KL Rahul: ಪ್ರಿಯ ಸ್ನೇಹಿತ ಕೆ.ಎಲ್.ರಾಹುಲ್ ಲಾರ್ಡ್ಸ್ನಲ್ಲಿ ಸಿಡಿಸಿರುವ ಭರ್ಜರಿ ಶತಕಕ್ಕೆ ಆಥಿಯಾ ರಿಯಾಕ್ಷನ್ ಹೇಗಿತ್ತು?
Athiya Shetty: ಲಾರ್ಡ್ಸ್ನಲ್ಲಿ ನಡೆಯುತ್ತಿರುವ ಭಾರತ- ಇಂಗ್ಲೆಂಡ್ ನಡುವಿನ ಪಂದ್ಯದಲ್ಲಿ ಭರ್ಜರಿ ಶತಕ ಬಾರಿಸಿರುವ ಕೆ.ಎಲ್.ರಾಹುಲ್ಗೆ ನಟಿ ಆಥಿಯಾ ಶೆಟ್ಟಿ ವಿಶೇಷವಾಗಿ ಶುಭಕೋರಿದ್ದಾರೆ.
ಬಾಲಿವುಡ್ ನಟಿ ಆಥಿಯಾ ಶೆಟ್ಟಿ ಕ್ರಿಕೆಟಿಗ ಕೆ.ಎಲ್.ರಾಹುಲ್ ಅವರೊಂದಿಗೆ ಸುತ್ತಾಡುತ್ತಿರುವುದು ಗುಟ್ಟಾಗಿ ಉಳಿದಿಲ್ಲ. ಈ ಕುರಿತು ಈರ್ವರೂ ಇದುವರೆಗೆ ತುಟಿ ಬಿಚ್ಚದಿದ್ದರೂ ಕೂಡಾ, ಸಂಬಂಧವನ್ನು ನಿರಾಕರಿಸಿಯೂ ಇಲ್ಲ. ಪ್ರಸ್ತುತ ಇಂಗ್ಲೆಂಡ್ನಲ್ಲಿ ನಡೆಯುತ್ತಿರುವ ಭಾರತ-ಇಂಗ್ಲೆಂಡ್ ಸರಣಿಗೆ ತಮ್ಮ ಜೊತೆಗಾತಿಯಾಗಿ ಆಥಿಯಾ ಅವರನ್ನು ರಾಹುಲ್ ಕರೆದೊಯ್ದಿದ್ದರು ಎಂಬ ಸುದ್ದಿ ಈ ಹಿಂದೆ ಹರಿದಾಡಿತ್ತು. ಅದಕ್ಕೆ ಪುಷ್ಟಿ ನೀಡುವಂತೆ ಈ ತಾರಾ ಜೋಡಿ ಲಂಡನ್ನ ಬೀದಿಗಳಲ್ಲಿ ಸುತ್ತಾಡುತ್ತಿರುವ ಚಿತ್ರಗಳನ್ನು ಹಂಚಿಕೊಂಡಿದ್ದರು. ಇದೀಗ ನಡೆಯುತ್ತಿರುವ ಎರಡನೇ ಟೆಸ್ಟ್ ಪಂದ್ಯದಲ್ಲಿ ರಾಹುಲ್ ಶತಕ ಸಿಡಿಸಿದ ಬೆನ್ನಲ್ಲೇ ಆಥಿಯಾ ಚಿತ್ರವೊಂದನ್ನು ಹಂಚಿಕೊಂಡು ಶುಭ ಕೋರಿದ್ದಾರೆ.
ಇನ್ಸ್ಟಾಗ್ರಾಂನ ಸ್ಟೇಟಸ್ನಲ್ಲಿ ಆಥಿಯಾ ರಾಹುಲ್ ಅವರ ಚಿತ್ರವೊಂದನ್ನು ಹಂಚಿಕೊಂಡು ಶುಭಕೋರಿದ್ದಾರೆ. ಶತಕ ಸಿಡಿಸಿದ ನಂತರ ರಾಹುಲ್ ಸಂಭ್ರಮಿಸುತ್ತಿರುವುದನ್ನು ಸೆರೆ ಹಿಡಿದು ಆಥಿಯಾ ಹಂಚಿಕೊಂಡಿದ್ದಾರೆ. ಆದರೆ ಆಥಿಯಾ ಕ್ರೀಡಾಂಗಣದಲ್ಲಿರಲಿಲ್ಲ. ಅವರು ತಮ್ಮ ಕೊಠಡಿಯ ಟಿವಿಯ ಸ್ಕ್ರೀನ್ನಲ್ಲಿ ತೆಗೆದ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ರಾಹುಲ್ ಹೆಸರನ್ನು ಬರೆದು, ಹೃದಯದ ಚಿತ್ರವನ್ನು ಹಾಕಿದ್ದಾರೆ. ಆ ಚಿತ್ರ ಇಲ್ಲಿದೆ.
