Old Notes: ಹಳೇ ನೋಟುಗಳಿಗೆ ಭರ್ಜರಿ ಬೇಡಿಕೆ; ರೂಪಾಯಿ ನೋಟಿಗೂ ಸಾವಿರಗಟ್ಟಲೆ ಹಣ

ದುಡ್ಡಿನ ವಿಚಾರ ಅಂತ ಬಂದಾಗ ಬಹಳ ಎಚ್ಚರಿಕೆಯಿಂದ ಇರಬೇಕು. ಅದರಲ್ಲೂ ಹಳೇ ನೋಟು- ನಾಣ್ಯಗಳನ್ನು ಸಂಗ್ರಹಿಸುವಂಥ ಹವ್ಯಾಸ ಇರುವವರು, ಅಪರೂಪದ ನೋಟು- ನಾಣ್ಯಗಳು ಇರುವಂಥವರಿಗೆ ತಮ್ಮ ಬಳಿ ಇರುವುದು ಅದೆಷ್ಟು ಅಮೂಲ್ಯವಾದದ್ದು ಎಂಬುದಂತೂ ಗೊತ್ತಿರಲೇಬೇಕು. ನಿಮಗೆ ಗೊತ್ತಾ? 1 ರೂಪಾಯಿ ನೋಟಿನ ಬಂಡಲ್​ ಅನ್ನು 45 ಸಾವಿರ ರೂಪಾಯಿ ತನಕ ಮಾರಬಹುದು. ನಿಮ್ಮ ಬಳಿ 1 ರೂಪಾಯಿಯ ಹಳೇ ನೋಟಿನ ಬಂಡಲ್​ ಇದ್ದಲ್ಲಿ ಆನ್​ಲೈನ್​ನಲ್ಲಿ ಮಾರಬಹುದು. ಒಂದು ರೂಪಾಯಿ ನೋಟಿನ ಬಂಡಲ್ 1957ರಲ್ಲಿ ಬಿಡುಗಡೆ ಆಗಿದ್ದು, ಕೇಂದ್ರದ ಮಾಜಿ ಹಣಕಾಸು ಸಚಿವರಾದ ಹೀರೂಭಾಯಿ ಎಂ. ಪಟೇಲ್ ಸಹಿ ಮಾಡಿದ್ದಾರೆ. ಅದರಲ್ಲಿ 123456 ಸಂಖ್ಯೆಗೆ ಭಾರೀ ಬೇಡಿಕೆ. ಕಾಯಿನ್​ಬಜಾರ್​ ಎಂಬ ವೆಬ್​ಸೈಟ್​ನಲ್ಲಿ ಈ ನೋಟು 44,999 ರೂಪಾಯಿಗೆ ಮಾರಾಟ ಆಗಿದೆ.

“ಸಂಗ್ರಹಕಾರರಿಗೆ ವಿಪರೀತ ಅಪರೂಪದ 1957ರ ಒಂದು ರೂಪಾಯಿ ಬಂಡಲ್​ಗೆ ಎಚ್​.ಎಂ. ಪಟೇಲ್ ಸಹಿ ಮಾಡಿದ ನೋಟು, 123456 ಸಂಖ್ಯೆಯ ಅಪರೂಪದ್ದು ಇದು,” ಎಂದು ವೆಬ್​ಸೈಟ್​ನ ಮಾಹಿತಿ ವಿವರದಲ್ಲಿ ಇದೆ. 1 ರೂಪಾಯಿ ನೋಟು ಬಂಡಲ್​ನ ನೋಟು ಬೆಲೆ ರೂ. 49,999. ಆದರೆ ವೆಬ್​ಸೈಟ್​ನಿಂದ ರಿಯಾಯಿತಿ ನಂತರ ರೂ. 44,999ಕ್ಕೆ ಮಾರಾಟ ಆಗುತ್ತಿದೆ. ಕಾಯಿನ್​ಬಜಾರ್​ ವೆಬ್​ಸೈಟ್​ಗೆ ತೆರಳಿ, ಶಾಪ್ ವಿಭಾಗಕ್ಕೆ ಹೋಗಬೇಕು. ಅಲ್ಲಿ “ನೋಟ್ ಬಂಡಲ್” ಕೆಟಗಿರಿಯಲ್ಲಿ ಎಲ್ಲ ಮಾಹಿತಿ ಸಿಗುತ್ತದೆ.

ಇಲ್ಲಿ ಹಳೇ 50 ರೂಪಾಯಿ ನೋಟನ್ನು ರೂ. 8200, ರೂ. 10 ಹಾಗೂ 5 ಅನ್ನು ರೂ. 2999ಕ್ಕೆ, ರೂ. 2ಕ್ಕೆ 4999 ಮತ್ತು 100 ರೂಪಾಯಿಗೆ ಖರೀದಿ ಮಾಡಬಹುದು. ನಿಮ್ಮ ಬಳಿ ಇರುವುದನ್ನೂ ವೆಬ್​ಸೈಟ್​ನಲ್ಲಿ ಮಾರಾಟ ಮಾಡಿ, ಹಣ ಗಳಿಸಬಹುದು. ಅದಕ್ಕಾಗಿ ಕಾಯಿನ್​ಬಜಾರ್ ವೆಬ್​ಸೈಟ್​ಗೆ ಹೋಗಬೇಕು. ಅಲ್ಲಿ “Start Selling With Us” ವಿಭಾಗಕ್ಕೆ ತೆರಳಬೇಕು. ಇದರಲ್ಲಿ ಯೂಸರ್ ನೇಮ್, ಇ-ಮೇಲ್, ವೆರಿಫಿಕೇಷನ್ ಕೋಡ್, ಮೊದಲ ಹೆಸರು, ಕೊನೆ ಹೆಸರು, ಮಳಿಗೆ ಹೆಸರು, ವಿಳಾಸ 1, ವಿಳಾಸ 2, ದೇಶ, ನಗರ ಅಥವಾ ಪಟ್ಟಣ, ರಾಜ್ಯ, ಪಿನ್​ಕೋಡ್ ಮತ್ತು ಇತರ ಮಾಹಿತಿಗಳನ್ನು ಭರ್ತಿ ಮಾಡಬೇಕು.

ಇದನ್ನೂ ಓದಿ: ನಿಮ್ಮ ಬಳಿ ಇರುವ 1 ರೂಪಾಯಿಯ ಹಳೆ ನೋಟು ಸಹ ಲಕ್ಷ ಲಕ್ಷ ಗಳಿಸಿಕೊಡಬಹುದು; ಖರ್ಚು ಮಾಡೋ ಮುಂಚೆ ಈ ಲೇಖನ ಓದಿ

(If You Have Old Rs 1 Bundle Can Earn Thousands Of Rupees For That)