GST Collection: ಜಿಎಸ್​ಟಿ ಜೂನ್ ತಿಂಗಳ ಸಂಗ್ರಹ 1.45 ಲಕ್ಷ ಕೋಟಿ ರೂಪಾಯಿ; ಶೇ 56ರಷ್ಟು ದಾಖಲೆಯ ಹೆಚ್ಚಳ

2022ನೇ ಇಸವಿಯ ಜೂನ್​ ತಿಂಗಳ ಜಿಎಸ್​ಟಿ ಸಂಗ್ರಹ ಸರ್ಕಾರಕ್ಕೆ 1.45 ಲಕ್ಷ ಕೋಟಿ ರೂಪಾಯಿಗೆ ತಲುಪಿ, ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇ 56ರಷ್ಟು ಹೆಚ್ಚಳ ಆಗಿದೆ.

GST Collection: ಜಿಎಸ್​ಟಿ ಜೂನ್ ತಿಂಗಳ ಸಂಗ್ರಹ 1.45 ಲಕ್ಷ ಕೋಟಿ ರೂಪಾಯಿ; ಶೇ 56ರಷ್ಟು ದಾಖಲೆಯ ಹೆಚ್ಚಳ
ಸಾಂದರ್ಭಿಕ ಚಿತ್ರ
TV9kannada Web Team

| Edited By: Srinivas Mata

Jul 01, 2022 | 4:42 PM

ಜೂನ್ ತಿಂಗಳ ಸಗಟು ಜಿಎಸ್​ಟಿ (GST) ಸಂಗ್ರಹ 1.45 ಲಕ್ಷ ಕೋಟಿ ರೂಪಾಯಿಯಷ್ಟಾಗಿದೆ. ಕಳೆದ ವರ್ಷದ ಇದೇ ತಿಂಗಳಿಗೆ ಹೋಲಿಸಿದರೆ ಶೇ 56ರಷ್ಟು ಹೆಚ್ಚಳ ಆಗಿದೆ. ಗ್ರಾಸ್ ಸರಕು ಮತ್ತು ಸೇವಾ ತೆರಿಗೆ ಸಂಗ್ರಹವು ಜೂನ್ ತಿಂಗಳಿಗೆ 1.45 ಲಕ್ಷ ಕೋಟಿ ರೂಪಾಯಿಯಷ್ಟಾಗಿದೆ. ಒಂದು ವರ್ಷದ ಹಿಂದೆ ಇದೇ ಅವಧಿಗೆ ಹೋಲಿಸಿದರೆ ಶೇ 56ರಷ್ಟು ಜಾಸ್ತಿ ಆಗಿದೆ ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಜುಲೈ 1ನೇ ತಾರೀಕಿನಂದು ಹೇಳಿದ್ದಾರೆ. ನಾವು ಈ ಜಿಎಸ್​ ಆದಾಯವವನ್ನು 1.40 ಲಕ್ಷ ಕೋಟಿ ರೂಪಾಯಿಗಿಂತ ಹೆಚ್ಚಿಗೆ ತೋರಿಸುತ್ತಿದ್ದೇವೆ ಎಂದು ಹಣಕಾಸು ಸಚಿವೆ ಹೇಳಿದ್ದಾರೆ. “ಜೂನ್ 2022ರಲ್ಲಿ ಆದ ಜಿಎಸ್​ಟಿ ಸಂಗ್ರಹ ಎರಡನೇ ಅತ್ಯಧಿಕವಾಗಿದೆ. ಆದರೆ ಹಿಂದೆ ಗಮನಿಸಿದಂತೆ ಕಡಿಮೆ ಸಂಗ್ರಹ ತಿಂಗಳ ಟ್ರೆಂಡ್ ಅನ್ನು ಮುರಿದಿದೆ,” ಎಂದು ಸರ್ಕಾರವು ಹೇಳಿಕೆಯಲ್ಲಿ ತಿಳಿಸಿದೆ. “ಆರ್ಥಿಕ ಚೇತರಿಕೆ, ವಂಚನೆ-ವಿರೋಧಿ ಚಟುವಟಿಕೆಗಳು, ವಿಶೇಷವಾಗಿ ನಕಲಿ ಬಿಲ್ಲರ್‌ಗಳ ವಿರುದ್ಧ ಕ್ರಮಗಳು ವರ್ಧಿತ ಜಿಎಸ್‌ಟಿಗೆ ಕೊಡುಗೆ ನೀಡುತ್ತಿವೆ. ಜಿಎಸ್‌ಟಿ ಜಾರಿಯಾದ ನಂತರ ಈ ತಿಂಗಳ ಒಟ್ಟು ಸೆಸ್ ಸಂಗ್ರಹವು ಅತ್ಯಧಿಕವಾಗಿದೆ.”

