SBI Rules: ಕ್ಯಾಷ್ಬ್ಯಾಕ್ ಸರ್ವಿಸ್: ಎಸ್ಬಿಐನ ವಿವಿಧ ಕ್ರೆಡಿಟ್ ಕಾರ್ಡ್ಗಳಲ್ಲಿ ನಿಯಮಗಳು ಬದಲಾಗಿವೆ; ತಿಳಿದಿರಲಿ

Credit Card Rules Change: ಏಪ್ರಿಲ್ 1ರಿಂದ ಭಾರತದಲ್ಲಿ ಹೊಸ ಹಣಕಾಸು ವರ್ಷ ಆರಂಭವಾಗಿದೆ. 2023-24ರ ವರ್ಷ ಹಲವು ಬದಲಾವಣೆಗಳೊಂದಿಗೆ ಅಡಿ ಇಟ್ಟಿದೆ. ಪ್ರಮುಖ ಹಣಕಾಸು ನಿಯಮಗಳು ಬಂದಿವೆ. ವೈಯಕ್ತಿಕ ತೆರಿಗೆ, ಹೂಡಿಕೆಗಳಲ್ಲಿ ಒಂದಿಷ್ಟು ಬದಲಾವಣೆಗಳಾಗಿವೆ. ಬ್ಯಾಂಕುಗಳ ಬಡ್ಡಿ ದರದಲ್ಲಿ ವ್ಯತ್ಯಯಗಳಾಗಿವೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಕ್ರೆಡಿಟ್ ಕಾರ್ಡ್ ಮತ್ತು ಪೇಮೆಂಟ್ ಸೇವೆಗಳಲ್ಲಿ ಒಂದಿಷ್ಟು ಮಹತ್ವದ ಬದಲಾವಣೆಗಳಾಗಿವೆ.

ಎಸ್ಬಿಐ

ಸುಗ್ಗನಹಳ್ಳಿ ವಿಜಯಸಾರಥಿ | Edited By: ನಯನಾ ರಾಜೀವ್|
Updated on:Oct 08, 2026 | 12:18 PM

ಮುಖ್ಯಾಂಶಗಳು

ಎಸ್ಬಿಐನ AURUM ಕ್ರೆಡಿಟ್ ಕಾರ್ಟ್ನಲ್ಲಿ ಈಜಿಡೈನರ್ ಪ್ರೈಮ್ ಮತ್ತು ಲೆನ್ಸ್ಕಾರ್ಟ್ ಗೋಲ್ಡ್ ಮೆಂಬರ್ಶಿಪ್ ಸಿಗುವುದಿಲ್ಲ
AURUM ಕ್ರೆಡಿಟ್ ಕಾರ್ಡ್ದಾರರು ಆರ್ಬಿಎಲ್ ಲೂಕ್ಸ್ ಬದಲು ಟಾಟಾ ಕ್ಲಿಕ್ ಲಕ್ಷುರಿಯಿಂದ ಕೂಪನ್ ಪಡೆಯಲಿದ್ದಾರೆ.
SimplyCLICK ಎಸ್ಬಿಐ ಕ್ರೆಡಿಟ್ ಕಾರ್ಡ್ ಹೊಂದಿರುವವರು ಬುಕ್ ಮೈ ಶೋ ಇತ್ಯಾದಿ ಅನೇಕ ಕಡೆ ಹಣ ಪಾವತಿಸಿದರೆ ಭರ್ಜರಿ ರಿವಾರ್ಡ್ ಪಾಯಿಂಟ್ಸ್ ಪಡೆಯಬಹುದು

