ಒಂದೇ ಫ್ರೇಮ್​ನಲ್ಲಿ ಸೂರ್ಯ, ಅಮಿತಾಭ್​, ಅಕ್ಷಯ್​ ಕುಮಾರ್​; ಏನ್​ ಸಮಾಚಾರ?

ಬಾಲಿವುಡ್​ ನಟರಾದ ಅಮಿತಾಭ್​ ಬಚ್ಚನ್​, ಅಕ್ಷಯ್​ ಕುಮಾರ್​ ಹಾಗೂ ದಕ್ಷಿಣದ ಸ್ಟಾರ್​ ಕಲಾವಿದ ಸೂರ್ಯ (Suriya) ಅವರು ಒಂದೆಡೆ ಸೇರಿದ್ದಾರೆ. ಅವರು ಮೂವರು ಒಂದೇ ಫ್ರೇಮ್​ನಲ್ಲಿ ಇರುವ ಫೋಟೋ ವೈರಲ್​ ಆಗಿದೆ. ಈ ಫೋಟೋವನ್ನು ಸ್ವತಃ ಅಮಿತಾಭ್​ ಬಚ್ಚನ್​ (Amitabh Bachchan) ಅವರು ಹಂಚಿಕೊಂಡಿದ್ದಾರೆ. ಇದನ್ನು ನೋಡಿದ ತಕ್ಷಣ ಅಭಿಮಾನಿಗಳಿಗೆ ಖುಷಿ ಆಗಿದೆ. ಈ ಮೂವರೂ ಒಂದೇ ಸಿನಿಮಾದಲ್ಲಿ ನಟಿಸುತ್ತಿದ್ದಾರಾ ಎಂಬ ಪ್ರಶ್ನೆ ಮೂಡಿದೆ. ಆದರೆ ಅಸಲಿ ವಿಚಾರ ಅದಲ್ಲ. ಒಂದು ಜಾಹೀರಾತಿನ ಸಲುವಾಗಿ ಅಮಿತಾಭ್​ ಬಚ್ಚನ್​, ಸೂರ್ಯ ಮತ್ತು ಅಕ್ಷಯ್​ ಕುಮಾರ್​ (Akshay Kumar) ಅವರು ಒಂದೆಡೆ ಸೇರಿದ್ದಾರೆ.

‘ಇಂಡಿಯನ್​ ಸ್ಟ್ರೀಟ್​ ಪ್ರೀಮಿಯರ್​ ಲೀಗ್​’ ಶೀಘ್ರದಲ್ಲೇ ಆರಂಭ ಆಗಲಿದೆ. ಇದರಲ್ಲಿ ಆಟ ಆಡಲಿರುವ ತಂಡಗಳ ಮಾಲಿಕತ್ವವನ್ನು ಸೆಲೆಬ್ರಿಟಿಗಳು ಪಡೆದುಕೊಂಡಿದ್ದಾರೆ. ಆ ಕಾರಣದಿಂದ ಅಕ್ಷಯ್​ ಕುಮಾರ್​, ಅಮಿತಾಭ್​ ಬಚ್ಚನ್​, ಸೂರ್ಯ ಮುಂತಾದ ನಟರು ಇದರ ಜಾಹೀರಾತಿನಲ್ಲಿ ಪಾಲ್ಗೊಂಡಿದ್ದಾರೆ. ಬಾಲಿವುಡ್​ ನಟ ಹೃತಿಕ್ ರೋಷನ್​ ಕೂಡ ಇದರ ಜಾಹೀರಾತು ಶೂಟಿಂಗ್​ಗೆ ಬಂದಿದ್ದರು. ಆದರೆ ಗ್ರೂಪ್​ ಫೋಟೋ ತೆಗೆದುಕೊಳ್ಳುವುದಕ್ಕೂ ಮುನ್ನ ಹೃತಿಕ್​ ರೋಷನ್​ ಅವರು ಬೇರೆ ಕೆಲಸದ ಸಲುವಾಗಿ ಅಲ್ಲಿಂದ ಹೊರಟು ಹೋದರು.

