Anil Ambani: ರಿಲಯನ್ಸ್ ಹೋಮ್ ಫೈನಾನ್ಸ್, ಅನಿಲ್ ಅಂಬಾನಿ ಮತ್ತು ಇತರ ಮೂವರನ್ನು ಸೆಕ್ಯೂರಿಟೀಸ್ ಮಾರುಕಟ್ಟೆಯಿಂದ ನಿಷೇಧಿಸಿದ ಸೆಬಿ
ರಿಲಯನ್ಸ್ ಹೋಮ್ ಫೈನಾನ್ಸ್, ಅನಿಲ್ ಅಂಬಾನಿ ಮತ್ತು ಇತರ ಮೂವರನ್ನು ಸೆಕ್ಯೂರಿಟೀಸ್ ಮಾರ್ಕೆಟ್ನಿಂದ ನಿಷೇಧಿಸಲಾಗಿದೆ ಎಂದು ಸೆಬಿ ತಿಳಿಸಿದೆ.
Updated on: Feb 12, 2022 | 3:03 PM
ರಿಲಯನ್ಸ್ ಹೋಮ್ ಫೈನಾನ್ಸ್ ಲಿಮಿಟೆಡ್, ಉದ್ಯಮಿ ಅನಿಲ್ ಅಂಬಾನಿ (Anil Ambani) ಮತ್ತು ಇತರ ಮೂವರು ಸೆಕ್ಯೂರಿಟೀಸ್ ಮಾರುಕಟ್ಟೆಯಿಂದ ನಿಷೇಧಿಸಲಾಗಿದೆ ಎಂದು ಸೆಕ್ಯೂರಿಟೀಸ್ ಎಕ್ಸ್ಚೇಂಜ್ ಬೋರ್ಡ್ ಆಫ್ ಇಂಡಿಯಾ (SEBI) ಫೆಬ್ರವರಿ 11ರಂದು ತಿಳಿಸಿದೆ. ಕಂಪೆನಿಯಿಂದ ಹಣ ವಂಚನೆ ಮಾಡಿದ ಆರೋಪದಲ್ಲಿ ಈ ಬೆಳವಣಿಗೆ ನಡೆದಿದೆ. ನಿಷೇಧಕ್ಕೆ ಒಳಗಾದ ಇತರ ಮೂವರೆಂದರೆ, ಅಮಿತ್ ಬಾಪ್ನಾ, ರವೀಂದ್ರ ಸುಧಾಕರ್ ಮತ್ತು ಪಿಂಕೇಶ್ ಆರ್ ಶಾ. 100 ಪುಟಗಳ ಮಧ್ಯಂತರ ಆದೇಶದಲ್ಲಿ, ಈ ವ್ಯಕ್ತಿಗಳು ತಮ್ಮನ್ನು ಯಾವುದೇ ಲಿಸ್ಟೆಡ್ ಕಂಪೆನಿಗಳು ಅಥವಾ ಸೆಬಿಯೊಂದಿಗೆ ನಂಟು ಹೊಂದಿರುವ ನೋಂದಾಯಿತ ಮಧ್ಯವರ್ತಿಗಳ ಜತೆಗೆ ವ್ಯವಹರಿಸುವಂತಿಲ್ಲ. ಅಥವಾ ಮುಂದಿನ ಆದೇಶದವರೆಗೆ ಸಾರ್ವಜನಿಕರಿಂದ ಹಣ ಸಂಗ್ರಹ ಉದ್ದೇಶಕ್ಕೆ ಯಾವುದೇ ಪಬ್ಲಿಕ್ ಕಂಪೆನಿಯ ಹಂಗಾಮಿ ನಿರ್ದೇಶಕರು/ಪ್ರವರ್ತಕರಾಗುವಂತಿಲ್ಲ ಎನ್ನಲಾಗಿದೆ.
ಕಂಪೆನಿಯಿಂದ ಹಣವನ್ನು ವಂಚಿಸಿದ ಆರೋಪಕ್ಕೆ ಸಂಬಂಧಿಸಿದ ಆದೇಶವನ್ನು ಒಟ್ಟು 28 ವ್ಯಕ್ತಿಗಳು ಮತ್ತು ಘಟಕಗಳ ವಿರುದ್ಧ (ನೋಟಿಸ್‌ಗಳು) ರವಾನಿಸಲಾಗಿದೆ. 2018-19ರ ಅವಧಿಯಲ್ಲಿ ರಿಲಯನ್ಸ್ ಹೋಮ್ ಫೈನಾನ್ಸ್ ಲಿಮಿಟೆಡ್ (ಆರ್ಎಚ್ಎಫ್ಎಲ್) ಹಲವಾರು ಸಾಲ ಪಡೆಯುವ ಘಟಕಗಳಿಗೆ ಸಾಲಗಳನ್ನು ವಿತರಿಸಿದ ವಿಧಾನವನ್ನು ವಿಶಾಲವಾಗಿ ಪರಿಶೀಲಿಸುವುದು ಸೆಬಿ ತನಿಖೆಯ ಗಮನವಾಗಿತ್ತು. ಪ್ರಸ್ತುತ ಪ್ರಕ್ರಿಯೆಗಳ ಮೂಲವನ್ನು ಅನೇಕ ಮೂಲದಿಂದಲೂ ಕಂಡುಹಿಡಿಯಲಾಗಿದೆ ಎಂದು ಸೆಬಿ ತಿಳಿಸಿದೆ.
