Ganja: ಮಾಜಿ ರಣಜಿ ಕ್ರಿಕೆಟ್ ಆಟಗಾರನನ್ನು ಗಾಂಜಾ ಸಮೇತ ಕ್ಯಾಚ್ ಹಿಡಿದ ತೆಲುಗು ಪೊಲೀಸರು.. ಎರಡೂ ತೆಲುಗು ರಾಜ್ಯಗಳಲ್ಲಿ 25 ವಂಚನೆ ಪ್ರಕರಣಗಳು
Former Ranji cricket Player: ನಾಗರಾಜು ಹೆಸರಾಂತ ವ್ಯಕ್ತಿಗಳ ಹೆಸರು ಹೇಳಿ ಸರಣಿ ವಂಚನೆ ಮಾಡುತ್ತಿದ್ದ. ಹಾಲಿ ರಣಜಿ ಕ್ರಿಕೆಟಿಗರು ಮಾಜಿ ಕ್ರಿಕೆಟಿಗ ಎಂಎಸ್‌ಕೆ ಪ್ರಸಾದ್ ಅವರ ಹೆಸರನ್ನು ಪ್ರಸ್ತಾಪಿಸಿ ಹಲವು ಕಾರ್ಪೊರೇಟ್ ಕಂಪನಿಗಳಿಗೆ ಕರೆ ಮಾಡಿದ್ದಾರೆ.
Updated on: Jul 31, 2023 | 3:10 PM
ಶ್ರೀಕಾಕುಳಂ, ಜುಲೈ 31: ಈ ಮಾಜಿ ರಣಜಿ ಕ್ರಿಕೆಟಿಗ ಒಂದಿಲ್ಲೊಂದು ಅಪರಾಧ ಮಾಡಿ ಜೈಲಿಗೆ ಹೋಗುತ್ತಿದ್ದ. ಸುಲಭವಾಗಿ, ವಂಚನೆ ಮಾಡಿ ಹಣ ಮಾಡುವ ಜಾಯಮಾನಕ್ಕೆ ಒಗ್ಗಿಕೊಂಡು, ಬಂಗಾರದಂತಹ ತನ್ನ ಭವಿಷ್ಯವನ್ನು ಸ್ವತಃ ತನ್ನ ಕೈಯಿಂದಲೇ ನಾಶಪಡಿಸಿಕೊಂಡಿದ್ದಾನೆ. ಶ್ರೀಕಾಕುಳಂ ಜಿಲ್ಲೆಯ ಪೊಲಕಿ ಮಂಡಲದ ಯವ್ವರಪು ಪೇಟೆಯಲ್ಲಿ ಜನಿಸಿದ ನಾಗರಾಜು ಕಡು ಬಡತನದಲ್ಲಿ ಹುಟ್ಟಿದ್ದರೂ ಕಠಿಣ ಸಾಧನೆಯ ಮೂಲಕ ರಣಜಿ ಕ್ರಿಕೆಟಿಗನ ಮಟ್ಟಕ್ಕೆ ಏರಿದ್ದ. ಆದರೆ ಅವನಿಗೆ ಅದನ್ನು ದಕ್ಕಿಸಿಕೊಳ್ಳಲು ಸಾಧ್ಯವಾಗಿಲ್ಲ. ಜೀವನದಲ್ಲಿ ದುರಾಸೆ ಹೆಚ್ಚಾಗಿ, ನಿರಂತರವಾಗಿ ವಂಚನೆಗಳನ್ನು ಮಾಡಿ ಪಾತಾಳಲೋಕಕ್ಕೆ ಇಳಿದಿದ್ದಾನೆ. ಶ್ರೀಕಾಕುಳಂ (Srikakulam) ಟೂ ಟೌನ್ ಪೊಲೀಸರು