‘ರಾಜ್ ಕುಂದ್ರಾ ದಾರಿ ತಪ್ಪಲು ಕಾರಣವಾದ ಈಕೆಗೆ ಬಟ್ಟೆ ಬಿಚ್ಚೋದು ಬಿಟ್ಟು ಬೇರೇನೂ ಗೊತ್ತಿಲ್ಲ’: ಗೆಹನಾ ಆರೋಪ
‘2012ರಿಂದಲೇ ಶೆರ್ಲಿನ್ ಚೋಪ್ರಾ ಇಂಥ ಸಿನಿಮಾ ಮಾಡುತ್ತಿದ್ದಾಳೆ. ನೀಲಿ ಚಿತ್ರ ದಂಧೆಗೆ ರಾಜ್ ಕುಂದ್ರಾ ಅವರನ್ನು ಎಳೆದು ತಂದಿದ್ದೇ ಈಕೆ’ ಎಂದು ನಟಿ ಗೆಹನಾ ವಸಿಷ್ಠ್ ಆರೋಪಿಸಿದ್ದಾರೆ.
ಉದ್ಯಮಿ ರಾಜ್ ಕುಂದ್ರಾ ಅವರು ನೀಲಿ ಚಿತ್ರ ನಿರ್ಮಾಣ ದಂಧೆಯ ಆರೋಪ ಹೊತ್ತು ಜೈಲು ಸೇರಿದ್ದರು. ಈಗ ಅವರು ಜಾಮೀನು ಪಡೆದು ಹೊರಬಂದಿದ್ದಾರೆ. ಹಾಗಂತ ಅವರ ಕುರಿತಾದ ಸುದ್ದಿಗಳು ನಿಂತಿಲ್ಲ. ಅಶ್ಲೀಲ ಸಿನಿಮಾ ಲೋಕದಲ್ಲಿ ಕುತ್ಯಾತಿ ಪಡೆದಿರುವ ನಟಿಯರಾದ ಶೆರ್ಲಿನ್ ಚೋಪ್ರಾ ಮತ್ತು ಗೆಹನಾ ವಸಿಷ್ಠ್ ಅವರು ಪರಸ್ಪರ ಕಚ್ಚಾಡಿಕೊಳ್ಳುತ್ತಿದ್ದಾರೆ. ಈ ನಡುವೆ ರಾಜ್ ಕುಂದ್ರಾ ಹೆಸರನ್ನು ಎಳೆದು ತಂದಿದ್ದಾರೆ. ರಾಜ್ ಕುಂದ್ರಾ ಮೇಲೆ ಶೆರ್ಲಿನ್ ಚೋಪ್ರಾ ಹಲವು ಆರೋಪಗಳನ್ನು ಮಾಡಿದ್ದರು. ಅದಕ್ಕೆಲ್ಲ ಈಗ ಗೆಹನಾ ವಸಿಷ್ಠ್ ತಿರುಗೇಟು ನೀಡಿದ್ದಾರೆ. ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅನೇಕ ವಿಚಾರಗಳನ್ನು ಬಯಲಿಗೆ ಎಳೆದಿದ್ದಾರೆ.
‘2012ರಿಂದಲೇ ಶೆರ್ಲಿನ್ ಚೋಪ್ರಾ ಇಂಥ ಸಿನಿಮಾ ಮಾಡುತ್ತಿದ್ದಾಳೆ. ನೀಲಿ ಚಿತ್ರ ದಂಧೆಗೆ ರಾಜ್ ಕುಂದ್ರಾ ಅವರನ್ನು ಎಳೆದು ತಂದಿದ್ದೇ ಈಕೆ. ಕೇವಲ ಎರಡೂವರೆ ವರ್ಷದ ಹಿಂದೆ ಅವರಿಬ್ಬರಿಗೂ ಪರಸ್ಪರ ಪರಿಚಯ ಆಗಿತ್ತು. ಇಂದು ಶೆರ್ಲಿನ್ ಏನೇ ಗಳಿಸಿದ್ದರೂ ಕೂಡ ಅದು ರಾಜ್ ಕುಂದ್ರಾ ಕಾರಣದಿಂದ. ಹಾಗಾಗಿ ಅವರಿಗೆ ಆಕೆ ಋಣಿಯಾಗಿ ಇರಬೇಕು’ ಎಂದು ಗೆಹನಾ ವಸಿಷ್ಠ್ ಹೇಳಿದ್ದಾರೆ.
