53ನೇ ಜಿಎಸ್ಟಿ ಕೌನ್ಸಿಲ್ ಸಭೆ ಮುಖ್ಯಾಂಶಗಳು; ಬದಲಾದ ತೆರಿಗೆಗಳ ಪಟ್ಟಿ

53rd GST Council Meeting highlights: ಜಿಎಸ್ಟಿ ಕೌನ್ಸಿಲ್ ಸಭೆ ಜೂನ್ 22ರಂದು ನಡೆಯಿತು. ಕೆಲ ಸರಕು ಮತ್ತು ಸೇವೆಗಳಿಗೆ ಜಿಎಸ್ಟಿ ವಿನಾಯಿತಿ ಘೋಷಿಸಲಾಗಿದೆ. ಸೋಲಾರ್ ಕುಕರ್, ಪೇಪರ್ ಕಾರ್ಟನ್ ಬಾಕ್ಸ್, ಸ್ಪ್ರಿಂಕ್ಲರ್ಗಳ ಜಿಎಸ್ಟಿ ದರವನ್ನು ಇಳಿಸಲಾಗಿದೆ. ಜಿಎಸ್ಟಿ ರಿಜಿಸ್ಟ್ರೇಶನ್ನಲ್ಲಿ ವಂಚನೆ ತಡೆಯಲು ನೊಂದಣಿ ವೇಳೆ ಬಯೋಮೆಟ್ರಿಕ್ ಆಧಾರ್ ದೃಢೀಕರಣ ಅಗತ್ಯಪಡಿಸಲಾಗಿದೆ.

ಜಿಎಸ್ಟಿ

ಸುಗ್ಗನಹಳ್ಳಿ ವಿಜಯಸಾರಥಿ |
Updated on: Jun 24, 2024 | 1:02 PM

ನವದೆಹಲಿ, ಜೂನ್ 24: ಇದೇ ಶುಕ್ರವಾರ ನಡೆದ 53ನೇ ಜಿಎಸ್ಟಿ ಮಂಡಳಿ ಸಭೆಯಲ್ಲಿ (GST council meeting) ಹಲವು ಮಹತ್ವದ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗಿದೆ. ಜಿಎಸ್ಟಿ ದರ ಪರಿಷ್ಕರಣೆ, ವಿನಾಯಿತಿ, ರಿಯಾಯಿತಿ ಇತ್ಯಾದಿ ಕ್ರಮಗಳನ್ನು ಈ ಸಭೆಯಲ್ಲಿ ತೆಗೆದುಕೊಳ್ಳಲಾಯಿತು. ಸೋಲಾರ್ ಕುಕರ್, ಕಾರ್ಟನ್ ಬಾಕ್ಸ್, ಮಿಲ್ಕ್ ಕ್ಯಾನ್ ಇತ್ಯಾದಿಗಳಿಗೆ ಜಿಎಸ್ಟಿ ಪರಿಷ್ಕರಣೆ ಮಾಡಲಾಗಿದೆ. ಕೆಲ ಆಮದುಗಳಿಗೆ ಐಜಿಎಸ್ಟಿಯಿಂದ ವಿನಾಯಿತಿ ಕೊಡಲಾಗಿದೆ. ಜಿಎಸ್ಟಿ ಸಭೆಯಲ್ಲಿ ತೆಗೆದುಕೊಳ್ಳಲಾದ ಕೆಲ ಮಹತ್ವದ ನಿರ್ಧಾರಗಳ ಪಟ್ಟಿ ಇಲ್ಲಿದೆ…

