AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

PF Withdrawal Rules: ಪಿಎಫ್ ವಿಥ್​ಡ್ರಾ, ವರ್ಗಾವಣೆ ಮಾಡುವುದಕ್ಕೆ ಅನುಸರಿಸಬೇಕಾದ ನಿಯಮಗಳೇನು?

EPF Withdrawal Rules: ಪಿಎಫ್ ಆನ್​ಲೈನ್ ವರ್ಗಾವಣೆ ಅಥವಾ ವಿಥ್​ಡ್ರಾ ಮಾಡುವುದು ಹೇಗೆ? ಆನ್​ಲೈನ್ ಪ್ರಕ್ರಿಯೆ ಬಗ್ಗೆ ಇಲ್ಲಿದೆ ಹಂತಹಂತವಾದ ಮಾಹಿತಿ.

PF Withdrawal Rules: ಪಿಎಫ್ ವಿಥ್​ಡ್ರಾ, ವರ್ಗಾವಣೆ ಮಾಡುವುದಕ್ಕೆ ಅನುಸರಿಸಬೇಕಾದ ನಿಯಮಗಳೇನು?
ಸಾಂದರ್ಭಿಕ ಚಿತ್ರ
Srinivas Mata
| Updated By: Digi Tech Desk|

Updated on:May 29, 2021 | 12:04 PM

Share

ಕಾರ್ಮಿಕರ ಭವಿಷ್ಯ ನಿಧಿ ಒಕ್ಕೂಟ (ಇಪಿಎಫ್​ಒ) ಎಂಬುದು ಸಾಮಾಜಿಕ ಭದ್ರತಾ ಸಂಸ್ಥೆ. ಅದರ ನಿರ್ವಹಣೆ ಮಾಡುವುದು ಭಾರತ ಸರ್ಕಾರ. ಇಪಿಎಫ್​ (ಕಾರ್ಮಿಕರ ಭವಿಷ್ಯ ನಿಧಿ) ಅನ್ನು ಆನ್​ಲೈನ್​ನಲ್ಲೇ ವೆಬ್​ಸೈಟ್​ ಮೂಲಕ ವಿಥ್​ಡ್ರಾ/ವರ್ಗಾವಣೆ ಮಾಡುವುದಕ್ಕೆ ಸಾಧ್ಯವಿದೆ. ಭಾರತದಲ್ಲಿ ಎಲ್ಲ ಸ್ಥಿರವಾದ ಸಿಬ್ಬಂದಿಗೂ ಬೇಸಿಕ್ ಪೇ- ಮೂಲವೇತನ (ಮತ್ತು ಅನ್ವಯ ಆಗುವಲ್ಲಿ ತುಟ್ಟಿಭತ್ಯೆ- ಡಿಯರ್​ನೆಸ್ ಅಲೋವೆನ್ಸ್)ನ ಶೇ 12ರಷ್ಟು ಪ್ರತಿ ತಿಂಗಳು ಕೊಡುಗೆ ನೀಡಬೇಕು. ಉದ್ಯೋಗಿ ಮತ್ತು ಉದ್ಯೋಗದಾತರು ಜಮೆ ಮಾಡುವ ಮೊತ್ತ ಮತ್ತು ಅದರ ಮೇಲಿನ ಬಡ್ಡಿ ಸಿಬ್ಬಂದಿಯ ಪಿಎಫ್​ ಖಾತೆಯಲ್ಲಿ ಇರುತ್ತದೆ. ಅದನ್ನು ಕೆಲವು ಷರತ್ತುಗಳೊಂದಿಗೆ ವಿಥ್​ಡ್ರಾ ಮಾಡಬಹುದು.

