ಮನೆಯಲ್ಲಿ ಒಂಟಿಯಾಗಿದ್ದ ಖ್ಯಾತ ಮಾಡೆಲ್ಗೆ ಭೂತದ ದರ್ಶನ? ಫೋಟೋ ಹಂಚಿಕೊಂಡು ಆತಂಕ ಹೊರಹಾಕಿದ ನಟಿ
ಸಾಮಾನ್ಯರಿಂದ ಹಿಡಿದು ಸೆಲೆಬ್ರಿಟಿಗಳವರೆಗೆ ಎಲ್ಲರೂ ಸಮಯ ಸಿಕ್ಕಾಗ ಮಿರರ್ ಸೆಲ್ಫಿ ತೆಗೆದುಕೊಳ್ಳುತ್ತಾರೆ. ಈ ಮಾಡೆಲ್ ಕೂಡ ಹಾಗೆಯೇ ಸೆಲ್ಫಿ ತೆಗೆದುಕೊಂಡಿದ್ದಾರೆ. ಈ ವೇಳೆ ಅವರಿಗೆ ಶಾಕ್ ಆಗುವಂಥ ಘಟನೆ ನಡೆದಿದೆ.
Updated on: Jul 11, 2023 | 8:22 AM
ಫ್ಯಾಷನ್ ಜಗತ್ತಿನಲ್ಲಿ ಕಿಮ್ ಕರ್ದಾಶಿಯಾನ್ (Kim Kardashian) ಅವರಿಗೆ ಸಾಕಷ್ಟು ದೊಡ್ಡ ಹೆಸರು ಇದೆ. ಅವರು ಮಾಡೆಲ್ ಆಗಿ, ನಟಿಯಾಗಿ, ಉದ್ಯಮಿಯಾಗಿ ಜನಪ್ರಿಯತೆ ಪಡೆದಿದ್ದಾರೆ. ಇನ್ಸ್ಟಾಗ್ರಾಮ್ನಲ್ಲಿ (Instagram) ಅವರನ್ನು ಬರೋಬ್ಬರಿ 36 ಕೋಟಿ ಮಂದಿ ಹಿಂಬಾಲಿಸುತ್ತಿದ್ದಾರೆ. ಇದು ಕಿಮ್ ಜನಪ್ರಿಯತೆಗೆ ಹಿಡಿದ ಕೈಗನ್ನಡಿ. ಅವರು ಹಂಚಿಕೊಳ್ಳೊವ ಹಾಟ್ ಫೋಟೋಗಾಗಿ ಫ್ಯಾನ್ಸ್ ಕಾಯುತ್ತಾರೆ. ಈ ಬಾರಿಯೂ ಅವರು ಒಂದು ಫೋಟೋ ಹಂಚಿಕೊಂಡಿದ್ದಾರೆ. ಈ ಫೋಟೋ ಹಾಟ್ ಆಗಿರಲಿಲ್ಲ, ಬದಲಿಗೆ ಭಯ ಹುಟ್ಟಿಸುವಂತಿದೆ. ಅಷ್ಟಕ್ಕೂ ಅವರು ಹಂಚಿಕೊಂಡಿರುವ ಫೋಟೋದಲ್ಲಿ ಏನಿದೆ? ಆ ಬಗ್ಗೆ ಇಲ್ಲಿದೆ ವಿವರ.
