Allu Arjun: ಕೇವಲ 24 ಗಂಟೆಯಲ್ಲಿ ಬಾಹುಬಲಿ ದಾಖಲೆ ಮುರಿದ ಅಲ್ಲು ಅರ್ಜುನ್ ನಟನೆಯ ಪುಷ್ಪ​!

ನಟ ಅಲ್ಲು ಅರ್ಜುನ್​ ಅಭಿಮಾನಿಗಳು ‘ಪುಷ್ಪ’ ಚಿತ್ರಕ್ಕಾಗಿ ಕಾಯುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅಲ್ಲು ಅರ್ಜುನ್​ ಅವರು ಸಂಪೂರ್ಣ ಭಿನ್ನ ಗೆಟಪ್​ನಲ್ಲಿ ಕಾಣಿಸಿಕೊಳ್ಳಲಿದ್ದು, ಈಗಾಗಲೇ ಪೋಸ್ಟರ್​ ಮತ್ತು ಟೀಸರ್​ನಿಂದ ಕೌತುಕ ಮೂಡಿದೆ. ‘ಪುಷ್ಪ’ ಮೇಲೆ ಅಲ್ಲು ಫ್ಯಾನ್ಸ್​ಗೆ ಸಿಕ್ಕಾಪಟ್ಟೆ ನಿರೀಕ್ಷೆ ಇದೆ. ಈ ಹಿಂದೆ ಟಾಲಿವುಡ್​ನಲ್ಲಿ ಸೂಪರ್ ಹಿಟ್​ ಎನಿಸಿಕೊಂಡ ಬಾಹುಬಲಿ ಚಿತ್ರವನ್ನೂ ಪುಷ್ಪ ಮೀರಿಸಲಿದೆಯೇನೋ ಎಂಬ ಸೂಚನೆ ಸಿಗುತ್ತಿದೆ.

ಅಲ್ಲು ಅರ್ಜನ್​ ಜನ್ಮದಿನದ ಸಲುವಾಗಿ ಇತ್ತೀಚೆಗೆ ಪುಷ್ಪ ಚಿತ್ರದ ಟೀಸರ್​ ಬಿಡುಗಡೆ ಆಯಿತು. ಟ್ರಕ್​ ಡ್ರೈವರ್​ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಅಲ್ಲು ಅರ್ಜುನ್​ ಕಂಡು ಅಭಿಮಾನಿಗಳು ಫಿದಾ ಆಗಿದ್ದಾರೆ. ಕಥಾನಾಯಕನ ಪಾತ್ರವನ್ನು ಪರಿಚಯಿಸುವ ಈ ಟೀಸರ್​ನಲ್ಲಿ ಸಾಹಸ ದೃಶ್ಯಗಳ ಝಲಕ್​ ಕೂಡ ಇದೆ. ಅದು ಫ್ಯಾನ್ಸ್​ಗೆ ತುಂಬ ಇಷ್ಟವಾಗಿದೆ. ಹಾಗಾಗಿ ಎಲ್ಲರೂ ಇದನ್ನು ಮುಗಿಬಿದ್ದು ನೋಡುತ್ತಿದ್ದಾರೆ. ಆ ಮೂಲಕ ಯೂಟ್ಯೂಬ್​ನಲ್ಲಿ ಪುಷ್ಪ ಟೀಸರ್​ ದಾಖಲೆ ಬರೆದಿದೆ.

ಕೇವಲ 24 ಗಂಟೆಗಳಲ್ಲಿ ಬರೋಬ್ಬರಿ 25 ಮಿಲಿಯನ್​ (2.5 ಕೋಟಿ) ಬಾರಿ ವೀಕ್ಷಣೆ ಕಂಡಿದೆ. ಈ ಸಾಧನೆಯನ್ನು ತೆಲುಗು ಚಿತ್ರರಂಗದ ಬೇರೆ ಯಾವುದೇ ಸಿನಿಮಾಗಳೂ ಮಾಡಿಲ್ಲ. ಬಾಹುಬಲಿ, ರಾಧೆ ಶ್ಯಾಮ್​, ಆರ್​ಆರ್​ಆರ್​ ಟೀಸರ್​ಗಳನ್ನೂ ಮೀರಿಸಿ ಪುಷ್ಪ ಟೀಸರ್ ಯಶಸ್ಸು ಕಂಡಿದೆ. 7 ಲಕ್ಷಕ್ಕೂ ಅಧಿಕ ಮಂದಿ ಇದನ್ನು ಲೈಕ್​ ಮಾಡಿದ್ದಾರೆ. ಸದ್ಯ ಈ ಟೀಸರ್​ 37 ಮಿಲಿಯನ್​ ವೀವ್ಸ್​​ ದಾಟಿ ಮುನ್ನುಗ್ಗುತ್ತಿದೆ.

(ಪುಷ್ಪ ಚಿತ್ರದ ಟೀಸರ್​)

ಚಿಕ್ಕದೊಂದು ಟೀಸರ್​ಗೆ ಜನರು ಈ ಪರಿ ಪ್ರೀತಿ ತೋರಿಸಿರುವುದಕ್ಕೆ ಅಲ್ಲು ಅರ್ಜುನ್​ ಖುಷಿ ಆಗಿದ್ದಾರೆ. ಈ ಯಶಸ್ಸಿಗೆ ಕಾರಣರಾದ ಎಲ್ಲರಿಗೂ ಅವರು ಟ್ವಿಟರ್​ ಮೂಲಕ ಧನ್ಯವಾದ ತಿಳಿಸಿದ್ದಾರೆ.

Heart Congratulations to My Home Group on Turning 35 . Best wishes to my friend Ram garu and for his future endeavours . Wishing you many more mile stones to achieve . Warm Regard … AA @MyhomeConst #35YearsOfMyHome #MyHomeConstructions

— Allu Arjun (@alluarjun) April 9, 2021

ರಕ್ತ ಚಂದನದ ಕಳ್ಳಸಾಗಾಣಿಕೆಯ ಕಥೆಯನ್ನು ಹೊಂದಿರುವ ಈ ಸಿನಿಮಾಗೆ ಖ್ಯಾತ ನಿರ್ದೇಶಕ ಸುಕುಮಾರ್​ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ. ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ನಟಿಸಿದ್ದು, ಅವರ ಸಿನಿಖಾತೆಗೆ ಮತ್ತೊಂದು ಬ್ಲಾಕ್​ ಬಸ್ಟರ್​ ಹಿಟ್​ ಸಿಗುವುದು ಖಚಿತ ಎನಿಸುತ್ತಿದೆ. ಆಗಸ್ಟ್​ 13ರಂದು ಪುಷ್ಪ ಚಿತ್ರ ತೆರೆಕಾಣಲಿದೆ.

ಇದನ್ನೂ ಓದಿ: Pushpa Teaser: ಪುಷ್ಪ ಸಿನಿಮಾದಲ್ಲಿ ಅಲ್ಲು ಅರ್ಜುನ್​ ಪಾತ್ರ ನೋಡಿದ್ರೆ ನೀವೊಮ್ಮೆ ಬೆಚ್ಚಿ ಬೀಳ್ತೀರಾ!

( Allu Arjun starrer Pushpa teaser breaks the record of Baahubali and RRR on Youtube)