Holi special train 2023: ಹೋಳಿ ಹಬ್ಬದ ಪ್ರಯುಕ್ತ ದೇಶಾದ್ಯಂತ ಸಂಚರಿಸಲಿವೆ 350 ವಿಶೇಷ ರೈಲುಗಳು

ಬೆಂಗಳೂರು: ಹೋಳಿ ಹಬ್ಬದ (Holi Festival 2023) ಸಂದರ್ಭದಲ್ಲಿ ಪ್ರಯಾಣಿಕರ ದಟ್ಟಣೆಯನ್ನು ನಿಯಂತ್ರಿಸಲು ಹಾಗೂ ಪ್ರಯಾಣಿಕರ ಅನುಕೂಲಕ್ಕಾಗಿ ಭಾರತೀಯ ರೈಲ್ವೆ ಬೆಂಗಳೂರು ಸೇರಿದಂತೆ ದೇಶದ ಪ್ರಮುಖ ನಗರಗಳಿಗೆ ಸುಮಾರು 350 ವಿಶೇಷ ರೈಲುಗಳನ್ನು ಹೆಚ್ಚುವರಿಯಾಗಿ ಓಡಿಸಲಿದೆ. ಮಾಹಿತಿಗಳ ಪ್ರಕಾರ, ಬೆಂಗಳೂರು ಮುಂಬೈ, ಪುಣೆ, ಚೆನ್ನೈ, ಹೈದರಾಬಾದ್‌ನಿಂದ ಬಿಹಾರ, ಉತ್ತರ ಪ್ರದೇಶ, ಒಡಿಶಾ ಮತ್ತು ಬಂಗಾಳ ಸೇರಿದಂತೆ ಉತ್ತರ ಮತ್ತು ಪಶ್ಚಿಮ ಭಾರತದ ರಾಜ್ಯಗಳಿಗೆ ವಿಶೇಷ ರೈಲುಗಳು ಸಂಚರಿಸಲಿವೆ. ಬೇಡಿಕೆಗೆ ಅನುಗುಣವಾಗಿ, ಪ್ರಯಾಣಿಕರ ಅನುಕೂಲಕ್ಕಾಗಿ ರೈಲ್ವೆ ಪ್ರತಿ ವರ್ಷ ಹೋಳಿ ವಿಶೇಷ ರೈಲುಗಳನ್ನು ಓಡಿಸಲಾಗುತ್ತದೆ.

ಉತ್ತರ ರೈಲ್ವೆಯು 66 ವಿಶೇಷ ರೈಲುಗಳನ್ನು ಓಡಿಸಲಿದ್ದು, ಆಗ್ನೇಯ ಮಧ್ಯ ರೈಲ್ವೆ ಮತ್ತು ವಾಯುವ್ಯ ರೈಲ್ವೆ ಕ್ರಮವಾಗಿ 58 ಮತ್ತು 38 ರೈಲುಗಳನ್ನು ಓಡಿಸಲಿದೆ. ಉತ್ತರ ರೈಲ್ವೆಯು ದೆಹಲಿಯಿಂದ ಕತ್ರಾಕ್ಕೆ ವಿಶೇಷ ರೈಲನ್ನು ಪ್ರಾರಂಭಿಸಿದೆ, ಇದು ಅಂಬಾಲಾ, ಲುಧಿಯಾನ, ಜಲಂಧರ್, ಪಠಾಣ್‌ಕೋಟ್, ಜಮ್ಮು, ಕುರುಕ್ಷೇತ್ರ, ಯಮುನಾನಗರ, ಸಹರಾನ್‌ಪುರ ಮತ್ತು ಮೊರಾದಾಬಾದ್ ಮಾರ್ಗಗಳಲ್ಲಿ ಸಂಚರಿಸುತ್ತದೆ.

