ಜಿಎಸ್ಟಿ ಕಡಿತದ ಎಫೆಕ್ಟ್; ಮದರ್ ಡೈರಿ ಹಾಲು ಬೆಲೆ 2 ರೂ, ತುಪ್ಪದ ಬೆಲೆ 30 ರೂ ಇಳಿಕೆ
Mother Dairy cuts prices of various dairy products: ದೇಶದ ಎರಡನೇ ಅತಿದೊಡ್ಡ ಡೈರಿ ಸಂಸ್ಥೆಯಾದ ಮದರ್ ಡೈರಿ ತನ್ನ ವಿವಿಧ ಉತ್ಪನ್ನಗಳ ಬೆಲೆ ಕಡಿಮೆ ಮಾಡಿದೆ. ಸರ್ಕಾರವು ಡೈರಿ ಉತ್ಪನ್ನಗಳ ಮೇಲೆ ಜಿಎಸ್ಟಿ ಇಳಿಸಿದ ಕಾರಣ ಮದರ್ ಡೈರಿ ಈ ಬೆಲೆ ಇಳಿಕೆ ನಿರ್ಧಾರ ಕೈಗೊಂಡಿದೆ. ಹಾಲುಗಳ ಬೆಲೆ 1-2 ರೂ ಇಳಿಕೆಯಾಗಿದೆ. ತುಪ್ಪದ ಬೆಲೆ ಬರೋಬ್ಬರಿ 30 ರೂವರೆಗೂ ತಗ್ಗಿದೆ.
Updated on: Sep 16, 2025 | 3:08 PM
ನವದೆಹಲಿ, ಸೆಪ್ಟೆಂಬರ್ 16: ಎನ್ಡಿಡಿಬಿ (ನ್ಯಾಷನಲ್ ಡೈರಿ ಡೆವಲಪ್ಮೆಂಟ್ ಬೋರ್ಡ್) ಅಂಗಸಂಸ್ಥೆ ಹಾಗೂ ದೇಶದ ಎರಡನೇ ಅತಿದೊಡ್ಡ ಡೈರಿ ಸಂಸ್ಥೆಯಾದ ಮದರ್ ಡೈರಿಯ (Mother Dairy) ಹಾಲು ಹಾಗೂ ವಿವಿಧ ಉತ್ಪನ್ನಗಳ ಬೆಲೆಯನ್ನು ಇಳಿಸಲಾಗಿದೆ. ಜಿಎಸ್ಟಿ (GST) ಕಡಿತದ ಹಿನ್ನೆಲೆಯಲ್ಲಿ ಸಂಸ್ಥೆಯು ಬೆಲೆಗಳನ್ನು 2ರಿಂದ 30 ರೂಗಳವರೆಗೆ ಕಡಿಮೆ ಮಾಡಿದೆ. ವರದಿ ಪ್ರಕಾರ, ಹಾಲು, ಮೊಸರು, ತುಪ್ಪ, ಬೆಣ್ಣೆ, ಪನೀರ್ ಇತ್ಯಾದಿ ಉತ್ಪನ್ನಗಳ ಬೆಲೆಯನ್ನು ಮದರ್ ಡೈರಿ ಕಡಿಮೆಗೊಳಿಸಿದೆ.
ಮದರ್ ಡೈರಿಯ ವಿವಿಧ ಉತ್ಪನ್ನಗಳ ಬೆಲೆ ವಿವರ
- ಒಂದು ಲೀಟರ್ ಯುಎಚ್ಟಿ ಹಾಲು (ಟೆಟ್ರಾ ಪ್ಯಾಕ್): 77 ರೂನಿಂದ 75 ರೂಗೆ ಇಳಿಕೆ
- 450 ಎಂಎಲ್ ಯುಎಚ್ಟಿ ಡಬಲ್ ಟೋನ್ಡ್ ಹಾಲು: 33 ರೂನಿಂದ 32 ರೂಗೆ ಇಳಿಕೆ
- ಪನೀರ್ 200 ಗ್ರಾಮ್ ಪ್ಯಾಕ್ ಬೆಲೆ 95 ರೂನಿಂದ 92 ರೂಗೆ ಇಳಿಕೆ
- ಪನೀರ್ 400 ಗ್ರಾಮ್ ಪ್ಯಾಕ್: 180 ರೂನಿಂದ 174 ರೂಗೆ ಇಳಿಕೆ
- ಮಲೈ ಪನೀರ್ 200 ಗ್ರಾಮ್ ಪ್ಯಾಕ್: 100 ರೂನಿಂದ 97 ರೂಗೆ ಇಳಿಕೆ
- ಬೆಣ್ಣೆ 500 ಗ್ರಾಮ್ ಪ್ಯಾಕ್: 305 ರೂನಿಂದ 285 ರೂಗೆ ಇಳಿಕೆ
- ಬೆಣ್ಣೆ 100 ಗ್ರಾಮ್ ಪ್ಯಾಕ್: 62 ರೂನಿಂದ 58 ರೂಗೆ ಇಳಿಕೆ
