ಈ ದಾಖಲೆಗಳಿದ್ರೆ ಎಲ್‌ಪಿಜಿ ಗ್ಯಾಸ್ ಕನೆಕ್ಷನ್ ವಿಳಾಸ ಬದಲಾವಣೆ ಸುಲಭ

ಗ್ಯಾಸ್ ಇಲ್ಲದೇ ಹೋದರೆ ಅಡುಗೆನೇ ಆಗಲ್ಲ. ಹೌದು, ಎಲ್‌ಪಿಜಿ ಗ್ಯಾಸ್ (LPG Gas) ಪ್ರತಿಯೊಬ್ಬರ ಅಡುಗೆ ಮನೆಯ ಅವಿಭಾಜ್ಯ ಅಂಗವಾಗಿದೆ. ಇದು ಕೇವಲ ಗೃಹಬಳಕೆಗೆ ಮಾತ್ರವಲ್ಲ, ರೆಸ್ಟೋರೆಂಟ್ ಹಾಗೂ ಹೋಟೆಲ್ ಗಳಲ್ಲಿ ಗ್ಯಾಸ್ ಸಿಲಿಂಡರ್ ಗಳನ್ನೇ ಬಳಸುತ್ತಾರೆ. ನಿಮ್ಮ ಗ್ಯಾಸ್ ಕನೆಕ್ಷನ್ ವಿಳಾಸ ಬದಲಾಯಿಸಲು ಅವಕಾಶವಿದೆ. ಪ್ರಸ್ತುತ ವಿತರಕರು ಹೊಸ ವಿಳಾಸಕ್ಕೂ ಗ್ಯಾಸ್ ಸಿಲಿಂಡರ್ ತಲುಪಿಸುತ್ತಾರೆ ಎಂದಾದರೆ ವಿಳಾಸ ಬದಲಾವಣೆ ಪ್ರಕ್ರಿಯೆ ತುಂಬಾ ಸುಲಭ. ಈ ಕೆಲವು ದಾಖಲೆಗಳು ನಿಮ್ಮ ಬಳಿಯಿದ್ದರೆ ಅಗತ್ಯ ಬದಲಾವಣೆ ಮಾಡಿಕೊಳ್ಳಬಹುದು.

ವಿಳಾಸ ಬದಲಾವಣೆಗೆ ಬೇಕಾಗುವ ಅಗತ್ಯ ದಾಖಲೆಗಳು

• ಹೊಸ ವಿಳಾಸದ ಪುರಾವೆ: ಆಧಾರ್ ಕಾರ್ಡ್, ಬಾಡಿಗೆ ಒಪ್ಪಂದ ಪತ್ರ, ನೀರಿನ ಬಿಲ್, ವಿದ್ಯುತ್ ಬಿಲ್ ಅಥವಾ ಪಾಸ್‌ಪೋರ್ಟ್.
• ಹಳೆಯ ಗ್ಯಾಸ್ ದಾಖಲೆಗಳು: ಗ್ಯಾಸ್ ಪಾಸ್‌ಬುಕ್ ಹಾಗೂ ಗ್ರಾಹಕ ಸಂಖ್ಯೆ.
• ಗುರುತಿನ ಚೀಟಿ: ಆಧಾರ್ ಕಾರ್ಡ್ ಅಥವಾ ವೋಟರ್ ಐಡಿ.

ಬೇರೆ ಏರಿಯಾಕ್ಕೆ ಶಿಫ್ಟ್ ಆಗುತ್ತಿದ್ದರೆ ಗ್ಯಾಸ್ ಕಲೆಕ್ಷನ್ ವಿಳಾಸ ಬದಲಾಯಿಸುವುದು ಹೇಗೆ?

ಹಂತ 1: ನೀವು ಗ್ಯಾಸ್ ಏಜೆನ್ಸಿ ಕಚೇರಿಗೆ ಭೇಟಿ ನೀಡಿ ಟ್ರಾನ್ಸ್‌ಫರ್ ಟರ್ಮಿನೇಷನ್ ವೋಚರ್ ಅಥವಾ ವರ್ಗಾವಣೆ ವಿನಂತಿ ಫಾರ್ಮ್‌ ಪಡೆದುಕೊಳ್ಳಿ.

ಹಂತ 2: ನಿಮ್ಮ ಹೊಸ ಏರಿಯಾದ ಗ್ಯಾಸ್ ಏಜೆನ್ಸಿಗೆ ಭೇಟಿ ನೀಡಿ ಟ್ರಾನ್ಸ್‌ಫರ್ ಟರ್ಮಿನೇಷನ್ ವೋಚರ್ ಸಲ್ಲಿಸಿ.

ಹಂತ 3: ನಿಮ್ಮ ಹೊಸ ವಿಳಾಸದ ದಾಖಲೆ ಹಾಗೂ ಕೆವೈಸಿ ಫಾರ್ಮ್ ಸಲ್ಲಿಸಿದರೆ, ಹೊಸ ವಿಳಾಸ ಅಪ್‌ಡೇಟ್ ಆಗುತ್ತದೆ. ಸಿಲಿಂಡರ್ ಬುಕ್ ಮಾಡಿದಾಗ ಹೊಸ ವಿಳಾಸಕ್ಕೆ ಸಿಲಿಂಡರ್ ಬರುತ್ತದೆ.

ಇದನ್ನೂ ಓದಿ: ಗ್ರಾಮೀಣ ಭಾಗದಲ್ಲಿ ಎಲ್​ಪಿಜಿ ರೀಫಿಲ್ ಬುಕಿಂಗ್​ಗಳ ನಡುವಿನ ಅಂತರ 45 ರಿಂದ 25 ದಿನಗಳಿಗೆ ಇಳಿಕೆ; ದೇಶದೆಲ್ಲೆಡೆ ಏಕರೀತಿಯ ಬುಕಿಂಗ್ ನಿಯಮ

ಬೇರೆ ನಗರಕ್ಕೆ ಸ್ಥಳಾಂತರಗೊಳ್ಳುತ್ತಿದ್ದರೆ ಗ್ಯಾಸ್ ಕಲೆಕ್ಷನ್ ವಿಳಾಸ ಬದಲಾವಣೆ ಹೇಗೆ?

ಹಂತ 1: ಮೊದಲಿಗೆ ನಿಮ್ಮ ಹಳೆಯ ಸಿಲಿಂಡರ್ ಹಾಗೂ ಪ್ರೆಶರ್ ರೆಗ್ಯುಲೇಟರ್ ಏಜೆನ್ಸಿಗೆ ಹಿಂದಿರುಗಿಸಿ ನೀವಿಟ್ಟ ಡೆಪಾಸಿಟ್ ಹಣ ಪಡೆದುಕೊಳ್ಳಿ.

ಹಂತ 2: ನಿಮಗೆ ಸಿಗುವ ಟರ್ಮಿನೇಷನ್ ವೋಚರ್ ಬಳಸಿಕೊಂಡು ನೀವು ಶಿಫ್ಟ್ ಆದ ನಗರದ ಗ್ಯಾಸ್ ಏಜೆನ್ಸಿಯಲ್ಲಿ ಹೊಸ ಕನೆಕ್ಷನ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿಕೊಳ್ಳಿ.

ಹಂತ 3: ಗ್ಯಾಸ್ ಏಜೆನ್ಸಿಯಲ್ಲಿ ಹೊಸ ಕನೆಕ್ಷನ್ ಪ್ರಕ್ರಿಯೆಗೆ ನೀವು ಮೇಲೆ ಹೇಳಿದ ದಾಖಲೆಗಳನ್ನು ನೀಡುವುದು ಅಗತ್ಯ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