Rakhi Sawant: ದುಬೈನಲ್ಲಿ ರಾಖಿ ಸಾವಂತ್​ಗೆ ಹೊಸ ಮನೆ, ಕಾರು; ಆದರೂ ತಪ್ಪಲಿಲ್ಲ ಕಣ್ಣೀರು

ನಟಿ ರಾಖಿ ಸಾವಂತ್ (Rakhi Sawant) ಅವರ ಬದುಕಿನಲ್ಲಿ ಸಾಕಷ್ಟು ಏಳು-ಬೀಳುಗಳು ಎದುರಾಗುತ್ತಿವೆ. ಅವರ ದಾಂಪತ್ಯ ಜೀವನದಲ್ಲಿ ಬಿರುಗಾಳಿ ಎದ್ದಿದೆ. ಅದರ ನಡುವೆಯೂ ಅವರು ಹೊಸ ಮನೆ ಮತ್ತು ಹೊಸ ಕಾರು ಖರೀದಿಸಿ ಖುಷಿಪಡುತ್ತಿದ್ದಾರೆ. ಅದು ಕೂಡ ದುಬೈನಲ್ಲಿ (Adil Khan) ಎಂಬುದು ವಿಶೇಷ! ಹೌದು, ರಾಖಿ ಸಾವಂತ್​ ಅವರು ಇತ್ತೀಚೆಗೆ ದುಬೈಗೆ ಹೋಗಿ ಬಂದಿದ್ದಾರೆ. ವಾಪಸ್​ ಬರುವಾಗ ಮುಂಬೈ ವಿಮಾನ ನಿಲ್ದಾಣದಲ್ಲಿ ಪಾಪರಾಜಿಗಳ ಜೊತೆ ಮಾತನಾಡಿದ ಅವರು ತಮ್ಮ ಹೊಸ ಮನೆ ಮತ್ತು ಕಾರಿನ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಇದೇ ವೇಳೆ ಗಂಡ ಆದಿಲ್​ ಖಾನ್​ (Adil Khan) ಬಗ್ಗೆ ಮಾತನಾಡುತ್ತ ಕಣ್ಣೀರು ಹಾಕಿದ್ದಾರೆ.

ನಟಿಯಾಗಿ, ಡ್ಯಾನ್ಸರ್​ ಆಗಿ, ರಿಯಾಲಿಟಿ ಶೋ ಸ್ಪರ್ಧಿಯಾಗಿ ರಾಖಿ ಸಾವಂತ್​ ಅವರು ಗುರುತಿಸಿಕೊಂಡಿದ್ದಾರೆ. ಮೈಸೂರು ಮೂಲದ ಆದಿಲ್​ ಖಾನ್​ ಜೊತೆ ಅವರಿಗೆ ಆಪ್ತತೆ ಬೆಳೆಯಿತು. ಕಳೆದ ವರ್ಷ ಅವರ ಮದುವೆ ನೆರವೇರಿತು. ಆದರೆ ಒಂದಷ್ಟು ತಿಂಗಳ ಕಾಲ ಆ ವಿಚಾರವನ್ನು ಮುಚ್ಚಿಡಲಾಗಿತ್ತು. ಕಡೆಗೂ ಸತ್ಯ ಬಹಿರಂಗ ಆಯಿತು. ಆದರೆ ಹೆಚ್ಚು ದಿನಗಳ ಕಾಲ ರಾಖಿ ಸಾವಂತ್​ ಮತ್ತು ಆದಿಲ್ ಖಾನ್​ ಸಂಸಾರ ಮುಂದುವರಿಯಲಿಲ್ಲ. ತಮ್ಮ ಹಣ ಕದ್ದಿದ್ದಾರೆ ಹಾಗೂ ಕೌಟುಂಬಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಆದಿಲ್​ ಖಾನ್​ ವಿರುದ್ಧ ರಾಖಿ ಸಾವಂತ್​ ಕೇಸ್​ ದಾಖಲಿಸಿದ್ದಾರೆ. ಅದರ ಪರಿಣಾಮವಾಗಿ ಈಗ ಆದಿಲ್​ ಖಾನ್​ ಜೈಲು ಸೇರಿದ್ದಾರೆ.

