ಬ್ಯಾಕ್​ಲೆಸ್​ ಡ್ರೆಸ್​ ಧರಿಸಿ ಟ್ರೋಲ್​ ಆದ ಜಾನ್ವಿ ಕಪೂರ್​; ನೆಟ್ಟಿಗರು ಹೋಲಿಕೆ ಮಾಡಿದ್ದು ಯಾರ ಜೊತೆ?

ನಟಿ ಜಾನ್ವಿ ಕಪೂರ್​ (Janhvi Kapoor) ಅವರು ಒಂದಿಲ್ಲೊಂದು ಕಾರಣಕ್ಕೆ ಸುದ್ದಿ ಆಗುತ್ತಲೇ ಇದ್ದಾರೆ. ಶ್ರೀದೇವಿ ಪುತ್ರಿ ಎಂಬ ಕಾರಣಕ್ಕೆ ಅಭಿಮಾನಿಗಳು ಅವರನ್ನು ಹೆಚ್ಚಾಗಿ ಗಮನಿಸುತ್ತಾರೆ. ಜಾನ್ವಿ ಕಪೂರ್​ ಎಲ್ಲೇ ಹೋದರೂ ಅವರನ್ನು ಪಾಪರಾಜಿ ಕ್ಯಾಮೆರಾಗಳು ಹಿಂಬಾಲಿಸುತ್ತವೆ. ಅವರು ಧರಿಸುವ ಬಟ್ಟೆ, ಆಭರಣ, ಬಳಸುವ ವಸ್ತುಗಳ ಬಗ್ಗೆ ನೆಟ್ಟಿಗರು ಚರ್ಚೆ ಮಾಡುತ್ತಾರೆ. ಒಟ್ಟಿನಲ್ಲಿ, ಸಿನಿಮಾಗಳಿಗಿಂತಲೂ (Janhvi Kapoor Movies) ಹೆಚ್ಚಾಗಿ ತಮ್ಮ ಖಾಸಗಿ ವಿಚಾರದ ಸಲುವಾಗಿಯೇ ಜಾನ್ವಿ ಕಪೂರ್​ ಅವರು ಇತ್ತೀಚೆಗೆ ಹೆಚ್ಚು ಚರ್ಚೆಗೆ ಒಳಗಾಗುತ್ತಿದ್ದಾರೆ. ಈಗ ಅವರಿಗೆ ನಟಿ ಅನನ್ಯಾ ಪಾಂಡೆ ಜೊತೆಗೆ ಹೆಚ್ಚು ಸ್ನೇಹ ಬೆಳೆದಿದೆ. ಇತ್ತೀಚೆಗೆ ಅವರು ಮುಂಬೈನಲ್ಲಿ ಅನನ್ಯಾ ಪಾಂಡೆ ಜೊತೆಗೆ ಸುತ್ತಾಡಿದ್ದಾರೆ. ಈ ವೇಳೆ ಅವರು ಧರಿಸಿದ್ದ ಡ್ರೆಸ್​ ಎಲ್ಲರ ಕಣ್ಣು ಕುಕ್ಕಿದೆ. ಫ್ಯಾಷನ್​ ಬಗ್ಗೆ ಜಾನ್ವಿ ಕಪೂರ್​ ಅವರು ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಆಕರ್ಷಕವಾದ ಉಡುಗೆಗಳನ್ನು ಧರಿಸಿ ಅವರು ಕಾಣಿಸಿಕೊಳ್ಳುತ್ತಿದ್ದಾರೆ. ಈಗ ಅವರು ಬ್ಯಾಕ್​ಲೆಸ್​ ಡ್ರೆಸ್​ ತೊಟ್ಟಿದ್ದಕ್ಕಾಗಿ ಟ್ರೋಲ್​ ಆಗಿದ್ದಾರೆ. ಆ ಫೋಟೋ  (Janhvi Kapoor Photos) ಮತ್ತು ವಿಡಿಯೋಗಳು ಸಖತ್​ ವೈರಲ್​ ಆಗಿವೆ.

