GST
ಜಿಎಸ್ಟಿ ಎಂದರೆ ಗೂಡ್ಸ್ ಅಂಡ್ ಸರ್ವಿಸಸ್ ಟ್ಯಾಕ್ಸ್. ಅಂದರೆ ಸರಕು ಮತ್ತು ಸೇವಾ ತೆರಿಗೆ. ಪರೋಕ್ಷ ತೆರಿಗೆ ವಿಧಾನಕ್ಕೆ (Indirect tax system) ಇದು ಸೇರುತ್ತದೆ. ಭಾರತದಲ್ಲಿ ಹಿಂದೆ ಅಸ್ತಿತ್ವದಲ್ಲಿದ್ದ ವಿವಿಧ ರೀತಿಯ ತೆರಿಗೆಗಳ ಬದಲು ಏಕ ರೀತಿಯ ಸರಳ ತೆರಿಗೆ ತೆರಿಗೆ ಪದ್ಧತಿಯಾಗಿದೆ ಜಿಎಸ್ಟಿ. ವಿಶ್ವಾದ್ಯಂತ ಭಾರತವೂ ಸೇರಿದಂತೆ 170ಕ್ಕೂ ಹೆಚ್ಚು ದೇಶಗಳು ಜಿಎಸ್ಟಿ ಟ್ಯಾಕ್ಸ್ ಸಿಸ್ಟಂ ಹೊಂದಿವೆ. ಭಾರತದಲ್ಲಿ ವಿವಿಧ ರೀತಿಯ ತೆರಿಗೆಗಳು ಸೇರಿ ಸಂಕೀರ್ಣತೆ ಸೃಷ್ಟಿಯಾಗಿತ್ತು. ಇದರಿಂದ ಸುಧಾರಣೆಗಳಿಗೆ ಮತ್ತು ಆರ್ಥಿಕ ಪ್ರಗತಿಗೆ ತುಸು ಹಿನ್ನಡೆಯಾಗುತ್ತಿತ್ತು. ಈ ತೆರಿಗೆ ಸಂಕೀರ್ಣತೆಯನ್ನು ನೀಗಿಸಿ ಸರಳಗೊಳಿಸುವ ನಿಟ್ಟಿನಲ್ಲಿ 2000ರಲ್ಲಿ ಜಿಎಸ್ಟಿ ಬಗ್ಗೆ ಮೂಲ ಆಲೋಚನೆ ಶುರುವಾಯಿತು. ಕೇಳ್ಕರ್ ಟ್ಯಾಸ್ಕ್ ಫೋರ್ಸ್ ಒಂದು ಸಮಗ್ರ ಪರೋಕ್ಷ ತೆರಿಗೆ ವ್ಯವಸ್ಥೆಗೆ ಶಿಫಾರಸು ಮಾಡಿತು. ಹಲವು ವರ್ಷಗಳ ಬಳಿಕ 2017ರ ಜುಲೈ 1ರಂದು ಜಿಎಸ್ಟಿ ಜಾರಿಗೆ ತರಲಾಯಿತು. ಭಾರತದಲ್ಲಿ ಸದ್ಯ ಐದು ಸ್ಲ್ಯಾಬ್ ಜಿಎಸ್ಟಿ ತೆರಿಗೆಗಳಿವೆ. 0%, 5%, 12%, 18% ಮತ್ತು 28%. ಇದರಲ್ಲಿ ಬಹಳ ಅಗತ್ಯವಾದ ಸರಕು ಮತ್ತು ಸೇವೆಗಳಿಗೆ ಕಡಿಮೆ ಜಿಎಸ್ಟಿ ಇರುತ್ತದೆ. ಮಾರಾಟವಾಗುವ ಹೆಚ್ಚಿನ ಸರಕು ಮತ್ತು ಸೇವೆಗಳು 12% ಮತ್ತು 18% ಸ್ಲ್ಯಾಬ್ಗಳಿಗೆ ಸೇರುತ್ತವೆ
ಇನ್ನೂ ಹೆಚ್ಚು ಓದಿ
ಅಕ್ಟೋಬರ್ ತಿಂಗಳಲ್ಲಿ ಭರ್ಜರಿ ಜಿಎಸ್ಟಿ ಕಲೆಕ್ಷನ್ಸ್; 2 ಲಕ್ಷ ಕೋಟಿ ರೂ ದಾಟಿದ ನಿವ್ವಳ ತೆರಿಗೆ ಸಂಗ್ರಹ
ಹಬ್ಬದ ಸೀಸನ್ ಹಾಗೂ ಆಮದು ಸುಂಕದ ವಹಿವಾಟಿನ ಬಲದಿಂದ 2026ರ ಅಕ್ಟೋಬರ್ ತಿಂಗಳಲ್ಲಿ ಒಟ್ಟು ನಿವ್ವಳ ಜಿಎಸ್ಟಿ (GST) ಸಂಗ್ರಹವು ಶೇ. 25.6ರಷ್ಟು ಹೆಚ್ಚಾಗಿ 2.03 ಲಕ್ಷ ಕೋಟಿ ರೂ.ಗಳಿಗೆ ತಲುಪಿದೆ ಎಂದು ಹಣಕಾಸು ಸಚಿವಾಲಯದ ದತ್ತಾಂಶ ತಿಳಿಸಿದೆ. ಒಟ್ಟು ಜಿಎಸ್ಟಿ ಸಂಗ್ರಹ 2.31 ಲಕ್ಷ ಕೋಟಿ ರೂ ದಾಟಿದೆ. ಆಮದು ಸರಕುಗಳ ಮೇಲಿನ ಜಿಎಸ್ಟಿ ಸಂಗ್ರಹದಲ್ಲಿ ಶೇ. 58ರಷ್ಟು ಹೆಚ್ಚಿದೆ.
