Rainbow Children’s Medicare IPO: ರೈನ್‌ಬೋ ಚಿಲ್ಡ್ರನ್ಸ್ ಮೆಡಿಕೇರ್‌ ಐಪಿಒ ಇಂದಿನಿಂದ ಶುರು; ದರ ಮತ್ತಿತರ ವಿವರ ಇಲ್ಲಿದೆ

Rainbow Children's Medicare IPO: ರೈನ್‌ಬೋ ಚಿಲ್ಡ್ರನ್ಸ್ ಮೆಡಿಕೇರ್‌ ಐಪಿಒ ಇಂದಿನಿಂದ ಶುರು; ದರ ಮತ್ತಿತರ ವಿವರ ಇಲ್ಲಿದೆ
ಸಾಂದರ್ಭಿಕ ಚಿತ್ರ

ರೈನ್‌ಬೋ ಚಿಲ್ಡ್ರನ್ಸ್ ಮೆಡಿಕೇರ್‌ (Rainbow Children's Medicare)ನಿಂದ ಏಪ್ರಿಲ್ 27ರಂದು ಐಪಿಒ ಆರಂಭವಾಗಿದೆ, ಆ ಬಗ್ಗೆ ಮಾಹಿತಿ ಇಲ್ಲಿದೆ.

TV9kannada Web Team

| Edited By: Srinivas Mata

Apr 27, 2022 | 9:26 PM

ರೈನ್‌ಬೋ ಚಿಲ್ಡ್ರನ್ಸ್ ಮೆಡಿಕೇರ್‌ (Rainbow Children’s Medicare)ನಿಂದ ರೂ. 1,581 ಕೋಟಿ ಮೌಲ್ಯದ ಆರಂಭಿಕ ಸಾರ್ವಜನಿಕ ಕೊಡುಗೆ (IPO) ಏಪ್ರಿಲ್ 27ರ ಬುಧವಾರದಂದು ಸಬ್​ಸ್ಕ್ರಿಪ್ಷನ್​ಗಾಗಿ ಪ್ರಾರಂಭವಾಗಿದ್ದು, ಕಂಪೆನಿಯು ತನ್ನ ಷೇರುಗಳ ದರದ ಬ್ಯಾಂಡ್ ಅನ್ನು ರೂ. 516ರಿಂದ 542ರ ವ್ಯಾಪ್ತಿಯಲ್ಲಿ ಮಾರಾಟ ಮಾಡುತ್ತಿದೆ. ಈ ಹೈದರಾಬಾದ್ ಮೂಲದ ಕಂಪೆನಿಯು ಭಾರತದಲ್ಲಿ ಮಲ್ಟಿ-ಸ್ಪೆಷಾಲಿಟಿ ಮಕ್ಕಳ, ಪ್ರಸೂತಿ ಮತ್ತು ಸ್ತ್ರೀರೋಗ ಆಸ್ಪತ್ರೆ ಸರಪಳಿಯನ್ನು ನಿರ್ವಹಿಸುತ್ತದೆ. ಈ ಕಂಪೆನಿಯು 1999ನೇ ಇಸವಿಯಲ್ಲಿ ತನ್ನ ಕಾರ್ಯಾಚರಣೆಯನ್ನು ಪ್ರಾರಂಭಿಸಿತು. ರೈನ್‌ಬೋ ಚಿಲ್ಡ್ರನ್ಸ್ ಮೆಡಿಕೇರ್ ರೂ. 280 ಕೋಟಿ ಮೌಲ್ಯದಷ್ಟು ಈಕ್ವಿಟಿ ಷೇರುಗಳನ್ನು ಹೊಸದಾಗಿ ನೀಡುತ್ತಿದೆ, ಆದರೆ ಅಸ್ತಿತ್ವದಲ್ಲಿರುವ ಪ್ರವರ್ತಕರು ಮತ್ತು ಷೇರುದಾರರು 2,40,00,900 ಈಕ್ವಿಟಿ ಷೇರುಗಳನ್ನು ಒಟ್ಟು 1,300.85 ಕೋಟಿ ರೂಪಾಯಿಗೆ ಮಾರಾಟ ಮಾಡಲಿದ್ದಾರೆ.