ದೆಹಲಿಯಿಂದ ಉತ್ತರ ಪ್ರದೇಶಕ್ಕೆ ಹೋಗುವ ಪ್ರಯಾಣಿಕರಿಗೆ ಅನುಕೂಲವಾಗುವಂತೆ ಲಕ್ನೋಗೆ ವಿಶೇಷ ರೈಲನ್ನು ಓಡಿಸಲಾಗುತ್ತಿದೆ. ವಿಶೇಷ ರೈಲು ಗಾಜಿಯಾಬಾದ್, ಮೊರಾದಾಬಾದ್, ಬರೇಲಿ, ಶಹಜಹಾನ್‌ಪುರ ಮತ್ತು ಹರ್ದೋಯ್‌ ನಿಲ್ದಾಣಗಳ ಮೂಲಕ ಸಂಚರಿಸಲಿದೆ. ಬಿಹಾರಕ್ಕೆ ಹೋಗುವ ಪ್ರಯಾಣಿಕರಿಗಾಗಿ ದೆಹಲಿ ನಿಲ್ದಾಣದಿಂದ ಪಾಟ್ನಾಗೆ ವಿಶೇಷ ರೈಲು ಹಾಕಲಾಗುತ್ತಿದ್ದು, ಇದು ಕಾನ್ಪುರ್, ಪ್ರಯಾಗರಾಜ್, ವಾರಣಾಸಿ, ದೀನ್ ದಯಾಳ್ ಉಪಾಧ್ಯಾಯ ಜಂಕ್ಷನ್ ಮತ್ತು ದಾನಾಪುರವನ್ನು ಮಾರ್ಗವಾಗಿ ಹೋಗಲಿದೆ.

ಇದನ್ನೂ ಓದಿ: Putani Express Train: ಬೆಂಗಳೂರಿಗೆ ಮತ್ತೆ ಬಂದ ಪುಟಾಣಿ ಎಕ್ಸ್‌ಪ್ರೆಸ್ ರೈಲು: ಮಾರ್ಚ್ 8ರಂದು ಮರು ಉದ್ಘಾಟನೆ

ಹಬ್ಬದ ಸೀಸನ್​ನಲ್ಲಿ ರೈಲಿನ ದೃಢೀಕೃತ ಟಿಕೆಟ್ ಪಡೆಯುವುದು ತುಂಬಾ ಕಷ್ಟಕರವಾಗಿರುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಅನೇಕರು ಮನೆಗೆ ಹೋಗಲು ಸಾಧ್ಯವಾಗುವುದಿಲ್ಲ. ರೈಲಿನಲ್ಲಿ ದೃಢೀಕೃತ ಸೀಟು ಪಡೆಯಲು ಟಿಕೆಟ್ ಬುಕ್ಕಿಂಗ್ ದೊಡ್ಡ ಸವಾಲಾಗಿದೆ. ನೀವು ದೃಢೀಕೃತ ರೈಲು ಟಿಕೆಟ್‌ಗಳನ್ನು ಸುಲಭವಾಗಿ ಬುಕ್ ಮಾಡಬಹುದು. ಅದು ಹೇಗೆ ಎಂದು ಮುಂದಕ್ಕೆ ಓದಿ.

VIKALP ಯೋಜನೆಯು ಭಾರತೀಯ ರೈಲ್ವೇಯಲ್ಲಿ ಪ್ರಯಾಣಿಸುವ ಪ್ರಯಾಣಿಕರ ಅನುಕೂಲಕ್ಕಾಗಿ ಪ್ರಾರಂಭಿಸಲಾದ ಯೋಜನೆಯಾಗಿದೆ. ಇದರ ಮೂಲಕ ಪ್ರಯಾಣಿಕರು ಆನ್‌ಲೈನ್ ವೇಟಿಂಗ್ ಟಿಕೆಟ್ ಬುಕ್ ಮಾಡುವಾಗ ದೃಢೀಕೃತ ಟಿಕೆಟ್ ಪಡೆಯಲು ಇತರ ರೈಲಿನ ಆಯ್ಕೆಯನ್ನು ಆರಿಸಿಕೊಳ್ಳಬಹುದು. ಹೀಗೆ ಮಾಡುವುದರಿಂದ ದೃಢೀಕೃತ ರೈಲು ಟಿಕೆಟ್ ಪಡೆಯುವ ಪ್ರಯಾಣಿಕರ ಆಶಯ ಹೆಚ್ಚುತ್ತದೆ. ಈ ಯೋಜನೆಯ ಇನ್ನೊಂದು ಹೆಸರು ಪರ್ಯಾಯ ರೈಲು ವಸತಿ ಯೋಜನೆ (ATAS).

