Big Saving Days Sale: iPhone14 ಭಾರೀ ಕಡಿಮೆ ಬೆಲೆಗೆ; ಫ್ಲಿಪ್ಕಾರ್ಟ್ನಲ್ಲಿ ಭರ್ಜರಿ ಸೇಲ್ ಆಫರ್ಸ್
Flipkart Offer From March 11-15: ಮಾರ್ಚ್ 11ರಿಂದ 15ರವರೆಗೆ ಐದು ದಿನಗಳ ಕಾಲ ಫ್ಲಿಪ್ಕಾರ್ಟ್ನಲ್ಲಿ ಬಿಗ್ ಸೇವಿಂಗ್ ಡೇಸ್ ಹೆಸರಿನಲ್ಲಿ ಮಾರಾಟ ಸುಗ್ಗಿ ಆಗಲಿದೆ. ಐಫೋನ್, ಗೆಲಾಕ್ಸಿ ಎಸ್21, ಗೂಗಲ್ ಪಿಕ್ಸೆಲ್7 ಮೊದಲಾದ ಬೇಡಿಕೆಯ ಸ್ಮಾರ್ಟ್ಫೋನ್ಗಳು ಕಡಿಮೆ ಬೆಲೆಗೆ ಸಿಗಲಿವೆ.
Updated on:Mar 06, 2023 | 4:14 PM
ಆನ್ಲೈನ್ ಮಾರುಕಟ್ಟೆ ಸ್ಥಳ ಫ್ಲಿಪ್ಕಾರ್ಟ್ನಲ್ಲಿ ಈ ಹೋಳಿ ಸೀಸನ್ನಲ್ಲಿ (Flipkart Sales in Holi Season) ಭರ್ಜರಿ ಆಫರ್ಗಳೊಂದಿಗೆ ಸೇಲ್ ನಡೆಯುತ್ತಿದೆ. ಐಫೋನ್ ಸೇರಿದಂತೆ ಹಲವು ಉತ್ಪನ್ನಗಳಿಗೆ ಭಾರೀ ಡಿಸ್ಕೌಂಟ್ ನೀಡಲಾಗುತ್ತಿದೆ. ಅದರಲ್ಲೂ ಮಾರ್ಚ್ 11ರಿಂದ 15ರವರೆಗೆ ಐದು ದಿನಗಳ ಕಾಲ ಫ್ಲಿಪ್ಕಾರ್ಟ್ನಲ್ಲಿ ಬಿಗ್ ಸೇವಿಂಗ್ ಡೇಸ್ (Flipkart Big Saving Days Sale) ಹೆಸರಿನಲ್ಲಿ ಮಾರಾಟ ಸುಗ್ಗಿ ಆಗಲಿದೆ. ಫ್ಲಿಪ್ಕಾರ್ಟ್ನಲ್ಲಿ ಪ್ಲಸ್ ಫೀಚರ್ನ (Flipkart Plus Membership) ಸದಸ್ಯರಾದವರು ಒಂದು ದಿನ ಮೊದಲೇ ಆಫರ್ಗಳನ್ನು ಪಡೆಯಬಹುದು.
ಭಾರೀ ಬೇಡಿಕೆಯಲ್ಲಿರುವ ಮತ್ತು ಭಾರೀ ಪ್ರತಿಷ್ಠೆ ಎನಿಸಿರುವ ಐಫೋನ್14 ಸರಣಿಯ ಫೋನ್ಗಳಿಗೆ ಫ್ಲಿಪ್ಕಾರ್ಟ್ನಲ್ಲಿ ಭರ್ಜರಿ ರಿಯಾಯಿತಿ ಇಡಲಾಗುತ್ತಿದೆ ಎಂಬಂತಹ ಮಾಹಿತಿಯನ್ನು ಸ್ವತಃ ಫ್ಲಿಪ್ಕಾರ್ಟ್ ನೀಡಿದೆ. ಗೂಗಲ್ ಪಿಕ್ಸೆಲ್, ಸ್ಯಾಮ್ಸುಂಗ್, ಪೋಕೋ, ರಿಯಲ್ಮಿ, Nothing ಮೊದಲಾದ ಕಂಪನಿಗಳ ಹೊಚ್ಚ ಹೊಸ ಮಾಡೆಲ್ಗಳು ಡಿಸ್ಕೌಂಟ್ ದರದಲ್ಲಿ ಫ್ಲಿಪ್ಕಾರ್ಟ್ನಲ್ಲಿ ಖರೀದಿಸಬಹುದು.
70 ಸಾವಿರಕ್ಕಿಂತ ಕಡಿಮೆ ಬೆಲೆಗೆ ಐಫೋನ್14?
