Paytm FAStag: ಫಾಸ್ಟ್ಯಾಗ್ ನೀಡುವ ಅಧಿಕೃತ ಬ್ಯಾಂಕುಗಳ ಪಟ್ಟಿಯಿಂದ ಪೇಟಿಎಂ ಹೊರಕ್ಕೆ; ಇಲ್ಲಿದೆ ಪಟ್ಟಿ
Authorised banks to give FASTag: ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಇದೀಗ ಫಾಸ್ಟ್ಯಾಗ್ ವಿತರಣೆಗೆ ಮಾನ್ಯತೆ ಹೊಂದಿರುವ 32 ಬ್ಯಾಂಕುಗಳ ಪಟ್ಟಿ ಬಿಡುಗಡೆ ಮಾಡಿದೆ. ಎನ್ಎಚ್ಎಐ ರಿಲೀಸ್ ಮಾಡಿರುವ ಈ ಪಟ್ಟಿಯಲ್ಲಿ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಇಲ್ಲ. ಏರ್ಟೆಲ್ ಬ್ಯಾಂಕ್ ಈ ಪಟ್ಟಿಯಲ್ಲಿ ಇದೆ. ಎರಡು ಕೋಟಿ ಜನರು ಪೇಟಿಎಂ ಫಾಸ್ಟ್ಯಾಗ್ ಹೊಂದಿದ್ದು ಫೆ. 29ರೊಳಗೆ ಹೊಸ ಆರ್ಎಫ್ಐಡಿ ಸ್ಟಿಕರ್ಗಳನ್ನು ಅಳವಡಿಸಬೇಕಾಗುತ್ತದೆ.
Updated on: Feb 16, 2024 | 3:25 PM
ನವದೆಹಲಿ, ಫೆಬ್ರುವರಿ 16: ನಿರೀಕ್ಷೆಯಂತೆ ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಹೊಸ ಫಾಸ್ಟ್ಯಾಗ್ (FASTag) ನೀಡುವ ಮಾನ್ಯತೆ ಕಳೆದುಕೊಂಡಿದೆ. ಇದರೊಂದಿಗೆ ಇನ್ಮುಂದೆ ಪೇಟಿಎಂ ಮೂಲಕ ಹೊಸ ಫಾಸ್ಟ್ಯಾಗ್ ಖರೀದಿಸಲು ಸಾಧ್ಯವಾಗುವುದಿಲ್ಲ. ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಎನ್ಎಚ್ಎಐ ಹೊಸ ಫಾಸ್ಟ್ಯಾಗ್ ವಿತರಿಸಲು ಮಾನ್ಯತೆ ಪಡೆದಿರುವ ಬ್ಯಾಂಕುಗಳ ಪಟ್ಟಿ ಪ್ರಕಟಿಸಿದ್ದು, ಅದರಲ್ಲಿ ಪೇಟಿಎಂ ಹೆಸರನ್ನು ಕೈಬಿಡಲಾಗಿದೆ. ಈ ಪಟ್ಟಿಯಲ್ಲಿ ಏರ್ಟೇಲ್ ಪೇಮೆಂಟ್ಸ್ ಬ್ಯಾಂಕ್ ಸೇರಿದಂತೆ 32 ಬ್ಯಾಂಕುಗಳ ಪಟ್ಟಿ ಇದೆ. ಇದರಲ್ಲಿ ಕರ್ಣಾಟಕ ಬ್ಯಾಂಕ್, ಎಸ್ಬಿಐ ಇತ್ಯಾದಿ ಪ್ರಮುಖ ಬ್ಯಾಂಕುಗಳೆಲ್ಲವೂ ಇವೆ.
ವರದಿ ಪ್ರಕಾರ, ಪೇಟಿಎಂ ಫಾಸ್ಟ್ಯಾಗ್ ಅನ್ನು ಹೊಂದಿರುವವರು ಅದನ್ನು ಮರಳಿಸಿ ಬೇರೆ ಬ್ಯಾಂಕುಗಳಿಂದ ಫಾಸ್ಟ್ಯಾಗ್ ಪಡೆಯುವಂತೆ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ತಿಳಿಸಿದೆ. ಆದರೆ, ಈಗಾಗಲೇ ಪೇಟಿಎಂ ಫಾಸ್ಟ್ಯಾಗ್ ಹೊಂದಿರುವವರು, ಅದರಲ್ಲಿ ಬ್ಯಾಲನ್ಸ್ ಹೊಂದಿದ್ದರೆ ಫೆಬ್ರುವರಿ 29ರವರೆಗೂ ಅದನ್ನು ಬಳಸಬಹುದು. ಅದಾದ ಬಳಿಕ ಅದರ ಬಳಕೆ ಸಾಧ್ಯವಾಗುವುದಿಲ್ಲ.