ಜೂನ್‌ನಲ್ಲಿ ಸಿಜಿಎಸ್‌ಟಿ ಆದಾಯ 25,306 ಕೋಟಿ ರೂ., ಎಸ್‌ಜಿಎಸ್‌ಟಿ ರೂ. 32,406 ಕೋಟಿ, ಐಜಿಎಸ್‌ಟಿ ರೂ. 75,887 ಕೋಟಿ ಮತ್ತು ಜಿಎಸ್‌ಟಿ ಪರಿಹಾರ ಸೆಸ್ 11,018 ಕೋಟಿ ರೂ. ಸರ್ಕಾರವು ಐಜಿಎಸ್‌ಟಿಯಿಂದ ಸಿಜಿಎಸ್‌ಟಿಗೆ ರೂ. 29,588 ಕೋಟಿ ಮತ್ತು ಎಸ್‌ಜಿಎಸ್‌ಟಿಗೆ ರೂ. 24,235 ಕೋಟಿ ಇತ್ಯರ್ಥಪಡಿಸಿತು. ಹೆಚ್ಚುವರಿಯಾಗಿ, ಕೇಂದ್ರ ಮತ್ತು ರಾಜ್ಯಗಳ ನಡುವಿನ 50:50 ಅನುಪಾತದಲ್ಲಿ ತಾತ್ಕಾಲಿಕ ಆಧಾರದ ಮೇಲೆ ಕೇಂದ್ರವು 27,000 ಕೋಟಿ ರೂಪಾಯಿ ಐಜಿಎಸ್​ಟಿಯನ್ನು ಇತ್ಯರ್ಥಪಡಿಸಿತು. ನಿಯಮಿತ ಮತ್ತು ತಾತ್ಕಾಲಿಕ ಇತ್ಯರ್ಥದ ನಂತರ ಜೂನ್‌ನಲ್ಲಿ ಕೇಂದ್ರ ಮತ್ತು ರಾಜ್ಯಗಳ ಒಟ್ಟು ಆದಾಯವು ಸಿಜಿಎಸ್​ಟಿಗಾಗಿ 68,394 ಕೋಟಿ ಮತ್ತು ಎಸ್​ಜಿಎಸ್​ಟಿಗಾಗಿ 70,141 ಕೋಟಿ ರೂಪಾಯಿ.

