‘ಗಲ್ಲಿ ಬಾಯ್​’ ಸಿನಿಮಾಗೆ 5 ವರ್ಷ; ಸಂಭ್ರಮಿಸಿದ, ಸಿದ್ಧಾಂತ್​, ರಣವೀರ್​ ಸಿಂಗ್​

ಫೆಬ್ರವರಿ 14 ಎಂದರೆ ನಟ ಸಿದ್ಧಾಂತ್​​ ಚತುರ್ವೇದಿ (Siddhant Chaturvedi) ಅವರಿಗೆ ತುಂಬ ಸ್ಪೆಷಲ್​. ಅದು ಪ್ರೇಮಿಗಳು ದಿನ. ಆ ಕಾರಣಕ್ಕಾಗಿ ಅವರಿಗೆ ಫೆ.14 ವಿಶೇಷವಲ್ಲ. ಅವರಿಗೆ ಈ ದಿನ ಸ್ಪೆಷಲ್​ ಎನಿಸಲು ಕಾರಣ ‘ಗಲ್ಲಿ ಬಾಯ್​’ (Gully Boy) ಸಿನಿಮಾ. ಹೌದು, 5 ವರ್ಷಗಳ ಹಿಂದೆ ಫೆಬ್ರವರಿ 14ರಂದು ಆ ಸಿನಿಮಾ ಬಿಡುಗಡೆ ಆಗಿತ್ತು. ಒಂದು ಡಿಫರೆಂಟ್​ ಆದಂತಹ ಕಥಾಹಂದರ ಇರುವ ಆ ಚಿತ್ರಕ್ಕೆ ಜೋಯಾ ಅಖ್ತರ್​ ಅವರು ನಿರ್ದೇಶನ ಮಾಡಿದ್ದರು. ಪ್ರೇಕ್ಷಕರ ಮನ ಗೆದ್ದ ‘ಗಲ್ಲಿ ಬಾಯ್​’ ಸಿನಿಮಾ ತೆರೆಕಂಡು ಈಗ 5 ವರ್ಷಗಳು ಪೂರ್ಣಗೊಂಡಿವೆ. ಆ ಖುಷಿಯಲ್ಲಿ ನಟ ಸಿದ್ಧಾಂತ್​ ಚತುರ್ವೇದಿ, ರಣವೀರ್​ ಸಿಂಗ್​ (Ranvir Singh) ಅವರು ಕೆಲವು ನೆನಪುಗಳನ್ನು ಮೆಲುಕು ಹಾಕಿದ್ದಾರೆ.

ಕಿರುತೆರೆ ನಟನಾಗಿದ್ದ ಸಿದ್ಧಾಂತ್​ ಚತುರ್ವೇದಿ ಅವರಿಗೆ ಹೊಸ ಜೀವನ ನೀಡಿದ್ದೇ ‘ಗಲ್ಲಿ ಬಾಯ್​’ ಸಿನಿಮಾ. ಆ ಕಾರಣದಿಂದ ಈ ಚಿತ್ರದ ಬಗ್ಗೆ ಅವರಿಗೆ ಸಖತ್​ ಗೌರವ. ‘ನಾನು ಜನಿಸಿದ ದಿನ ಇದು’ ಎಂದು ಫೆಬ್ರವರಿ 14ರ ಬಗ್ಗೆ ಅವರು ಹೆಮ್ಮೆಯಿಂದ ಪೋಸ್ಟ್​ ಮಾಡಿದ್ದಾರೆ. ಈ ಸಿನಿಮಾದಲ್ಲಿ ಅವರು ಮಾಡಿದ ರ‍್ಯಾಪ್​ ಸಿಂಗರ್ ಪಾತ್ರ ಬಹಳ ಫೇಮಸ್​ ಆಯಿತು. ಆ ಬಳಿಕ ಅವರಿಗೆ ಹೊಸ ಹೊಸ ಅವಕಾಶಗಳು ಸಿಗಲು ಆರಂಭಿಸಿದವು.