ತಿಳಿ ನೀಲಿ ಬಣ್ಣದ ಡ್ರೆಸ್​ ಧರಿಸಿ ಬಂದಿದ್ದ ಜಾನ್ವಿ ಕಪೂರ್​ ಅವರು ಪಾಪರಾಜಿ ಕ್ಯಾಮೆರಾಗಳಿಗೆ ಪೋಸ್​ ನೀಡಿದ್ದಾರೆ. ಹಾಟ್​ ಆಗಿ ಕಾಣುವಂತೆ ಬಟ್ಟೆ ಧರಿಸಿದ್ದ ಅವರ ಈ ಫೋಟೋಗಳು ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿವೆ. ಅದನ್ನು ಕಂಡು ನೆಟ್ಟಿಗರು ಬಗೆಬಗೆಯಲ್ಲಿ ಕಮೆಂಟ್​ ಮಾಡುತ್ತಿದ್ದಾರೆ. ದಿನದಿಂದ ದಿನಕ್ಕೆ ಜಾನ್ವಿ ಕಪೂರ್​ ಅವರು ಗ್ಲಾಮರಸ್​ ಆಗಿ ಕಾಣಿಸಿಕೊಳ್ಳುವುದು ಹೆಚ್ಚುತ್ತಿದೆ. ಮುಂದೇನಾಗಬಹುದು ಎಂದು ಜನರು ಕಮೆಂಟ್​ ಮಾಡುತ್ತಿದ್ದಾರೆ.

ಬಿಗ್​ ಬಾಸ್​ ಒಟಿಟಿ ಶೋನಲ್ಲಿ ಸ್ಪರ್ಧಿಸಿದ ನಟಿ ಉರ್ಫಿ ಜಾವೇದ್​ ಅವರು ಅತಿ ಮಾದಕವಾದ ಬಟ್ಟೆಗಳನ್ನು ಧರಿಸುವ ಮೂಲಕ ಸೆನ್ಸೇಷನ್​ ಸೃಷ್ಟಿ ಮಾಡಿದ್ದಾರೆ. ಈಗ ಜನರು ಜಾನ್ವಿ ಕಪೂರ್​ ಅವರನ್ನು ಉರ್ಫಿ ಜಾವೇದ್​ಗೆ ಹೋಲಿಸುತ್ತಿದ್ದಾರೆ. ಇನ್ನೂ ಕೆಲವರು ‘ಈಕೆ ಭಾರತದ ಕಿಮ್​ ಕರ್ದಾಶಿಯಾನ್​’ ಎಂದು ಹೋಲಿಕೆ​ ಮಾಡಿದ್ದಾರೆ. ‘ಜಾನ್ವಿ ಕಪೂರ್​ ದೊಡ್ಡವರಾದ ಮೇಲೆ ಮಲೈಕಾ ಅರೋರಾ ರೀತಿ ಆಗುತ್ತಾರೆ’ ಎಂಬ ಕಮೆಂಟ್​ ಕೂಡ ಬಂದಿದೆ.

View this post on Instagram

A post shared by Viral Bhayani (@viralbhayani)