ಭಾನುವಾರ ಬೆಳಗ್ಗೆ ಶ್ರೀಕಾಕುಳಂನ ಸೀಪನ್ನಾಯ್ಡು ಪೇಟೆಯ ರಾಷ್ಟ್ರೀಯ ಹೆದ್ದಾರಿ ಬದಿಯಲ್ಲಿ ಗಾಂಜಾ ಸಮೇತ ಬುಡುಮೂರು ನಾಗರಾಜು (Former Ranji cricket Player Budumuru Nagaraju ) ಅವರನ್ನು ಹಿಡಿದಿದ್ದಾರೆ. ಆತನಿಂದ 23 ಕೆ.ಜಿ ತೂಕದ ಎರಡು ಚೀಲ ಗಾಂಜಾ (Ganja) ವಶಕ್ಕೆ ಪಡೆದಿದ್ದಾರೆ. ಒರಿಸ್ಸಾದ ಪರ್ಲಕಿಮಿಡಿ ರೈಲ್ವೇ ನಿಲ್ದಾಣದಲ್ಲಿ ವ್ಯಕ್ತಿಯೊಬ್ಬರಿಂದ ಗಾಂಜಾ ಖರೀದಿಸಿದ್ದಾಗಿ ಪೊಲೀಸ್ ತನಿಖೆಯಲ್ಲಿ ತಿಳಿಸಿದ್ದಾರೆ. ಇದರೊಂದಿಗೆ ನಾಗರಾಜು ಮತ್ತೊಮ್ಮೆ ಜೈಲು ಪಾಲಾದರು.
ಈ ಹಿಂದೆ ಹಲವು ಕಾರ್ಪೊರೇಟ್ ಕಂಪನಿಗಳಲ್ಲಿ ಕೆಲಸ ಮಾಡಿದ್ದ ಎಂಬಿಎ ಪದವೀಧರ ನಾಗರಾಜು, ಕ್ರಿಕೆಟ್ ನಲ್ಲಿ ಮಿಂಚಿದ್ದು, ತಾನೊಬ್ಬನೇ ರಣಜಿ ಕ್ರಿಕೆಟಿಗನ ಮಟ್ಟಕ್ಕೆ ಏರಿದ್ದ. ತನಗೊಂದು ವಿಶೇಷ ಮನ್ನಣೆ ಸಿಕ್ಕಿತು. ಒಳ್ಳೆಯ ಕೆರಿಯರ್ ಗ್ರೋತ್ ಇರುವಾಗ ಕುಕೃತಿಯನ್ನು ಎಸಗಿದ್ದಾನೆ. ನಾಗರಾಜು ವಿರುದ್ಧ ಎರಡೂ ತೆಲುಗು ರಾಜ್ಯಗಳಲ್ಲಿ ಸುಮಾರು 30 ಪ್ರಕರಣಗಳು ದಾಖಲಾಗಿವೆ ಇದುವರೆಗೂ. ಇದರಲ್ಲಿ 25 ವಂಚನೆ ಪ್ರಕರಣಗಳಿವೆ. ಎಪಿ ಮುಖ್ಯಮಂತ್ರಿ ಒಎಸ್ಡಿ ಎಂದೂ, ತೆಲಂಗಾಣ ಸಚಿವ ಕೆಟಿಆರ್ ಅವರ ಪಿಎ ಎಂದು… ದೇಶದ ಹಲವು ಕಾರ್ಪೊರೇಟ್ ಕಂಪನಿಗಳಿಗೆ ದೂರವಾಣಿ ಕರೆ ಮಾಡಿ ಬೆದರಿಕೆ ಹಾಕಿ ಅಕ್ರಮ ವಸೂಲಿ ಮಾಡಿದ್ದಾನೆ ನಾಗರಾಜು.