- ಮಿಲ್ಕ್ಶೇಕ್ 180 ಎಂಎಲ್ ಪ್ಯಾಕ್: 30 ರೂನಿಂದ 28 ರೂಗೆ ಇಳಿಕೆ
- ತುಪ್ಪ 1 ಲೀಟರ್ ಕಾರ್ಟನ್ ಪ್ಯಾಕ್: 675 ರೂನಿಂದ 645 ರೂಗೆ ಇಳಿಕೆ
- ತುಪ್ಪ 1 ಲೀಟರ್ ಟಿನ್ ಪ್ಯಾಕ್: 750 ರೂನಿಂದ 720 ರೂಗೆ ಇಳಿಕೆ
- ತುಪ್ಪ 1 ಲೀಟರ್ ಪೌಚ್: 675 ರೂನಿಂದ 645 ರೂಗೆ ಇಳಿಕೆ
- ಹಸುವಿನ ತುಪ್ಪ 500 ಎಂಎಲ್ ಬಾಟಲ್: 380 ರೂನಿಂದ 365 ರೂಗೆ ಇಳಿಕೆ
- ಗಿರ್ ಹಸುವಿನ ತುಪ್ಪ, 500 ಎಂಎಲ್ ಪ್ಯಾಕ್: 999 ರೂನಿಂದ 984 ರೂಗೆ ಇಳಿಕೆ
ಇದನ್ನೂ ಓದಿ: ಅಮೆರಿಕದ ಟ್ಯಾರಿಫ್ ನಡುವೆಯೂ ಭಾರತದ ರಫ್ತು ಹೆಚ್ಚಳ; ಟ್ರೇಡ್ ಡೆಫಿಸಿಟ್ ಕೂಡ ಇಳಿಕೆ
ಯಾವುದಿದು ಮದರ್ ಡೈರಿ?
ಮದರ್ ಡೈರಿ ಭಾರತದ ಅತಿದೊಡ್ಡ ಡೈರಿ ಕಂಪನಿಗಳಲ್ಲಿ ಒಂದು. ಅಮೂಲ್ ಬಳಿಕ ಮದರ್ ಡೈರಿ ಅತಿದೊಡ್ಡ ಡೈರಿ ಕಂಪನಿ. 2024-25ರ ಹಣಕಾಸು ವರ್ಷದಲ್ಲಿ ಮದರ್ ಡೈರಿ 17,500 ಕೋಟಿ ರೂ ಬ್ಯುಸಿನೆಸ್ ಮಾಡಿತ್ತು. ಕರ್ನಾಟಕ ಸೇರಿದಂತೆ ಅನೇಕ ರಾಜ್ಯಗಳಲ್ಲಿ ಅದರ ಉತ್ಪನ್ನಗಳು ಲಭ್ಯ ಇವೆ.
ಡೈರಿ ಉತ್ಪನ್ನಗಳ ಮೇಲೆ ಎಷ್ಟಿದೆ ಜಿಎಸ್ಟಿ?
ಜಿಎಸ್ಟಿ ಕೌನ್ಸಿಲ್ನ 56ನೇ ಸಭೆಯಲ್ಲಿ ಡೈರಿ ಉತ್ಪನ್ನಗಳ ಮೇಲಿನ ಜಿಎಸ್ಟಿಯನ್ನು ಕಡಿಮೆಗೊಳಿಸಲು ನಿರ್ಧರಿಸಲಾಯಿತು.
- ಟೆಟ್ರಾ ಪ್ಯಾಕ್ ಹಾಲು: ಶೇ. 5ರಿಂದ ಸೊನ್ನೆಗೆ ಜಿಎಸ್ಟಿ ಇಳಿಕೆ
- ತುಪ್ಪ, ಮೊಸರು, ಚೀಜ್: ಶೇ. 12ರಿಂದ ಶೇ 5ಕ್ಕೆ ಇಳಿಕೆ
- ಪ್ಯಾಕ್ ಆದ ಪನೀರ್: ಶೇ. 5ರಿಂದ ಸೊನ್ನೆಗೆ ಇಳಿಕೆ
ಇದನ್ನೂ ಓದಿ: ಪೋಸ್ಟ್ ಆಫೀಸ್ನ ಈ ಸ್ಕೀಮ್ನಲ್ಲಿ 25 ವರ್ಷಕ್ಕೆ 1 ಕೋಟಿ ರೂ ಗಳಿಕೆಗೆ ಅವಕಾಶ
ಜಿಎಸ್ಟಿ ಕೌನ್ಸಿಲ್ ತೆಗೆದುಕೊಂಡ ನಿರ್ಧಾರದ ಬಳಿಕ ನೂತನ ಜಿಎಸ್ಟಿ ದರಗಳು ಸೆಪ್ಟೆಂಬರ್ 22ರಿಂದ ಜಾರಿಗೆ ಬರುತ್ತವೆ. ಆದರೆ, ಡೈರಿ ಉತ್ಪನ್ನಗಳ ಮೇಲಿನ ನೂತನ ಜಿಎಸ್ಟಿ ದರಗಳು ತತ್ಕ್ಷಣದಿಂದಲೇ ಜಾರಿಗೆ ಬಂದಿವೆ ಎನ್ನಲಾಗಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