‘ಗಲ್ಲಿ ಬಾಯ್​’ ಸಿನಿಮಾದಲ್ಲಿ ಸಿದ್ಧಾಂತ್​ ಚತುರ್ವೇದಿ ಹೀರೋ ಅಲ್ಲ. ಬದಲಿಗೆ, ಅವರು ಮಾಡಿರುವುದು ಒಂದು ಪೋಷಕ ಪಾತ್ರವಷ್ಟೇ. ಆದರೂ ಆ ಪಾತ್ರಕ್ಕೆ ಜನಮೆಚ್ಚುಗೆ ಸಿಕ್ಕಿತು. ಆ ಪಾತ್ರದಲ್ಲಿನ ನಟನೆಗೆ ಫಿಲ್ಮ್​ ಫೇರ್​ ಅವಾರ್ಡ್​ ಕೂಡ ಸಿಕ್ಕಿತು. ಒಟ್ಟಾರೆ ಈ ಸಿನಿಮಾಗೆ ‘65ನೇ ಫಿಲ್ಮ್​ಫೇರ್ ಅವಾರ್ಡ್ಸ್’​ನಲ್ಲಿ 13 ಪ್ರಶಸ್ತಿಗಳು ಸಿಕ್ಕವು. ಬಾಕ್ಸ್​ ಆಫೀಸ್​ನಲ್ಲಿ ಈ ಸಿನಿಮಾ 140 ಕೋಟಿ ರೂಪಾಯಿ ಗಳಿಸಿತ್ತು.

ಸಿದ್ಧಾಂತ್​ ಚತುರ್ವೇದಿ ಇನ್​ಸ್ಟಾಗ್ರಾಮ್​ ಪೋಸ್ಟ್:

ಈ ಸಿನಿಮಾದಲ್ಲಿ ಮುಖ್ಯ ಪಾತ್ರ ಮಾಡಿದ ರಣವೀರ್​ ಸಿಂಗ್​ ಮತ್ತು ಆಲಿಯಾ ಭಟ್​ ಅವರ ನಟನೆ ನೋಡಿ ಅಭಿಮಾನಿಗಳು ಪ್ರಶಂಸೆ ವ್ಯಕ್ತಪಡಿಸಿದರು. ಈಗಲೂ ಅನೇಕರು ಫೇವರಿಟ್​ ಲಿಸ್ಟ್​ನಲ್ಲಿ ಈ ಸಿನಿಮಾ ಇದೆ. ಬಡ ಹುಡುಗನ ಪಾತ್ರದಲ್ಲಿ ರಣವೀರ್​ ಸಿಂಗ್​ ಕಾಣಿಸಿಕೊಂಡಿದ್ದರೆ, ವೈದ್ಯಕೀಯ ವಿದ್ಯಾರ್ಥಿನಿಯಾಗಿ ಆಲಿಯಾ ಭಟ್​ ನಟಿಸಿದರು. ಇಬ್ಬರ ಕಾಂಬಿನೇಷನ್​ ಚೆನ್ನಾಗಿ ಮೂಡಿಬಂದಿತ್ತು.

ಇದನ್ನೂ ಓದಿ: ‘ಅನಿಮಲ್​’ ಸಿನಿಮಾ ನೋಡಿ 40 ನಿಮಿಷ ಮಾತಾಡಿದ್ದ ರಣವೀರ್​ ಸಿಂಗ್​; ನಿರ್ದೇಶಕರಿಗೆ ಅಚ್ಚರಿ

ನಿರ್ದೇಶಕಿ ಜೋಯಾ ಅಖ್ತರ್​ ಅವರು ‘ಗಲ್ಲಿ ಬಾಯ್​’ ಸಿನಿಮಾದ ಒಂದು ಪ್ರಮುಖ ದೃಶ್ಯದ ಬಗ್ಗೆ ಮಾತನಾಡಿದ ವಿಡಿಯೋ ತುಣುಕನ್ನು ಐಎಂಬಿಡಿ ಹಂಚಿಕೊಂಡಿದೆ. ಅದನ್ನು ರಣವೀರ್​ ಸಿಂಗ್​ ಅವರು ತಮ್ಮ ಇನ್​ಸ್ಟಾಗ್ರಾಮ್​ ಖಾತೆಯ ಸ್ಟೋರಿಯಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಆ ಮೂಲಕ ಅವರು ‘ಗಲ್ಲಿ ಬಾಯ್​’ ಸಿನಿಮಾವನ್ನು ನೆನಪಿಸಿಕೊಂಡಿದ್ದಾರೆ. ಸಿದ್ಧಾಂತ್​ ಚತುರ್ವೇದಿ ಅವರು ಕೂಡ ಶೂಟಿಂಗ್​ ಸಂದರ್ಭದ ಹಲವು ಫೋಟೋಗಳನ್ನು ಶೇರ್​ ಮಾಡಿಕೊಂಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