Tax Saving FD: ಹಿರಿಯ ನಾಗರಿಕರಿಗಾಗಿ ಒಳ್ಳೆ ಬಡ್ಡಿ ದರ ನೀಡುವ ತೆರಿಗೆ ಉಳಿತಾಯ ಎಫ್​ಡಿ; ಇಲ್ಲಿವೆ ಟಾಪ್ ಬ್ಯಾಂಕ್​ಗಳು

ಜಾಸ್ತಿ ರಿಸ್ಕ್ ಬೇಡ ಅಂದುಕೊಳ್ಳುವವರಿಗೆ ಬ್ಯಾಂಕ್​ಗಳು ಅಥವಾ ಫೋಸ್ಟ್​ ಆಫೀಸ್​ನಲ್ಲಿ ಫಿಕ್ಸೆಡ್ ಡೆಪಾಸಿಟ್ (Fixed Deposit) ಮಾಡುವುದು ಅತ್ಯುತ್ತಮ ಹೂಡಿಕೆ ಆಯ್ಕೆ ಎನಿಸಿಕೊಳ್ಳುತ್ತದೆ. ಆದರೆ ಈಚೆಗೆ ಹೊಸ ತಲೆಮಾರಿನ ಹೂಡಿಕೆದಾರರು ಸ್ಟಾಕ್​ಗಳು, ಕ್ರಿಪ್ಟೋಕರೆನ್ಸಿಗಳಲ್ಲಿ ಹೂಡಿಕೆ ಮಾಡುವುದಕ್ಕೆ ಆದ್ಯತೆ ನೀಡುತ್ತಾರೆ. ಆದರೆ ನಿಶ್ಚಿತ ಆದಾಯ ಎದುರು ನೋಡುವ, ಹಿರಿಯ ನಾಗರಿಕರು ಈಗಲೂ ಎಫ್​.ಡಿ.ಗೆ ಪ್ರಾಶಸ್ತ್ಯ ನೀಡುತ್ತಾರೆ. ಯಾವುದೇ ಅಪಾಯ ಇಲ್ಲ ಹಾಗೂ ಆರಂಭದಲ್ಲಿ ಎಷ್ಟು ಖಾತ್ರಿ ನೀಡಲಾಗುತ್ತದೋ ಅಷ್ಟನ್ನು ಬಡ್ಡಿ ನೀಡಲಾಗುತ್ತದೆ ಮತ್ತು ಯಾವುದೇ ಹಣಕಾಸಿನ ಅಪಾಯ ಸಹ ಇಲ್ಲ.

ಏನಿದು ತೆರಿಗೆ ಉಳಿತಾಯದ ಎಫ್​ಡಿ

ಇದು ಬಹಳ ಜನಪ್ರಿಯವಾದ ಉಳಿತಾಯ ಆಯ್ಕೆ. ಯಾವುದೇ ಅಪಾಯ ಇಲ್ಲದ ಕಡೆ ಹೂಡಿಕೆ ಮಾಡಬೇಕು ಹಾಗೂ ತೆರಿಗೆ ಕಡಿತದ ಅನುಕೂಲವೂ ಬೇಕು ಅಂದುಕೊಳ್ಳುವವರಿಗೆ ಟ್ಯಾಕ್ಸ್​ ಸೇವಿಂಗ್ ಎಫ್​ಡಿ ಎಂಬುದು ಅತ್ಯುತ್ತಮ ಆಯ್ಕೆ. ಎಲ್ಲ ಬ್ಯಾಂಕ್​ಗಳು ಈ ಎಫ್​ಡಿಯನ್ನು ಒದಗಿಸುತ್ತವೆ. ನಿಶ್ಚಿತ ಬಡ್ಡಿ ದರದ ಆದಾಯವನ್ನೂ ನೀಡುತ್ತದೆ. ಜತೆಗೆ ಆದಾಯ ತೆರಿಗೆ ಉಳಿತಾಯವೂ ಲಭ್ಯ. ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 80C ಅಡಿಯಲ್ಲಿ 1.5 ಲಕ್ಷ ರೂಪಾಯಿ ತನಕ ತೆರಿಗೆ ವಿನಾಯಿತಿ ಸಿಗುತ್ತದೆ. ಟ್ಯಾಕ್ಸ್ ಸೇವಿಂಗ್ ಎಫ್​ಡಿ ಹಿರಿಯ ನಾಗರಿಕರ ಪಾಲಿಗೆ ಅತ್ಯುತ್ತಮ ಆಯ್ಕೆ. ಈ ಕಡಿತವನ್ನು ತಡೆಯಬೇಕು ಅಂತಾದಲ್ಲಿ ಫಾರ್ಮ್ 15G ಹಾಗೂ ಹಿರಿಯ ನಾಗರಿಕರು ಫಾರ್ಮ್ 15H ಸಲ್ಲಿಸಬೇಕು. ಇದನ್ನು ಹೊರತುಪಡಿಸಿ, ಸೆಕ್ಷನ್ 80TTB ಅಡಿಯಲ್ಲಿ ಬಡ್ಡಿ ಗಳಿಕೆ ಮೇಲೆ 50 ಸಾವಿರ ರೂಪಾಯಿ ತನಕ ವಿನಾಯಿತಿ ದೊರೆಯುತ್ತದೆ.

