‘ಹನುಮಾನ್ 2’ vs ‘ಜೈ ಹನುಮಾನ್‘: ಏನಿದು ವಿವಾದ?
‘ಜೈ ಹನುಮಾನ್’ ಸಿನಿಮಾದ ಚಿತ್ರೀಕರಣ ಈಗಾಗಲೇ ಚಾಲ್ತಿಯಲ್ಲಿದ್ದು, ಸಿನಿಮಾ ಅನ್ನು ಪ್ರಶಾಂತ್ ವರ್ಮಾ ನಿರ್ದೇಶಿಸುತ್ತಿದ್ದಾರೆ. ಸಿನಿಮಾಕ್ಕೆ ಮೈತ್ರಿ ಮೂವಿ ಮೇಕರ್ಸ್ ಬಂಡವಾಳ ಹೂಡಿದ್ದಾರೆ. ಆದರೆ ಇದೀಗ ಈ ಹಿಂದೆ ‘ಹನು-ಮ್ಯಾನ್’ ಸಿನಿಮಾ ನಿರ್ಮಾಣ ಮಾಡಿದ್ದ ನಿರ್ಮಾಣ ಸಂಸ್ಥೆ, ಹೊಸ ನಾಯಕ ಮತ್ತು ನಿರ್ದೇಶಕನ ಜೊತೆಗೂಡಿ ‘ಹನುಮಾನ್ 2’ ಸಿನಿಮಾ ಅನ್ನು ಘೋಷಿಸಿದೆ.

ಮುಖ್ಯಾಂಶಗಳು
- ‘ಹನುಮಾನ್’ ಸಿನಿಮಾ ವಿವಾದದಲ್ಲಿ
- ‘ಹನುಮಾನ್ 2’ ಸಿನಿಮಾ ಘೋಷಿಸಿದ ನಿರ್ಮಾಣ ಸಂಸ್ಥೆ
- ‘ಜೈ ಹನುಮಾನ್’ ಸಿನಿಮಾ ಚಿತ್ರೀಕರಣ ಚಾಲ್ತಿಯಲ್ಲಿ
ರಿಷಬ್ ಶೆಟ್ಟಿ ‘ಜೈ ಹನುಮಾನ್’ ಸಿನಿಮಾನಲ್ಲಿ ನಟಿಸುತ್ತಿದ್ದು, ಇದು ತೆಲುಗಿನ ಪ್ಯಾನ್ ಇಂಡಿಯಾ ಸಿನಿಮಾ ಆಗಿದೆ. ಸಿನಿಮಾದ ಚಿತ್ರೀಕರಣ ಈಗಾಗಲೇ ಚಾಲ್ತಿಯಲ್ಲಿದ್ದು, ಸಿನಿಮಾ ಅನ್ನು ಪ್ರಶಾಂತ್ ವರ್ಮಾ ನಿರ್ದೇಶಿಸುತ್ತಿದ್ದಾರೆ. ಸಿನಿಮಾಕ್ಕೆ ಮೈತ್ರಿ ಮೂವಿ ಮೇಕರ್ಸ್ ಬಂಡವಾಳ ಹೂಡಿದ್ದಾರೆ. ಆದರೆ ಇದೀಗ ಈ ಹಿಂದೆ ‘ಹನು-ಮ್ಯಾನ್’ ಸಿನಿಮಾ ನಿರ್ಮಾಣ ಮಾಡಿದ್ದ ನಿರ್ಮಾಣ ಸಂಸ್ಥೆ, ಹೊಸ ನಾಯಕ ಮತ್ತು ನಿರ್ದೇಶಕನ ಜೊತೆಗೂಡಿ ‘ಹನುಮಾನ್ 2’ ಸಿನಿಮಾ ಅನ್ನು ಘೋಷಿಸಿದೆ.