ಏಪ್ರಿಲ್ 1ರಿಂದ ಭಾರತದಲ್ಲಿ ಹೊಸ ಹಣಕಾಸು ವರ್ಷ ಆರಂಭವಾಗಿದೆ. 2023-24ರ ವರ್ಷ ಹಲವು ಬದಲಾವಣೆಗಳೊಂದಿಗೆ ಅಡಿ ಇಟ್ಟಿದೆ. ಪ್ರಮುಖ ಹಣಕಾಸು ನಿಯಮಗಳು ಬಂದಿವೆ. ವೈಯಕ್ತಿಕ ತೆರಿಗೆ, ಹೂಡಿಕೆಗಳಲ್ಲಿ ಒಂದಿಷ್ಟು ಬದಲಾವಣೆಗಳಾಗಿವೆ. ಬ್ಯಾಂಕುಗಳ ಬಡ್ಡಿ ದರದಲ್ಲಿ ವ್ಯತ್ಯಯಗಳಾಗಿವೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಕ್ರೆಡಿಟ್ ಕಾರ್ಡ್ ಮತ್ತು ಪೇಮೆಂಟ್ ಸೇವೆಗಳಲ್ಲಿ ಒಂದಿಷ್ಟು ಮಹತ್ವದ ಬದಲಾವಣೆಗಳಾಗಿವೆ. ಈ ತಿಂಗಳು ಮೇ 1ರಿಂದಲೇ ಈ ಪರಿಷ್ಕೃತ ನಿಯಮಗಳು ಜಾರಿಗೆ ಬರಲಿವೆ. ಈ ಬದಲಾವಣೆಗಳ ಬಗ್ಗೆ ಎಸ್ಬಿಐ ತನ್ನ ವೆಬ್ಸೈಟ್ನಲ್ಲಿ ಮಾಹಿತಿ ನೀಡಿದೆ. ಕ್ಯಾಷ್ಬ್ಯಾಕ್, ರಿವಾರ್ಡ್ ಪಾಯಿಂಟ್ಸ್ ಇತ್ಯಾದಿ ಸಂಗತಿಯಲ್ಲಿ ಎಸ್ಬಿಐ ಕೆಲ ನಿಯಮ ಬದಲಾವಣೆ ಮಾಡಿದೆ. ಬೇರೆ ಬೇರೆ ಕ್ರೆಡಿಟ್ ಕಾರ್ಡ್ಗಳು ನೀಡುವ ಆಫರ್ನಲ್ಲಿ ಬದಲಾವಣೆ ಆಗಿದೆ. ಈ ಬಗ್ಗೆ ವಿವರ ಇಲ್ಲಿದೆ.

ಎಸ್ಬಿಐನ AURUM ಕ್ರೆಡಿಟ್ ಕಾರ್ಡ್ ಮೂಲಕ ಸಿಗುತ್ತಿದ್ದ ಈಜಿಡೈನರ್ ಪ್ರೈಮ್ (EazyDiner Prime) ಮತ್ತು ಲೆನ್ಸ್ಕಾರ್ಟ್ ಗೋಲ್ಡ್ (LensKart Gold) ಮೆಂಬರ್ಶಿಪ್ ಸೌಲಭ್ಯ ಇನ್ಮುಂದೆ ಸಿಗುವುದಿಲ್ಲ.
AURUM ಕ್ರೆಡಿಟ್ ಕಾರ್ಡ್ ಹೊಂದಿರುವವರು ಒಂದು ವರ್ಷಕ್ಕೆ 5,00,000 ರೂ ಮೈಲ್ಸ್ಟೋನ್ ಸ್ಪೆಂಡ್ಗೆ ಆರ್ಬಿಎಲ್ನಿಂದ 5,000 ರೂ ಮೌಲ್ಯದ ಕೂಪನ್ ಸಿಗುತ್ತಿತ್ತು. ಈಗ ಆರ್ಬಿಎಲ್ ಲುಕ್ಸ್ನಿಂದ (RBL Luxe) ಈ ಕೂಪನ್ ಸಿಗಲ್ಲ. ಅದರ ಬದಲು ಟಾಟಾ ಕ್ಲಿಕ್ ಲಕ್ಷುರಿಯಿಂದ (Tata CliQ Luxury) ಕೂಪನ್ ಸಿಗುತ್ತದೆ.