- Vijaya Sarathy SN
- Updated on: Nov 1, 2026
- 5:04 pm
ಕೇಂದ್ರದಿಂದ ಕನ್ನಡ ರಾಜ್ಯೋತ್ಸವ ಬಂಪರ್‌ ಕೊಡುಗೆ: ಕರ್ನಾಟಕಕ್ಕೆ 4,504 ಕೋಟಿ ತೆರಿಗೆ ಪಾಲು
ನರೇಂದ್ರ ಮೋದಿ ಸರ್ಕಾರವು ರಾಜ್ಯಗಳ ಆರ್ಥಿಕತೆಗೆ ಬಲ ತುಂಬಲು ಮಹತ್ವದ ಹೆಜ್ಜೆ ಇಟ್ಟಿದ್ದು, ನಿಯಮಿತ ಮಾಸಿಕ ತೆರಿಗೆ ಪಾಲು ಹಂಚಿಕೆಯ ಜತೆಗೆ ಹೆಚ್ಚುವರಿ ಕಂತಿನ ರೂಪದಲ್ಲಿ ಒಟ್ಟು 1.09 ಲಕ್ಷ ಕೋಟಿ ರೂಪಾಯಿಗಳನ್ನು ಬಿಡುಗಡೆ ಮಾಡಿದೆ. ಕೇಂದ್ರದ ಈ ತೆರಿಗೆ ಹಂಚಿಕೆಯಲ್ಲಿ ಕರ್ನಾಟಕಕ್ಕೆ 4,504 ಕೋಟಿ ರೂಪಾಯಿ ಹಂಚಿಕೆಯಾಗಿದೆ. ಇನ್ನು ಬೇರೆ ರಾಜ್ಯಗಳಿಗೆ ಸಿಕ್ಕಿದ್ದು ಎಷ್ಟು?
- Ramesh B Jawalagera
- Updated on: Nov 1, 2026
- 8:53 am
ತೆರಿಗೆ ಅಧಿಕಾರಿಗಳ ಕಾಟ, ಕಾನೂನು ಭಯ ನಿವಾರಣೆ, ತ್ವರಿತ ರೀಫಂಡ್ ಇತ್ಯಾದಿ; ಜಿಎಸ್ಟಿ ಕೌನ್ಸಿಲ್ನಿಂದ ಸುಧಾರಣಾ ಕ್ರಮಗಳಿಗೆ ಅನುಮೋದನೆ
ವ್ಯಾಪಾರ ಮತ್ತು ಉದ್ಯಮ ಸ್ನೇಹಿ ವಾತಾವರಣ ನಿರ್ಮಿಸಲು ಜಿಎಸ್ಟಿ ಮಂಡಳಿ (GST Council) ಹಲವು ಪ್ರಮುಖ ಸುಧಾರಣೆಗಳಿಗೆ ಅಂಕಿತ ಹಾಕಿದೆ. ಅಧಿಕಾರಿಗಳ ಬಂಧನ ಅಧಿಕಾರಕ್ಕೆ ಕಡಿವಾಣ ಹಾಕುವುದು, ಪ್ರಾಸಿಕ್ಯೂಷನ್ ಮಿತಿಯನ್ನು ₹5 ಕೋಟಿಗೆ ಹೆಚ್ಚಿಸುವುದು ಇತ್ಯಾದಿಗೆ ಸಮ್ಮತಿಸಲಾಗಿದೆ. ಜಿಎಸ್ಟಿ ನೊಂದಣಿ ಪ್ರಕ್ರಿಯೆ ಮತ್ತಷ್ಟು ಆಟೊಮೇಟೆಡ್ ಆಗಲಿರುವುದು, ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ವಿಸ್ತರಿಸಲಿರುವುದು ಮುಂತಾದ ಕ್ರಮಗಳು ಜಾರಿಗೆ ಬರಲಿವೆ.
