Crime News: ತಂದೆಯನ್ನೇ ಕೊಂದು ತಿಂದ, ಪೊಲೀಸರನ್ನು ನೋಡಿ ಸಿಕ್ಕಿ ಬಿದ್ದ..!
crime story in kannada; ನಾನು ತಂದೆಯನ್ನು ಕೊಲೆ ಮಾಡಿದ್ದೇನೆ. ಶವ ಮನೆಯಲ್ಲಿರುವುದಾಗಿ ತಿಳಿಸಿದ್ದ. ಇದನ್ನು ಕೇಳಿದ ಪೊಲೀಸರು ಖಾಲಿದ್ನನ್ನು ವಶಕ್ಕೆ ಪಡೆದಿದ್ದಾರೆ. ಅಲ್ಲದೆ ತಕ್ಷಣವೇ ನೇರವಾಗಿ ಆತನನ್ನು ಮನೆಗೆ ಕರೆದುಕೊಂಡು ಹೋಗಿದ್ದಾರೆ.
Updated on: Jun 13, 2022 | 9:57 PM
ಕೆಲ ದಿನಗಳ ಹಿಂದೆ ನ್ಯೂಯಾರ್ಕ್ ನಗರದಲ್ಲಿ ಒಂದೇ ದಿನ ಐದು ಕೊಲೆಗಳಾಗಿರುವ ಆತಂಕಕಾರಿ ಸುದ್ದಿಯೊಂದು ಹೊರಬಿದ್ದಿತ್ತು. ಆದರೆ ಈ ಕೊಲೆಗಳಿಗೆ ಒಂದಕ್ಕೊಂದು ಸಂಬಂಧವಿರಲಿಲ್ಲ. ಇದಾಗ್ಯೂ ಇದರಲ್ಲಿ ಒಂದು ಕೊಲೆಯ ಸುದ್ದಿ ಕೇಳಿ ಪೊಲೀಸರೇ ದಂಗಾಗಿದ್ದರು. ಏಕೆಂದರೆ ಈ ಕೊಲೆ ಮಾಡಿದವನೇ ಬಂದು ತಾನು ಕೊಲೆಗಾರ ಎಂದಿದ್ದ. ನ್ಯೂಯಾರ್ಕ್ನ ಬ್ರೂಕ್ಲಿನ್ನ 26 ವರ್ಷ ಖಾಲಿದ್ ಅಹ್ಮದ್ ಕೊಲೆ ಆರೋಪಿ. ಈತ ಶಾಪ್ನಲ್ಲಿ ನಿಂತಿದ್ದ ಪೊಲೀಸ್ ಅಧಿಕಾರಿಗಳನ್ನು ನೋಡಿ ನಾನು ಕೊಲೆ ಮಾಡಿರುವುದಾಗಿ ಹೋಗಿ ಹೇಳಿದ್ದಾನೆ.
ಇದನ್ನು ಕೇಳಿದ ಪೊಲೀಸರು ಅಚ್ಚರಿಗೊಂಡರು. ಏಕೆಂದರೆ ಖಾಲಿದ್ ಮೇಲೆ ಪೊಲೀಸರಿಗೆ ಯಾವುದೇ ಸಂಶಯ ಇರಲಿಲ್ಲ. ಇದಾಗ್ಯೂ ಆತ ಪೊಲೀಸರನ್ನು ನೋಡಿ ಹೆದರಿದ್ದ. ತನ್ನನ್ನೇ ಹಿಡಿಯಲು ಬಂದಿದ್ದಾರೆ ಎಂದು ಅನುಮಾನಗೊಂಡು ನೇರವಾಗಿ ಪೊಲೀಸರ ಬಳಿ ಹೋಗಿ ನಾನು ತಂದೆಯನ್ನು ಕೊಲೆ ಮಾಡಿದ್ದೇನೆ. ಶವ ಮನೆಯಲ್ಲಿರುವುದಾಗಿ ತಿಳಿಸಿದ್ದ. ಇದನ್ನು ಕೇಳಿದ ಪೊಲೀಸರು ಖಾಲಿದ್ನನ್ನು ವಶಕ್ಕೆ ಪಡೆದಿದ್ದಾರೆ. ಅಲ್ಲದೆ ತಕ್ಷಣವೇ ನೇರವಾಗಿ ಖಾಲಿದ್ನನ್ನು ಮನೆಗೆ ಕರೆದುಕೊಂಡು ಹೋಗಿದ್ದಾರೆ.
ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ತಲುಪಿದಾಗ, 57 ವರ್ಷದ ಇಮಾದ್ ಅಹ್ಮದ್ ಪ್ರಜ್ಞಾಹೀನ ಮತ್ತು ಚಲನರಹಿತವಾಗಿ ಬಿದ್ದಿರುವುದು ಕಂಡಿದ್ದಾರೆ. ಅಲ್ಲದೆ ಆತನ ದೇಹದ ಮೇಲೆ ಹಲವು ಬಾರಿ ಚಾಕುವಿನಿಂದ ಇರಿಯಲಾಗಿತ್ತು. ಅಷ್ಟೇ ಅಲ್ಲದೆ ಇಡೀ ದೇಹವನ್ನು ವಿರೂಪಗೊಳಿಸಲಾಗಿತ್ತು. ಇನ್ನು ದೇಹದ ಅನೇಕ ಭಾಗಗಳು ಕಾಣೆಯಾಗಿದ್ದವು.
ಈ ಭೀಕರ ಹತ್ಯೆಯನ್ನು ನೋಡಿದ ಉನ್ನತ ಶ್ರೇಣಿಯ ಪೊಲೀಸ್ ಅಧಿಕಾರಿಯೊಬ್ಬರು, ‘ನಾನು ನೋಡಿದ ಅತ್ಯಂತ ಕೆಟ್ಟ ಅಪರಾಧ ದೃಶ್ಯಗಳಲ್ಲಿ ಒಂದಾಗಿದೆ ಎಂದು ತಿಳಿಸಿದ್ದಾರೆ. ಅಂದರೆ ಖಾಲಿದ್ ಸ್ವಂತ ತಂದೆಯನ್ನು ಯಾವ ರೀತಿಯಾಗಿ ಕೊಲೆ ಮಾಡಿದ್ದ ಎಂಬುದನ್ನು ಊಹಿಸಬಹುದು. ಇನ್ನು ಖಾಲಿದ್ನನ್ನು ಬಂಧಿಸಿದ ಪೊಲೀಸಿರು ಹೆಚ್ಚಿನ ವಿಚಾರಣೆ ನಡೆಸಿದ್ದಾರೆ.
ಈ ವೇಳೆ 26 ವರ್ಷದ ಖಾಲಿದ್ ಅಹ್ಮದ್ ನಿರುದ್ಯೋಗಿ ಎಂಬುದು ತಿಳಿದು ಬಂದಿದೆ. ಅಷ್ಟೇ ಅಲ್ಲದೆ ಭಾವನಾತ್ಮಕವಾಗಿ ವಿಚಲಿತನಾಗಿದ್ದ. ಜೊತೆಗೆ ಮಾನಸಿಕ ಒತ್ತಡದಿಂದ ಬಳಲುತ್ತಿದ್ದ. ಹೀಗಾಗಿ ತಂದೆಯ ಜೊತೆ ವೈಮನಸ್ಸು ಹೊಂದಿದ್ದನು. ಹೀಗೆ ತಂದೆಯ ಜೊತೆ ಜಗಳವಾಡಿ ಆತನನ್ನು ಕೊಲೆ ಮಾಡಿದ್ದಾನೆ. ಅಲ್ಲದೆ ತಂದೆಯ ದೇಹದ ಕೆಲ ಭಾಗವನ್ನು ಆತ ತಿಂದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಅಪರಾಧ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