‘ಶೆರ್ಲಿನ್ಗೆ ಮಾಡಲು ಏನೂ ಕೆಲಸ ಇಲ್ಲ. ಸದಾ ಸುದ್ದಿಯಲ್ಲಿ ಇರಬೇಕು ಎಂಬ ಕಾರಣಕ್ಕೆ ಇದನ್ನೆಲ್ಲ ಮಾಡುತ್ತಿದ್ದಾಳೆ. ತಾನು ತಪ್ಪಿಸಿಕೊಳ್ಳಲು ಇಷ್ಟೆಲ್ಲ ಡ್ರಾಮಾ ಮಾಡುತ್ತಿದ್ದಾಳೆ. ಈಗ ಶಿಲ್ಪಾ ಶೆಟ್ಟಿಯನ್ನು ಟಾರ್ಗೆಟ್ ಮಾಡಿದ್ದಾಳೆ. ಅದಕ್ಕೆಲ್ಲ ಶಿಲ್ಪಾ ಗಮನ ಕೊಡುತ್ತಿಲ್ಲ’ ಎಂದು ಗೆಹನಾ ವಸಿಷ್ಠ್ ಹೇಳಿದ್ದಾರೆ.
‘ಶೆರ್ಲಿನ್ಗೆ ಬೆತ್ತಲಾಗುವುದು ಬಿಟ್ಟು ಬೇರೇನೋ ಗೊತ್ತಿಲ್ಲ. ನೀಲಿ ಚಿತ್ರದ ದಂಧೆಗೆ ರಾಜ್ ಕುಂದ್ರಾ ಎಂಟ್ರಿ ಪಡೆಯಲು ಆಕೆಯೇ ಕಾರಣ. ಈಗ ರಾಜ್ ಕುಂದ್ರಾ ವಿರುದ್ಧವಾಗಿ ಮಾತನಾಡಿದರೆ ಮಾತ್ರ ಜನರ ಗಮನವನ್ನು ತನ್ನತ್ತ ಸೆಳೆದುಕೊಳ್ಳಬಹುದು ಎಂಬುದು ಆಕೆಗೆ ಗೊತ್ತಾಗಿದೆ. ಅದಕ್ಕೆ ಹೀಗೆಲ್ಲ ಮಾಡುತ್ತಿದ್ದಾಳೆ. ಆಕೆ ಎಷ್ಟೇ ಕೂಗಾಡಿದರೂ ಕೂಡ ಶಿಲ್ಪಾ ಶೆಟ್ಟಿ ಗಮನ ಕೊಡುತ್ತಿಲ್ಲ. ಅವರ ಪಾಲಿಗೆ ಆಕೆ ಲೆಕ್ಕಕ್ಕೇ ಇಲ್ಲ’ ಎಂದು ಗೆಹನಾ ವಸಿಷ್ಠ್ ಹೇಳಿದ್ದಾರೆ. ಈ ಮಾತುಗಳಿಗೆ ಶೆರ್ಲಿನ್ ಚೋಪ್ರಾ ಯಾವ ರೀತಿ ತಿರುಗೇಟು ನೀಡುತ್ತಾರೆ ಎಂಬ ಕೌತುಕ ಈಗ ನಿರ್ಮಾಣ ಆಗಿದೆ.
ಇದನ್ನೂ ಓದಿ:
ಕೇಸ್ ಮೇಲೆ ಕೇಸ್ ಬಿದ್ರೂ ಕಮ್ಮಿ ಆಗಿಲ್ಲ ಗೆಹನಾ ಮಾದಕತೆ; ನೀಲಿ ಚಿತ್ರ ದಂಧೆ ಆರೋಪಿಯ ಹೊಸ ಫೋಟೋಶೂಟ್
ರಾಜ್ ಕುಂದ್ರಾ ಜಾಮೀನು ಸುದ್ದಿ ಕೇಳಿ ಶಿಲ್ಪಾ ಶೆಟ್ಟಿಗೆ ಖುಷಿಯೋ ದುಃಖವೋ? ಹೀಗಿತ್ತು ನೋಡಿ ಮೊದಲ ಪ್ರತಿಕ್ರಿಯೆ