Post Office Time Deposit: ಅಂಚೆ ಕಚೇರಿ ಟೈಮ್ ಡಿಪಾಸಿಟ್ನಲ್ಲಿ ಹೂಡಿಕೆ ಮಾಡಿ ಲಕ್ಷಾಧಿಪತಿಯಾಗಿ!
ಅಂಚೆ ಕಚೇರಿ ಟೈಮ್ ಡಿಪಾಸಿಟ್ನಲ್ಲಿ ಹೂಡಿಕೆ ಮಾಡುವ ಮೂಲಕ ನೀವು ಕೇವಲ 5 ವರ್ಷಗಳಲ್ಲಿ ದೊಡ್ಡ ಮೊತ್ತದ ಹಣವನ್ನು ಸಂಗ್ರಹಿಸಬಹುದು. ಹೌದು, ಪೋಸ್ಟ್ ಆಫೀಸ್ ಟೈಮ್ ಡಿಪಾಸಿಟ್ ಯೋಜನೆಯಲ್ಲಿ ಹೂಡಿಕೆ ಮಾಡುವ ಮೂಲಕ ಹೆಚ್ಚಿನ ರಿಟರ್ನ್ಸ್ ಪಡೆಯಬಹುದು.
Updated on: May 30, 2023 | 8:55 AM
ಲಕ್ಷಾಧಿಪತಿ ಆಗುವ ಬಯಕೆ ಯಾರಿಗೆ ಇರುವುದಿಲ್ಲ ಹೇಳಿ. ಆದರೆ ಹೆಚ್ಚುತ್ತಿರುವ ಹಣದುಬ್ಬರದ (Inflation) ಈ ಸಮಯಲ್ಲಿ ಲಕ್ಷಾಧಿಪತಿಯಾಗುವುದು ಸುಲಭವಲ್ಲ. ಹಣದುಬ್ಬರಕ್ಕೆ ಹೋಲಿಸಿದರೆ, ಹೆಚ್ಚಿನ ಜನರ ಸಂಬಳವು ಅವರ ವೆಚ್ಚಗಳಿಗೆ ಮಾತ್ರ ಬಳಕೆಯಾಗುತ್ತವೆ. ಹಾಗಾದರೆ ಹಣ ಉಳಿಸುವುದು ಹೇಗೆ ಎಂಬುದು ಯೋಚಿಸಬೇಕಾದ ವಿಷಯ. ಅಂಚೆ ಕಚೇರಿ ಟೈಮ್ ಡಿಪಾಸಿಟ್ನಲ್ಲಿ (Post Office Time Deposit) ಹೂಡಿಕೆ ಮಾಡುವ ಮೂಲಕ ನೀವು ಕೇವಲ 5 ವರ್ಷಗಳಲ್ಲಿ ದೊಡ್ಡ ಮೊತ್ತದ ಹಣವನ್ನು ಸಂಗ್ರಹಿಸಬಹುದು. ಹೌದು, ಪೋಸ್ಟ್ ಆಫೀಸ್ ಟೈಮ್ ಡಿಪಾಸಿಟ್ ಯೋಜನೆಯಲ್ಲಿ ಹೂಡಿಕೆ ಮಾಡುವ ಮೂಲಕ ಹೆಚ್ಚಿನ ರಿಟರ್ನ್ಸ್ ಪಡೆಯಬಹುದು.
ಅಂದಹಾಗೆ, ಕಡಿಮೆ ಸಮಯದಲ್ಲಿ ಉತ್ತಮ ಲಾಭವನ್ನು ನೀಡುವ ಪೋಸ್ಟ್ ಆಫೀಸ್ ಯೋಜನೆಗಳಿವೆ. ಆದರೆ ಟೈಮ್ ಡಿಪಾಸಿಟ್ನಲ್ಲಿ ನೀವು ಖಂಡಿತವಾಗಿ ಉತ್ತಮ ರಿಟರ್ನ್ ಪಡೆಯುತ್ತೀರಿ. ಅದೇ ಸಮಯದಲ್ಲಿ, ಅದರಲ್ಲಿ ಹೂಡಿಕೆ ಮಾಡುವ ಮೂಲಕ, ನೀವು 1.5 ಲಕ್ಷ ರೂ.ವರೆಗೆ ತೆರಿಗೆ ವಿನಾಯಿತಿ ಸಹ ಪಡೆಯಬಹುದು. ಇದರಲ್ಲಿ, ನೀವು ಕನಿಷ್ಠ 1000 ರೂ.ಗಳಿಂದ ಹೂಡಿಕೆಯನ್ನು ಪ್ರಾರಂಭಿಸಬಹುದು.