ಇಪಿಎಫ್ ಎಂಬುದು ಭಾರತದಲ್ಲಿ ಉದ್ಯೋಗಿಗಳಿಗೆ ಉಳಿತಾಯ, ಪೆನ್ಷನ್ ಮತ್ತು ವಿಮೆ ಅನುಕೂಲಗಳನ್ನು ಒದಗಿಸುತ್ತದೆ. ಸಿಬ್ಬಂದಿ ತಮ್ಮ ನಿವೃತ್ತಿ ಸಮಯದಲ್ಲಿ ಅಥವಾ ಎರಡು ತಿಂಗಳಿಗಿಂತ ಹೆಚ್ಚು ಅವಧಿಗೆ ನಿರುದ್ಯೋಗಿಗಳಾದಾಗ ಇಪಿಎಫ್​ ಖಾತೆಯಲ್ಲಿನ ಪೂರ್ತಿ ಮೊತ್ತವನ್ನು ವಿಥ್​ಡ್ರಾ ಮಾಡಬಹುದು. ಕೆಲವು ಸಂದರ್ಭದಲ್ಲಿ ಭಾಗಶಃ ವಿಥ್​ಡ್ರಾ ಮಾಡುವುದಕ್ಕೆ ಸಹ ಅವಕಾಶ ನೀಡಲಾಗಿದೆ. ಹಾಗಂದರೆ, ವೈದ್ಯಕೀಯ ತುರ್ತು, ಮದುವೆ, ವಿಪತ್ತು ಹಾಗೂ ಮನೆ ನವೀಕರಣಕ್ಕೆ ಭಾಗಶಃ ವಿಥ್​ಡ್ರಾ ಮಾಡಬಹುದು.

ಆನ್​ಲೈನ್ ಇಪಿಎಫ್​ ವರ್ಗಾವಣೆ ಮಾಡುವುದು ಹೇಗೆ? 1) ಯೂನಿಫೈಡ್​ ಮೆಂಬರ್ ಪೋರ್ಟಲ್​ಗೆ ಭೇಟಿ ನೀಡಬೇಕು ಮತ್ತು ಯೂನಿವರ್ಸಲ್ ಅಕೌಂಟ್ ನಂಬರ್ (ಯುಎಎನ್) ಮೂಲಕ ಹಾಗೂ ಪಾಸ್​ವರ್ಡ್ ಮೂಲಕ ಲಾಗಿನ್ ಆಗಬೇಕು.

2) ಆನ್​ಲೈನ್ ಸರ್ವೀಸಸ್​ಗೆ ತೆರಳಿ, ಅಲ್ಲಿ ಒನ್​ ಮೆಂಬರ್- ಒನ್ ಇಪಿಎಫ್​ ಅಕೌಂಟ್ (ಟ್ರಾನ್ಸ್​ಫರ್ ರಿಕ್ವೆಸ್ಟ್) ಅನ್ನು ಕ್ಲಿಕ್ ಮಾಡಬೇಕು.

3) ವೈಯಕ್ತಿಕ ಮಾಹಿತಿ ಮತ್ತು ಸದ್ಯಕ್ಕಿರುವ ಉದ್ಯೋಗದ ಪಿಎಫ್​ ಖಾತೆಯನ್ನು ಪರಿಶೀಲಿಸಿಕೊಳ್ಳಬೇಕು.

4) ಗೆಟ್ ಡೀಟೇಲ್ಸ್ ಕ್ಲಿಕ್ ಮಾಡಿದರೆ ಈ ಹಿಂದಿನ ಉದ್ಯೋಗದ ಪಿಎಫ್​ ಖಾತೆ ಮಾಹಿತಿಯು ಕಾಣಿಸಿಕೊಳ್ಳುತ್ತದೆ.

5) ಒಂದೋ ಈ ಹಿಂದಿನ ಉದ್ಯೋಗದಾತರು ಅಥವಾ ಈಗಿನ ಉದ್ಯೋಗದಾತರು ಯಾರು ಎಂಬುದನ್ನು ಅರ್ಜಿ ಹಾಕುವ ಮುನ್ನ ಆಯ್ಕೆ ಮಾಡಿಕೊಳ್ಳಿ.

6) ಯುಎಎನ್​ಗೆ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಒಟಿಪಿ ಬರುವುದಕ್ಕೆ ಗೆಟ್ ಒಟಿಪಿ ಎಂಬುದರ ಮೇಲೆ ಕ್ಲಿಕ್ ಮಾಡಿ. ಒಟಿಪಿಯನ್ನು ನಮೂದಿಸಿ, ಸಬ್​ಮಿಟ್ ಎಂಬುದರ ಮೇಲೆ ಕ್ಲಿಕ್ ಮಾಡಿ.

