Crime News: ಅಶ್ಲೀಲ ವೀಡಿಯೋ ಕಳುಹಿಸುತ್ತಿದ್ದ ಆಂಟಿ ಅರೆಸ್ಟ್..!
Crime News in Kannada: ಮಹಿಳೆಯ ವಿಕೃತ ನಡೆಯಿಂದ ಬಾಲಕಿ ಮಾನಸಿಕವಾಗಿ ನೊಂದಿದ್ದಾಳೆ. ಈ ಘಟನೆಯು ಬಾಲಕಿಯ ಜೀವನದ ವ್ಯತಿರಿಕ್ತ ಪರಿಣಾಮ ಬೀರುವ ಸಾಧ್ಯತೆಯಿದೆ ಎಂದು ಪೋಷಕರು ತಿಳಿಸಿದ್ದಾರೆ.
Updated on: Aug 23, 2021 | 10:32 PM
ಸಾಮಾನ್ಯವಾಗಿ ಅಪರಾಧ ಲೋಕದಲ್ಲಿ ಅಶ್ಲೀಲ ವೀಡಿಯೋ ಕಳುಹಿಸುವ ವಿಕೃತಕಾಮಿಗಳ ಬಗ್ಗೆ ವರದಿಯಾಗುತ್ತಿರುತ್ತದೆ. ಆದರೆ ಇಲ್ಲೊಬ್ಬಳು ಮಹಿಳೆ ಅಶ್ಲೀಲ ವೀಡಿಯೋ ಹಾಗೂ ಫೋಟೋ ಕಳುಹಿಸಿ ಇದೀಗ ಪೊಲೀಸರ ಅತಿಥಿಯಾಗಿದ್ದಾಳೆ. ಇಂತಹ ವಿಕೃತ ಘಟನೆ ನಡೆದಿರುವುದು ಭೋಪಾಲ್ನ ಗ್ವಾಲಿವಾರ್ ಪ್ರದೇಶದಲ್ಲಿ. ಕೊರೋನಾ ಕಾರಣದಿಂದ ದೇಶದೆಲ್ಲೆಡೆ ಆನ್ಲೈನ್ ಕ್ಲಾಸ್ಗಳು ನಡೆಯುತ್ತಿದೆ. ಅದರಂತೆ 11 ವರ್ಷದ ಬಾಲಕಿಯೊಬ್ಬಳಿಗೆ ಮನೆಯವರು ಸ್ಮಾರ್ಟ್ಫೋನ್ ಕೊಡಿಸಿದ್ದರು. ಈ ಫೋನ್ಗೆ ನಿರಂತರವಾಗಿ ಅಶ್ಲೀಲ ವೀಡಿಯೋ ಹಾಗೂ ಅಶ್ಲೀಲ ಫೋಟೋಗಳು ಬರುತ್ತಿದ್ದವು. ಆರಂಭದಲ್ಲಿಯಾರೋ ಪುರುಷರು ಕಳುಹಿಸುತ್ತಿದ್ದಾರೆ ಎಂಬ ಭಾವಿಸಲಾಗಿತ್ತು. ಈ ಬಗ್ಗೆ ಎಚ್ಚರಿಕೆಯ ಸಂದೇಶವನ್ನೂ ಸಹ ರವಾನಿಸಲಾಗಿತ್ತು.
ಆದರೆ ಈ ಚಾಳಿ ಮುಂದುವರೆಯುತ್ತಿದ್ದಂತೆ ಬಾಲಕಿಯ ಮನೆಯವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಆ ಬಳಿಕ ನಡೆದ ತನಿಖೆಯಿಂದ ವೀಡಿಯೋ-ಫೋಟೋ ಕಳುಹಿಸುತ್ತಿರೋದು ಪುರುಷನಲ್ಲ, ಮಹಿಳೆ ಎಂಬುದು ಗೊತ್ತಾಗಿದೆ. ಅದರ ಬೆನ್ನಲ್ಲೇ ಭೋಪಾಲ್ ನಿವಾಸಿಯಾಗಿರುವ ಆಂಟಿಯನ್ನು ಪೊಲೀಸರು ಬಂಧಿಸಿ ಎಫ್ಐಆರ್ ದಾಖಲಿಸಿದ್ದಾರೆ.
