PF Bonus Scheme: 20 ವರ್ಷಕ್ಕಿಂತ ಹೆಚ್ಚು ಕಾಲ ಭವಿಷ್ಯ ನಿಧಿ ಕಟ್ಟಿದ್ದರೆ ನೀವು ಬೋನಸ್ ಹಣ​ ಪಡೆಯಬಹುದು ಗೊತ್ತಾ? ಇಲ್ಲಿದೆ ಲೆಕ್ಕಾಚಾರ

ನಿವೃತ್ತಿಯ ನಂತರ ನಮ್ಮ ಜೀವನಕ್ಕೆ ಆರ್ಥಿಕ ಭದ್ರತೆ ಒದಗಿಸುವ ದೃಷ್ಟಿಯಿಂದ ನಮ್ಮ ಸಂಬಳದಲ್ಲಿ ಪ್ರತಿ ತಿಂಗಳು ಸ್ವಲ್ಪ ಮೊತ್ತ ಕಡಿತ ಆಗುತ್ತದೆ. ನೌಕರಿ ಮಾಡುವಾಗ ಕಡಿತವಾಗುವ ಮೊತ್ತವನ್ನು ನಾವು ನಿವೃತ್ತಿಯ ನಂತರ ಪಡೆಯಬಹುದು. ಆದರೆ ನೀವು ಇಲಾಖೆಯು ಸೂಚಿಸಿರುವ ಕೆಲವು ಷರತ್ತುಗಳನ್ನು ಪೂರೈಸಿದ್ದರೆ ನೀವು ಬರೋಬ್ಬರಿ 50,000 ರೂಪಾಯಿ ಬೋನಸ್ ಹಣವನ್ನು ಪಡೆಯುತ್ತೀರಿ. ಹಾಗಾದರೆ ಷರತ್ತುಗಳ ಬಗ್ಗೆ ತಿಳಿಯೋಣ. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯು (Employees’ Provident Fund Organisation) ದೇಶದ ನಾನಾ ಮೂಲೆಗಳಲ್ಲಿ ನೌಕರಿಯಲ್ಲಿರುವವರಿಗೆ ನಿವೃತ್ತಿಯ ನಂತರ ಅವರಿಗೆ ಜೀವನೋಪಾಯವಾಗಲಿ ಎಂದು ನೌಕರರು ಉದ್ಯೋಗ ಮಾಡುವಾಗ ಅವರ ಸಂಬಳದಲ್ಲಿ ಪ್ರತಿ ತಿಂಗಳು ಒಂದಷ್ಟು ಮೊತ್ತವನ್ನು ಕಟ್ಟಿಸಿಕೊಂಡು ಕಾಲಾಂತರದಲ್ಲಿ ಅವರಿಗೆ ಅದನ್ನು ಬಡ್ಡಿ ಸಮೇತ ಭದ್ರವಾಗಿ ವಾಪಸು ನೀಡುತ್ತದೆ. ಒಂದು ವೇಳೆ ಅವರು ಮೃತಪಟ್ಟರೆ ಅವರ ನಾಮಿನಿಗೆ ಉಳಿದ ಮೊತ್ತವನ್ನು ಕೊಡಮಾಡುತ್ತದೆ. ಇದು ನೌಕರರ ಭವಿಷ್ಯದ ದೃಷ್ಟಿಯಿಂದ 1952 ರ ಉದ್ಯೋಗಿಗಳ ಭವಿಷ್ಯ ನಿಧಿ ಕಾಯ್ದೆಯಡಿ (Employees’ Provident Fund -EPF) ಕೇಂದ್ರ ಸರ್ಕಾರವು ಕಲ್ಪಿಸುವ ಭದ್ರತೆಯಾಗಿದೆ. ಈ ಲೆಕ್ಕಾಚಾರದಲ್ಲಿ ಯಾವುದೇ ಉದ್ಯೋಗಿ ಗರಿಷ್ಠ 35 ವರ್ಷ ಕೆಲಸ ಮಾಡುತ್ತಾ ಭವಿಷ್ಯ ನಿಧಿಯ ಚಂದಾದಾರರಾಗಬಹುದು. ಕನಿಷ್ಟವಾಗಿ, ಈ ಹಿಂದೆ 3 ತಿಂಗಳು ಕೆಲಸದಲ್ಲಿ ಇರಬೇಕು ಎಂಬ ಷರತ್ತು ಇತ್ತು. ಆದರೆ ಅದನ್ನು ಇತ್ತೀಚೆಗೆ ಉದ್ಯೋಗಿ ಒಂದೇ ಒಂದು ತಿಂಗಳ ಸಂಬಳ ಪಡೆದಿದ್ದರೂ ಭವಿಷ್ಯ ನಿಧಿ ಹಣ ಪಡೆಯಬಹುದು ಎಂದು ಕಾನೂನು ತಿದ್ದಪಡಿ ತರಲಾಗಿದೆ. ಅಂದರೆ ಉದ್ಯೋಗಿಗಳ ಜೀವನಕ್ಕೆ ಆರ್ಥಿಕ ಭದ್ರತೆ ಒದಗಿಸುವ ದೃಷ್ಟಿಯಿಂದ 2021ನೇ ಆರ್ಥಿಕ...

Published On - 11:44 am, Tue, 14 May 24