‘ಹೌಸ್​ಫುಲ್ 5’ ಸಿನಿಮಾದ ಭಾಗವಾಗಲಿದ್ದಾರೆ ಅಭಿಷೇಕ್ ಬಚ್ಚನ್; ನಗಿಸೋಕೆ ರೆಡಿ ಆದ ಸ್ಟಾರ್ ಹೀರೋ

‘ಹೌಸ್​ಫುಲ್’ (Housefull) ಬಾಲಿವುಡ್​ನ ಯಶಸ್ವಿ ಸಿನಿಮಾ ಸರಣಿಗಳಲ್ಲಿ ಒಂದು. ಅಕ್ಷಯ್ ಕುಮಾರ್, ರಿತೇಶ್ ದೇಶ್​​ಮುಖ್ ಮೊದಲಾದವರು ನಟಿಸಿರೋ ಈ ಸರಣಿಯಲ್ಲಿ ಐದನೇ ಸಿನಿಮಾ ಬರುತ್ತಿದೆ. ಇದರ ಜೊತೆಗೆ ಮತ್ತೊಂದು ಗುಡ್​ನ್ಯೂಸ್ ಇದೆ. ಸಾಜಿಡ್ ನಾಡಿಯಾದ್ವಾಲಾ ನಿರ್ಮಾಣದ ಈ ಚಿತ್ರದಲ್ಲಿ ಅಭಿಷೇಕ್ ಬಚ್ಚನ್ ಕೂಡ ನಟಿಸಲಿದ್ದಾರೆ. ಈ ವಿಚಾರ ಕೇಳಿ ಫ್ಯಾನ್ಸ್ ಸಖತ್ ಥ್ರಿಲ್ ಆಗಿದ್ದಾರೆ.

ಅಕ್ಷಯ್ ಕುಮಾರ್, ಅನಿಲ್ ಕಪೂರ್, ನಾನಾ ಪಾಟೇಕರ್, ರಿತೇಶ್ ದೇಶ್​ಮುಖ್​, ಚಂಕಿ ಪಾಂಡೆ ‘ಹೌಸ್​​ಫುಲ್ 5’ನಲ್ಲಿ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ. ಅಭಿಷೇಕ್ ಬಚ್ಚನ್ ಅವರು ಈ ಚಿತ್ರದ ಭಾಗವಾಗಿದ್ದಾರೆ. ಆಗಸ್ಟ್​ನಲ್ಲಿ ಲಂಡ್​​ನಲ್ಲಿ ಸಿನಿಮಾದ ಶೂಟಿಂಗ್ ನಡೆಯಲಿದೆ.

ಅಭಿಷೇಕ್ ಬಚ್ಚನ್​ಗೆ ‘ಹೌಸ್​ಫುಲ್’ ಫ್ರಾಂಚೈಸಿ ಹೊಸದಲ್ಲ. ಈ ಮೊದಲು ‘ಹೌಸ್​ಫುಲ್ 3’ ಸಿನಿಮಾದಲ್ಲಿ ಅಭಿಷೇಕ್ ಬಚ್ಚನ್ ಅವರು ನಟಿಸಿದ್ದರು. ಈಗ ಅವರು ‘ಹೌಸ್​ಫುಲ್​ 5’ನಲ್ಲಿ ಮರಳುತ್ತಿದ್ದು, ಹೆಚ್ಚಿನ ಫನ್ ನಿರೀಕ್ಷಿಸಬಹುದು. ಅಭಿಷೇಕ್ ಕೂಡ ಈ ಬಗ್ಗೆ ಖುಷಿ ಹೊರಹಾಕಿದ್ದಾರೆ. ಈ ಬಗ್ಗೆ ಅವರು ಮಾತನಾಡಿದ್ದಾರೆ.

‘ಹೌಸ್​ಫುಲ್ ನನ್ನ ಫೇವರಿಟ್ ಕಾಮಿಡಿ ಫ್ರಾಂಚೈಸ್​ಗಳಲ್ಲಿ ಒಂದು. ಇದರಲ್ಲಿ ನಟಿಸೋದು ಮನೆಗೆ ಮರಳಿದ ಭಾವನೆ ಕೊಡುತ್ತದೆ. ಸಾಜಿದ್ ಜೊತೆ ಕೆಲಸ ಮಾಡೋದು ಖುಷಿ ನೀಡುತ್ತದೆ. ಅಕ್ಷಯ್ ಹಾಗೂ ರಿತೇಷ್ ಜೊತೆ ಸೆಟ್​​ನಲ್ಲಿ ಫನ್ ಮಾಡಲು ಕಾದಿದ್ದೇನೆ. ದೋಸ್ತಾನಾ ಬಳಿಕ ನಿರ್ದೇಶಕ ತರುಣ್ ಮನ್​ಸುಖಾನಿ ಜೊತೆ ಮತ್ತೆ ಕೆಲಸ ಮಾಡುತ್ತಿರುವುದಕ್ಕೆ ಖುಷಿ ಇದೆ’ ಎಂದಿದ್ದಾರೆ ಅಭಿಷೇಕ್. ತರುಣ್​ ಮನ್​ಸುಖಾನಿ ‘ಹೌಸ್​ಫುಲ್ 5’ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ.

ಇದನ್ನೂ ಓದಿ: Housefull 5: ‘ಹೌಸ್​ಫುಲ್ 5’ ಘೋಷಿಸಿದ ನಟ ಅಕ್ಷಯ್ ಕುಮಾರ್; ರಿಲೀಸ್ ದಿನಾಂಕವನ್ನೂ ಪ್ರಕಟಿಸಿದ ನಟ

‘ಹೌಸ್​ಫುಲ್’ ಸರಣಿಯ ಐದನೇ ಸಿನಿಮಾ ಕೆಲಸಗಳು ಪ್ರಗತಿಯಲ್ಲಿವೆ. ಈ ಚಿತ್ರ 2025ರ ಜೂನ್ 6ರಂದು ರಿಲೀಸ್ ಆಗೋ ಸಾಧ್ಯತೆ ಇದೆ. ಈ ಮೊದಲ ನಾಲ್ಕೂ ಸಿನಿಮಾಗಳು ಬಾಕ್ಸ್ ಆಫೀಸ್​​ನಲ್ಲಿ ಒಳ್ಳೆಯ ಗಳಿಕೆ ಮಾಡಿವೆ. ಮೊದಲ ಪಾರ್ಟ್​ 2010ರಲ್ಲಿ, ಎರಡನೇ ಪಾರ್ಟ್ 2012ರಲ್ಲಿ, ಮೂರನೇ ಪಾರ್ಟ್ 2016ರಲ್ಲಿ ಹಾಗೂ ನಾಲ್ಕನೇ ಪಾರ್ಟ್​ 2019ರಲ್ಲಿ ರಿಲೀಸ್ ಆಗಿದೆ. ಐದನೇ ಪಾರ್ಟ್​ನ ತರುಣ್ ಮನ್​ಸುಖಾನಿ ನಿರ್ದೇಶನ ಮಾಡುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 12:29 pm, Mon, 6 May 24