View this post on Instagram

A post shared by Amitabh Bachchan (@amitabhbachchan)

ಅಕ್ಷಯ್​ ಕುಮಾರ್​ ಮತ್ತು ಸೂರ್ಯ ಜೊತೆ ಫೋಟೋ ತೆಗೆದುಕೊಂಡಿದ್ದು ಅಮಿತಾಭ್​ ಬಚ್ಚನ್​ ಅವರಿಗೆ ಖುಷಿ ನೀಡಿದೆ. ‘ಹೃತಿಕ್ ರೋಷನ್​ ಬೇಗ ಈ ಶೂಟಿಂಗ್​ ಮುಗಿಸಿ ಹೊರಟುಹೋದರು. ನಾನು ನಮ್ಮ ಚಿತ್ರೀಕರಣಕ್ಕೆ ಸಿದ್ಧವಾದೆವು. ದಕ್ಷಿಣ ಭಾರತದ ನಟ ಸೂರ್ಯ ಅವರನ್ನು ಭೇಟಿಯಾಗಿದ್ದಕ್ಕೆ ಸಂತೋಷ ಆಗಿದೆ’ ಎಂದು ಅವರು ಹೇಳಿದ್ದಾರೆ. ಅಲ್ಲದೇ ಸೂರ್ಯ ಅವರ ಸಿನಿಮಾ ಮತ್ತು ಹಾಡುಗಳನ್ನು ಕೂಡ ಅಮಿತಾಭ್​ ಬಚ್ಚನ್​ ಹೊಗಳಿದ್ದಾರೆ.

ಇದನ್ನೂ ಓದಿ: ‘ನನ್ನ ಗುರು ಜೊತೆ ಮತ್ತೆ ಕೆಲಸ ಮಾಡುತ್ತಿದ್ದೇನೆ’: ಅಮಿತಾಭ್​ ಬಗ್ಗೆ ರಜನಿಕಾಂತ್​ ಗೌರವದ ಮಾತು

ಅಮಿತಾಭ್​ ಬಚ್ಚನ್​ ಅವರ ಕೈಗೆ ಗಾಯ ಆಗಿದೆ. ಕೈಗೆ ಬ್ಯಾಂಡೇಜ್​ ಹಾಕಿಕೊಂಡೇ ಅವರು ‘ಕೌನ್​ ಬನೇಗ ಕರೋಡ್​ಪತಿ’ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು. ಈಗ ‘ಇಂಡಿಯನ್​ ಸ್ಟ್ರೀಟ್​ ಪ್ರೀಮಿಯರ್​ ಲೀಗ್​’ ಜಾಹೀರಾತು ಶೂಟಿಂಗ್​ಗೂ ಅವರು ಬ್ಯಾಂಡೇಜ್​ ಹಾಕಿಕೊಂಡು ಬಂದಿದ್ದಾರೆ. ತಮ್ಮ ಕೈಗೆ ಏನಾಗಿದೆ ಎಂಬುದನ್ನು ಅವರು ಅಕ್ಷಯ್​ ಕುಮಾರ್​ಗೆ ವಿವರಿಸಿದ್ದಾರೆ. ಆ ಸಂದರ್ಭದ ಫೋಟೋವನ್ನು ಅವರು ತಮ್ಮ ಬ್ಲಾಗ್​ನಲ್ಲಿ ಹಂಚಿಕೊಂಡಿದ್ದಾರೆ. 81ನೇ ವಯಸ್ಸಿನಲ್ಲಿ ಕೂಡ ಅಮಿತಾಭ್​ ಬಚ್ಚನ್​ ಅವರು ಹದಿಹರೆಯದ ಯುವಕನಂತೆ ಆ್ಯಕ್ಟೀವ್​ ಆಗಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 10:43 am, Mon, 15 January 24