ಆಥಿಯಾ ಹಾಗೂ ರಾಹುಲ್(ಎಡ ಚಿತ್ರ), ಆಥಿಯಾ ಶುಭ ಕೋರಿದ್ದು (ಬಲ ಚಿತ್ರ)
ಸಾಮಾಜಿಕ ಜಾಲತಾಣದಲ್ಲಿ ಸದಾ ಸುದ್ದಿಯಲ್ಲಿರುವ ಈ ಜೋಡಿ, ಇತ್ತೀಚೆಗೆ ಅನುಷ್ಕಾ ಶರ್ಮಾ ಹಂಚಿಕೊಂಡಿರುವ ಚಿತ್ರಗಳಲ್ಲಿ ಜೊತೆಯಾಗಿ ಕಾಣಿಸಿಕೊಂಡಿದ್ದರು. ಇಶಾಂತ್ ಶರ್ಮಾ ಪತ್ನಿ ಹಂಚಿಕೊಂಡ ಚಿತ್ರದಲ್ಲೂ ಈ ಗಾಸಿಪ್ ಜೋಡಿ ಜೊತೆಯಾಗಿ ಕಾಣಿಸಿಕೊಂಡಿದ್ದರು. ರಾಹುಲ್ ಇತ್ತೀಚೆಗೆ ಆಥಿಯಾ ಸಹೋದರ ಅಹಾನ್ ಅವರೊಂದಿಗಿನ ಚಿತ್ರವನ್ನು ಹಂಚಿಕೊಂಡಿದ್ದರು. ನಟಿ ಆಥಿಯಾ ತಂದೆ ಬಾಲಿವುಡ್ನ ಖ್ಯಾತ ನಟ ಸುನೀಲ್ ಶೆಟ್ಟಿ ಇವರೀರ್ವರ ಸಂಬಂಧದ ಕುರಿತು ಇತ್ತೀಚೆಗೆ ಲೀಡಿಂಗ್ ಡೈಲಿಗೆ ನೀಡಿದ ಸಂದರ್ಶನವೊಂದರಲ್ಲಿ ಮಾತಾಡಿದ್ದರು.
‘ಹೌದು ಆಥಿಯಾ ಇಂಗ್ಲೆಂಡ್ನಲ್ಲಿದ್ದಾಳೆ. ತನ್ನ ಸಹೋದರನೊಂದಿಗೆ ರಜೆಯ ದಿನಗಳನ್ನು ಕಳೆಯಲು ಆಕೆ ಇಂಗ್ಲೆಂಡ್ಗೆ ತೆರಳಿದ್ದಾಳೆ’ ಎಂದು ಸುನೀಲ್ ತಿಳಿಸಿದ್ದರು. ಆಥಿಯಾ- ರಾಹುಲ್ ಸಂಬಂಧದ ಬಗ್ಗೆ ವಿಚಾರಿಸಿದಾಗ, ‘‘ಈ ಕುರಿತು ಮಾತನಾಡಲು ಆಥಿಯಾಳೆ ಸೂಕ್ತ ವ್ಯಕ್ತಿ. ನೀವು ಅವಳನ್ನೇ ಕೇಳಿ’’ ಎಂದು ಪ್ರತಿಕ್ರಿಯೆ ನೀಡಿದ್ದರು. ರಾಹುಲ್- ಆಥಿಯಾ ಜಾಹಿರಾತೊಂದರಲ್ಲಿ ಜೊತೆಯಾಗಿ ಕಾಣಿಸಿಕೊಂಡಿದ್ದರ ಕುರಿತು ಮಾತನಾಡಿದ್ದ ಸುನೀಲ್ ಶೆಟ್ಟಿ, ಅವರೀರ್ವರೂ ತೆರೆಯ ಮೇಲೆ ಅದ್ಭುತ ಜೋಡಿ ಎಂದಿದ್ದರು.
ಇದನ್ನೂ ಓದಿ:
KL Rahul: ಕೆ. ಎಲ್ ರಾಹುಲ್ ಶತಕಕ್ಕೆ ದಾಖಲೆಗಳು ಪುಡಿಪುಡಿ: ಕನ್ನಡಿಗನಿಂದ ವಿಶೇಷ ಸಾಧನೆ
