Powerful Passports 2021: ವಿಶ್ವದ ಪ್ರಭಾವಿ ಪಾಸ್ಪೋರ್ಟ್ ಜಪಾನ್ನದು; ಭಾರತ ಪಾಸ್ಪೋರ್ಟ್ಗೆ ಎಷ್ಟನೇ ಸ್ಥಾನ?
ಎಷ್ಟು ದೇಶಗಳಿಗೆ ವೀಸಾ ಇಲ್ಲದೆಯೇ ತೆರಳಬಹುದು ಎಂಬುದರ ಆಧಾರದಲ್ಲಿ ಆಯಾ ದೇಶದ ಪಾಸ್ಪೋರ್ಟ್ ಎಷ್ಟು ಪ್ರಭಾವಿ ಎಂದು ನಿರ್ಧಾರ ಆಗುತ್ತದೆ. 2021ರ ಪ್ರಭಾವಿ ಪಾಸ್ಪೋರ್ಟ್ ಪಟ್ಟಿಯಲ್ಲಿ ಜಪಾನ್ ಮೊದಲ ಸ್ಥಾನದಲ್ಲಿದೆ.
Updated on:Jun 23, 2021 | 4:21 PM
ವಿಶ್ವದ ಅತ್ಯಂತ ಪ್ರಭಾವಿ ಪಾಸ್ಪೋರ್ಟ್ 2021ರ ಪಟ್ಟಿ ಬಿಡುಗಡೆ ಮಾಡಲಾಗಿದೆ. ಎಷ್ಟು ದೇಶಗಳಿಗೆ ಆ ಪಾಸ್ಪೋರ್ಟ್ ಇದ್ದ ನಾಗರಿಕರಿಗೆ ವೀಸಾ ಇಲ್ಲದಂತೆ ಪ್ರವೇಶಾವಕಾಶ ಇರುತ್ತದೋ ಅಷ್ಟು ಪ್ರಭಾವಿ ಎಂದು ಅಳೆಯಲಾಗುತ್ತದೆ. ಇದೀಗ ಆ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಇರುವುದು ಜಪಾನ್. ಒಂದು ವೇಳೆ ಜಪಾನ್ ದೇಶದ ಪಾಸ್ಪೋರ್ಟ್ ಇದ್ದಲ್ಲಿ 193 ದೇಶಗಳಿಗೆ ವೀಸಾ ಇಲ್ಲದೆಯೂ ತೆರಳಬಹುದು. ಎರಡನೇ ಸ್ಥಾನದಲ್ಲಿ ಇರುವ ಸಿಂಗಾಪೂರ್. ಈ ದೇಶದ ಪಾಸ್ಪೋರ್ಟ್ ಇದ್ದಲ್ಲಿ 192 ದೇಶಗಳಿಗೆ ವೀಸಾ ಇಲ್ಲದೆಯೂ ಪ್ರವೇಶಾವಕಾಶ ಇದೆ.
ಹೀಗೆ ಮೊದಲ ಹತ್ತು ಸ್ಥಾನದಲ್ಲಿ ಇರುವ ದೇಶಗಳ ಪಾಸ್ಪೋರ್ಟ್ ವಿವರ ಹೀಗಿದೆ: ಜಪಾನ್ (193 ದೇಶಗಳು), ಸಿಂಗಾಪೂರ್ (192 ದೇಶಗಳು), ಜರ್ಮನಿ, ದಕ್ಷಿಣ ಕೊರಿಯಾ (191 ದೇಶಗಳು), ಫಿನ್ಲ್ಯಾಂಡ್, ಇಟಲಿ, ಲಕ್ಸೆಂಬರ್ಗ್, ಸ್ಪೇನ್ (190 ದೇಶಗಳು), ಆಸ್ಟ್ರಿಯಾ, ಡೆನ್ಮಾರ್ಕ್ (189 ದೇಶಗಳು), ಫ್ರಾನ್ಸ್, ಐರ್ಲೆಂಡ್, ನೆದರ್ಲೆಂಡ್ಸ್, ಪೋರ್ಚುಗಲ್, ಸ್ವೀಡನ್ (188 ದೇಶಗಳು), ಬೆಲ್ಜಿಯಂ, ನ್ಯೂಜಿಲ್ಯಾಂಡ್, ಸ್ವಿಟ್ಜರ್ಲೆಂಡ್, ಯುಕೆ, ಯುಎಸ್ (187 ದೇಶಗಳು), ಜೆಕ್ ಗಣರಾಜ್ಯ, ಗ್ರೀಸ್, ಮಾಲ್ಟಾ, ನಾರ್ವೆ (186 