ಜಿಎಸ್‌ಟಿ ಆದಾಯದಲ್ಲಿ ಶೇ 56ರಷ್ಟು ವರ್ಷದ ಬೆಳವಣಿಗೆಯು ಆರ್ಥಿಕ ಚೇತರಿಕೆಯಿಂದ ಪ್ರಯೋಜನಗಳನ್ನು ಪಡೆಯುತ್ತದೆ ಮತ್ತು ಕಡಿಮೆ ಮೂಲ ಹಾಗೂ ಉತ್ಪನ್ನಗಳ ಹಣದುಬ್ಬರಕ್ಕೆ ಹೆಚ್ಚಿದ ಸರಕುಗಳ ಬೆಲೆಗಳ ಪ್ರಸರಣದಿಂದ ಉತ್ತೇಜಿತವಾಗಿದೆ ಎಂದು ICRAದ ಮುಖ್ಯ ಅರ್ಥಶಾಸ್ತ್ರಜ್ಞ ಅದಿತಿ ನಾಯರ್ ಹೇಳಿದ್ದಾರೆ. ಇನ್ನೂ ಸಂಗ್ರಹಗಳು ಆಕರ್ಷಕವಾಗಿವೆ. FY23ಗಾಗಿ ICRA ನಿರೀಕ್ಷಿಸುವ ಮಾಸಿಕ ಸರಾಸರಿಯನ್ನು ಟ್ರ್ಯಾಕ್ ಮಾಡುತ್ತದೆ. ಇದು 6.6 ಲಕ್ಷ ಕೋಟಿ ರೂಪಾಯಿಗಳ CGSTಗಾಗಿ ಅದರ ಬಜೆಟ್ ಅಂದಾಜುಗಳಿಗೆ ಹೋಲಿಸಿದರೆ ಸರ್ಕಾರಕ್ಕೆ ಸುಮಾರು 1.2 ಲಕ್ಷ ಕೋಟಿ ರೂಪಾಯಿಗಳ ಗಣನೀಯ ಏರಿಕೆಯನ್ನು ಸೂಚಿಸುತ್ತದೆ ಎಂದು ಅವರು ಹೇಳಿದರು.

“ಹಣಕಾಸು ವರ್ಷ 2023ರಲ್ಲಿ ಜಿಎಸ್​ಟಿ ಸಂಗ್ರಹ ಸುಮಾರು ಶೇ 17ರಷ್ಟು ವೇಗದಲ್ಲಿ ಬೆಳವಣಿಗೆಯಾದರೆ, ಜಿಎಸ್​ಟಿ ಪರಿಹಾರ ಅವಧಿಯ ಅಂತ್ಯವನ್ನು ಅನೇಕ ರಾಜ್ಯಗಳು ತಡೆದುಕೊಳ್ಳಲು ಸಾಧ್ಯವಾಗುತ್ತದೆ. ಆದರೆ ಕೆಲವು ರಾಜ್ಯಗಳು ತಮ್ಮ ಆದಾಯದ ಮೂಲಗಳಲ್ಲಿ ಜಿಎಸ್‌ಟಿ ಪರಿಹಾರದ ಮೇಲೆ ತುಲನಾತ್ಮಕವಾಗಿ ಹೆಚ್ಚಿನ ಅವಲಂಬನೆಯನ್ನು ಹೊಂದಿದ್ದು, ಹಣಕಾಸಿನ ವರ್ಷ 2023 ನಿರ್ದಿಷ್ಟವಾಗಿ ಸವಾಲಿನ ವರ್ಷವಾಗಿದೆ,” ಎಂದು ನಾಯರ್ ಹೇಳಿದರು. ಈ ವರ್ಷ ಜೂನ್ 30ಕ್ಕೆ ರಾಜ್ಯಗಳಿಗೆ GST ಪರಿಹಾರ ಕೊನೆಗೊಂಡಿದೆ. ಒಂದು ಡಜನ್ ರಾಜ್ಯಗಳು ಪರಿಹಾರವನ್ನು ವಿಸ್ತರಿಸಬೇಕೆಂದು ಕೇಳಿಕೊಂಡಿದ್ದರೂ ಈ ಸಮಸ್ಯೆಯ ಬಗ್ಗೆ ಇನ್ನೂ ಯಾವುದೇ ನಿರ್ಧಾರವಾಗಿಲ್ಲ. ಆಗಸ್ಟ್ ಮೊದಲ ವಾರದಲ್ಲಿ ಜಿಎಸ್‌ಟಿ ಸಮಿತಿ ಸಭೆ ನಡೆಯಲಿದೆ.

ಇದನ್ನೂ ಓದಿ: GST Rates Revision: ಜಿಎಸ್​ಟಿ ಪರಿಷ್ಕರಣೆ ನಂತರ ದುಬಾರಿ- ಅಗ್ಗ ಆದ ವಸ್ತುಗಳು ಯಾವುವು ಎಂಬ ಪಟ್ಟಿ ಇಲ್ಲಿದೆ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada