ವಿರಾಟ್ ಕೊಹ್ಲಿ ತೆಗೆದ ಚಿತ್ರ ಹಂಚಿಕೊಂಡ ಅನುಷ್ಕಾ; ನೋಡಿ ಸುಮ್ಮನಿರಲಾಗದೇ ಕಾಮೆಂಟ್ ಮಾಡಿದ ಆಲಿಯಾ
ತಾರಾ ಜೋಡಿ ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮ ಡಿನ್ನರ್ ಡೇಟ್ಗೆ ತೆರಳಿದ್ದಾಗ ವಿರಾಟ್ ತೆಗೆದ ಚಿತ್ರವನ್ನು ಅನುಷ್ಕಾ ಹಂಚಿಕೊಂಡಿದ್ದಾರೆ. ಇದಕ್ಕೆ ಕಾಮೆಂಟ್ ಮಾಡಿರುವ ಆಲಿಯಾ ಭಟ್ ನಡೆ ಎಲ್ಲರ ಗಮನ ಸೆಳೆದಿದೆ.
Updated on: Aug 20, 2021 | 6:17 PM
ಕ್ರಿಕೆಟಿಗ ವಿರಾಟ್ ಕೊಹ್ಲಿ(Virat Kohli) ಹಾಗೂ ಅನುಷ್ಕಾ ಶರ್ಮ(Anushka Sharma) ದಂಪತಿ ಲಾರ್ಡ್ಸ್ ಟೆಸ್ಟ್ ಜಯದ ಬೆನ್ನಲ್ಲೇ ಲಂಡನ್ನ ರೆಸ್ಟೊರೆಂಟ್ ಒಂದರಲ್ಲಿ ವಿಜಯದ ಭೋಜನ ಸವಿದಿದ್ದಾರೆ. ಅಲ್ಲಿ ತೆಗೆಸಿಕೊಂಡ ಚಿತ್ರಗಳನ್ನು ಅನುಷ್ಕಾ ಶರ್ಮಾ ಇನ್ಸ್ಟಾಗ್ರಾಂನಲ್ಲಿ ಸಂತಸದಿಂದ ಹಂಚಿಕೊಂಡಿದ್ದಾರೆ. ಈ ಚಿತ್ರಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದು, ಅನುಷ್ಕಾ ಅವರ ಅಂದವನ್ನು ಹಾಡಿಹೊಗಳುತ್ತಿದ್ದಾರೆ. ಇದಕ್ಕೆ ತಾರೆಗಳೂ ಹಿಂದೆ ಬಿದ್ದಿಲ್ಲ. ಬಾಲಿವುಡ್ನಲ್ಲಿ ಸದ್ಯ ಮುಂಚೂಣಿಯಲ್ಲಿರುವ ನಟಿ ಆಲಿಯಾ ಭಟ್ ಕೂಡಾ ಚಿತ್ರವನ್ನು ನೋಡಿ ಸುಮ್ಮನಿರಲಾಗದೇ ಕಾಮೆಂಟ್ ಮಾಡಿದ್ದಾರೆ. ವಿರಾಟ್ ಕೊಹ್ಲಿ ಮುಂದೆ ಮುದ್ದು ಮುದ್ದಾಗಿ ಕುಳಿತ ಅನುಷ್ಕಾರನ್ನು ‘ಗಾರ್ಜಿಯಸ್’(Gorgeous) ಎಂದು ಹೊಗಳಿದ್ದಾರೆ ಆಲಿಯಾ. ಸೆಲೆಬ್ರಿಟಿಗಳು ಪರಸ್ಪರರ ಪೋಸ್ಟ್ಗಳಿಗೆ ಕಾಮೆಂಟ್ ಮಾಡುವುದು ಅಪರೂಪವಲ್ಲವಾದರೂ, ಆಲಿಯಾ ನಡೆಯಿಂದ ಈರ್ವರ ಅಭಿಮಾನಿಗಳು ಪುಳಕಿತಗೊಂಡಿದ್ದಾರೆ.
ಇತ್ತೀಚೆಗಷ್ಟೇ ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮ ಜೋಡಿ ಲಂಡನ್ನ ಟೆಂಡ್ರಿಲ್ ಹೋಟೆಲ್ಗೆ ಭೇಟಿ ನೀಡಿ, ಭೋಜನ ಸವಿದಿದ್ದರು. ಈ ಚಿತ್ರವನ್ನು ರೆಸ್ಟೊರೆಂಟ್ ತನ್ನ ಅಧಿಕೃತ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿ ಹಂಚಿಕೊಂಡು ಸಂಭ್ರಮಿಸಿತ್ತು. ಅಲ್ಲಿನ ಪದಾರ್ಥಗಳನ್ನು ಹೊಗಳಿದ್ದ ವಿರುಷ್ಕಾ, ಮುಖ್ಯ ಬಾಣಸಿಗ ರಿಶಿಮ್ ಸಚ್ದೇವ ಹಾಗೂ ಹೊಟೆಲ್ ಸಿಬ್ಬಂದಿಗಳೊಂದಿಗೆ ಚಿತ್ರಗಳನ್ನೂ ತೆಗೆಸಿಕೊಂಡಿದ್ದರು. ಈ ಚಿತ್ರಗಳು ವೈರಲ್ ಆಗಿದ್ದವು.