‘ಹನುಮಾನ್’ ಸಿನಿಮಾ ನಿರ್ದೇಶಿಸಿದ್ದ ಪ್ರಶಾಂತ್ ವರ್ಮಾ ಮತ್ತು ಆ ಸಿನಿಮಾದ ನಿರ್ಮಾಣ ಸಂಸ್ಥೆಯಾದ ಪ್ರೈಂ ಶೋ ಎಂಟರ್ಟೈನ್ಮೆಂಟ್ ನಡುವೆ ಭಿನ್ನಾಭಿಪ್ರಾಯ ಮೂಡಿದ ಕಾರಣ. ಪ್ರಶಾಂತ್ ವರ್ಮಾ, ಪ್ರತ್ಯೇಕವಾಗಿ ಮೈತ್ರಿ ಮೂವಿ ಮೇಕರ್ಸ್ ಜೊತೆ ಕೈ ಜೋಡಿಸಿ ರಿಷಬ್ ಶೆಟ್ಟಿ ಅವರನ್ನು ನಾಯಕನನ್ನಾಗಿಸಿ ‘ಜೈ ಹನುಮಾನ್’ ಘೋಷಿಸಿ ಚಿತ್ರೀಕರಣ ನಡೆಸುತ್ತಿದ್ದಾರೆ. ಆದರೆ ಇದೀಗ ಪ್ರೈಮ್ ಶೋ ಎಂಟರ್ಟೈನ್ಮೆಂಟ್ ‘ಹನುಮಾನ್ 2’ ಸಿನಿಮಾ ಘೋಷಿಸಿದ್ದು, ಈ ಸಿನಿಮಾನಲ್ಲಿ ಪಂಜ ವೈಷ್ಣವ್ ತೇಜ್ ನಾಯಕನಾಗಿ ನಟನೆ ಮಾಡಲಿದ್ದಾರೆ. ಸಿನಿಮಾದ ಪೋಸ್ಟರ್ ಅನ್ನು ಸಹ ನಿರ್ಮಾಣ ಸಂಸ್ಥೆ ಹಂಚಿಕೊಂಡಿದೆ. ಸಿನಿಮಾ ಅನ್ನು ವಿಐ ಆನಂದ್ ನಿರ್ದೇಶನ ಮಾಡಲಿದ್ದಾರೆ.
ಈಗ ಘೋಷಿಸಿರು ‘ಹನುಮಾನ್ 2’ ಸಿನಿಮಾ ಮೊದಲ ಭಾಗದ ಮುಂದುವರೆದ ಭಾಗ ಎನ್ನಲಾಗುತ್ತಿದೆ. ಆದರೆ ಬೇರೊಬ್ಬ ನಿರ್ದೇಶಕರು ಕತೆಯನ್ನು ಮುಂದುವರೆಸಲಿದ್ದಾರೆ. ಆದರೆ ಇದು ಸಾಕಷ್ಟು ಗೊಂದಲಗಳಿಗೆ ಸಹ ಕಾರಣವಾಗಿವೆ. ಪ್ರೈಮ್ ಶೋ ಎಂಟರ್ಟೈನ್ಮೆಂಟ್ನ ನಿರ್ಮಾಪಕ ನಿರಂಜನ್ ರೆಡ್ಡಿ ಮತ್ತು ನಾಯಕ ತೇಜ್ ಸಜ್ಜಾ, ನಿರ್ದೇಶಕ ಪ್ರಶಾಂತ್ ವರ್ಮಾ ನಡುವಿನ ಭಿನ್ನಾಭಿಪ್ರಾಯದಿಂದ ಇದೀಗ ನಿರಂಜನ್ ರೆಡ್ಡಿ ಅವರು ಹೊಸ ತಂಡದ ಜೊತೆಗೆ ಕೈ ಜೋಡಿಸಿದ್ದಾರೆ. ಆದರೆ ಸಿನಿಮಾದ ಬೌದ್ಧಿಕ ಆಸ್ತಿ (ಐಪಿ) ಪ್ರಶಾಂತ್ ವರ್ಮಾ ಬಳಿಯೇ ಇದೆ, ಆದರೂ ಸಹ ನಿರ್ಮಾಣ ಸಂಸ್ಥೆಯು ಅದೇ ಕತೆ ಆಧರಿಸಿದ ಸಿನಿಮಾ ಘೋಷಿಸಿರುವುದು ನಿರ್ಮಾಣ ಸಂಸ್ಥೆ ಮತ್ತು ನಿರ್ದೇಶಕ ಪ್ರಶಾಂತ್ ವರ್ಮಾ ನಡುವೆ ಮತ್ತೊಂದು ಸುತ್ತಿನ ವಿವಾದಕ್ಕೆ ಕಾರಣವಾಗುವ ಸಾಧ್ಯತೆ ಇದೆ.
