ಅನಿವಾರ್ಯ ಸಂದರ್ಭಗಳು ಎದುರಾದರೆ ಸ್ಥಿರ ಠೇವಣಿಯನ್ನು (FDs) ಅವಧಿಪೂರ್ವ ಹಿಂಪಡೆಯಲು (Premature Withdrawal) ಬ್ಯಾಂಕ್ಗಳು ಅವಕಾಶ ನೀಡುತ್ತವೆ. ಆದರೆ, ಅವಧಿಪೂರ್ವ ಠೇವಣಿ ಹಿಂಪಡೆತಕ್ಕಾಗಿ ಬ್ಯಾಂಕ್ಗಳು ದಂಡ ಅಥವಾ ವಿವಿಧ ಶುಲ್ಕಗಳನ್ನು ವಿಧಿಸುತ್ತವೆ. ಎಫ್ಡಿಯ ಮೊತ್ತವನ್ನು ವಾಪಸ್ ಪಡೆದು ನೀವು ಠೇವಣಿ ಇಟ್ಟಿರುವ ಅದೇ ಬ್ಯಾಂಕ್ನ ಬೇರೆ ಉಳಿತಾಯ ಯೋಜನೆಗಳಲ್ಲಿ ಹೂಡಿಕೆ ಮಾಡುವುದಿದ್ದರೆ ಕೆಲವು ಬ್ಯಾಂಕ್ಗಳು ಶುಲ್ಕದಿಂದ ವಿನಾಯಿತಿ ನೀಡುವ ಸಾಧ್ಯತೆಯೂ ಇರುತ್ತದೆ. ಮೊಬೈಲ್ ಬ್ಯಾಂಕಿಂಗ್ ಆ್ಯಪ್ಗಳ ಅಥವಾ ನೆಟ್ ಬ್ಯಾಂಕಿಂಗ್ ಮೂಲಕವೂ ಎಫ್ಡಿ ಖಾತೆಗಳನ್ನು ಕ್ಲೋಸ್ ಮಾಡಬಹುದು. ಬ್ಯಾಂಕ್ ಶಾಖೆಗೆ ಭೇಟಿ ನೀಡಿಯೂ ಅವಧಿಪೂರ್ವ ಎಫ್ಡಿ ಹಿಂಪಡೆಯುವಿಕೆಗೆ ಮನವಿ ಸಲ್ಲಿಸಬಹುದು. ಎಫ್ಡಿಯ ಅವಧಿಪೂರ್ವ ಹಿಂಪಡೆಯುವಿಕೆಗೆ ಬ್ಯಾಂಕ್ಗಳು, ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ಗಳು ಹಾಗೂ ಬ್ಯಾಂಕೇತರ ಹಣಕಾಸು ಸಂಸ್ಥೆಗಳು ವಿಧಿಸುವ ದಂಡದ ವಿವರ ಇಲ್ಲಿದೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI)
5 ಲಕ್ಷ ರೂ.ವರೆಗಿನ ಎಫ್ಡಿಯನ್ನು ಅವಧಿಪೂರ್ವ ಹಿಂಪಡೆಯುವುದಿದ್ದರೆ ಎಸ್ಬಿಐ ಶೇಕಡಾ 0.50 ದಂಡ ವಿಧಿಸುತ್ತದೆ. 5 ಲಕ್ಷ ರೂ.ಗಿಂತ ಹೆಚ್ಚಿನ ಮೊತ್ತಕ್ಕೆ ಶೇಕಡಾ 1ರ ದಂಡ ವಿಧಿಸುತ್ತದೆ. 7 ದಿನಕ್ಕಿಂತ ಕಡಿಮೆ ದಿನದಲ್ಲಿ ಹಿಂಪಡೆಯುವ ಠೇವಣಿಗೆ ಬಡ್ಡಿ ನೀಡುವುದಿಲ್ಲ.
ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB)
ಎಲ್ಲ ಅವಧಿಯ ಎಫ್ಡಿ ಅವಧಿಪೂರ್ವ ಹಿಂಪಡೆಯುವಿಕೆಗೆ ಶೇಕಡಾ 1ರಷ್ಟು ದಂಡ ವಿಧಿಸಲಾಗುತ್ತದೆ. ಅಲ್ಲದೆ, ಒಪ್ಪಂದಕ್ಕಿಂತ ಶೇಕಡಾ -1ರಂತೆ ಬಡ್ಡಿ ನೀಡಲಾಗುತ್ತದೆ.