ಆಫರ್​ ಫಾರ್​ ಸೇಲ್​ (OFS)ನಲ್ಲಿ ಭಾಗವಹಿಸುವ ಷೇರುದಾರರಲ್ಲಿ ಪ್ರವರ್ತಕರಾದ ರಮೇಶ್ ಕಂಚರ್ಲಾ, ದಿನೇಶ್ ಕುಮಾರ್ ಚಿರ್ಲಾ, ಆದರ್ಶ್ ಕಂಚರ್ಲಾ ಹಾಗೂ ಪ್ರವರ್ತಕ ಸಮೂಹ ಸಂಸ್ಥೆಯ ಪದ್ಮಾ ಕಂಚರ್ಲಾ ಮತ್ತು ಹೂಡಿಕೆದಾರರಾದ ಬ್ರಿಟಿಷ್ ಇಂಟರ್​ನ್ಯಾಷನಲ್ ಇನ್ವೆಸ್ಟ್‌ಮೆಂಟ್ ಮತ್ತು ಸಿಡಿಸಿ ಇಂಡಿಯಾ ಒಳಗೊಂಡಿದ್ದಾರೆ. ಹೊಸ ಇಶ್ಯೂನಿಂದ ಬರುವ ನಿವ್ವಳ ಆದಾಯವನ್ನು ಹೊಸ ಆಸ್ಪತ್ರೆಗಳನ್ನು ಸ್ಥಾಪಿಸಲು ಮತ್ತು ಉಪಕರಣಗಳ ಖರೀದಿಗೆ ಬಂಡವಾಳ ವೆಚ್ಚಕ್ಕೆ ಬಳಸಲಾಗುವುದು. ಜತೆಗೆ ಕಂಪೆನಿಯು ನೀಡಿದ ಪರಿವರ್ತಿಸಲಾಗದ (Non Convertible) ಡಿಬೆಂಚರ್‌ಗಳ (ಎನ್‌ಸಿಡಿ) ಆರಂಭಿಕ ರಿಡೆಂಪ್ಷನ್​ಗೆ ಬಳಸಿಕೊಳ್ಳಲಾಗುತ್ತದೆ.

ಹೂಡಿಕೆದಾರರು ಕನಿಷ್ಠ 27 ಈಕ್ವಿಟಿ ಷೇರುಗಳ ಬಿಡ್ ಮಾಡಬಹುದು ಮತ್ತು ನಂತರ ಅದರ ಗುಣಕಗಳಲ್ಲಿ ಅಪ್ಲೈ ಮಾಡಬಹುದು. ಈ ಇಶ್ಯೂ ಏಪ್ರಿಲ್ 29ರ ವರೆಗೆ ಸಬ್​ಸ್ಕ್ರಿಪ್ಷನ್​ಗೆ ಮುಕ್ತವಾಗಿದೆ. ಯು.ಕೆ.-ಮೂಲದ ಸಿಡಿಸಿ ಗುಂಪಿನನ ಬೆಂಬಲದೊಂದಿಗೆ ರೈನ್‌ಬೋ ಭಾರತದ ಆರು ನಗರಗಳಲ್ಲಿ 14 ಆಸ್ಪತ್ರೆಗಳು ಮತ್ತು ಮೂರು ಚಿಕಿತ್ಸಾಲಯಗಳನ್ನು ನಿರ್ವಹಿಸುತ್ತಿದ್ದು, ಡಿಸೆಂಬರ್ 20, 2021 ರಂತೆ ಒಟ್ಟು 1,500 ಹಾಸಿಗೆಗಳ ಸಾಮರ್ಥ್ಯ ಹೊಂದಿದೆ. ರೈನ್‌ಬೋ ಅರ್ಹ ಉದ್ಯೋಗಿಗಳಿಗೆ ಪ್ರತಿ ಷೇರಿಗೆ 20 ರೂಪಾಯಿ ರಿಯಾಯಿತಿ ನೀಡಲಿದೆ. ನಿವ್ವಳ ಕೊಡುಗೆಯ ಶೇ ಐವತ್ತರಷ್ಟು ಅರ್ಹ ಸಾಂಸ್ಥಿಕ ಹೂಡಿಕೆದಾರರಿಗೆ ಮೀಸಲಿಡಲಾಗುತ್ತದೆ. ಆದರೆ ಶೇ 15ರಷ್ಟು ಸಾಂಸ್ಥಿಕೇತರ ಬಿಡ್ಡರ್‌ಗಳಿಗೆ ಮತ್ತು ಉಳಿದ ಶೇ 35ರಷ್ಟು ರೀಟೇಲ್ ಹೂಡಿಕೆದಾರರಿಗೆ ಮೀಸಲಾಗಿದೆ.