ಇದನ್ನೂ ಓದಿ:ರಿಷಬ್ ಶೆಟ್ಟಿ ಹೊಸ ಸಿನಿಮಾನಲ್ಲಿ ನಟಿಸಲು ನೂಕು ನುಗ್ಗಲು: ವಿಡಿಯೋ ನೋಡಿ
ಈ ಹಿಂದೆ ನಡೆದಿದ್ದ ವಿವಾದದಲ್ಲಿ ನಿರ್ಮಾಪಕ ನಿರಂಜನ್ ರೆಡ್ಡಿ ನ್ಯಾಯಾಲಯದ ಮೆಟ್ಟಿಲೇರಿ, ಬೇರೊಂದು ಚಿತ್ರ ಮಾಡಲು ತಾವು ಪ್ರಶಾಂತ್ ವರ್ಮ ಅವರಿಗೆ ಮುಂಗಡ ಹಣ ನೀಡಿದ್ದೇವೆ, ಹಾಗಾಗಿ ಅವರು ಮೈತ್ರಿಯೊಂದಿಗೆ ಕೆಲಸ ಮಾಡುವಂತಿಲ್ಲ ಎಂದು ಅವರು ವಾದಿಸಿದರು. ಆದರೆ ಪ್ರಶಾಂತ್ ಅವರ ವಾದವೇನೆಂದರೆ, ಆ ಹಣ ವಾಸ್ತವದಲ್ಲಿ ತಮಗೆ ಬರಬೇಕಾದ ‘ಹನುಮಾನ್’ ಬಾಕಿಯ ಒಂದು ಸಣ್ಣ ಭಾಗ ಮಾತ್ರ, ಮತ್ತು ಅದಕ್ಕೂ ಬೇರೆ ಯೋಜನೆಗೂ ಯಾವುದೇ ಸಂಬಂಧವಿಲ್ಲ ಎಂದಿದ್ದರು. ಆದರೆ ಮೈತ್ರಿ ಮೂವಿ ಮೇಕರ್ಸ್ ಮುಂದೆ ಬಂದು ಪ್ರಶಾಂತ್ ವರ್ಮಾ ಪರವಾಗಿ 23 ಕೋಟಿ ರೂಪಾಯಿ ಹಣವನ್ನು ಪ್ರೈಂ ಶೋ ಎಂಟರ್ಟೈನ್ಮೆಂಟ್ ಸಂಸ್ಥೆಗೆ ನೀಡಿದ್ದರು.
ಆ ಘಟನೆ ಬಳಿಕ ಪ್ರೈಂ ಶೋ, ‘ಹನುಮಾನ್’ ಸಿನಿಮಾದ ಕತೆ ಅಥವಾ ಹೆಸರನ್ನು ಬಳಸುವಂತಿಲ್ಲ ಎಂದೇ ಹೇಳಲಾಗಿತ್ತು. ಆದರೆ ಈಗ ನಿರ್ಮಾಣ ಸಂಸ್ಥೆಯು ‘ಹನುಮಾನ್ 2’ ಸಿನಿಮಾ ಅನ್ನು ಘೋಷಣೆ ಮಾಡಿರುವುದು ಕುತೂಹಲ ಮೂಡಿಸಿದೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 5:37 pm, Sat, 21 November 26