IRCTC ಯ ಅಪ್ಲಿಕೇಶನ್ ಕನ್ಫರ್ಮ್ ಟಿಕೆಟ್‌ನ ಸಹಾಯವನ್ನು ತೆಗೆದುಕೊಳ್ಳಬಹುದು. ಕನ್ಫರ್ಮ್ ಟಿಕೆಟ್ ಅಪ್ಲಿಕೇಶನ್‌ಗೆ ಲಾಗ್ ಇನ್ ಮಾಡುವ ಮೂಲಕ ನಿಮ್ಮ ವೈಯಕ್ತಿಕ ವಿವರಗಳನ್ನು ನೀವು ಉಳಿಸಬಹುದು. ಇದರೊಂದಿಗೆ, ನೀವು ಟಿಕೆಟ್ ಬುಕ್ ಮಾಡುವಾಗ ಈ ಮಾಹಿತಿಯನ್ನು ಮತ್ತೆ ನೀಡಬೇಕಾಗಿಲ್ಲ ಮತ್ತು ನೀವು ಸಾಕಷ್ಟು ಸಮಯವನ್ನು ಉಳಿಸಬಹುದು. ಪಾವತಿ ಮಾಡಿದ ನಂತರ ನಿಮ್ಮ ಆಸನವನ್ನು ಖಚಿತಪಡಿಸಲಾಗುತ್ತದೆ.

IRCTC ಮೊಬೈಲ್ ಅಪ್ಲಿಕೇಶನ್ ಮೂಲಕ ಟಿಕೆಟ್‌ ಬುಕ್

IRCTC ಮೊಬೈಲ್ ಅಪ್ಲಿಕೇಶನ್‌ನಲ್ಲಿ ಮಾಸ್ಟರ್ ಪಟ್ಟಿಯನ್ನು ರಚಿಸುವ ಮೂಲಕ ನೀವು ಬುಕ್ ಮಾಡಲು ಬಯಸುವ ಎಲ್ಲಾ ಪ್ರಯಾಣಿಕರ ವಿವರಗಳನ್ನು ನೀವು ಉಳಿಸಬಹುದು. ಇದರ ನಂತರ, ತತ್ಕಾಲ್ ಟಿಕೆಟ್ ಬುಕಿಂಗ್ ಸಮಯಕ್ಕಿಂತ 1 ಅಥವಾ 2 ನಿಮಿಷಗಳ ಮೊದಲು ಅಪ್ಲಿಕೇಶನ್‌ಗೆ ಲಾಗಿನ್ ಮಾಡಿ. ತತ್ಕಾಲ್ ಟಿಕೆಟ್ ಬುಕಿಂಗ್ ಪ್ರಾರಂಭದಲ್ಲಿ, ನೀವು ರೈಲನ್ನು ಆಯ್ಕೆ ಮಾಡಬೇಕಾಗುತ್ತದೆ ಮತ್ತು ತತ್ಕಾಲ್ ಕೋಟಾವನ್ನು ಆಯ್ಕೆ ಮಾಡಿ ಮತ್ತು ವರ್ಗವನ್ನು ಆಯ್ಕೆ ಮಾಡಬೇಕು. ಇದರ ನಂತರ ಪ್ರಯಾಣಿಕರ ವಿವರಗಳನ್ನು ನಮೂದಿಸಬೇಕು. ನಂತರ ಯುಪಿಇ ಮೂಲಕ ಪಾವತಿ ಮಾಡಿ. ದೃಢೀಕೃತ ತತ್ಕಾಲ್ ಟಿಕೆಟ್ ಪಡೆಯುವ ಸಾಧ್ಯತೆ ಹೆಚ್ಚಿರುತ್ತದೆ.

ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್, ವ್ಯಾಲೆಟ್ ಅಥವಾ UPI ಸಹಾಯದಿಂದ ಟಿಕೆಟ್‌ಗೆ ಪಾವತಿಸುವ ಆಯ್ಕೆಯನ್ನು IRCTC ನೀಡುತ್ತದೆ. ನೀವು ಕ್ರೆಡಿಟ್ ಕಾರ್ಡ್ ಅಥವಾ ಡೆಬಿಟ್ ಕಾರ್ಡ್ ಮೂಲಕ ಟಿಕೆಟ್ ಬುಕಿಂಗ್‌ಗೆ ಪಾವತಿಸಿದರೆ, ಅದರ ಎಲ್ಲಾ ವಿವರಗಳನ್ನು ಭರ್ತಿ ಮಾಡಬೇಕು. ಇದು ಸಾಕಷ್ಟು ಸಮಯ ತೆಗೆದುಕೊಳ್ಳುತ್ತದೆ ಮತ್ತು ಟಿಕೆಟ್‌ಗಳನ್ನು ಬುಕ್ ಮಾಡಲು ಸಾಧ್ಯವಿಲ್ಲ. ಇದನ್ನು ತಪ್ಪಿಸಲು, IRCTC ವ್ಯಾಲೆಟ್‌ನಲ್ಲಿ ಹಣವನ್ನು ಇರಿಸಿ. ಇದು ಟಿಕೆಟ್‌ಗಳನ್ನು ಕಾಯ್ದಿರಿಸುವಲ್ಲಿ ನಿಮ್ಮ ಸಮಯವನ್ನು ಉಳಿಸುತ್ತದೆ. ಮಾತ್ರವಲ್ಲದೆ ದೃಢೀಕೃತ ಟಿಕೆಟ್ ಪಡೆಯಬಹುದು. ನೀವು ನೆಟ್ ಬ್ಯಾಂಕಿಂಗ್ ಅಥವಾ ಡೆಬಿಟ್ ಕಾರ್ಡ್ ಮೂಲಕ IRCTC eWallet ನಲ್ಲಿ ಹಣವನ್ನು ಹಾಕಬಹುದು.