ಸಾಮಾನ್ಯರಿಂದ ಹಿಡಿದು ಸೆಲೆಬ್ರಿಟಿಗಳವರೆಗೆ ಎಲ್ಲರೂ ಸಮಯ ಸಿಕ್ಕಾಗ ಮಿರರ್ ಸೆಲ್ಫಿ ತೆಗೆದುಕೊಳ್ಳುತ್ತಾರೆ. ಕಿಮ್ ಕರ್ದಾಶಿಯಾನ್ ಕೂಡ ಮಾಡಿದ್ದೂ ಅದನ್ನೇ. ಕನ್ನಡಿ ಎದುರು ನಿಂತು ತಮ್ಮ ಮೊಬೈಲ್ನಲ್ಲಿ ಫೋಟೋ ಕ್ಲಿಕ್ಕಿಸಿಕೊಂಡಿದ್ದಾರೆ. ಈ ಫೋಟೋಗಳನ್ನು ಅವರು ನೋಡೋಕೆ ಹೋಗಿಲ್ಲ. ಒಂದು ವಾರದ ಬಳಿಕ ಅವರು ಆ ಫೋಟೋಗಳ ಮೇಲೆ ಕಣ್ಣಾಡಿಸಿದ್ದಾರೆ. ಆಗ ಅವರಿಗೆ ನಿಜಕ್ಕೂ ಶಾಕ್ ಆಗಿತ್ತು. ಏಕೆಂದರೆ ಹಿಂಭಾಗದಲ್ಲಿ ಯಾರೋ ಇದ್ದಂತೆ ಕಂಡು ಬಂದಿದೆ.
ಫೋಟೋ ಕ್ಲಿಕ್ಕಿಸಿಕೊಳ್ಳುವಾಗ ಕಿಮ್ ಕರ್ದಾಶಿಯಾನ್ ಮನೆಯಲ್ಲಿ ಒಬ್ಬರೇ ಇದ್ದರು. ಆದಾಗ್ಯೂ ಹಿಂಭಾಗದಲ್ಲಿ ಮಹಿಳೆ ಒಬ್ಬರು ನಿಂತಂತೆ ಕಂಡು ಬಂದಿದೆ. ‘ಕಳೆದ ವಾರ ನಾನು ಒಬ್ಬಳೇ ಇರುವಾಗ ಈ ಫೋಟೋ ಕ್ಲಿಕ್ಕಿಸಿಕೊಂಡೆ. ಈಗ ನನ್ನ ಫೋನ್ ಜಾಲಾಡುವಾಗ ಆ ಫೋಟೋ ನೋಡಿದೆ. ಹಿಂದಿನ ಕಿಟಕಿಯಲ್ಲಿ ಯಾವುದೋ ಮಹಿಳೆಯನ್ನು ಗಮನಿಸಿದೆ’ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ಕಾನ್ಯೆ ವೆಸ್ಟ್ಗೆ ವಿವಾಹ ವಿಚ್ಛೇದನ ನೀಡಲಿದ್ದಾರೆ ಅಮೆರಿಕದ ರಿಯಾಲಿಟಿ ಟಿವಿ ತಾರೆ ಕಿಮ್ ಕರ್ದಾಶಿಯನ್
ಇದಕ್ಕೆ ಫ್ಯಾನ್ಸ್ ಬಗೆಬಗೆಯಲ್ಲಿ ಕಮೆಂಟ್ ಮಾಡಿದ್ದಾರೆ. ಕೆಲವರು, ‘ದಯವಿಟ್ಟು ಕಾಳಜಿ ಇಂದ ಇರಿ. ಒಮ್ಮೆ ಚರ್ಚ್ಗೆ ಹೋಗಿ ಬನ್ನಿ’ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು ‘ನಿಮ್ಮದೇ ನೆರಳು ಕಿಟಕಿಯ ಮೇಲೆ ಬಿದ್ದಿದೆ. ದೆವ್ವ ಅಂತೂ ಬರಲು ಸಾಧ್ಯವಿಲ್ಲ’ ಎಂದು ಬರೆದುಕೊಂಡಿದ್ದಾರೆ. ಸದ್ಯ ಈ ಪೋಸ್ಟ್ ಸಾಕಷ್ಟು ವೈರಲ್ ಆಗಿದೆ. 28 ಲಕ್ಷಕ್ಕೂ ಅಧಿಕ ಮಂದಿ ಈ ಪೋಸ್ಟ್ನ ಲೈಕ್ ಮಾಡಿದ್ದಾರೆ. 34 ಸಾವಿರ ಕಮೆಂಟ್ಗಳು ಬಂದಿವೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