ಈ ಎಫ್​ಡಿಗಳಿಗೆ ಕನಿಷ್ಠ ಐದು ವರ್ಷದ ಲಾಕ್-ಇನ್ ಅವಧಿ ಹಾಗೂ ಬಡ್ಡಿ ಗಳಿಕೆಗೆ ತೆರಿಗೆ ಪಾವತಿದಾರರ ಬ್ರ್ಯಾಕೆಟ್ ಆಧಾರದಲ್ಲಿ ತೆರಿಗೆ ಬೀಳುತ್ತದೆ. ಒಂದು ವೇಳೆ ಹೂಡಿಕೆ ಜಂಟಿಯಾಗಿ ಮಾಡಿದ್ದಲ್ಲಿ ಎಫ್​ಡಿ ರಸೀದಿಯಲ್ಲಿ ಇರುವ ಮೊದಲ ವ್ಯಕ್ತಿಗೆ ತೆರಿಗೆ ಅನುಕೂಲ ಒದಗುತ್ತದೆ. ಟ್ಯಾಕ್ಸ್ ಸೇವಿಂಗ್ ಎಫ್​ಡಿಗಳಲ್ಲಿ ಅವಧಿಪೂರ್ವವಾಗಿ ಹಣ ತೆಗೆದುಕೊಳ್ಳುವುದಕ್ಕೆ ಅವಕಾಶ ಇಲ್ಲ. ಎಫ್​ಡಿ ಅವಧಿ 5ರಿಂದ 10 ವರ್ಷಗಳ ಅವಧಿಗೆ ಇರುತ್ತದೆ.

2 ಕೋಟಿ ರೂಪಾಯಿಗಿಂತ ಕಡಿಮೆ ಮೊತ್ತದ ಟಾಕ್ಸ್​ ಸೇವಿಂಗ್ ಎಫ್​ಡಿಗೆ ಉತ್ತಮ ಬಡ್ಡಿ ದರ ನೀಡುವ ಟಾಪ್ 10 ಬ್ಯಾಂಕ್​ಗಳು (ಜೂನ್ 6, 2022ರಂತೆ)

ಸೂರ್ಯೋದಯ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 7.25

ಎಯು ಸ್ಮಾಲ್ ಫೈನಾನ್ಸ್ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 7.25

ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 7.10

ಡಿಸಿಬಿ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 7.10

ಯೆಸ್​ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 7

ಇಂಡಸ್​ ಇಂಡ್ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 7

ಆರ್​ಬಿಎಲ್​ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 6.80

ಐಡಿಎಫ್​ಸಿ ಫಸ್ಟ್ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 6.75

ಆಕ್ಸಿಸ್ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 6.50

ಈಕ್ವಿಟಾಸ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್: ಬಡ್ಡಿ ದರ ವಾರ್ಷಿಕ ಶೇ 6.50

ಇನ್ನಷ್ಟು ವಾಣಿಜ್ಯ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ, ಪ್ರಮುಖ ಸುದ್ದಿಗೆ ಇಲ್ಲಿ ಕ್ಲಿಕ್ ಮಾಡಿ

ಇದನ್ನೂ ಓದಿ: FD Interest Rates: ಎಚ್​ಡಿಎಫ್​ಸಿ ಬ್ಯಾಂಕ್ Vs ಎಸ್​ಬಿಐ Vs ಆಕ್ಸಿಸ್ ಬ್ಯಾಂಕ್ ಎಲ್ಲಿ, ಎಷ್ಟಿದೆ ಎಫ್​ಡಿ ಮೇಲೆ ಬಡ್ಡಿ ದರ