- Vijaya Sarathy SN
- Updated on: Oct 8, 2026
- 6:40 pm
ಈ ವಾರ ಜಿಎಸ್ಟಿ ಕೌನ್ಸಿಲ್ ಸಭೆ; ಸಣ್ಣ ಇ-ಕಾಮರ್ಸ್ ವರ್ತಕರಿಗೆ ನಿರಾಳ ತರುವ ಕ್ರಮಗಳಿಗೆ ನಿರೀಕ್ಷೆ
ಈ ವಾರ ನಡೆಯಲಿರುವ ಜಿಎಸ್ಟಿ ಕೌನ್ಸಿಲ್ ಸಭೆಯಲ್ಲಿ ಸಣ್ಣ ಇ-ಕಾಮರ್ಸ್ ವರ್ತಕರಿಗೆ ಜಿಎಸ್ಟಿ ನೋಂದಣಿ ವಿನಾಯಿತಿ, ಕಾಂಪೌಂಡಿಂಗ್ ದರಗಳ ಸರಳೀಕರಣ ಹಾಗೂ ತೆರಿಗೆ ವ್ಯಾಜ್ಯಗಳನ್ನು ಕಡಿಮೆ ಮಾಡುವ ಪ್ರಮುಖ ಸುಧಾರಣೆಗಳ ಕುರಿತು ನಿರ್ಧಾರ ಕೈಗೊಳ್ಳುವ ಸಾಧ್ಯತೆಯಿದೆ. ಇನ್ನಷ್ಟು ಜಿಎಸ್ಟಿ ವ್ಯವಸ್ಥೆಗಳ ಸುಧಾರಣೆಯಿಂದ ವ್ಯಾಪಾರ ವಹಿವಾಟು ಹೆಚ್ಚು ಬಲಗೊಳ್ಳುವ ನಿರೀಕ್ಷೆ ಇದೆ.
- Vijaya Sarathy SN
- Updated on: Oct 5, 2026
- 1:38 pm
ಸೆಪ್ಟೆಂಬರ್ನಲ್ಲಿ ಎರಡು ಲಕ್ಷ ಕೋಟಿ ರೂ ದಾಟಿದ ಜಿಎಸ್ಟಿ ಸಂಗ್ರಹ; ಈ ವರ್ಷ ಇಲ್ಲಿಯವರೆಗೆ ಸಿಕ್ಕಿದ್ದು 12 ಲಕ್ಷ ಕೋಟಿಗೂ ಹೆಚ್ಚು
ಸೆಪ್ಟೆಂಬರ್ 2026 ರಲ್ಲಿ ಭಾರತದ ಒಟ್ಟು ಜಿಎಸ್ಟಿ ಸಂಗ್ರಹವು ಶೇ. 14.7 ರಷ್ಟು ಏರಿಕೆಯಾಗಿದ್ದು, ₹2,03,521 ಕೋಟಿಗೆ ತಲುಪಿದೆ. ಈ ಹಣಕಾಸು ವರ್ಷದ ಮೊದಲ ಆರು ತಿಂಗಳಲ್ಲಿ ಜಿಎಸ್ಟಿ ಆದಾಯ ₹12.46 ಲಕ್ಷ ಕೋಟಿ ಆಗಿದೆ. ಅತಿಹೆಚ್ಚು ಜಿಎಸ್ಟಿ ಸಂಗ್ರಹಿಸುವ ರಾಜ್ಯಗಳಲ್ಲಿ ಮಹಾರಾಷ್ಟ್ರದ ನಂತರದ ಸ್ಥಾನದಲ್ಲಿ ಕರ್ನಾಟಕ ಮುಂದುವರಿದಿದೆ. ಕರ್ನಾಟಕ ಸೇರಿದಂತೆ ದೇಶದ ಜಿಎಸ್ಟಿ ಆದಾಯದ ಸಂಪೂರ್ಣ ವಿವರ ಇಲ್ಲಿದೆ.