ಇದನ್ನೂ ಓದಿ: Rakhi Sawant: ತಪ್ಪಾಗಿ ನಮಾಜ್​ ಮಾಡಿದ ರಾಖಿ ಸಾವಂತ್​; ವಿಡಿಯೋ ವೈರಲ್​ ಆದ ಬಳಿಕ ಹಿಗ್ಗಾಮುಗ್ಗಾ ಟ್ರೋಲ್​

ದುಬೈನಲ್ಲಿ ರಾಖಿ ಸಾವಂತ್​ ಅವರ ಡ್ಯಾನ್ಸ್​ ಕ್ಲಾಸ್​ ಶುರುವಾಗಿದೆ. ಆ ಕಂಪನಿಯವರು ಅವರಿಗೆ ಮನೆ ಮತ್ತು ಕಾರು ನೀಡಿದ್ದಾರೆ. ಆದರೆ ಆ ಬಗ್ಗೆ ಹೆಚ್ಚಿನ ಮಾಹಿತಿ ಹಂಚಿಕೊಂಡಿಲ್ಲ. ಅದರ ಬದಲು ಗಂಡನನ್ನು ನೆನಪಿಸಿಕೊಂಡು ಕಣ್ಣೀರು ಹಾಕಿದ್ದಾರೆ. 2023ರ ಆರಂಭದಿಂದಲೇ ರಾಖಿ ಬದುಕಿನಲ್ಲಿ ಸಂಕಷ್ಟ ಶುರುವಾಯಿತು. ಜನವರಿಯಲ್ಲಿ ಅವರ ತಾಯಿ ನಿಧನರಾದರು. ನಂತರ ಆದಿಲ್​ ಖಾನ್​ನ ವಿವಾಹೇತರ ಸಂಬಂಧವೂ ಬೆಳಕಿಗೆ ಬಂತು.

ಇದನ್ನೂ ಓದಿ: Rakhi Sawant: ಪತ್ನಿಯ ಬೆತ್ತಲೆ ಫೋಟೋ ಮಾರಾಟ ಮಾಡಿದ ಆದಿಲ್​ ಖಾನ್​? ರಾಖಿ ಸಾವಂತ್​ ಶಾಕಿಂಗ್​ ಆರೋಪ

ಮೈಸೂರಿಗೆ ಬಂದು ಅತ್ತಿದ್ದ ರಾಖಿ ಸಾವಂತ್​:

ರಾಖಿ ಸಾವಂತ್​ ಅವರು ಕೆಲವೇ ದಿನಗಳ ಹಿಂದೆ ಮೈಸೂರಿಗೆ ಬಂದು ಕಣ್ಣೀರು ಹಾಕಿದ್ದರು. ಆದಿಲ್​ ಖಾನ್​ರ ತಂದೆ ಬಳಿ ಮಾತನಾಡಿದ್ದರು. ‘ನೀನು ಹಿಂದೂ. ನಿನ್ನನ್ನು ನಾನು ಸೇರಿಸಿಕೊಳ್ಳಲು ಆಗಲ್ಲ’ ಅಂತ ಆದಿಲ್​ ಖಾನ್​ ತಂದೆ ಹೇಳಿದ್ದಾರೆ ಎಂದು ರಾಖಿ ಸಾವಂತ್​ ತಿಳಿಸಿದ್ದರು. ‘ನಾನು ಹಿಂದು ಆಗಿದ್ದೆ. ಆದರೆ ಈಗ ಇಸ್ಲಾಂ ಧರ್ಮವನ್ನು ಒಪ್ಪಿಕೊಂಡಿದ್ದೇನೆ’ ಎಂದು ಅವರು ಮಾಧ್ಯಮದ ಎದುರು ಕಣ್ಣೀರು ಹಾಕಿದ್ದರು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.