ಜನರ ಟೀಕೆ ಏನೇ ಇರಲಿ, ಅವುಗಳ ಬಗ್ಗೆ ಜಾನ್ವಿ ಕಪೂರ್​ ತಲೆ ಕೆಡಿಸಿಕೊಂಡಿಲ್ಲ. ತಮಗೆ ಸರಿ ಎನಿಸುವ ಬಟ್ಟೆ ಧರಿಸಿ ಅವರು ಓಡಾಡುತ್ತಿದ್ದಾರೆ. ಸದ್ಯ ಅವರಿಗೆ ಚಿತ್ರರಂಗದಲ್ಲಿ ಸಿಕ್ಕಾಪಟ್ಟೆ ಜನಪ್ರಿಯತೆ ಸಿಕ್ಕಿದೆ. ಅವರ ತಂದೆ ಬೋನಿ ಕಪೂರ್​ ಅವರು ಮಗಳಿಗಾಗಿ ಒಂದು ಸಿನಿಮಾ ನಿರ್ಮಾಣ ಮಾಡುತ್ತಿದ್ದಾರೆ. ಆ ಚಿತ್ರಕ್ಕೆ ‘ಮಿಲಿ’ ಎಂದು ಶೀರ್ಷಿಕೆ ಇಡಲಾಗಿದೆ. ಶ್ರೀದೇವಿ ಪುತ್ರಿ ಎಂಬ ಕಾರಣದಿಂದ ಅವರಿಗೆ ಸುಲಭವಾಗಿ ಅವಕಾಶಗಳು ಸಿಗುತ್ತಿವೆ. ಆದರೆ ಈವರೆಗೂ ಜಾನ್ವಿಗೆ ದೊಡ್ಡ ಯಶಸ್ಸು ಸಿಕ್ಕಿಲ್ಲ.

ಜಾನ್ವಿ ಕಪೂರ್​ ಮತ್ತು ಇಶಾನ್​ ಖಟ್ಟರ್​ ಅವರು ಜೊತೆಯಾಗಿ ‘ಧಡಕ್​’ ಸಿನಿಮಾದಲ್ಲಿ ನಟಿಸಿದ್ದರು. ಆ ವೇಳೆ ಅವರಿಬ್ಬರ ನಡುವೆ ಪ್ರೀತಿ ಚಿಗುರಿತ್ತು ಎಂಬ ಮಾತು ಕೇಳಿಬಂದಿತ್ತು. ಆದರೆ ಅದು ಹೆಚ್ಚು ದಿನ ಮುಂದುವರಿಯಲಿಲ್ಲ. ಬಳಿಕ ಇಶಾನ್​ ಖಟ್ಟರ್​ ಅವರು ಅನನ್ಯಾ ಪಾಂಡೆ ಜೊತೆ ಓಡಾಡಲು ಶುರುಮಾಡಿದರು. ಇತ್ತೀಚೆಗೆ ಆ ಸಂಬಂಧ ಕೂಡ ಮುರಿದು ಬಿದ್ದಿದೆ ಎನ್ನಲಾಗಿದೆ. ಈಗ ಇಶಾನ್​ ಅವರ ಮಾಜಿ ಗೆಳತಿಯರಾದ ಅನನ್ಯಾ ಪಾಂಡೆ ಮತ್ತು ಜಾನ್ವಿ ಕಪೂರ್​ ಜೊತೆಜೊತೆಯಾಗಿ ಸುತ್ತಾಡುತ್ತಿರುವುದು ಯಾಕೆ ಎಂಬ ಪ್ರಶ್ನೆ ಕೂಡ ಮೂಡಿದೆ. ಸದ್ಯಕ್ಕಂತೂ ಅದಕ್ಕೆ ಉತ್ತರವಿಲ್ಲ.

ಇದನ್ನೂ ಓದಿ:

ದಿನದಿನಕ್ಕೂ ಹೆಚ್ಚುತ್ತಿದೆ ಜಾನ್ವಿ ಕಪೂರ್​ ಗ್ಲಾಮರ್​; ಫೋಟೋ ಕಂಡು ಟ್ರೋಲ್ ಮಾಡಿದ ನೆಟ್ಟಿಗರು

ಅವಾರ್ಡ್​ ಫಂಕ್ಷನ್​​ನಲ್ಲಿ ಬೋಲ್ಡ್​ ಆಗಿ ಕಾಣಿಸಿಕೊಂಡ ಜಾನ್ವಿ ಕಪೂರ್; ಇಲ್ಲಿವೆ ಫೋಟೋಗಳು