- Vijaya Sarathy SN
- Updated on: Oct 1, 2026
- 1:03 pm
ಸರ್ಕಾರಕ್ಕೆ ಪಾವತಿಸುವ ಜನರ ತೆರಿಗೆ ಹಣ ವಾಸ್ತವದಲ್ಲಿ ಎಲ್ಲಿಗೆ ಹೋಗುತ್ತದೆ, ಏನಾಗುತ್ತದೆ? ಇಲ್ಲಿದೆ ಅದರ ಕುತೂಹಲಕಾರಿ ಪಯಣ
ನಾವು ಪಾವತಿಸುವ ಪ್ರತಿಯೊಂದು ರೂಪಾಯಿಯೂ ಅತ್ಯಂತ ಬೃಹತ್ ಸಾರ್ವಜನಿಕ ವೆಚ್ಚ ವ್ಯವಸ್ಥೆಯ ಭಾಗವಾಗುತ್ತದೆ. ರಾಜ್ಯಗಳು ಮತ್ತು ರಕ್ಷಣಾ ವಲಯದಿಂದ ಹಿಡಿದು ಬಡ್ಡಿ, ಪಿಂಚಣಿ ಹಾಗೂ ಸಹಾಯಧನಗಳವರೆಗೆ, ಸರ್ಕಾರದ ಹಣ ಹೇಗೆ ಚಲಿಸುತ್ತದೆ ಮತ್ತು ಸಾರ್ವಜನಿಕರು ಅದು ಎಲ್ಲಿಗೆ ತಲುಪುತ್ತದೆ ಎಂಬುದರ ಕುರಿತು ಏಕೆ ಗಮನ ಹರಿಸಬೇಕು ಎಂಬುದನ್ನು ಕೇಂದ್ರ ಬಜೆಟ್ ತೋರಿಸಿಕೊಡುತ್ತದೆ ಎಂದು ಟಿವಿ ನೆಟ್ವರ್ಕ್ನ ಎಕ್ಸಿಕ್ಯೂಟಿವ್ ಸಂತೋಷ್ ನಾಯರ್ ಬರೆಯುತ್ತಾರೆ.
- Santosh Nair
- Updated on: Sep 16, 2026
- 1:35 pm
ಬಯೋಮೆಟ್ರಿಕ್ ಆಧಾರ್ ದೃಢೀಕರಣ ಇಲ್ಲದೆ ಜಿಎಸ್ಟಿ ನೊಂದಣಿಗೆ ಅವಕಾಶ ಇಲ್ಲ: ದೆಹಲಿ ಹೈಕೋರ್ಟ್ ಆದೇಶ
ಬಯೋಮೆಟ್ರಿಕ್ ಆಧಾರಿತವಾದ ಆಧಾರ್ ದೃಢೀಕರಣ ಇಲ್ಲದೇ ಜಿಎಸ್ಟಿ ನೊಂದಣಿಗೆ ಅವಕಾಶ ಕೊಡಬಾರದು ಎಂದು ದೆಹಲಿ ಉಚ್ಚ ನ್ಯಾಯಾಲಯ ಆದೇಶ ಹೊರಡಿಸಿದೆ. ನ್ಯಾಯಾಧೀಶರಾದ ಅನಿಲ್ ಕ್ಷೇತ್ರಪಾಲ್ ಮತ್ತು ಶೈಲ್ ಜೈನ್ ಅವರಿದ್ದ ದೆಹಲಿ ಹೈಕೋರ್ಟ್ ನ್ಯಾಯಪೀಠ ಈ ತೀರ್ಪು ನೀಡಿದೆ. ಕೋರ್ಟ್ನ ಈ ಆದೇಶವು ದೇಶಾದ್ಯಂತ ಎಲ್ಲಾ ಜಿಎಸ್ಟಿ ಪ್ರಾಧಿಕಾರಗಳಿಗೆ ಅನ್ವಯ ಆಗುತ್ತದೆ.