ಎಚ್ಡಿಎಫ್ಸಿ ಬ್ಯಾಂಕ್ (HDFC Bank)
ಅವಧಿಪೂರ್ವ ಎಫ್ಡಿ ಹಿಂಪಡೆಯುವಿಕೆಗೆ ಎಚ್ಡಿಎಫ್ಸಿ ಬ್ಯಾಂಕ್ ಶೇಕಡಾ 1ರ ದಂಡ ವಿಧಿಸುತ್ತದೆ. ಬಡ್ಡಿ ದರವನ್ನೂ ಕಡಿತಗೊಳಿಸುತ್ತದೆ.
ಇದನ್ನೂ ಓದಿ: ಅವಧಿಗೂ ಮುನ್ನ ಎಫ್ಡಿ ವಾಪಸ್ ಪಡೆದರೆ ದಂಡ; ಇಲ್ಲಿದೆ ವಿವರ
ಐಸಿಐಸಿಐ ಬ್ಯಾಂಕ್ (ICICI Bank)
ಅವಧಿಪೂರ್ವ ಎಫ್ಡಿ ಖಾತೆ ಕ್ಲೋಸ್ (1 ವರ್ಷಕ್ಕಿಂತ ಕಡಿಮೆ ಅವಧಿಯಲ್ಲಿ) ಮಾಡಲು ಐಸಿಐಸಿಐ ಬ್ಯಾಂಕ್ 5 ಕೋಟಿ ರೂ.ಗಿಂತ ಕಡಿಮೆ ಮೊತ್ತದ್ದಾದರೆ ಶೇಕಡಾ 0.5ರ ದಂಡ ವಿಧಿಸುತ್ತದೆ. ಒಂದು ವರ್ಷದ ನಂತರ ಹಿಂಪಡೆಯುವುದಾದರೆ ಶೇಕಡಾ 1ರ ದಂಡ ವಿಧಿಸುತ್ತದೆ. 5 ಕೋಟಿ ರೂ.ಗಿಂತ ಹೆಚ್ಚಿನ ಮೊತ್ತದ ಎಫ್ಡಿಯನ್ನು 5 ವರ್ಷಗಳ ಅವಧಿಗೆ ಮುನ್ನ ಹಿಂಪಡೆಯುವುದಾದರೆ ಶೇಕಡಾ 1 ಮತ್ತು 5 ವರ್ಷದ ನಂತರ ಅವಧಿಪೂರ್ವ ಹಿಂಪಡೆಯುವುದಾದರೆ ಶೇಕಡಾ 1.5 ದಂಡ ವಿಧಿಸುತ್ತದೆ.
ಬಜಾಜ್ ಫೈನಾನ್ಸ್ (Bajaj Finance)
ಮೊದಲ 3 ತಿಂಗಳು ಪೂರ್ಣಗೊಳ್ಳದೆ ಎಫ್ಡಿ ರದ್ದತಿಗೆ ಬಜಾಜ್ ಫೈನಾನ್ಸ್ ಅವಕಾಶ ನೀಡುವುದಿಲ್ಲ. 3ರಿಂದ 6 ತಿಂಗಳ ಒಳಗೆ ಹಿಂಪಡೆದರೆ ಬಡ್ಡಿ ನೀಡುವುದಿಲ್ಲ. 6 ತಿಂಗಳ ನಂತರ ಎಫ್ಡಿ ಖಾತೆ ಕ್ಲೋಸ್ ಮಾಡುವುದಾದರೆ ಷರತ್ತು ಮತ್ತು ನಿಬಂಧನೆಗಳಿಗೆ ಅನುಗುಣವಾಗಿ ಶೇಕಡಾ 2ರಿಂದ 3ರ ವರೆಗೆ ದಂಡ ವಿಧಿಸುತ್ತದೆ.
ವೈಯಕ್ತಿಕ ಹಣಕಾಸಿಗೆ ಸಂಬಂಧಿಸಿದ ಇನ್ನಷ್ಟು ಮಾಹಿತಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 11:25 am, Fri, 16 December 22