ಇತರ ವಿಷಯಗಳ ಮಧ್ಯೆ ಕಂಪೆನಿ ಶಾಸನಬದ್ಧ ಲೆಕ್ಕಪರಿಶೋಧಕರಾಗಿ ತಮ್ಮ ರಾಜೀನಾಮೆ ಆರ್ಎಚ್ಎಫ್ಎಲ್ಗೆ ತಿಳಿಸುವ ಪತ್ರವನ್ನು ವಾಟರ್‌ಹೌಸ್ ಮತ್ತು ಕೋಗೆ ನೀಡಿದ್ದರು. ಮತ್ತು ಕಂಪೆನಿಯ ಪ್ರವರ್ತಕರು ಮತ್ತು ಮ್ಯಾನೇಜ್‌ಮೆಂಟ್‌ನಿಂದ ಆರ್ಎಚ್ಎಫ್ಎಲ್ನ ನಿಧಿಯನ್ನು ವಂಚನೆ ಮಾಡಲಾಗುತ್ತಿದೆ/ಬದಲಾಯಿಸಲಾಗಿದೆ ಎಂದು ಆರೋಪಿಸಿ ಸೆಬಿ ದೂರುಗಳನ್ನು ಸ್ವೀಕರಿಸಿದೆ. ವಿವಿಧ ಸಾಲದಾತರಿಂದ ಆರ್ಎಚ್ಎಫ್ಎಲ್ ಪಡೆದ ಸಾಲದ ಹಣವನ್ನು ಭಾಗಶಃ ಸಾಲಗಳ ಮರುಪಾವತಿಗೆ ಬಳಸಲಾಗಿದೆ ಎಂದು ಆರೋಪಿಸಿ ಬ್ಯಾಂಕ್‌ಗಳಿಂದ ಬಹು ವಂಚನೆ ಮಾನಿಟರಿಂಗ್ ರಿಟರ್ನ್ಸ್ (FMRಗಳು) ಇವೆ ಎಂದು ನಿಯಂತ್ರಕವಾದ ಸೆಬಿ ಹೇಳಿದೆ.
ವಿವಿಧ ಸಂಬಂಧಿತ ವ್ಯಕ್ತಿಗಳು ಮತ್ತು ದುರ್ಬಲ ಹಣಕಾಸು ಹೊಂದಿರುವ ಕಂಪೆನಿಗಳನ್ನು ಆರ್ಎಚ್ಎಫ್ಎಲ್ನಿಂದ ಪ್ರವರ್ತಕ ಕಂಪೆನಿ ರಿಲಯನ್ಸ್ ಕ್ಯಾಪಿಟಲ್‌ಗೆ ಸಂಪರ್ಕ ಹೊಂದಿದ ಘಟಕಗಳನ್ನು ಹಣವನ್ನು ಹೊರಕ್ಕೆ ಸಾಗಿಸಲು ಮಾರ್ಗಗಳಾಗಿ ಬಳಸಲಾಗಿದೆ ಎಂದು ದೂರಲಾಗಿದೆ ಎಂಬುದಾಗಿ ಆದೇಶದಲ್ಲಿ ತಿಳಿಸಲಾಗಿದೆ. “ಒಬ್ಬ ವ್ಯಕ್ತಿ ಅನಿಲ್ ಅಂಬಾನಿ ಕಂಪೆನಿಯನ್ನು ತನ್ನ ಪ್ರವರ್ತಕ ಸ್ಥಾನದಿಂದ ನಿಯಂತ್ರಿಸುವ ಮತ್ತು ತನ್ನ ನೇರ ಹಾಗೂ ಪರೋಕ್ಷ ಷೇರು ಪಾಲಿನ ಮೂಲಕ ಷೇರುದಾರರನ್ನು ನಿಯಂತ್ರಿಸುವ ಅನಿಯಂತ್ರಿತ ಅಧಿಕಾರವನ್ನು ಚಲಾಯಿಸುತ್ತಿದ್ದುದನ್ನು ಗಮನಿಸಲಾಗಿದೆ,” ಎಂದು ಸೆಬಿ ಹೇಳಿದೆ.
ಇದನ್ನೂ ಓದಿ: SEBI: ವಂಚನೆ ವಹಿವಾಟು ನಡೆಸಿದ 85 ಸಂಸ್ಥೆಗಳನ್ನು ಕ್ಯಾಪಿಟಲ್ ಮಾರ್ಕೆಟ್ನಿಂದ ನಿಷೇಧಿಸಿದ ಸೆಬಿ