- Vijaya Sarathy SN
- Updated on: Sep 10, 2026
- 5:52 pm
ಆಗಸ್ಟ್ನಲ್ಲೂ ಸಖತ್ ಜಿಎಸ್ಟಿ ಸಂಗ್ರಹ; ಕಳೆದ ವರ್ಷದಕ್ಕಿಂತ ಶೇ. 14.8ರಷ್ಟು ಹೆಚ್ಚು ತೆರಿಗೆ ಕಲೆಕ್ಷನ್
GST collection in 2026 August: 2026ರ ಆಗಸ್ಟ್ ತಿಂಗಳಲ್ಲಿ ಒಟ್ಟು ಜಿಎಸ್ಟಿ ಸಂಗ್ರಹ 1.99 ಲಕ್ಷ ಕೋಟಿ ರೂ ಸರ್ಕಾರಕ್ಕೆ ಬಂದಿದೆ. ಹಿಂದಿನ ತಿಂಗಳಲ್ಲಿ ಇದು 2.11 ಲಕ್ಷ ಕೋಟಿ ರೂ ಸಂಗ್ರಹವಾಗಿತ್ತು. ಆದರೆ, ಹಿಂದಿನ ವರ್ಷದ ಆಗಸ್ಟ್ಗೆ ಹೋಲಿಸಿದರೆ ಈ ವರ್ಷದಲ್ಲಿ ಶೇ. 14.8ರಷ್ಟು ಹೆಚ್ಚು ಸರಕು ಮತ್ತು ಸೇವಾ ತೆರಿಗೆಯನ್ನು ಸರ್ಕಾರ ಪಡೆದಿದೆ. ರಿಫಂಡ್ ಕಳೆದು ಸರ್ಕಾರಕ್ಕೆ ಉಳಿಯುವ ಜಿಎಸ್ಟಿ 1.68 ಲಕ್ಷ ಕೋಟಿ ರು.
- Vijaya Sarathy SN
- Updated on: Sep 1, 2026
- 1:05 pm
ಕೇಂದ್ರದಿಂದ ರಾಜ್ಯಗಳಿಗೆ 1 ಲಕ್ಷ ಕೋಟಿ ರೂ ತೆರಿಗೆ ಹಂಚಿಕೆ; ಕರ್ನಾಟಕಕ್ಕೆ 4,504 ಕೋಟಿ ರೂ; ಬೇರೆ ರಾಜ್ಯಗಳಿಗೆ ಸಿಕ್ಕಿದ್ದು ಎಷ್ಟು?
Centre releases Rs 1,09,019 crore tax devolution to states: ಕೇಂದ್ರ ಸರ್ಕಾರ ರಾಜ್ಯಗಳಿಗೆ 1.09 ಲಕ್ಷ ಕೋಟಿ ರೂ ತೆರಿಗೆ ಹಂಚಿಕೆ ಮಾಡಿದೆ. ಇದು ಹೆಚ್ಚುವರಿ ಕಂತಿನ ಟ್ಯಾಕ್ಸ್ ಹಂಚಿಕೆಯಾಗಿದೆ. ಉತ್ತರಪ್ರದೇಶಕ್ಕೆ ಅತಿಹೆಚ್ಚು ತೆರಿಗೆ ಹಣ ಹೋಗಿದೆ. 19,208 ಕೋಟಿ ರೂ ಹಂಚಿಕೆಯಾಗಿದೆ. ಕರ್ನಾಟಕಕ್ಕೆ 4,504 ಕೋಟಿ ರೂ ಸಿಕ್ಕಿದೆ. 15ನೇ ಹಣಕಾಸು ಆಯೋಗ ನಿಗದಿ ಮಾಡಿರುವ ಸೂತ್ರದ ಪ್ರಕಾರ ಟ್ಯಾಕ್ಸ್ ಡಿವೊಲ್ಯೂಶನ್ ಮಾಡಲಾಗುತ್ತಿದೆ.
- Vijaya Sarathy SN
- Updated on: Aug 1, 2026
- 6:04 pm
ಜುಲೈನಲ್ಲಿ ಭರ್ಜರಿ ಜಿಎಸ್ಟಿ ಕಲೆಕ್ಷನ್ಸ್; ಸರ್ಕಾರದ ಖಜಾನೆ ಮುಟ್ಟಿದ ತೆರಿಗೆ ಮೊತ್ತ 2 ಲಕ್ಷ ಕೋಟಿ ರೂಗೂ ಅಧಿಕ
Gross GST collections of Rs 2.11 lakh crore in July: 2026ರ ಜುಲೈ ತಿಂಗಳಲ್ಲಿ ಒಟ್ಟು ಜಿಎಸ್ಟಿ 2.11 ಲಕ್ಷ ಕೋಟಿ ರೂ ಸಂಗ್ರಹವಾಗಿದೆ. ನಿವ್ವಳ ಜಿಎಸ್ಟಿ 1.81 ಲಕ್ಷ ಕೋಟಿ ರೂ ಇದೆ. ಒಟ್ಟು ಜಿಎಸ್ಟಿಯಲ್ಲಿ ಶೇ. 15.4 ಏರಿಕೆಯಾದರೆ, ನಿವ್ವಳ ಜಿಎಸ್ಟಿಯಲ್ಲಿ ಶೇ. 15.8ರಷ್ಟು ಹೆಚ್ಚಳವಾಗಿದೆ. ಜುಲೈನಲ್ಲಿ ಮಹಾರಾಷ್ಟ್ರ 32,000 ಕೋಟಿ ರೂಗೂ ಅಧಿಕ ಜಿಎಸ್ಟಿ ಸಂಗ್ರಹಿಸಿದರೆ, ಕರ್ನಾಟಕ 13,854 ಕೋಟಿ ರೂನೊಂದಿಗೆ ಎರಡನೇ ಸ್ಥಾನ ಪಡೆದಿದೆ.