ಅಷ್ಟೇ ಅಲ್ಲದೆ ಆಂಟಿಯನ್ನು ಈ ಬಗ್ಗೆ ವಿಚಾರಿಸಿದಾಗ ವಿಚಿತ್ರ ಸತ್ಯವೊಂದನ್ನು ಬಾಯಿಬಿಟ್ಟಿದ್ದಾರೆ. ಹೌದು, ಇಂತಹದೊಂದು ಅಶ್ಲೀಲ ಕೃತ್ಯ ಎಸಗಲು ಬಾಲಕಿಯ ತಂದೆ ಜೊತೆಗಿನ ವೈಮನಸ್ಸು ಕಾರಣ ಎಂದಿದ್ದಾಳೆ. ಆರೋಪಿ ಮಹಿಳೆ ಹಾಗೂ ಬಾಲಕಿ ತಂದೆ ವ್ಯವಹಾರ ನಡೆಸುತ್ತಿದ್ದರು. ಈ ವೇಳೆ ಇಬ್ಬರ ನಡುವೆ ಮನಸ್ತಾಪ ಉಂಟಾಗಿದ್ದು, ಇದರ ಸೇಡು ತೀರಿಸಿಕೊಳ್ಳಲು ಮಹಿಳೆಯು ಬಾಲಕಿಗೆ ಕೆಟ್ಟ ವೀಡಿಯೋಗಳನ್ನು ಕಳುಹಿಸಿ ವಿಕೃತ ಆನಂದ ಪಡುತ್ತಿದ್ದಳು.
ಮಹಿಳೆಯ ವಿಕೃತ ನಡೆಯಿಂದ ಬಾಲಕಿ ಮಾನಸಿಕವಾಗಿ ನೊಂದಿದ್ದಾಳೆ. ಈ ಘಟನೆಯು ಬಾಲಕಿಯ ಜೀವನದ ವ್ಯತಿರಿಕ್ತ ಪರಿಣಾಮ ಬೀರುವ ಸಾಧ್ಯತೆಯಿದೆ ಎಂದು ಪೋಷಕರು ತಿಳಿಸಿದ್ದಾರೆ. ಇದೀಗ ಆಂಟಿಯನ್ನು ಬಂಧಿಸಿರುವ ಪೊಲೀಸರು ಪೋಸ್ಕೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿ ಜೈಲಿಗಟ್ಟಿದ್ದೇವೆ ಗ್ವಾಲಿಯರ್ ಠಾಣೆಯ ಇನ್ಸ್ಪೆಕ್ಟರ್ ಸಂಜೀವ್ ಶರ್ಮಾ ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: Steve Smith: ಅಫ್ಘಾನಿಸ್ತಾನದ ಮಕ್ಕಳ ರಕ್ಷಣೆಗೆ ಮುಂದಾದ ಸ್ಟೀವ್ ಸ್ಮಿತ್! ಏನಿದರ ಅಸಲಿಯತ್ತು?
ಇದನ್ನೂ ಓದಿ: IPL 2021: RCB ತಂಡಕ್ಕೆ ಇಂಗ್ಲೆಂಡ್ನ ಎಡಗೈ ವೇಗಿ..?
ಇದನ್ನೂ ಓದಿ: IPL 2021: CSK ತಂಡಕ್ಕೆ ಆಸ್ಟ್ರೇಲಿಯಾ ವೇಗಿ ರಿಎಂಟ್ರಿ..!
(woman send nude videos obscene photos on minor girl mobile)
