ಥಳ ವಿಳಾಸ, ವಾಸಸ್ಥಳದ ಪ್ರದೇಶ, ಜಿಲ್ಲೆ, ರಾಜ್ಯ ಇತ್ಯಾದಿ ಡೆಮೋಗ್ರಾಫಿಕ್ ಮಾಹಿತಿ ಭರ್ತಿ ಮಾಡಿ.
• ಫಿಕ್ಸೆಡ್ ಅಪಾಯಿಂಟ್ಮೆಂಟ್ ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ.
• ಆಧಾರ್ ಕಾರ್ಡ್​ಗೆ ನೊಂದಣಿ ಮಾಡಲು ನಿಮಗೆ ಬೇಕಾದ ದಿನವನ್ನು ಆಯ್ದುಕೊಳ್ಳಿ
• ನಿಮ್ಮ ಸ್ಥಳಕ್ಕೆ ಹತ್ತಿರ ಇರುವ ಎನ್​ರೋಲ್ಮೆಂಟ್ ಸೆಂಟರ್ ಅನ್ನು ಬೇಕಾದರೆ ಆರಿಸಿಕೊಳ್ಳಬಹುದು.
• ನೀವು ಆಯ್ದುಕೊಂಡ ದಿನದಂದು ಆ ಎನ್​ರೋಲ್​ಮೆಂಟ್ ಕೇಂದ್ರಕ್ಕೆ ಹೋಗಿ ಆಧಾರ್ ಕಾರ್ಡ್ ಮಾಡಿಸಬಹುದು.

ಆನ್​ಲೈನ್​ನಲ್ಲಿ ಬೇಡ ಎನ್ನುವುದಾದರೆ ಎನ್​ರೋಲ್​ಮೆಂಟ್ ಕೇಂದ್ರಕ್ಕೆ ಹೋಗಿ ಅಲ್ಲಿ ನೊಂದಣಿ ದಿನಾಂಕವನ್ನು ಮುಂಗಡವಾಗಿ ಪಡೆದು ಬರಬಹುದು.

ಇದನ್ನೂ ಓದಿ: PAN, Aadhaar: ನಿಮ್ಮ ಪ್ಯಾನ್ ಮತ್ತು ಆಧಾರ್ ಕಾರ್ಡ್ ದುರ್ಬಳಕೆ ಆಗದೇ ಸುರಕ್ಷಿತವಾಗಿರುವಂತೆ ಏನು ಮಾಡಬೇಕು?

ಬಾಲ್ ಆಧಾರ್ ಕಾರ್ಡ್ ಮುಖ್ಯವಾ?

• ಬಾಲ್ ಆಧಾರ್ ಕಾರ್ಡ್ ಅಥವಾ ಬ್ಲೂ ಆಧಾರ್ ಕಾರ್ಡ್ ಕೂಡ ಮಗುವಿನ ಐಡಿ ಪ್ರೂಫ್ ಆಗಿರುತ್ತದೆ.
• ಮಾಮೂಲಿಯ ಆಧಾರ್ ಕಾರ್ಡ್​ನಂತೆ ಬ್ಲೂ ಆಧಾರ್ ಕಾರ್ಡ್ ಕೂಡ 12 ಅಂಕಿಗಳ ಐಡಿ ಸಂಖ್ಯೆ ಹೊಂದಿರುತ್ತದೆ.
• 5 ವರ್ಷದೊಳಗಿನ ಮಕ್ಕಳಿಗೆ ಮಾತ್ರ ಬ್ಲೂ ಆಧಾರ್ ಕಾರ್ಡ್ ಕೊಡಲಾಗುತ್ತದೆ.

ಇನ್ನಷ್ಟು ವ್ಯವಹಾರ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