How To Invest In US Stocks: ಅಮೆರಿಕದ ಸ್ಟಾಕ್​ಗಳಲ್ಲಿ ಎನ್​ಎಸ್​ಇ ಐಎಫ್​ಎಸ್​ಸಿ ಮೂಲಕ ಹೂಡಿಕೆ ಮಾಡುವುದು ಹೇಗೆ?

ಭಾರತದ ರಾಷ್ಟ್ರೀಯ ವಿನಿಮಯ ಕೇಂದ್ರದ (NSE) ಸಂಪೂರ್ಣ ಒಡೆತನ ಇರುವ ಅಂಗಸಂಸ್ಥೆ ಎನ್​ಎಸ್​ಇ ಅಂತಾರಾಷ್ಟ್ರೀಯ ವಿನಿಮಯ ಕೇಂದ್ರ. ಇತ್ತೀಚೆಗೆ ಘೋಷಣೆಯೊಂದನ್ನು ಮಾಡಿತು. ಅದರ ಪ್ರಕಾರ, ಅಮೆರಿಕದ ಆಪಲ್, ಅಮೆಜಾನ್, ಗೂಗಲ್​ನಂಥ 50 ಹೆಸರಾಂತ ಸ್ಟಾಕ್​ಗಳಲ್ಲಿ ಭಾರತದಿಂದಲೇ ವಹಿವಾಟು ನಡೆಸುವುದಕ್ಕೆ ಅವಕಾಶ ಇದೆ. ಈ ಸ್ಟಾಕ್​ಗಳಲ್ಲಿ ಹೂಡಿಕೆ ಮಾಡುವುದಕ್ಕೆ ಸುಲಭವಾದ ದಾರಿ ಇದೆಯಾ ಎಂದು ಎದುರು ನೋಡುತ್ತಿದ್ದವರ ಮಧ್ಯೆ ಈ ಸುದ್ದಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತು. GIFT ಸಿಟಿಯ ಸ್ಟಾಕ್​ ಎಕ್ಸ್​ಚೇಂಜ್​ ಪ್ರಾಥಮಿಕವಾಗಿ ಭಾರತೀಯ ಸ್ಟಾಕ್​ಗಳು ಮತ್ತು ಡೆರಿವೇಟಿವ್​ಗಳಿಗೆ ಸಂಪರ್ಕ ಸಾಧಿಸಲು ಎನ್​ಆರ್​ಐಗಳು ಮತ್ತು ವಿದೇಶೀಯರಿಗೆ ಸುಲಭ ಅವಕಾಶ ಒದಗಿಸಿತು. ಭಾರತೀಯ ಹೂಡಿಕೆದಾರರಿಗೆ ಮೊದಲ ಬಾರಿಗೆ ದೊರೆತಿರುವ ವಿದೇಶೀ ಉತ್ಪನ್ನ ಇದಾಗಿದೆ. ಈ ಹಿನ್ನೆಲೆಯಲ್ಲಿ ಸ್ಟಾಕ್​ ಬ್ರೋಕಿಂಗ್ ಪ್ಲಾಟ್​ಫಾರ್ಮ್ ಆದ ಝೆರೋದಾ ಬ್ಲಾಗ್​ವೊಂದನ್ನು ಹಂಚಿಕೊಂಡಿದ್ದು, ಅದರೊಳಗೆ ಎನ್​ಎಸ್ಇ ಐಎಫ್​ಎಸ್​ಸಿ ಮೂಲಕ ಅಮೆರಿಕ ಸ್ಟಾಕ್​ಗಳಲ್ಲಿ ಹೂಡಿಕೆ ಮಾಡುವುದು ಹೇಗೆ ಎಂಬುದನ್ನು ಸಾದ್ಯಂತವಾಗಿ ವಿವರಿಸಲಾಗಿದೆ. ಎನ್​ಎಸ್​ಇ ಐಎಫ್​ಎಸ್​ಸಿ ಮೂಲಕ ಅಮೆರಿಕ ಸ್ಟಾಕ್​ಗಳಲ್ಲಿ ಹೂಡಿಕೆ ಮಾಡುವುದು ಹೇಗೆ ಎಂಬುದನ್ನು ತಿಳಿಯುವುದಕ್ಕೆ ಮುಖ್ಯ ಸಂಗತಿಗಳು ಇಲ್ಲಿವೆ:

1. ಸದ್ಯಕ್ಕೆ ಅಮೆರಿಕದ ಸ್ಟಾಕ್​ಗಳಲ್ಲಿ ಹೂಡಿಕೆ ಮಾಡುವುದು ಎಂಬುದು ನಿಯಂತ್ರಕರು ಪರೀಕ್ಷೆ ನಡೆಸುತ್ತಿದ್ದಾರೆ. ಇದರರ್ಥ ಏನೆಂದರೆ, ಎನ್​ಎಸ್​ಇ ಐಎಫ್​ಎಸ್​ಸಿ ನಿಶ್ಚಿತ ಸಂಖ್ಯೆಯ ಗ್ರಾಹಕರಿಗೆ ಮಾತ್ರ ಅವಕಾಶ ಒದಗಿಸುತ್ತದೆ. ಐಎಫ್​ಎಸ್​ಸಿಎಯಿಂದ ಈ ಉತ್ಪನ್ನದ ಬಗ್ಗೆ ಅಂತಿಮವಾದ ಅನುಮತಿಯನ್ನು ಒಂದು ಸಲಕ್ಕೆ ನೀಡಿದ ಮೇಲಷ್ಟೇ ಹೆಚ್ಚಿನ ಗ್ರಾಹಕರಿಗೆ ಅವಕಾಶ ಒದಗಿಸಲಾಗುತ್ತದೆ.