ಫ್ಲಿಪ್ಕಾರ್ಟ್ನಲ್ಲಿ ಐಫೋನ್14 ಫೋನ್ಗಳಿಗೆ ಒಳ್ಳೆಯ ರಿಯಾಯಿತಿ ಸಿಗುತ್ತದೆ ಎಂದು ಹೇಳಲಾಗಿದೆಯಾದರೂ ಎಷ್ಟು ಡಿಸ್ಕೌಂಟ್ ಎಂಬುದು ಬಹಿರಂಗವಾಗಿಲ್ಲ. ಐಫೋನ್14 ಮೊಬೈಲ್ಗಳ ಬೆಲೆ 80,000 ರೂನಿಂದ ಆರಂಭವಾಗುತ್ತದೆ. ಫ್ಲಿಪ್ಕಾರ್ಟ್ನಲ್ಲಿ 70,000 ರೂಗಿಂತ ಕಡಿಮೆ ಬೆಲೆಗೆ ಸಿಗುವ ಸಾಧ್ಯತೆ ದಟ್ಟವಾಗಿದೆ. ಜೊತೆಗೆ, ಬ್ಯಾಂಕ್ ಸಾಲ, ಇಎಂಐ ಇತ್ಯಾದಿ ಅವಕಾಶಗಳು ಮಾಮೂಲಿಯಾಗಿಯೇ ಇರುತ್ತವೆ. ಇದು ಫ್ಲಿಪ್ಕಾರ್ಟ್ ಬಿಗ್ ಸೇವಿಂಗ್ ಡೇಸ್ ಸೇಲ್ನಲ್ಲಿಯೂ ಇರುತ್ತದೆ.
ಇದನ್ನೂ ಓದಿ: FD Rates: ಬಜಾಜ್ ಫೈನಾನ್ಸ್ನಲ್ಲಿ ಠೇವಣಿಗಳಿಗೆ ಶೇ. 8.20ರವರೆಗೆ ಬಡ್ಡಿ; ಇಲ್ಲಿದೆ ವಿವರ
ಗೆಲಾಕ್ಸಿ ಎಸ್21ಎಫ್ಇ
ಇನ್ನು ಸ್ಯಾಮ್ಸುಂಗ್ ಗೆಲಾಕ್ಸಿ S21FE ಮೊಬೈಲ್ 12,990 ರೂಗೆ ಫ್ಲಿಪ್ಕಾರ್ಟ್ನಲ್ಲಿ ಮಾರ್ಚ್ 11ರಿಂದ 15ರವರೆಗೂ ಸಿಗಲಿದೆ. ಆದರೆ, ಈ ಸ್ಮಾರ್ಟ್ಫೋನ್ನ ಡಿಸ್ಕೌಂಟ್ ಆಫರ್ನಲ್ಲಿ ಕೆಲವೊಂದಿಷ್ಟು ಷರುತ್ತುಗಳಿದ್ದು ಅವೇನೆಂದು ಇನ್ನಷ್ಟೇ ಬಹಿರಂಗವಾಗಬೇಕು.
ರೆಡ್ಮಿ ನೋಟ್ 12 ಪ್ರೋ+, ಗೂಗಲ್ ಪಿಕ್ಸೆಲ್ 7, ನಥಿಂಗ್ ಫೋನ್ ಮೊದಲಾದ ಸ್ಮಾರ್ಟ್ಫೋನ್ಗಳೂ ಕೂಡ ಭಾರೀ ರಿಯಾಯಿತಿಯಲ್ಲಿ ಫ್ಲಿಪ್ಕಾರ್ಟ್ನಲ್ಲಿ ಲಭ್ಯ ಇರಲಿವೆ. 60 ಸಾವಿರ ರೂ ಬೆಲೆಯ ಗೂಗಲ್ ಪಿಕ್ಸೆಲ್ 7 ಸ್ಮಾರ್ಟ್ಫೋನ್ ಫೆಸ್ಟಿವ್ ಸೇಲ್ ಆಫರ್ನಲ್ಲಿ 50 ಸಾವಿರ ರೂಗಿಂತ ಅಗ್ಗದ ಬೆಲೆಗೆ ಸಿಗಲಿದೆ. ಇನ್ನು ಲಂಡನ್ ಮೂಲದ ನಥಿಂಗ್ ಟೆಕ್ನಾಲಜೀಸ್ ಕಂಪನಿಯ Nothing Phone (1) ಬೆಲೆ 30 ಸಾವಿರ ರೂ ಒಳಗೆ ಇರಲಿದೆ ಎಂಬ ಮಾಹಿತಿ ಇದೆ.
ಇದನ್ನೂ ಓದಿ: Gold Bond: ಕಡಿಮೆ ಬೆಲೆಗೆ ಸರ್ಕಾರದಿಂದ ಚಿನ್ನ; ಮಾರ್ಚ್ 10ರವರೆಗೆ ಹೂಡಿಕೆ ಅವಕಾಶ
ಫ್ಲಿಪ್ಕಾರ್ಟ್ನಲ್ಲಿ ಬಿಗ್ ಸೇವಿಂಗ್ ಡೇಸ್ ಸೇಲ್ 2023ರ ಮಾರ್ಚ್ 11ರಿಂದ 15ರವರೆಗೂ ಇರಲಿದೆ. ಫ್ಲಿಪ್ಕಾರ್ಟ್ನ ಪ್ಲಸ್ ಗ್ರಾಹಕರಿಗೆ ಮಾರ್ಚ್ 10ರಿಂದಲೇ ಆಫರ್ಗಳು ಸಿಗುತ್ತವೆ. ಪ್ಲಸ್ ಅಕೌಂಟ್ ಹೊಂದಿರುವ ಗ್ರಾಹಕರಿಗೆ ಉಚಿತ ಡೆಲಿವರಿ ಸೇರಿದಂತೆ ಹಲವು ಸೌಲಭ್ಯಗಳನ್ನು ನೀಡಲಾಗುತ್ತದೆ.
ಇನ್ನಷ್ಟು ವ್ಯವಹಾರಗಳ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 4:14 pm, Mon, 6 March 23