ಇದನ್ನೂ ಓದಿ: ಕೋಲಾರದಿಂದ ಹೊರಟು ನಾಪತ್ತೆಯಾಗಿದ್ದ ಟೊಮೆಟೊ ಲಾರಿ ಗುಜರಾತ್ನಲ್ಲಿ ಪತ್ತೆ
ನಾಗರಾಜು ಹೆಸರಾಂತ ವ್ಯಕ್ತಿಗಳ ಹೆಸರು ಹೇಳಿ ಸರಣಿ ವಂಚನೆ ಮಾಡುತ್ತಿದ್ದ. ಹಾಲಿ ರಣಜಿ ಕ್ರಿಕೆಟಿಗರು ಮಾಜಿ ಕ್ರಿಕೆಟಿಗ ಎಂಎಸ್‌ಕೆ ಪ್ರಸಾದ್ ಅವರ ಹೆಸರನ್ನು ಪ್ರಸ್ತಾಪಿಸಿ ಹಲವು ಕಾರ್ಪೊರೇಟ್ ಕಂಪನಿಗಳಿಗೆ ಕರೆ ಮಾಡಿದ್ದಾರೆ. ನಾಗರಾಜ್ ಪ್ರಾಯೋಜಕತ್ವಕ್ಕೆ ದೊಡ್ಡ ದೊಡ್ಡ ಮೊತ್ತ ಬ್ಯಾಂಕ್ ಖಾತೆಗೆ ಜಮಾ ಮಾಡಿಸಿಕೊಂಡು ವಂಚನೆ ಮಾಡಿದ್ದಾನೆ. ಅನೇಕ ಸಂತ್ರಸ್ತರು ಅನೇಕ ದೂರುಗಳನ್ನು ನೀಡಿದ್ದಾರೆ. ಆದರೂ ಈತ ತಾನೂ ಏನೂ ಕಮ್ಮಿ ಇಲ್ಲ ಎಂದು ಅಪರಾಧಗಳನ್ನು ಮಾಡುತ್ತಲೇ ಇದ್ದ. ಜಾಮೀನಿನ ಮೇಲೆ ಹೊರಬಂದು ಮತ್ತೆ ವಂಚನೆ ಮಾಡುವುದು ಈತನಿಗೆ ದಿನಚರಿಯಾಗಿದೆ. ಈ ವರ್ಷದ ಜನವರಿಯಲ್ಲಿ ಗಾಂಜಾ ಅಕ್ರಮ ವೆಸಗಿದ್ದಾನೆ. ಸಾಗಿಸುತ್ತಿದ್ದಾಗ ತೆಕ್ಕಲಿ ಪೊಲೀಸರಿಗೆ ಸಿಕ್ಕಿಬಿದ್ದಿದ್ದಾನೆ. ಈ ಹಿಂದೆ ಜಂಟಿ ಶ್ರೀಕಾಕುಳಂ ಜಿಲ್ಲೆಯ ರಾಜಂ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಗಾಂಜಾದೊಂದಿಗೆ ಸಿಕ್ಕಿಬಿದ್ದಿದ್ದರು.
ಇದನ್ನೂ ಓದಿ: Toddler: ಆರು ತಿಂಗಳಲ್ಲಿ ನೊಬೆಲ್ ವಿಶ್ವ ದಾಖಲೆ ತನ್ನದಾಗಿಸಿಕೊಂಡ ಮುದ್ದು ಮಗು.. ಏನು ಸಾಧನೆ ಮಾಡಿದ್ದಾನೆ ಗೊತ್ತಾ?
ಆರಂಭದಲ್ಲಿ ಅವರ ಆಟದ ಶೈಲಿಯನ್ನು ಕಂಡು ಅನೇಕ ಪ್ರಾಯೋಜಕರು ಆರ್ಥಿಕ ನೆರವು ನೀಡಿದರು. ಇವರೊಂದಿಗೆ ವೃತ್ತಿಯನ್ನು ಸುಧಾರಿಸಿಕೊಳ್ಳಬೇಕಾದ ನಾಗರಾಜು ಐಷಾರಾಮಿಗೆ ಒಗ್ಗಿಕೊಂಡು ವಂಚಕನಾಗಿದ್ದಾನೆ.
ಹೆಚ್ಚಿನ ಕ್ರಿಕೆಟ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