ಜಿಎಸ್ಟಿ ದರ ಪರಿಷ್ಕರಣೆಯಾಗಿರುವವು

ವಿಮಾನ ಬಿಡಿಭಾಗಗಳು, ಪರೀಕ್ಷಾ ಉಪಕರಣ, ಟೂಲ್ಸ್ ಇತ್ಯಾದಿಗಳ ಆಮದಿಗೆ ಶೇ. 5ರಷ್ಟು ಸಮಾನ ಐಜಿಎಸ್ಟಿ ವಿಧಿಸಲಾಗುವುದು
ಉಕ್ಕು, ಕಬ್ಬಿಣ ಅಥವಾ ಅಲೂಮಿನಿಯಮ್ನ ಯಾವುದೇ ಹಾಲಿನ ಕ್ಯಾನ್ಗಳಿಗೆ ಶೇ. 12ರಷ್ಟು ಜಿಎಸ್ಟಿ ವಿಧಿಸಲಾಗುವುದು.
ಪೇಪರ್ ಕಾರ್ಟನ್ ಬಾಕ್ಸ್ ಮತ್ತು ಕೇಸ್ಗಳ ಮೇಲಿನ ಜಿಎಸ್ಟಿ ಶೇ. 18ರಿಂದ ಶೇ. 12ಕ್ಕೆ ಇಳಿಕೆ.
ಎಲ್ಲಾ ರೀತಿಯ ಸೋಲಾರ್ ಕುಕರ್ಗಳಿಗೆ ಶೇ. 12ರಷ್ಟು ಜಿಎಸ್ಟಿ
ಪೌಲ್ಟ್ರಿ ಯಂತ್ರೋಪಕರಣದಂತೆ ಅದರ ಬಿಡಿಭಾಗಗಳಿಗೂ ಶೇ. 12ರಷ್ಟು ಜಿಎಸ್ಟಿ.
ಫೈರ್ ವಾಟರ್ ಸ್ಪ್ರಿಂಕ್ಲರ್ ಸೇರಿದಂತೆ ಎಲ್ಲಾ ರೀತಿಯ ಸ್ಪ್ರಿಂಕ್ಲರ್ಗಳಿಗೆ ಶೇ. 12ರಷ್ಟು ಜಿಎಸ್ಟಿ.

ಇದನ್ನೂ ಓದಿ: ಕ್ವಾಂಟ್ ಮ್ಯೂಚುವಲ್ ಫಂಡ್ ಮೇಲೆ ಫ್ರಂಟ್ ರನಿಂಗ್ ಕಪ್ಪು ಚುಕ್ಕೆ; ಸೆಬಿಯಿಂದ ತನಿಖೆ; ಏನಿದು ಪ್ರಕರಣ?

ತೆರಿಗೆ ವಿನಾಯಿತಿ ಇರುವ ಟ್ರೇಡ್ ಮತ್ತು ಸರ್ವಿಸಸ್

ರಕ್ಷಣಾ ಕ್ಷೇತ್ರದ ಕೆಲ ನಿರ್ದಿಷ್ಟ ವಸ್ತುಗಳ ಆಮದು ಮೇಲೆ ಐಜಿಎಸ್ಟಿಯಿಂದ ವಿನಾಯಿತಿ ಇದೆ. ಇದನ್ನು ಇನ್ನೂ ಐದು ವರ್ಷ ವಿಸ್ತರಿಸಲಾಗಿದೆ.
RAMA ಯೋಜನೆ ಅಡಿಯಲ್ಲಿ ರೀಸರ್ಚ್ ಉಪಕರಣಗಳ ಆಮದಿಗೆ ಐಜಿಎಸ್ಟಿ ವಿನಾಯಿತಿ.
ಪ್ಲಾಟ್ಫಾರ್ಮ್ ಟಿಕೆಟ್ ಮಾರಾಟ, ಬ್ಯಾಟರಿ ಚಾಲಿತ ಕಾರ್ ಸರ್ವಿಸ್ ಸೇರಿದಂತೆ ಸಾರ್ವಜನಿಕರಿಗೆ ರೈಲ್ವೆಯಿಂದ ನೀಡಲಾಗುವ ಸರ್ವಿಸ್ಗೆ ಜಿಎಸ್ಟಿಯಿಂದ ವಿನಾಯಿತಿ ನೀಡಲಾಗುವುದು.
ಇನ್ಷೂರೆನ್ಸ್ ಕಂಪನಿಗಳ ಮಧ್ಯೆ ನಡೆಯುವ ಕೋ ಇನ್ಷೂರೆನ್ಸ್ ಪ್ರೀಮಿಯಮ್ಗಳು ಮತ್ತು ರೀ-ಇನ್ಷೂರೆನ್ಸ್ ಕಮಿಷನ್ನ ವಹಿವಾಟುಗಳಿಗೆ ಜಿಎಸ್ಟಿ ಇರುವುದಿಲ್ಲ.

