Indian Railways Alert: ನ. 21- 22ರವರೆಗೆ ರಾತ್ರಿ ವೇಳೆ ಆರು ಗಂಟೆಗಳ ಕಾಲ ರೈಲ್ವೇಸ್ ಪಿಆರ್​ಎಸ್​ ಸೇವೆ ಲಭ್ಯವಿಲ್ಲ

ಭಾರತೀಯ ರೈಲ್ವೇಸ್‌ನ ಪ್ರಯಾಣಿಕರ ಕಾಯ್ದಿರಿಸುವಿಕೆ ವ್ಯವಸ್ಥೆಯು (ಪಿಆರ್‌ಎಸ್) ಮುಂದಿನ ಏಳು ದಿನಗಳವರೆಗೆ (ನವೆಂಬರ್ 14ರಿಂದ 21-22) ಕಡಿಮೆ ವಹಿವಾಟು ಸಮಯವಾದ ರಾತ್ರಿಯ ಸಮಯದಲ್ಲಿ ಆರು ಗಂಟೆಗಳ ಕಾಲ ಲಭ್ಯ ಇರುವುದಿಲ್ಲ ಎಂದು ರೈಲ್ವೆ ಸಚಿವಾಲಯ ಭಾನುವಾರ ತಿಳಿಸಿದೆ. ಪ್ರಯಾಣಿಕರ ಸೇವೆಗಳನ್ನು ಹಂತಹಂತವಾಗಿ ಕೊವಿಡ್ ಪೂರ್ವದ ಮಟ್ಟಕ್ಕೆ ಸಹಜ ಸ್ಥಿತಿಗೆ ತರುವ ರೈಲ್ವೆಯ ಪ್ರಯತ್ನಗಳ ಭಾಗವಾಗಿ ಸಿಸ್ಟಮ್ ಡೇಟಾವನ್ನು ನವೀಕರಿಸಲು ಮತ್ತು ಹೊಸ ರೈಲು ಸಂಖ್ಯೆಗಳ ನವೀಕರಣ ಸಕ್ರಿಯಗೊಳಿಸಲು ಇದನ್ನು ಮಾಡಲಾಗುತ್ತಿದೆ. “ಪ್ರಯಾಣಿಕರ ಸೇವೆಗಳನ್ನು ಸಹಜ ಸ್ಥಿತಿಗೆ ಮತ್ತು ಹಂತ ಹಂತವಾಗಿ ಕೊವಿಡ್ ಪೂರ್ವ ಮಟ್ಟಕ್ಕೆ ಹಿಂತಿರುಗಿಸುವ ರೈಲ್ವೆಯ ಪ್ರಯತ್ನಗಳ ಭಾಗವಾಗಿ, ರೈಲ್ವೆ ಪ್ರಯಾಣಿಕರ ಕಾಯ್ದಿರಿಸುವಿಕೆ ವ್ಯವಸ್ಥೆಯನ್ನು (PRS) ರಾತ್ರಿ ವೇಳೆ ಕಡಿಮೆ ವ್ಯವಹಾರ ನಡೆಸುವ ಸಮಯದಲ್ಲಿ 0600 ಗಂಟೆಗಳ ಕಾಲ ಮುಂದಿನ 7 ದಿನಗಳವರೆಗೆ ಸ್ಥಗಿತಗೊಳಿಸಲಾಗುತ್ತದೆ. ಇದು ಸಿಸ್ಟಂ ಡೇಟಾವನ್ನು ನವೀಕರಿಸಲು ಮತ್ತು ಹೊಸ ರೈಲು ಸಂಖ್ಯೆಗಳನ್ನು ನವೀಕರಿಸಲು ಅನುವು ಮಾಡಿಕೊಡುತ್ತದೆ,” ಎಂದು ಸಚಿವಾಲಯದ ಹೇಳಿಕೆ ಸೇರಿಸಲಾಗಿದೆ.