ಒಟಿಪಿಯನ್ನು ಸಲ್ಲಿಸಿದ ಮೇಲೆ ಕೆಲವು ಸ್ಕ್ಯಾನ್ಡ್ ದಾಖಲಾತಿಗಳ ಅಗತ್ಯ ಬರಬಹುದು. ಕ್ಲೇಮ್​ ಅರ್ಜಿಯನ್ನು ಭರ್ತಿ ಮಾಡಿರುತ್ತೀರಲ್ಲಾ ಅದಕ್ಕೆ ಪೂರಕವಾದ ದಾಖಲಾತಿಗಳಿವು. ಯೂನಿಫೈಡ್ ಪೋರ್ಟಲ್​ನಲ್ಲಿ ಉದ್ಯೋಗದಾತರಿಗೆ ಇಂಟರ್​ಫೇಸ್ ಇರುತ್ತದೆ. ಅವರು ಆ ಮೂಲಕ ಇಪಿಎಫ್​ ವರ್ಗಾವಣೆಗೆ ಡಿಜಿಟಲ್​ ಆಗಿಯೇ ಮಂಜೂರು ಮಾಡುತ್ತಾರೆ. ಇದಕ್ಕೆ 15ರಿಂದ 20 ದಿನ ಸಮಯ ಆಗಬಹುದು. ಇಪಿಎಫ್ ಖಾತೆಗೆ ಜೋಡಣೆಯಾದ ಬ್ಯಾಂಕ್ ಖಾತೆಗೆ ಹಣ ಬರುತ್ತದೆ. ಈ ಮಾಹಿತಿಯನ್ನು ಇಪಿಎಫ್​ಒ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲೂ ಹಂಚಿಕೊಂಡಿದೆ. ಇಪಿಎಫ್​ಒದಿಂದ ಉದ್ಯೋಗಿಗಳ ಪ್ರಾವಿಡೆಂಟ್ ಫಂಡ್​ಗಳನ್ನು ನಿವೃತ್ತಿ ನಂತರದ ಆರ್ಥಿಕ ಭದ್ರತೆಗೆ ನಿರ್ವಹಣೆ ಮಾಡಲಾಗುತ್ತದೆ.

ಇದನ್ನೂ ಓದಿ: PF Benefits: ಇನ್ಷೂರೆನ್ಸ್​ನಿಂದ ಪೆನ್ಷನ್​ ತನಕ ಪ್ರಾವಿಡೆಂಟ್ ಫಂಡ್ 5 ಅನುಕೂಲಗಳು

(Here is the PF withdrawal rule to follow to get the money from EPFO or for transfer money from one account to another)