SimplyCLICK ಎಸ್ಬಿಐ ಕಾರ್ಡ್ ಮತ್ತು SimplyCLICK ಅಡ್ವಾಂಟೇಜ್ ಎಸ್ಬಿಐ ಕಾರ್ಡ್ ಬಳಸಿ ಆನ್ಲೈನ್ ಮೂಲಕ ಬಾಡಿಗೆ ಪಾವತಿಸಿದರೆ ಒಂದಿಷ್ಟು ರಿವಾರ್ಡ್ ಪಾಯಿಂಟ್ ಸಿಗುತ್ತಿತ್ತು. ಈ ರಿವಾರ್ಡ್ ಪಾಯಿಂಟ್ಗಳನ್ನು ಐದು ಹಂತಗಳಷ್ಟು ಇಳಿಸಲಾಗಿದೆ. ಅಂದರೆ 5 ಅಂಕಗಳು ಸಿಗುತ್ತಿದ್ದರೆ ಈಗ 1 ಅಂಕ ಮಾತ್ರ ಸಿಗುತ್ತದೆ.
ಕ್ಯಾಷ್ಬ್ಯಾಕ್ ಎಸ್ಬಿಐ ಕಾರ್ಡ್ನಲ್ಲಿ ಒಡವೆ, ಶಾಲೆ ಹಾಗು ಶೈಕ್ಷಣಿಕ ಸೇವೆ, ಯುಟಿಲಿಟಿ ಬಿಲ್, ಇನ್ಷೂರೆನ್ಸ್ ಸರ್ವಿಸ್ ಇತ್ಯಾದಿ ಪಾವತಿಗೆ ಇನ್ಮುಂದೆ ಯಾವುದೇ ಕ್ಯಾಷ್ಬ್ಯಾಕ್ ಆಫರ್ ಇರುವುದಿಲ್ಲ. ಗಿಫ್ಟ್ಗಳು, ಸೌಂದರ್ಯವರ್ಧಕಗಳು, ರೈಲ್ವೇಸ್ ಇತ್ಯಾದಿ ಖರೀದಿಗೂ ಕ್ಯಾಷ್ಬ್ಯಾಕ್ ಸಿಗುವುದಿಲ್ಲ.

ಅಪೋಲೋ, ಬುಕ್ ಮೈ ಶೋನಲ್ಲಿ ಈ ಕ್ರೆಡಿಟ್ ಕಾರ್ಡ್ಗೆ ಭರ್ಜರಿ ರಿವಾರ್ಡ್ ಪಾಯಿಂಟ್ಸ್

SimplyCLICK ಎಸ್ಬಿಐ ಕಾರ್ಡ್ ಮತ್ತು SimplyCLICK ಅಡ್ವಾಂಟೇಜ್ ಎಸ್ಬಿಐ ಕಾರ್ಡ್ ಮೂಲಕ ಲೆನ್ಸ್ಕಾರ್ಟ್ನಿಂದ ಏನಾದರೂ ಖರೀದಿಸಿದರೆ ರಿವಾರ್ಡ್ ಪಾಯಿಂಟ್ ಸಿಗುತ್ತಿತ್ತು. ಏಪ್ರಿಲ್ 1ರಿಂದ ಒಂದನೇ ಹತ್ತು ಭಾಗದಷ್ಟು ರಿವಾರ್ಡ್ ಪಾಯಿಂಟ್ ಇಳಿಸಲಾಗಿದೆ. 10 ಅಂಕ ಪಡೆಯುತ್ತಿದ್ದವರಿಗೆ 1 ಅಂಕವಷ್ಟೇ ಸಿಗುತ್ತದೆ.

ಆದರೆ, ಅಪೋಲೋ 24/7 ಮತ್ತು ಬುಕ್ ಮೈ ಶೋನಲ್ಲಿ ಈ ಎರಡು ಎಸ್ಬಿಐ ಕಾರ್ಡ್ ಉಪಯೋಗಿಸಿ ಹಣ ಪಾವತಿಸಿದರೆ 10 ಪಟ್ಟು ಹೆಚ್ಚು ರಿವಾರ್ಡ್ ಪಾಯಿಂಟ್ಸ್ ಸಿಗಲಿದೆ. ಕ್ಲಿಯರ್ಟ್ರಿಪ್, ಈಜಿಡೈನರ್ ಮತ್ತು ನೆಟ್ಮೆಡ್ಸ್ ಮೊದಲಾದವುಗಳಲ್ಲಿ ಪಾವತಿಗಳಿಗೂ 10 ಪಟ್ಟು ರಿವಾರ್ಡ್ ಪಾಯಿಂಟ್ಸ್ ದೊರಕುತ್ತದೆ.