ಹೂಡಿಕೆ ಮಾಡುವುದು ಹೇಗೆ?
ನೀವು ಪೋಸ್ಟ್ ಆಫೀಸ್ ಟೈಮ್ ಡಿಪಾಸಿಟ್ನಲ್ಲಿ 1 ವರ್ಷದಿಂದ 5 ವರ್ಷಗಳವರೆಗೆ ಹೂಡಿಕೆ ಮಾಡಬಹುದು. ಇದು ವಿವಿಧ ವರ್ಷಗಳಿಗೆ ವಿಭಿನ್ನ ಆದಾಯವನ್ನು ನೀಡುತ್ತದೆ. ಉದಾಹರಣೆಗೆ, ನೀವು ಒಂದು ವರ್ಷಕ್ಕೆ ಹೂಡಿಕೆ ಮಾಡಿದರೆ, ನೀವು 6.8% ನಷ್ಟು ಬಡ್ಡಿ ಪಡೆಯುತ್ತೀರಿ. ಅದೇ ಸಮಯದಲ್ಲಿ, 2 ವರ್ಷದ ಹೂಡಿಕೆಯಲ್ಲಿ 6.9% ಮತ್ತು 5-ವರ್ಷದ ಹೂಡಿಕೆಯಲ್ಲಿ 7.5% ಬಡ್ಡಿ ದರ ಸಿಗಲಿದೆ. ಈ ಯೋಜನೆಯಲ್ಲಿ, ನಿಮ್ಮ ಬಡ್ಡಿಯನ್ನು ಪ್ರತಿ ತಿಂಗಳು ಲೆಕ್ಕ ಹಾಕಲಾಗುತ್ತದೆ, ಅದನ್ನು ನೀವು ವಾರ್ಷಿಕವಾಗಿ ಪಡೆಯುತ್ತೀರಿ.
ಹೀಗಿದೆ ಲೆಕ್ಕಾಚಾರ
ನೀವು 5 ವರ್ಷಗಳ ಅವಧಿಯ ಠೇವಣಿಯಲ್ಲಿ 5 ಲಕ್ಷ ರೂಪಾಯಿಗಳನ್ನು ಹೂಡಿಕೆ ಮಾಡಿದ್ದೀರಿ ಎಂದು ಭಾವಿಸೋಣ. ಈಗ ನೀವು ಇದರ ಮೇಲೆ ಶೇಕಡಾ 7.5 ರ ದರದಲ್ಲಿ ಬಡ್ಡಿಯನ್ನು ಪಡೆಯುತ್ತೀರಿ. ಮೆಚ್ಯೂರಿಟಿಯ ನಂತರ, ಎಂದರೆ 5 ವರ್ಷಗಳ ನಂತರ ನಿಮಗೆ 7,24,149 ರೂ. ದೊರೆಯಲಿದೆ. ಇದರಲ್ಲಿ 5 ಲಕ್ಷ ರೂ. ನಿಮ್ಮ ಹೂಡಿಕೆ ಮತ್ತು ಉಳಿದವು ಬಡ್ಡಿಯಿಂದ ನಿಮ್ಮ ಗಳಿಕೆಯಾಗಿದೆ. ಈ ಠೇವಣಿಯನ್ನು ಮತ್ತೆ 5 ವರ್ಷಗಳ ವರೆಗೆ ವಿಸ್ತರಿಸುವ ಸೌಲಭ್ಯವೂ ಸಿಗುತ್ತದೆ. ಇದರರ್ಥ ನೀವು ಅದನ್ನು ಇನ್ನೂ 5 ವರ್ಷಗಳವರೆಗೆ ವಿಸ್ತರಿಸಿದರೆ, ನೀವು ಮುಕ್ತಾಯದ ಮೇಲೆ 10,00,799 ರೂ ಗಳಿಸಬಹುದು.