ದೇಶಗಳು), ಆಸ್ಟ್ರೇಲಿಯಾ, ಕೆನಡಾ (185 ದೇಶಗಳು), ಹಂಗೇರಿ, ಲಿಥುಯೇನಿಯಾ, ಪೋಲೆಂಡ್, ಸ್ಲೋವೆಕಿಯಾ (183 ದೇಶಗಳು). ಈ ಹತ್ತರ ಪಟ್ಟಿಯಲ್ಲಿ ಇರುವ ದೇಶಗಳು ಅಷ್ಟು ಸಂಖ್ಯೆಯ ದೇಶಗಳಿಗೆ ತೆರಳುವ ಮುನ್ನ ವೀಸಾ ಪಡೆಯಬೇಕು ಅಂತಿಲ್ಲ. ಅಂದ ಹಾಗೆ, ಭಾರತದ ಪಾಸ್ಪೋರ್ಟ್ ಹೊಂದಿದ್ದಲ್ಲಿ 58 ದೇಶಗಳಿಗೆ ವೀಸಾ ಇಲ್ಲದೆ ತೆರಳಬಹುದು. ಆ ಮೂಲಕ ಜಾಗತಿಕ ಪಟ್ಟಿಯಲ್ಲಿ 84ನೇ ಸ್ಥಾನದಲ್ಲಿದೆ.
ಪ್ರಭಾವಿ ಪಾಸ್ಪೋರ್ಟ್ಗಳು ಪಟ್ಟಿಯಲ್ಲಿ ತೀರಾ ಕೆಳಮಟ್ಟದಲ್ಲಿ ಇರುವಂಥ ದೇಶಗಳ ವಿವರ ಹೀಗಿದೆ. ಕೊಸೊವೊ ಹಾಗೂ ಲಿಬಿಯಾ (101ನೇ ಸ್ಥಾನ- 40 ದೇಶಗಳು, ಉತ್ತರ ಕೊರಿಯಾ (102ನೇ ಸ್ಥಾನ- 39 ದೇಶಗಳು), ನೇಪಾಳ (103ನೇ ಸ್ಥಾನ- 38 ದೇಶಗಳು), ಪ್ಯಾಲೇಸ್ತಿನೀಯನ್ ಪ್ರಾಂತ್ಯ (104ನೇ ಸ್ಥಾನ- 37 ದೇಶಗಳು), ಸೋಮಾಲಿಯಾ (105ನೇ ಸ್ಥಾನ- 34 ದೇಶಗಳು), ಯೆಮೆನ್ (106ನೇ ಸ್ಥಾನ- 33 ದೇಶಗಳು), ಪಾಕಿಸ್ತಾನ (107ನೇ ಸ್ಥಾನ- 32 ದೇಶಗಳು), ಸಿರಿಯಾ (108ನೇ ಸ್ಥಾನ- 29 ದೇಶಗಳು), ಇರಾಕ್ (109ನೇ ಸ್ಥಾನ- 28 ದೇಶಗಳು) ಹಾಗೂ ಅಫ್ಗಾನಿಸ್ತಾನ (110ನೇ ಸ್ಥಾನ- 26 ದೇಶಗಳು).
ಇದನ್ನೂ ಓದಿ: DigiLocker: ಡಿಜಿಲಾಕರ್ ಬಳಸಿ ಪಾಸ್ಪೋರ್ಟ್ಗೆ ಅರ್ಜಿ ಸಲ್ಲಿಸಲು ಸುಲಭ ವಿಧಾನ ಇಲ್ಲಿದೆ
ಇದನ್ನೂ ಓದಿ: Personal finance: ವ್ಯಕ್ತಿಯು ಮೃತಪಟ್ಟ ನಂತರ ಆಧಾರ್, ಪ್ಯಾನ್ ಕಾರ್ಡ್, ಪಾಸ್ಪೋರ್ಟ್, ಡ್ರೈವಿಂಗ್ ಲೈಸೆನ್ಸ್ ಏನು ಮಾಡಬೇಕು?
(World’s most powerful passport 2021 is Japan. Here is the list of top 10. And India in 84th position. Here is the complete details)
Published On - 4:17 pm, Wed, 23 June 21