2. ವಹಿವಾಟು ಭಾರತೀಯ ಕಾಲಮಾನ ರಾತ್ರಿ 8 ಗಂಟೆಗೆ ಶುರುವಾಗಿ ಮಧ್ಯರಾತ್ರಿ 2.30ರ ತನಕ ಇರುತ್ತದೆ. ಅಂದಹಾಗೆ ಈ ಪೈಕಿ ಕೆಲವು ಸ್ಟಾಕ್​ಗಳು ಒಂದಕ್ಕೆ ನೂರಾರು, ಸಾವಿರಾರು ಡಾಲರ್ ಬೆಲೆ ಇದೆ. ಆದ್ದರಿಂದ ಈ ಷೇರುಗಳಲ್ಲಿ ಸ್ವಲ್ಪ ಪ್ರಮಾಣದ ಹಣ ಹೂಡಿಕೆ, ಅಂದರೆ 10 ಯುಎಸ್​ಡಿಯಿಂದ 20 ಯುಎಸ್​ಡಿ ಲೆಕ್ಕದಲ್ಲಿ ಹೂಡಿಕೆ ಮಾಡಲು ಅವಕಾಶ ನೀಡಲಾಗಿದೆ.
3. ಅಮೆರಿಕ ಸ್ಟಾಕ್​ಗಳ ಸಂಪೂರ್ಣ ವಹಿವಾಟು, ಕ್ಲಿಯರಿಂಗ್, ವಿಲೇವಾರಿ ಮತ್ತು ಹೋಲ್ಡಿಂಗ್​ ಐಎಫ್​ಎಸ್​ಸಿ ಅಧಿಕಾರಿಗಳ ನಿಯಂತ್ರಕ ರಚನೆ ಅಡಿಯಲ್ಲೇ ಇರುತ್ತದೆ. ಹೂಡಿಕೆಯು ಅನ್​ಸ್ಪಾನ್ಸರ್ಡ್ ಡೆಪಾಸಿಟರಿ ರಸೀಟ್ಸ್ ಮಾದರಿಯಲ್ಲೇ ಭಾರತೀಯ ಹೂಡಿಕೆದಾರರಿಗೆ ಇರುತ್ತದೆ.ಹೂಡಿಕೆದಾರರು GIFT ಸಿಟಿಯಲ್ಲಿ ತೆರೆದ ತಮ್ಮ ಸ್ವಂತ ಡಿಮ್ಯಾಟ್ ಖಾತೆಯಲ್ಲಿ ಡೆಪಾಸಿಟರಿ ರಸೀಟ್ಸ್ ಇಟ್ಟುಕೊಳ್ಳಬಹುದು ಮತ್ತು ಈ ಸ್ಟಾಕ್​ಗಳಿಗೆ ಸಂಬಂಧಿಸಿದಂತೆ ನಡೆಯುವ ಕಾರ್ಪೊರೇಟ್ ಕಾರ್ಯಗಳ ಅನುಕೂಲ ಪಡೆಯುವುದಕ್ಕೆ ಅರ್ಹರಾಗಿರುತ್ತಾರೆ.