- Vijaya Sarathy SN
- Updated on: Aug 1, 2026
- 3:31 pm
ಜಿಎಸ್ಟಿ ಕಾಂಪೆನ್ಸೇಶನ್ ಸೆಸ್ ಅಂತ್ಯವಾದರೂ ರಾಜ್ಯಗಳಿಗೆ ತಗ್ಗಲ್ಲ ತೆರಿಗೆ ಸುಗ್ಗಿ; ಸಿಗಲಿದೆ 1.43 ಲಕ್ಷ ಕೋಟಿ ರೂ ಹೆಚ್ಚುವರಿ ಆದಾಯ
States to gain lot taxes despite the end of GST compensation cess: ಜಿಎಸ್ಟಿ ಕಾಂಪೆನ್ಸೇಶನ್ ಸೆಸ್ ವ್ಯವಸ್ಥೆ ಅಂತ್ಯಗೊಂಡಿದ್ದರೂ ರಾಜ್ಯಗಳಿಗೆ ತೆರಿಗೆ ಗಳಿಕೆಯಲ್ಲಿ ಕುಂದು ಇರೋದಿಲ್ಲ. ಎಸ್ಬಿಐ ರಿಸರ್ಚ್ ವರದಿ ಪ್ರಕಾರ, ರಾಜ್ಯಗಳಿಗೆ 1.43 ಲಕ್ಷ ಕೋಟಿ ರೂ ಹೆಚ್ಚುವರಿ ಆದಾಯ ಸಿಗುತ್ತದೆ. ಹೆಚ್ಚುವರಿ ಅಬಕಾರಿ ಸುಂಕದಿಂದಾಗಿ ರಾಜ್ಯಗಳಿಗೆ ಹೆಚ್ಚಿನ ತೆರಿಗೆ ಹಂಚಿಕೆ ಇರುತ್ತದೆ.
- Vijaya Sarathy SN
- Updated on: Jul 24, 2026
- 8:24 pm
ಬಲಿಷ್ಠ ಆರ್ಥಿಕ ಸೂಚಕಗಳು: ಭಾರತದ ಬೆಳವಣಿಗೆಯ ಹಾದಿ ಇನ್ನಷ್ಟು ಸುದೃಢ
Strong Economic Indicators Reinforce India's Growth Story: ಜಾಗತಿಕ ಅನಿಶ್ಚಿತತೆಗಳ ನಡುವೆಯೂ ಭಾರತದ ಆರ್ಥಿಕತೆ ವಿಚಲಿತಗೊಳ್ಳದೆ ಸ್ಥಿರ ಬೆಳವಣಿಗೆ ಕಾಣುತ್ತಿದೆ. ಇದು ಬಲಿಷ್ಠ ಆರ್ಥಿಕ ಬುನಾದಿ ಹಾಗೂ ವ್ಯವಸ್ಥೆಯ ದ್ಯೋತಕವಾಗಿದೆ. ಜಿಎಸ್ಟಿ ಸಂಗ್ರಹದಲ್ಲಿ ಸತತ ಹೆಚ್ಚಳ, ಉತ್ಪಾದನೆ ಸೂಚ್ಯಂಕ ಏರಿಕೆ, ಸರ್ಕಾರದ ಬಂಡವಾಳ ಹೆಚ್ಚಳ ಇತ್ಯಾದಿ ಸೂಚಕಗಳು ಉತ್ತಮವಾಗಿವೆ.
- Vijaya Sarathy SN
- Updated on: Jul 2, 2026
- 8:30 pm