ದೇಶಾದ್ಯಂತ ಸುಮಾರು ಎರಡು ಕೋಟಿ ವಾಹನಗಳಿಗೆ ಪೇಟಿಎಂನ ಫಾಸ್ಟ್ಯಾಗ್ ಇದೆ. ಈಗ ಇಷ್ಟೂ ಜನರು ಹೊಸ ಆರ್ಎಫ್ಐಡಿ ಸ್ಟಿಕರ್ಗಳನ್ನು ಪಡೆದು ಅಳವಡಿಸಿಕೊಳ್ಳಬೇಕಾಗುತ್ತದೆ. ಬೇರೆ ಮಾನ್ಯ ಬ್ಯಾಂಕುಗಳಿಂದ ಫಾಸ್ಟ್ಯಾಗ್ ಪಡೆಯಬೇಕಾಗುತ್ತದೆ. ಎಚ್ಡಿಎಫ್ಸಿ ಬ್ಯಾಂಕ್ನಿಂದ ಫಾಸ್ಟ್ಯಾಗ್ ಪಡೆಯುವಂತೆ ಪೇಟಿಎಂ ತನ್ನ ಗ್ರಾಹಕರಿಗೆ ಶಿಫಾರಸು ಮಾಡಿದೆ.
ಇದನ್ನೂ ಓದಿ: ಜೀವನದಲ್ಲಿ ಸಾಧನೆ ಮಾಡಬೇಕೆ? ಬುದ್ಧಿಯಲ್ಲ, ಮನಸಿನ ಮಾತಿಗೆ ಕಿವಿಗೊಡಿ: ಗೂಗಲ್ ಸಿಇಒ ಸುಂದರ್ ಪಿಚೈ
ಫಾಸ್ಟ್ಯಾಗ್ ವಿತರಿಸಲು ಮಾನ್ಯತೆ ಪಡೆದ 32 ಬ್ಯಾಂಕುಗಳ ಪಟ್ಟಿ
- ಏರ್ಟೆಲ್ ಪೇಮೆಂಟ್ಸ್ ಬ್ಯಾಂಕ್
- ಎಯು ಸ್ಮಾಲ್ ಫೈನಾನ್ಸ್ ಬ್ಯಾಂಕ್
- ಅಲಾಹಾಬಾದ್ ಬ್ಯಾಂಕ್
- ಎಕ್ಸಿಸ್ ಬ್ಯಾಂಕ್
- ಕೆನರಾ ಬ್ಯಾಂಕ್
- ಬ್ಯಾಂಕ್ ಆಫ್ ಬರೋಡ
- ಬ್ಯಾಂಕ್ ಆಫ್ ಮಹಾರಾಷ್ಟ್ರ
- ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ
- ಸಿಟಿ ಯೂನಿಯನ್ ಬ್ಯಾಂಕ್
- ಕಾಸ್ಮಸ್ ಬ್ಯಾಂಕ್
- ಈಕ್ವಿಟಿಯಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್
- ಫೆಡರಲ್ ಬ್ಯಾಂಕ್
- ಫಿನೋ ಪೇಮೆಂಟ್ಸ್ ಬ್ಯಾಂಕ್
- ಎಚ್ಡಿಎಫ್ಸಿ ಬ್ಯಾಂಕ್
- ಐಡಿಎಫ್ಸಿ ಬ್ಯಾಂಕ್
- ಐಸಿಐಸಿಐ ಬ್ಯಾಂಕ್
- ಐಡಿಬಿಐ ಬ್ಯಾಂಕ್
- ಇಂಡಿಯನ್ ಬ್ಯಾಂಕ್
- ಇಂಡಸ್ಇಂಡ್ ಬ್ಯಾಂಕ್
- ಜೆ ಅಂಡ್ ಕೆ ಬ್ಯಾಂಕ್
- ಕರೂರ್ ವೈಶ್ಯ ಬ್ಯಾಂಕ್
- ಕೋಟಕ್ ಮಹೀಂದ್ರ ಬ್ಯಾಂಕ್
- ಕರ್ಣಾಟಕ ಬ್ಯಾಂಕ್
- ನಾಗಪುರ್ ನಾಗರಿಕ್ ಸಹಕಾರಿ ಬ್ಯಾಂಕ್
- ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ
- ಪಂಜಾಬ್ ನ್ಯಾಷನಲ್ ಬ್ಯಾಂಕ್
- ಸಾರಸ್ವತ್ ಬ್ಯಾಂಕ್
- ಸೌತ್ ಇಂಡಿಯನ್ ಬ್ಯಾಂಕ್
- ತ್ರಿಶೂರ್ ಡಿಸ್ಟ್ರಿಕ್ಟ್ ಕೋ ಆಪರೇಟಿವ್ ಬ್ಯಾಂಕ್
- ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ
- ಯುಕೋ ಬ್ಯಾಂಕ್
- ಯೆಸ್ ಬ್ಯಾಂಕ್
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