Published On - 11:22 am, Sat, 29 May 21

ಶಿವಕುಮಾರ್ ಸಿಎಂ ಆಗುತ್ತಾರೆ, ನಾಯಕತ್ವದ ಗುಣಗಳು ಅವರಲ್ಲಿವೆ: ಮಂಜುನಾಥ್
ಶಿವಕುಮಾರ್ ಸಿಎಂ ಆಗುತ್ತಾರೆ, ನಾಯಕತ್ವದ ಗುಣಗಳು ಅವರಲ್ಲಿವೆ: ಮಂಜುನಾಥ್
ನಟಿ ಶ್ರುತಿಗೆ ಚಾಕು ಇರಿತ; ಘಟನೆ ಬಗ್ಗೆ ವಿವರಿಸಿದ ಪ್ರತ್ಯಕ್ಷದರ್ಶಿ
ನಟಿ ಶ್ರುತಿಗೆ ಚಾಕು ಇರಿತ; ಘಟನೆ ಬಗ್ಗೆ ವಿವರಿಸಿದ ಪ್ರತ್ಯಕ್ಷದರ್ಶಿ
ಚಿಕ್ಕಮಗಳೂರು -ತಿರುಪತಿ ರೈಲಿಗೆ ನಮಸ್ಕರಿಸಿದ ವೃದ್ಧೆ
ಚಿಕ್ಕಮಗಳೂರು -ತಿರುಪತಿ ರೈಲಿಗೆ ನಮಸ್ಕರಿಸಿದ ವೃದ್ಧೆ
ಯಾರದ್ದೋ ತಪ್ಪಿಗೆ ನಮ್ಮನ್ಯಾಕೆ ಹೊಣೆ ಮಾಡಲಾಗುತ್ತಿದೆ? ಸಣ್ಣ ವ್ಯಾಪಾರಿ
ಯಾರದ್ದೋ ತಪ್ಪಿಗೆ ನಮ್ಮನ್ಯಾಕೆ ಹೊಣೆ ಮಾಡಲಾಗುತ್ತಿದೆ? ಸಣ್ಣ ವ್ಯಾಪಾರಿ
ಎಂಬಿ ಪಾಟೀಲ್ ತಮ್ಮನ್ನು ರಾಜ್ಯದ ಮುಖ್ಯಮಂತ್ರಿ ಅಂದುಕೊಂಡಿದ್ದಾರಾ? ಪ್ರಕಾಶ್
ಎಂಬಿ ಪಾಟೀಲ್ ತಮ್ಮನ್ನು ರಾಜ್ಯದ ಮುಖ್ಯಮಂತ್ರಿ ಅಂದುಕೊಂಡಿದ್ದಾರಾ? ಪ್ರಕಾಶ್
ಸಚಿವೆ ಪದೇಪದೆ ಗೃಹಲಕ್ಷ್ಮಿ ಯೋಜನೆ ಹಣದ ಬಗ್ಗೆ ಸಮಜಾಯಿಷಿ ನೀಡುವುದ್ಯಾಕೆ?
ಸಚಿವೆ ಪದೇಪದೆ ಗೃಹಲಕ್ಷ್ಮಿ ಯೋಜನೆ ಹಣದ ಬಗ್ಗೆ ಸಮಜಾಯಿಷಿ ನೀಡುವುದ್ಯಾಕೆ?
ಪತ್ನಿಯ ಹುಡುಕುತ್ತಾ ಕಾರಿನಲ್ಲಿ ರೈಲ್ವೆ ಪ್ಲಾಟ್​ಫಾರ್ಮ್​ಗೆ ಬಂದ ಪತಿ
ಪತ್ನಿಯ ಹುಡುಕುತ್ತಾ ಕಾರಿನಲ್ಲಿ ರೈಲ್ವೆ ಪ್ಲಾಟ್​ಫಾರ್ಮ್​ಗೆ ಬಂದ ಪತಿ
ಶಾಸಕರಿಗೆ ಸ್ಥಾನಮಾನ ನೀಡುವ ಬಗ್ಗೆ ಸುರ್ಜೇವಾಲಾ ಜೊತೆ ಚರ್ಚೆಯಾಗಿದೆ: ಡಿಸಿಎಂ
ಶಾಸಕರಿಗೆ ಸ್ಥಾನಮಾನ ನೀಡುವ ಬಗ್ಗೆ ಸುರ್ಜೇವಾಲಾ ಜೊತೆ ಚರ್ಚೆಯಾಗಿದೆ: ಡಿಸಿಎಂ
ಮಗಳೊಟ್ಟಿಗೆ ಕಾಪು ಮಾರಿಗುಡಿ ದೇವಾಲಯಕ್ಕೆ ಅಶ್ವಿನಿ ಪುನೀತ್​​ ರಾಜ್​​ಕುಮಾರ್
ಮಗಳೊಟ್ಟಿಗೆ ಕಾಪು ಮಾರಿಗುಡಿ ದೇವಾಲಯಕ್ಕೆ ಅಶ್ವಿನಿ ಪುನೀತ್​​ ರಾಜ್​​ಕುಮಾರ್
ಸಿಎಂ ಜೊತೆಗಿದ್ದ ಶಾಸಕರೆಲ್ಲ ಸ್ವಂತ ಖರ್ಚಿನಲ್ಲಿ ದೆಹಲಿ ಹೋಗಿದ್ದರೇ?
ಸಿಎಂ ಜೊತೆಗಿದ್ದ ಶಾಸಕರೆಲ್ಲ ಸ್ವಂತ ಖರ್ಚಿನಲ್ಲಿ ದೆಹಲಿ ಹೋಗಿದ್ದರೇ?