ಜಿಎಸ್ಟಿ ಸಭೆಯಲ್ಲಿ ಇತರ ಕ್ರಮಗಳು

ಜಿಎಸ್ಟಿ ರಿಜಿಸ್ಟ್ರೇಶನ್ನಲ್ಲಿ ವಂಚನೆ ನಿಯಂತ್ರಿಸಲು ಬಯೋಮೆಟ್ರೆಕ್ ಆಧಾರಿತ ಆಧಾರ್ ದೃಢೀಕರಣ ಅಗತ್ಯ.
2017-18ರಿಂದ 2019-20ರವರೆಗೆ ಇರುವ ಟ್ಯಾಕ್ಸ್ ಡಿಮ್ಯಾಂಡ್ ಮೊತ್ತವನ್ನು 2025ರ ಮಾರ್ಚ್ 31ರೊಳಗೆ ಪಾವತಿಸಿದರೆ ಬಡ್ಡಿ ಮತ್ತು ದಂಡದ ವಿನಾಯಿತಿ ಸಿಗುತ್ತದೆ.
ಮದ್ಯ ತಯಾರಿಕೆಯಲ್ಲಿ ಬಳಸಲಾಗುವ ಇಎನ್ಎ ಆಲ್ಕೋಹಾಲ್ ಅನ್ನು ಜಿಎಸ್ಟಿ ವ್ಯಾಪ್ತಿಯಿಂದ ಹೊರಗಿಡಲಾಗುವುದು.
ಎಲೆಕ್ಟ್ರಾನಿಕ್ ಕಾಮರ್ಸ್ ಆಪರೇಟರ್ಸ್ಗೆ ವಿಧಿಸಲಾಗುವ ಟಿಸಿಎಸ್ ತೆರಿಗೆಯನ್ನು ಶೇ. 1ರಿಂದ ಶೇ. 0.5ಕ್ಕೆ ಇಳಿಸಲಾಗುವುದು.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

LIVETV

ಸುಗ್ಗನಹಳ್ಳಿ ವಿಜಯಸಾರಥಿ

ಹುಟ್ಟೂರು ಹಾಸನ ಜಿಲ್ಲೆಯ ಶ್ರವಣಬೆಳಗೊಳ ಸಮೀಪದ ಒಂದು ಪುಟ್ಟ ಹಳ್ಳಿ. ಬೆಳದದ್ದು ಬೆಂಗಳೂರು ನಗರದಲ್ಲಿ. ಹಲವು ವರ್ಷಗಳಿಂದ ಪತ್ರಿಕಾ ರಂಗದಲ್ಲಿ ನೆಲೆ. ಬರವಣಿಗೆಯ ಆಸಕ್ತಿ ಮತ್ತು ಪರಿಣಿತಿಯ ಕ್ಷೇತ್ರಗಳು ಆರ್ಥಿಕತೆ, ಹಣಕಾಸು, ಅಂತರರಾಷ್ಟ್ರೀಯ ವಿದ್ಯಮಾನ, ಜನಕ್ರಾಂತಿ, ರಾಷ್ಟ್ರೀಯತೆ, ಸಂಸ್ಕೃತಿ, ಮಾನವ ಸಂಬಂಧ, ಕ್ರೀಡೆ ಮೊದಲಾದವು ಇವೆ. ಓದುಗರಿಗೆ ಸುಲಭವಾಗಿ ಅರ್ಥವಾಗುವಂತೆ ಸಾಧ್ಯವಾದಷ್ಟೂ ಸ್ಫುಟವಾಗಿ, ಸರಳವಾಗಿ ಬರೆಯುವ ಇಚ್ಛೆ.