SBI FD Schemes: ಎಸ್​ಬಿಐನ ಎರಡು ಜನಪ್ರಿಯ ಎಫ್​ಡಿ ಸ್ಕೀಮ್​ಗಳ ಗಡುವು ಮತ್ತೆ ವಿಸ್ತರಣೆ; ಇಲ್ಲಿದೆ ಡೀಟೇಲ್ಸ್

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಫಿಕ್ಸೆಡ್ ಡೆಪಾಸಿಟ್ ಸ್ಕೀಮ್​ಗಳು (FD Schemes) ತೀರಾ ಹೆಚ್ಚು ಬಡ್ಡಿ ಒದಗಿಸದೇ ಹೋದರೂ ವಿಶ್ವಾಸಾರ್ಹತೆ ಹೊಂದಿವೆ. ಬಹಳ ಗಮನ ಸೆಳೆದಿರುವ ಅದರ ಇತ್ತೀಚಿನ ಎರಡು ಎಫ್​ಡಿ ಸ್ಕೀಮ್​ಗಳು ಹೆಚ್ಚು ಬೇಡಿಕೆ ಹಿನ್ನೆಲೆಯಲ್ಲಿ ಅವಧಿ ವಿಸ್ತರಣೆ ಮಾಡಲಾಗಿದೆ. ಹಿರಿಯ ನಾಗರಿಕರಿಗೆಂದು ರೂಪಿಸಲಾಗಿರುವ ಎಸ್​ಬಿಐ ವೀಕೇರ್ (SBI WeCare) ಹಾಗೂ ಎಸ್​ಬಿಐ ಅಮೃತ್ ಕಳಶ್ (SBI Amrit Kalash FD Scheme) ಡೆಪಾಸಿಟ್ ಸ್ಕೀಮ್​ಗಳಲ್ಲಿ ಹಣ ತೊಡಗಿಸಲು ಈಗ ಹೆಚ್ಚಿನ ಕಾಲಾವಕಾಶ ಕೊಡಲಾಗಿದೆ. ವೀ ಕೇರ್ ಸ್ಕೀಮ್ ಪಡೆಯಲು ಕಾಲಾವಕಾಶವನ್ನು ಸೆಪ್ಟಂಬರ್ 30ವರೆಗೂ ವಿಸ್ತರಿಸಲಾಗಿದೆ. ಇನ್ನು ಎಸ್​ಬಿಐ ಅಮೃತ್ ಕಳಶ್ ಎಫ್​ಡಿ ಯೋಜನೆಯ ಪಡೆಯುವ ಕಾಲಾವಕಾಶವನ್ನು ಆಗಸ್ಟ್ 15ರವರೆಗೂ ಹೆಚ್ಚಿಸಲಾಗಿದೆ. ಅಮೃತ್ ಕಲಶ್ ಸ್ಕೀಮ್​ನ ಅವಧಿ ಎರಡು ಬಾರಿ ವಿಸ್ತರಣೆ ಆದಂತಾಗಿದೆ. ಮೊದಲಿಗೆ ಮಾರ್ಚ್ 31ರವರೆಗೂ ಇತ್ತು. ಅದನ್ನು ಜೂನ್ 30ಕ್ಕೆ ವಿಸ್ತರಿಸಲಾಗಿತ್ತು. ಈಗ ಆಗಸ್ಟ್ 15ರವರೆಗೂ ಕಾಲಾವಕಾಶ ಕೊಡಲಾಗಿದೆ.

ಎಸ್​ಬಿಐ ವೀಕೇರ್ ಸ್ಕೀಮ್ ವಿವರ:

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ವೀಕೇರ್ ಸ್ಕೀಮ್ ಹಿರಿಯ ನಾಗರಿಕರಿಗೆಂದು ರೂಪಿಸಲಾಗಿದೆ. ಇದಕ್ಕೆ ನೀಡಲಾಗುವ ಬಡ್ಡಿ ದರ ಶೇ. 7.50ರಷ್ಟಿದೆ. 5ರಿಂದ 10 ವರ್ಷ ಅವಧಿಯ ನಿಶ್ಚಿತ ಠೇವಣಿಯ ಈ ವೀಕೇರ್ ಸ್ಕೀಮ್ ಅನ್ನು ಪಡೆಯಲು 2023 ಸೆಪ್ಟಂಬರ್ 30ರವರೆಗೂ ಅವಕಾಶ ಕೊಡಲಾಗಿದೆ. ಈ ಮುಂಚೆ ಜುಲೈ 7ರವರೆಗೆ ಗಡುವು ಕೊಡಲಾಗಿತ್ತು. ಹೆಚ್ಚಿನ ಜನಕ್ಕೆ ಅವಕಾಶ ಸಿಗಲೆಂದು ಇನ್ನೆರಡು ತಿಂಗಳು ಹೆಚ್ಚು ಕಾಲಾವಕಾಶ ಕೊಡಲಾಗಿದೆ.

ಇದನ್ನೂ ಓದಿ: NPS Rule Change: ಪಿಂಚಣಿ ಯೋಜನೆಯಲ್ಲಿ ಮಹತ್ವದ ಬದಲಾವಣೆ ಸಾಧ್ಯತೆ; ನ್ಯಾಷನಲ್ ಪೆನ್ಷನ್ ಸ್ಕೀಮ್ ಸದಸ್ಯರಿಗೆ ಖುಷಿ ಸುದ್ದಿಯಾ?

ಎಸ್​ಬಿಐ ಅಮೃತ್ ಕಲಶ್ ಸ್ಪೆಷಲ್ ಎಫ್​ಡಿ ಸ್ಕೀಮ್

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಜನಪ್ರಿಯವಾಗಿರುವ ಅಮೃತ್ ಕಲಶ್ ಸ್ಪೆಷಲ್ ಫಿಕ್ಸೆಡ್ ಸ್ಕೀಮ್ 2023ರ ಫೆಬ್ರುವರಿ 15ಕ್ಕೆ ಘೋಷಣೆ ಆಗಿತ್ತು. ಮಾರ್ಚ್ 31ರವರೆಗೂ ಸಮಯ ಕೊಡಲಾಗಿತ್ತು. ಬಳಿಕ ಜೂನ್ 30ಕ್ಕೆ ಅದು ವಿಸ್ತರಣೆಗೊಂಡು, ಈಗ ಆಗಸ್ಟ್ 15ಕ್ಕೆ ಹೋಗಿದೆ.

ಈ ಸ್ಪೆಷಲ್ ಫಿಕ್ಸೆಡ್ ಡೆಪಾಸಿಟ್ ಸ್ಕೀಮ್​ನಲ್ಲಿ ವಾರ್ಷಿಕ ಬಡ್ಡಿ ದರ ಶೇ. 7.1ರಷ್ಟಿದೆ. ಹಿರಿಯ ನಾಗರಿಕರಿಗೆ ಶೇ. 7.6 ಬಡ್ಡಿ ಸಿಗುತ್ತದೆ. ಇದು 400 ದಿನಗಳ ಡೆಪಾಸಿಟ್ ಸ್ಕೀಮ್ ಆಗಿದ್ದು, ಬೇರೆ ಅವಧಿಗೆ ಅನ್ವಯ ಆಗುವುದಿಲ್ಲ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