ಎಸ್ಬಿಐ ಕಾರ್ಡ್ ಮೂಲಕ ಪಾವತಿಸುವ ಬಾಡಿಗೆಗೆ ಶುಲ್ಕ ಹೆಚ್ಚಳ

ಎಸ್ಬಿಐನ ಕ್ರೆಡಿಟ್ ಕಾರ್ಡ್ಗಳ ಮೂಲಕ ಬಾಡಿಗೆ ಪಾವತಿಸುತ್ತಿದ್ದರೆ 99 ರೂ ಹಾಗೂ ತೆರಿಗೆ ಪಾವತಿಸಬೇಕಿತ್ತು. ಈಗ ಈ ಪ್ರೋಸಸಿಂಗ್ ಶುಲ್ಕವನ್ನು 199 ರೂಗೆ ಹೆಚ್ಚಿಸಲಾಗಿದೆ. ಶೇ. 18ರಷ್ಟು ಜಿಎಸ್ಟಿಯನ್ನೂ ತೆರಬೇಕಾಗುತ್ತದೆ. ಮಾರ್ಚ್ 17ರಿಂದಲೇ ಹೊಸ ಶುಲ್ಕ ಜಾರಿಗೆ ಬಂದಿದೆ. ಕಳೆದ ವರ್ಷದ ನವೆಂಬರ್ ತಿಂಗಳಲ್ಲಿ ಪ್ರೋಸಸಿಂಗ್ ಫೀಸ್ ಅನ್ನು 99 ರೂಗೆ ಹೆಚ್ಚಿಸಲಾಗಿತ್ತು. ಕೆಲ ತಿಂಗಳ ಅಂತರದಲ್ಲೇ ಎರಡನೇ ಬಾರಿ ಈ ದರ ಹೆಚ್ಚಳವಾಗಿದೆ.

ಇನ್ನಷ್ಟು ವ್ಯವಹಾರ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 3:48 pm, Thu, 4 May 23

LIVETV

ಸುಗ್ಗನಹಳ್ಳಿ ವಿಜಯಸಾರಥಿ

ಹುಟ್ಟೂರು ಹಾಸನ ಜಿಲ್ಲೆಯ ಶ್ರವಣಬೆಳಗೊಳ ಸಮೀಪದ ಒಂದು ಪುಟ್ಟ ಹಳ್ಳಿ. ಬೆಳದದ್ದು ಬೆಂಗಳೂರು ನಗರದಲ್ಲಿ. ಹಲವು ವರ್ಷಗಳಿಂದ ಪತ್ರಿಕಾ ರಂಗದಲ್ಲಿ ನೆಲೆ. ಬರವಣಿಗೆಯ ಆಸಕ್ತಿ ಮತ್ತು ಪರಿಣಿತಿಯ ಕ್ಷೇತ್ರಗಳು ಆರ್ಥಿಕತೆ, ಹಣಕಾಸು, ಅಂತರರಾಷ್ಟ್ರೀಯ ವಿದ್ಯಮಾನ, ಜನಕ್ರಾಂತಿ, ರಾಷ್ಟ್ರೀಯತೆ, ಸಂಸ್ಕೃತಿ, ಮಾನವ ಸಂಬಂಧ, ಕ್ರೀಡೆ ಮೊದಲಾದವು ಇವೆ. ಓದುಗರಿಗೆ ಸುಲಭವಾಗಿ ಅರ್ಥವಾಗುವಂತೆ ಸಾಧ್ಯವಾದಷ್ಟೂ ಸ್ಫುಟವಾಗಿ, ಸರಳವಾಗಿ ಬರೆಯುವ ಇಚ್ಛೆ.