ಮಾಸ್ಟರ್ ಪಟ್ಟಿಯನ್ನು ತಯಾರಿಸಿ

ಟಿಕೆಟ್ ಕಾಯ್ದಿರಿಸಲು ಪ್ರಯಾಣಿಕರ ವಿವರಗಳನ್ನು ನಮೂದಿಸುವುದು ಅವಶ್ಯಕವಾಗಿರುತ್ತದೆ. ಅನೇಕ ವಿಷಯಗಳನ್ನು ವಿವರಗಳಲ್ಲಿ ನಮೂದಿಸಬೇಕು, ಇದು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ಮಾಸ್ಟರ್ ಪಟ್ಟಿಯನ್ನು ಮುಂಚಿತವಾಗಿ ಮಾಡಬೇಕು. ನಿಮ್ಮ ಅಗತ್ಯ ವಿವರಗಳನ್ನು ನೀವು ಈಗಾಗಲೇ ನಮೂದಿಸಿದ್ದರೆ ಟಿಕೆಟ್ ಬುಕ್ ಮಾಡುವಾಗ ನೀವು ಏನನ್ನೂ ಮಾಡಬೇಕಾಗಿಲ್ಲ. ನೀವು ಹೆಸರಿನ ಮೇಲೆ ಕ್ಲಿಕ್ ಮಾಡಿದ ತಕ್ಷಣ, ಮಾಹಿತಿ ಲಭ್ಯವಾಗುತ್ತದೆ.

ಹೋಳಿ ವಿಶೇಷ ರೈಲುಗಳ ತತ್ಕಾಲ್ ಟಿಕೆಟ್ ಬುಕ್ಕಿಂಗ್ ನಿಯಮಗಳು

ತತ್ಕಾಲ್ ಎಸಿ ಟಿಕೆಟ್ ಬುಕಿಂಗ್ ಬೆಳಿಗ್ಗೆ 10 ಗಂಟೆಗೆ ಪ್ರಾರಂಭವಾಗುತ್ತದೆ, ನಾನ್ ಎಸಿ ಟಿಕೆಟ್ ಬುಕ್ಕಿಂಗ್ ಬೆಳಗ್ಗೆ 11 ಗಂಟೆಯಿಂದ ಆರಂಭವಾಗುತ್ತದೆ, ನೀವು IRCTC ವೆಬ್‌ಸೈಟ್ ಅಥವಾ ಅಪ್ಲಿಕೇಶನ್ ಮೂಲಕ ಟಿಕೆಟ್‌ ಬುಕ್ ಮಾಡಬಹುದು, ರೈಲ್ವೆ ಕೌಂಟರ್‌ನಿಂದಲೂ ನೀವು ಟಿಕೆಟ್‌ಗಳನ್ನು ಬುಕ್ ಮಾಡಬಹುದು, 1 ಐಡಿ ಮತ್ತು ಐಪಿ ವಿಳಾಸದಿಂದ ಕೇವಲ 2 ಟಿಕೆಟ್‌ಗಳನ್ನು ಮಾತ್ರ ಬುಕ್ ಮಾಡಬಹುದು, ಬುಕಿಂಗ್ ಪ್ರಾರಂಭವಾದ ಅರ್ಧ ಗಂಟೆಯ ತನಕ ಏಜೆಂಟರು ಬುಕ್ ಮಾಡುವಂತಿಲ್ಲ.

ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 9:34 pm, Sun, 5 March 23