ಅನುಷ್ಕಾ ಹಂಚಿಕೊಂಡ ಚಿತ್ರ:
View this post on Instagram
ಅನುಷ್ಕಾ ಶರ್ಮಾ ತಮ್ಮ ಮಗಳು ವಮಿಕಾಳೊಂದಿಗೆ ವಿರಾಟ್ ಕೊಹ್ಲಿಯ ಇಂಗ್ಲೆಂಡ್ ಪ್ರವಾಸದಲ್ಲಿ ಜೊತೆಗೆ ತೆರಳಿದ್ದಾರೆ. ವಿರುಷ್ಕಾ ಜೋಡಿ ಲಂಡನ್ನಲ್ಲಿ ಸುತ್ತಾಡುತ್ತಿರುವ ಚಿತ್ರಗಳನ್ನು ಆಗಾಗ ಹಂಚಿಕೊಂಡಿದ್ದರು. ಲಾರ್ಡ್ಸ್ ಟೆಸ್ಟ್ನಲ್ಲಿ ಭಾರತ ಗೆದ್ದಾಗ ಅನುಷ್ಕಾ ಶರ್ಮಾ ಫೊಟೊಗಳನ್ನು ಹಂಚಿಕೊಂಡು ಭಾರತ ತಂಡಕ್ಕೆ ಅಭಿನಂದನೆ ಸಲ್ಲಿಸಿದ್ದರು. ಆ ಫೊಟೊದಲ್ಲಿ ‘ಎಂತಹ ತಂಡವಿದು! ಎಂತಹ ಜಯವಿದು!’ ಎಂದು ಅವರು ಬರೆದುಕೊಂಡಿದ್ದರು. ಲಾರ್ಡ್ಸ್ನಲ್ಲಿ ನಡೆದ ಎರಡನೇ ಟೆಸ್ಟ್ನಲ್ಲಿ ಭಾರತ 151 ರನ್ಗಳ ಐತಿಹಾಸಿಕ ಜಯ ದಾಖಲಿಸಿತ್ತು.
ಅನುಷ್ಕಾ ವೃತ್ತಿ ಜೀವನದ ವಿಷಯಕ್ಕೆ ಬಂದರೆ ಅವರು ನಟನೆಯಲ್ಲಿ ಇತ್ತೀಚೆಗೆ ಕಾಣಿಸಿಕೊಳ್ಳದಿದ್ದರೂ ನಿರ್ಮಾಣದಲ್ಲಿ ಸಕ್ರಿಯರಾಗಿ ತೊಡಗಿಸಿಕೊಂಡಿದ್ದಾರೆ. ಕಳೆದ ವರ್ಷ ನಿಧನರಾದ ನಟ ಇರ್ಫಾನ್ ಖಾನ್ರ ಪುತ್ರ ಬಬಿಲ್ ಮೊದಲ ಬಾರಿಗೆ ಕಾಣಿಸಿಕೊಳ್ಳುತ್ತಿರುವ ‘ಕಾಲ’ವನ್ನು ಅನುಷ್ಕಾ ನಿರ್ಮಿಸುತ್ತಿದ್ದಾರೆ. ಅವರ ನಿರ್ಮಾಣದ ವೆಬ್ ಸಿರೀಸ್ ‘ಪಾತಾಳ್ ಲೋಕ್’ ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದಿತ್ತು. ಹಾಗೆಯೇ ನೆಟ್ಫ್ಲಿಕ್ಸ್ನಲ್ಲಿ ತೆರೆಕಂಡ ‘ಬುಲ್ಬುಲ್’ ವಿಮರ್ಶಕರಿಂದ ಮೆಚ್ಚುಗೆ ಪಡೆದಿತ್ತು. ಅನುಷ್ಕಾ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದು 2018ರಲ್ಲೇ ಕೊನೆ. ಶಾರುಖ್ ಖಾನ್ ನಟನೆಯ ಜೀರೊ ಚಿತ್ರದಲ್ಲಿ ಅನುಷ್ಕಾ ಬಣ್ಣಹಚ್ಚಿದ್ದನ್ನು ಹೊರತು ಪಡಿಸಿ ನಂತರ ಅನುಷ್ಕಾ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿಲ್ಲ.
ಇದನ್ನೂ ಓದಿ:
ವಿಜಯ್ ದೇವರಕೊಂಡ ಡಿಮ್ಯಾಂಡ್ಗೆ ಬೇಸತ್ತ ನಿರ್ದೇಶಕ; ಇದು ದುರಹಂಕಾರ ಎಂದ ಫ್ಯಾನ್ಸ್
ರಣದೀಪ್ ಹೂಡಾ ತನಗೆ ಮೋಸ ಮಾಡಿದ್ದಾರೆಂದು 10 ಕೋಟಿ ದಾವೆ ಹೂಡಿದ ಯುವತಿ; ಪ್ರಕರಣವೇನು?
(Anushka Sharma shares her picture from dinner date and Alia Bhatt comments to that caught netizens attention)