PRS ಸ್ಥಗಿತಗೊಳಿಸುವಿಕೆ 23:30 ಗಂಟೆಗೆ (ರಾತ್ರಿ 11.30ಕ್ಕೆ) ಪ್ರಾರಂಭವಾಗುತ್ತದೆ ಮತ್ತು ನವೆಂಬರ್ 14 ಮತ್ತು ನವೆಂಬರ್ 15ರ ಮಧ್ಯಂತರ ರಾತ್ರಿಯಲ್ಲಿ 05:30 ಗಂಟೆಗೆ (ಬೆಳಗ್ಗೆ 5.30ಕ್ಕೆ) ಕೊನೆಗೊಳ್ಳುತ್ತದೆ ಮತ್ತು ನವೆಂಬರ್ 21-22ರವರೆಗೆ ಅದೇ ಸಮಯದಲ್ಲಿ ಪ್ರತಿ ರಾತ್ರಿ ಮುಂದುವರಿಯುತ್ತದೆ. “ಹಿಂದಿನ (ಹಳೆಯ ರೈಲು ಸಂಖ್ಯೆಗಳು) ಮತ್ತು ಪ್ರಸ್ತುತ ಪ್ರಯಾಣಿಕರ ಬುಕಿಂಗ್ ಡೇಟಾವನ್ನು ಎಲ್ಲ ಮೇಲ್, ಎಕ್ಸ್‌ಪ್ರೆಸ್ ರೈಲುಗಳಲ್ಲಿ ನವೀಕರಿಸಬೇಕಾಗಿರುವುದರಿಂದ ಇದನ್ನು ಎಚ್ಚರಿಕೆಯಿಂದ ಮಾಪನಾಂಕ ಕ್ರಮಗಳ ಸರಣಿಯಲ್ಲಿ ಯೋಜಿಸಲಾಗಿದೆ. ಮತ್ತು ಟಿಕೆಟಿಂಗ್‌ ಸೇವೆಗಳ ಮೇಲಿನ ಪರಿಣಾಮವನ್ನು ಕಡಿಮೆ ಮಾಡಲು ರಾತ್ರಿಯ ಸಮಯದಲ್ಲಿ ಅಳವಡಿಸಲಾಗಿದೆ,” ಎಂದು ಸಚಿವಾಲಯ ಹೇಳಿದೆ.

ಟಿಕೆಟ್ ಕಾಯ್ದಿರಿಸುವಿಕೆ, ಕರೆಂಟ್ ಬುಕಿಂಗ್, ರದ್ದತಿ ಮತ್ತು ವಿಚಾರಣೆ ಸೇವೆಗಳಂತಹ PRS ವ್ಯವಸ್ಥೆಯನ್ನು ಬಳಸಿಕೊಳ್ಳುವ ಸೇವೆಗಳು ಈ 6 ಗಂಟೆಗಳಲ್ಲಿ 23:30 ಗಂಟೆಗಳಿಂದ 05:30 ಗಂಟೆಗಳವರೆಗೆ ಈ ಏಳು ರಾತ್ರಿಗಳಲ್ಲಿ ಲಭ್ಯವಿರುವುದಿಲ್ಲ ಎಂದು ಸಚಿವಾಲಯ ತಿಳಿಸಿದೆ. ಈ ಅವಧಿಯಲ್ಲಿ ರೈಲ್ವೆ ಸಿಬ್ಬಂದಿ ರೈಲುಗಳು ಪ್ರಾರಂಭವಾಗುವಂತೆ ಮುಂಗಡ ಚಾರ್ಟ್ ಅನ್ನು ಖಚಿತಪಡಿಸಿಕೊಳ್ಳುತ್ತಾರೆ. PRS ಸೇವೆಗಳನ್ನು ಹೊರತುಪಡಿಸಿ 139 ಸೇವೆಗಳು ಸೇರಿದಂತೆ ಎಲ್ಲ ಇತರ ವಿಚಾರಣೆ ಸೇವೆಗಳು ಅಡೆತಡೆಯಿಲ್ಲದೆ ಮುಂದುವರಿಯುತ್ತವೆ.

ಇದನ್ನೂ ಓದಿ: Yesvantpur Railway Station: ವಿಮಾನ ನಿಲ್ದಾಣದಂತೆ ಕಂಗೊಳಿಸುತ್ತಿದೆ ಯಶವಂತಪುರ ರೈಲ್ವೆ ನಿಲ್ದಾಣ; 12 ಕೋಟಿ ರೂ. ವೆಚ್ಚದಲ್ಲಿ ಮೇಲ್ದರ್ಜೆಗೆ ಏರಿಕೆ