ITC Q3 Results: ಐಟಿಸಿ ಮೂರನೇ ತ್ರೈಮಾಸಿಕ ಲಾಭ 4,156 ಕೋಟಿ ರೂಪಾಯಿ; ರೂ. 5.25 ಮಧ್ಯಂತರ ಲಾಭಾಂಶ ಘೋಷಣೆ

ಭಾರತದ ಅತಿ ದೊಡ್ಡ ತಯಾರಕ ಮತ್ತು ಎಫ್​ಎಂಸಿಜಿ ಪ್ರಮುಖ ಕಂಪೆನಿ ಐಟಿಸಿ (ITC) ಲಿಮಿಟೆಡ್​ನ ಅಕ್ಟೋಬರ್​ನಿಂದ ಡಿಸೆಂಬರ್​ ತ್ರೈಮಾಸಿಕದಲ್ಲಿ ಫೆಬ್ರವರಿ 3ರಂದು ಏಕೀಕೃತ ತೆರಿಗೆ ನಂತರದ ಲಾಭ (PAT) 4,156.20 ಕೋಟಿ ರೂಪಾಯಿ ಮಾಡಿದೆ. ಒಂದು ವರ್ಷದ ಹಿಂದಿನ ಇದೇ ತ್ರೈಮಾಸಿಕದ ಅವಧಿಯಲ್ಲಿ 3,687.88 ಕೋಟಿ ರೂಪಾಯಿ ಆಗಿದ್ದು, ಅಲ್ಲಿಂದ ಶೇ 12.7ರಷ್ಟು ಏರಿಕೆ ದಾಖಲಿಸಿದೆ. ಜುಲೈನಿಂದ ಸೆಪ್ಟೆಂಬರ್​ಗೆ ಕೊನೆಯಾದ ಕಳೆದ ತ್ರೈಮಾಸಿಕಕ್ಕೆ 3,697.18 ಕೋಟಿ ರೂಪಾಯಿ ಬಂದಿತ್ತು. ಏಕೀಕೃತ ಆದಾಯ (ಅಬಕಾರಿ ಸುಂಕ ಹೊರತುಪಡಿಸಿ) ಶೇ 32.5ರಷ್ಟು ಹೆಚ್ಚಾಗಿ, 15,862.32 ಕೋಟಿ ಆಗಿದ್ದು, ಕಳೆದ ವರ್ಷದ ಇದೇ ಅವಧಿಯಲ್ಲಿ 11,969 ಕೋಟಿ ರೂಪಾಯಿ ಬಂದಿತ್ತು.

2021ರ ಸೆಪ್ಟೆಂಬರ್​ಗೆ ಕೊನೆಯಾದ ತ್ರೈಮಾಸಿಕಕ್ಕೆ 12,533.6 ಕೋಟಿ ರೂಪಾಯಿ ಆಗಿದೆ. ಐಟಿಸಿಯು ಸಿಗರೇಟ್​ ಉದ್ಯಮದಲ್ಲಿ ಬಲವಾದ ಬೇಡಿಕೆ ಕಂಡಿದ್ದು, ಪ್ರಮಾಣವು ಕೊವಿಡ್​ ಮುಂಚಿನ ಹಂತವು ತಲುಪಿದ್ದು, ಎಫ್​ಎಂಸಿಜಿ ಮಾರಾಟ ಉತ್ತೇಜನ ಹಾಗೂ ಸಂಚಾರ ಮತ್ತು ಆಕ್ಯುಪೆನ್ಸಿಯು ಹೆಚ್ಚಾಗುತ್ತಿದ್ದಂತೆ ಹೋಟೆಲ್ ಉದ್ಯಮದಲ್ಲಿ ಬೆಳವಣಿಗೆ ಕಂಡಿದೆ.

ಕಂಪೆನಿಯು 31 ಮಾರ್ಚ್ 2022ರಂದು ಕೊನೆಗೊಳ್ಳುವ ಹಣಕಾಸು ವರ್ಷಕ್ಕೆ ಪ್ರತಿ 1 ರೂಪಾಯಿ ಸಾಮಾನ್ಯ ಷೇರಿಗೆ ರೂ. 5.25ರ ಮಧ್ಯಂತರ ಲಾಭಾಂಶವನ್ನು ಘೋಷಿಸಿದೆ. ಡಿವಿಡೆಂಡ್ ಪಾವತಿಯ ದಾಖಲೆ ದಿನಾಂಕವನ್ನು ಫೆಬ್ರವರಿ 15, 2022ರಂದು ನಿಗದಿಪಡಿಸಲಾಗಿದೆ ಮತ್ತು ಲಾಭಾಂಶವು ಮಾರ್ಚ್ 4, 2022ರಂದು ಅರ್ಹ ಷೇರುದಾರರಿಗೆ ಪಾವತಿಸಲಾಗುತ್ತದೆ.

ಫೆಬ್ರವರಿ 3ರಂದು ಎನ್​ಎಸ್​ಇಯಲ್ಲಿ ಅದರ ಹಿಂದಿನ ಅಂತ್ಯದ ಕೊನೆಗಿಂತ 2.30 ರೂಪಾಯಿಗಳ ಏರಿಕೆಯೊಂದಿಗೆ ಸ್ಟಾಕ್ ರೂ. 234.45ಕ್ಕೆ ಕೊನೆಗೊಂಡಿತು. ಇದು ಕಳೆದ ಒಂದು ವರ್ಷದಲ್ಲಿ ಶೇ 8ರಷ್ಟು ಆದಾಯವನ್ನು ಗಳಿಸಿದೆ ಮತ್ತು ಈ ಹಣಕಾಸು ವರ್ಷದಲ್ಲಿ ಮತ್ತು ಒಂದು ತಿಂಗಳ ಹಿಂದಿನಿಂದ ನೋಡಿದರೆ ಶೇ 7ರಷ್ಟು ಹೆಚ್ಚಾಗಿದೆ.

ಇದನ್ನೂ ಓದಿ: Inox: ಥೇಟರ್​ನೊಳಗೆ ಆಹಾರ, ಪಾನೀಯ ಪೂರೈಕೆಗೆ ಐಟಿಸಿ ಜತೆಗೆ ಐನಾಕ್ಸ್​ ಸಹಯೋಗ

Published On - 10:18 pm, Thu, 3 February 22