ಬಿಎಸ್​ಇ ವೆಬ್‌ಸೈಟ್‌ನಲ್ಲಿ ಅಪ್‌ಲೋಡ್ ಮಾಡಿದ ಸುತ್ತೋಲೆಯ ಪ್ರಕಾರ, ಅದರ ಐಪಿಒಗಿಂತ ಮುಂಚಿತವಾಗಿ ರೈನ್‌ಬೋ ಚಿಲ್ಡ್ರನ್ಸ್ ಮೆಡಿಕೇರ್ ಒಟ್ಟು 8,663,404 ಇಕ್ವಿಟಿ ಷೇರುಗಳನ್ನು ಆ್ಯಂಕರ್ ಹೂಡಿಕೆದಾರರಿಗೆ ತಲಾ 542 ರೂಪಾಯಿಗೆ ಹಂಚಿಕೆ ಮಾಡಿದ್ದು, ವಹಿವಾಟಿನ ಗಾತ್ರವನ್ನು 469.55 ಕೋಟಿ ರೂಪಾಯಿಗೆ ತೆಗೆದುಕೊಂಡಿದೆ. ಆ್ಯಂಕರ್ ಸುತ್ತಿನಲ್ಲಿ ಭಾಗವಹಿಸಿದ ಹೂಡಿಕೆದಾರರು ಅಂದರೆ, ಸಿಂಗಾಪೂರ್ ಸರ್ಕಾರ, ಸಿಂಗಾಪೂರ್ ಹಣಕಾಸು ಪ್ರಾಧಿಕಾರ, ಅಮಾನ್ಸಾ ಹೋಲ್ಡಿಂಗ್ಸ್, ಗೋಲ್ಡ್‌ಮನ್ ಸ್ಯಾಕ್ಸ್ ಪಿಟಿಇ, ಐಐಎಫ್‌ಎಲ್ ಸ್ಪೆಷಲ್ ಆಪರ್ಚುನಿಟಿ ಫಂಡ್, ಬಜಾಜ್ ಅಲೈಯನ್ಸ್ ಲೈಫ್ ಇನ್ಷೂರೆನ್ಸ್, ಮ್ಯಾಕ್ಸ್ ಲೈಫ್ ಇನ್ಷೂರೆನ್ಸ್ ಮತ್ತು ವಿವಿಧ ದೇಶೀಯ ಮ್ಯೂಚುವಲ್ ಫಂಡ್‌ಗಳು.

ಕೊಟಕ್ ಮಹೀಂದ್ರಾ ಕ್ಯಾಪಿಟಲ್ ಕಂಪೆನಿ, ಜೆಪಿ ಮೋರ್ಗನ್ ಇಂಡಿಯಾ ಮತ್ತು ಐಐಎಫ್‌ಎಲ್ ಸೆಕ್ಯೂರಿಟೀಸ್ ಈ ಇಶ್ಯೂದ ಲೀಡ್ ಮ್ಯಾನೇಜರ್​ಗಳಾಗಿದ್ದು, KFin ಟೆಕ್ನಾಲಜೀಸ್ ಅನ್ನು ಸಮಸ್ಯೆಗೆ ರಿಜಿಸ್ಟ್ರಾರ್ ಆಗಿ ನೇಮಿಸಲಾಗಿದೆ.

ಇದನ್ನೂ ಓದಿ: UPI Payment: ರೀಟೇಲ್ ಹೂಡಿಕೆದಾರರು ಐಪಿಒಗಳಿಗೆ ರೂ 5 ಲಕ್ಷದವರೆಗಿನ ಪಾವತಿಗೆ ಯುಪಿಐ ಬಳಕೆ

Follow us on

Related Stories

Most Read Stories

Click on your DTH Provider to Add TV9 Kannada