ಹಾರರ್ ಪ್ರಿಯರಿಗೆ ಗುಡ್​ನ್ಯೂಸ್; ಬರ್ತಿದೆ ‘ಫೈನಲ್ ಡೆಸ್ಟಿನೇಷನ್ 6’ ಸಿನಿಮಾ

ಚಿತ್ರರಂಗದಲ್ಲಿ ಕಾಮಿಡಿ, ಆ್ಯಕ್ಷನ್, ಸಸ್ಪೆನ್ಸ್ ಜೊತೆ ಹಾರರ್ ಸಿನಿಮಾಗಳಿಗೂ ಸಾಕಷ್ಟು ಬೇಡಿಕೆ ಇದೆ. ಒಂದು ವರ್ಗದ ಜನರು ಈ ರೀತಿಯ ಸಿನಿಮಾಗಳನ್ನು ವೀಕ್ಷಿಸುತ್ತಾರೆ. ಹಾಲಿವುಡ್​ನವರು ಹಾರರ್ ಸಿನಿಮಾಗಳನ್ನು ನಿರ್ಮಾಣ ಮಾಡುವಲ್ಲಿ ಮುಂದಿದ್ದಾರೆ. ಈ ಮೊದಲು ರಿಲೀಸ್ ಆದ ‘ಫೈನಲ್ ಡೆಸ್ಟಿನೇಷನ್’ (Final Destination) ಸರಣಿಯ ಐದೂ ಚಿತ್ರಗಳು ಮೆಚ್ಚುಗೆ ಪಡೆದಿವೆ. ಈ ಸರಣಿಯಲ್ಲಿ ಈಗ ಆರನೇ ಸಿನಿಮಾ ರಿಲೀಸ್ ಆಗುತ್ತಿದೆ. ಇದಕ್ಕೆ ‘ಫೈನಲ್ ಡೆಸ್ಟಿನೇಷನ್: ಬ್ಲಡಿನೆಸ್’ ಎಂದು ಶೀರ್ಷಿಕೆ ಇಡಲಾಗಿದೆ.

‘ಫೈನಲ್ ಡೆಸ್ಟಿನೇಷನ್’ ಸಿನಿಮಾ ಮೊದಲು ರಿಲೀಸ್ ಆಗಿದ್ದು 2000ನೇ ಇಸ್ವಿಯಲ್ಲಿ. ಈ ಸರಣಿಯಲ್ಲಿ ಐದನೇ ಸಿನಿಮಾ 2011ರಲ್ಲಿ ರಿಲೀಸ್ ಆಗಿತ್ತು. 13 ವರ್ಷ ಗಳ ಬಳಿಕ ‘ಫೈನಲ್ ಡೆಸ್ಟಿನೇಷನ್​’ ಸರಣಿಯಲ್ಲಿ ಆರನೇ ಸಿನಿಮಾ ಘೋಷಣೆ ಆಗಿದೆ. ಈ ವಿಚಾರ ಹಾರರ್ ಪ್ರಿಯರ ಖುಷಿ ಹೆಚ್ಚಿಸಿದೆ. ಈ ಸಿನಿಮಾದ ಕಥೆ, ಪಾತ್ರವರ್ಗದ ಬಗ್ಗೆ ತಂಡ ರಹಸ್ಯ ಕಾಯ್ದುಕೊಂಡಿದೆ. ನಿರ್ಮಾಪಕ ಕ್ರೈಗ್ ಪೆರ್ರಿ ಹಾಗೂ ಛಾಯಾಗ್ರಾಹಕ ಕ್ರಿಸ್ಚಿಯನ್ ಸೆಬಾಲ್ಟ್ ಈ ಸಿನಿಮಾ ಬಗ್ಗೆ ಅಪ್​ಡೇಟ್ ನೀಡಿದ್ದಾರೆ.

ವಿಮಾನ ಅಪಘಾತ, ರೋಲರ್ ಕೋಸ್ಟರ್ ಅಪಘಾತ, ಹೈವೇನಲ್ಲಿ ನಡೆಯೋ ಪೈಪ್​ ಅಪಘಾತ ಹೀಗೆ ದುರ್ಘಟನೆ ನಡೆಯುತ್ತಲೇ ಹೋಗುತ್ತದೆ. ಪ್ರತಿ ಸಿನಿಮಾದಲ್ಲಿ ಒಂದಷ್ಟು ಮಂದಿ ಸಾವಿನಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸುತ್ತಾರೆ. ಈ ಜರ್ನಿ ಸಖತ್ ರೋಮಾಂಚನಕಾರಿಯಾಗಿದೆ. ಈ ಸರಣಿಯ ಹೊಸ ಚಿತ್ರಕ್ಕಾಗಿ ಫ್ಯಾನ್ಸ್ ಕಾದಿದ್ದಾರೆ.

ಇದನ್ನೂ ಓದಿ: ಬಾಲ್ಯದಲ್ಲಿ ನಿಮ್ಮನ್ನು ಆಘಾತಕ್ಕೆ ತಳ್ಳಿದ ಸಿನೆಮಾ ಯಾವುದು?; ಟ್ಟಿಟ್ಟರಿಗರಿಂದ ಭಾರೀ ಪ್ರತಿಕ್ರಿಯೆ

‘ಫೈನಲ್ ಡೆಸ್ಟಿನೇಷನ್’ ಸಿನಿಮಾ ರಿಲೀಸ್ ಆಗಿ 2025ಕ್ಕೆ 25 ವರ್ಷಗಳು ಪೂರ್ಣಗೊಳ್ಳಲಿವೆ. ಮುಂದಿನ ವರ್ಷ ಸಿಗೋಣ’ ಎಂದು ಅವರು ಹೇಳಿದ್ದಾರೆ. ಈ ಮೂಲಕ ‘ಫೈನಲರ್ ಡೆಸ್ಟಿನೇಷನ್: ಬ್ಲಡಿನೆಸ್’ ಸಿನಿಮಾ ಮುಂದಿನ ವರ್ಷ ರಿಲೀಸ್ ಆಗಲಿದೆ ಎನ್ನುವ ಮಾಹಿತಿ ಸಿಕ್ಕಿದೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಸಿನಿಮಾ ಬಗ್ಗೆ ಚರ್ಚೆ ಆಗುತ್ತಿದೆ. ಈ ಸಿನಿಮಾ ಎಷ್ಟು ಹಾರರ್​​ ಆಗಿರಬಹುದು ಎಂದು ಫ್ಯಾನ್ಸ್ ಊಹಿಸುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