4. ಒಂದು ಕಂಪೆನಿಯು ಒಂದು ದೇಶದ ವಿನಿಮಯ ಕೇಂದ್ರದಲ್ಲಿ ಲಿಸ್ಟ್​ ಆಗಿ, ಮತ್ತೊಂದು ದೇಶದ ಹೂಡಿಕೆದಾರರನ್ನು ವಹಿವಾಟಿಗೆ ಸೆಳೆಯಬೇಕು ಅಂದರೆ ಅದು ಡೆಪಾಸಿಟರಿ ರಸೀಟ್ಸ್​ (DRs) ಮೂಲಕ ಆಗಬೇಕು ಮತ್ತು ಒಂದು ವೇಳೆ ಕಂಪೆನಿಯು ಪಾಲ್ಗೊಂಡಿಲ್ಲ ಅಂತಾದರೆ ಇದನ್ನು ಅನ್​ಸ್ಪಾನ್ಸರ್ಡ್ ಡಿಆರ್ ಎನ್ನಲಾಗುತ್ತದೆ. ಭಾರತೀಯ ಕಂಪೆನಿಗಳಾದ ಇನ್ಫಿ, ಐಸಿಐಸಿಐ ಬ್ಯಾಂಕ್, ವಿಪ್ರೋ ಮತ್ತು ಇತರ ಸ್ಟಾಕ್​ಗಳು ಅಮೆರಿಕ ಸ್ಟಾಕ್​ ಎಕ್ಸ್​ಚೇಂಜ್​ನಲ್ಲಿ ಸ್ಪಾನ್ಸರ್ಡ್ ಡಿಆರ್​ಗಳಾಗಿ ವಹಿವಾಟು ನಡೆಸುತ್ತಿವೆ.
5. ಟಿ+3 ದಿನ ವಿಲೇವಾರಿಗೆ ಬೇಕಾಗುತ್ತದೆ. ಅಂದರೆ ವಹಿವಾಟು+3 ದಿನ ಅಂತರ್ಥ. ಸ್ಟಾಕ್ಸ್ ಅಥವಾ ಡಿಆರ್​ಗಳನ್ನು ಖರೀದಿಸಿದ ಮೇಲೆ ಮೂರು ದಿನದ ನಂತರ ಡಿಮ್ಯಾಟ್ ಖಾತೆಗೆ ಜಮೆ ಆಗುತ್ತದೆ (ಭಾರತದಲ್ಲಿ ಇದು ಎರಡು ದಿಮ). ಅದೇ ರೀತಿ ಹಣ ಸಹ ಸ್ಟಾಕ್ ಮಾರಾಟವಾದ ಮೂರು ದಿನದ ನಂತರ ಜಮೆ ಆಗುತ್ತದೆ. ಭಾರತದಂತೆ ಅಲ್ಲದೆ, ಈ ವಿಲೇವಾರಿ ಆಗುವ ತನಕ ಬೇರೆ ವಹಿವಾಟಿಗೆ ಅವಕಾಶ ಇರುವುದಿಲ್ಲ.
6. ಬ್ರೋಕರೇಜ್​ ಸಂಸ್ಥೆಗಳನ್ನು ಹೊರತುಪಡಿಸಿ ವಹಿವಾಟಿನ ಮೇಲೆ ಎನ್​ಎಸ್​ಇ ಐಎಫ್​ಎಸ್​ಸಿಯಿಂದ ಗ್ರಾಹಕರಿಗೆ ವಿಧಿಸಲಾಗುತ್ತದೆ. ವಿನಿಮಯ ಕೇಂದ್ರದಿಂದಲೇ ಪ್ರತಿ 100 ಯುಎಸ್​ಡಿಗೆ 12 ಸೆಂಟ್ಸ್​ ಅಥವಾ ಶೇ 0.12ರಷ್ಟು ವಿಧಿಸಲಾಗುತ್ತದೆ.
7. ಅಂತಿಮವಾಗಿ, ಝೆರೋದಾದಿಂದ ಸದಸ್ಯತ್ವಕ್ಕಾಗಿ ಪ್ರಕ್ರಿಯೆ ನಡೆಯುತ್ತಿದೆ. ಭಾರತದ ವಿನಿಮಯ ಕೇಂದ್ರಗಳು ಮತ್ತು ಸೆಬಿಯಿಂದ ಅಗತ್ಯ ಅನುಮತಿಗಳು ಪಡೆದ ಮೇಲೆ ಇನ್ನು ಕೆಲವು ತಿಂಗಳಲ್ಲಿ ವಹಿವಾಟು ಆರಂಭಿಸುವುದಾಗಿ ಹೇಳಿದೆ.

ಇದನ್ನೂ ಓದಿ: ಅಮೆರಿಕದ ಗೂಗಲ್, ಆಪಲ್​ ಕಂಪೆನಿ ಷೇರುಗಳನ್ನು ಭಾರತದಿಂದ ಖರೀದಿ ಮಾಡುವುದು ಹೇಗೆ?