Met Gala 2021: ಸದಾ ಮೈಮಾಟದಿಂದ ಸೆಳೆಯುತ್ತಿದ್ದ ಸುಂದರಿ ಕಿಮ್​ ಇಂದು ಹೀಗೇಕೆ ಆದ್ರು? ಇದು ಸಿನಿಮಾ ಅಲ್ಲ ರಿಯಲ್​

Kim Kardashian: ‘ಮೆಟ್​ ಗಾಲಾ 2021’ ಕಾರ್ಯಕ್ರಮ ಅದ್ದೂರಿಯಾಗಿ ಆಯೋಜನೆಗೊಂಡಿದೆ. ಈ ಉತ್ಸವದಲ್ಲಿ ಸೆಲೆಬ್ರಿಟಿಗಳು ಧರಿಸುವ ಕಾಸ್ಟ್ಯೂಮ್​ಗಳು ಸಖತ್​ ಗಮನ ಸೆಳೆಯುತ್ತವೆ. ಆದರೆ ಕಿಮ್​ ಕರ್ದಾಶಿಯನ್​ ರೀತಿ ಇಂಥ ವಿಚಿತ್ರ ಬಟ್ಟೆ ಧರಿಸಿ ಬರುವವರು ವಿರಳ.

Met Gala 2021: ಸದಾ ಮೈಮಾಟದಿಂದ ಸೆಳೆಯುತ್ತಿದ್ದ ಸುಂದರಿ ಕಿಮ್​ ಇಂದು ಹೀಗೇಕೆ ಆದ್ರು? ಇದು ಸಿನಿಮಾ ಅಲ್ಲ ರಿಯಲ್​
'ಮೆಟ್​ ಗಾಲಾ 2021' ಕಾರ್ಯಕ್ರಮದಲ್ಲಿ ಕಿಮ್​ ಕರ್ದಾಶಿಯನ್

ಖ್ಯಾತ ಮಾಡೆಲ್​ ಕಿಮ್​ ಕರ್ದಾಶಿಯನ್​ ಹಲವು ಕಾರಣಗಳಿಂದಾಗಿ ಆಗಾಗ ಸುದ್ದಿ ಆಗುತ್ತಲೇ ಇರುತ್ತಾರೆ. ಅಮೆರಿಕದ ಈ ಸುಂದರಿ ಸದಾ ಕಾಲ ಹಾಟ್​ ಅವತಾರದಲ್ಲೇ ಅಭಿಮಾನಿಗಳನ್ನು ಎದುರುಕೊಳ್ಳುತ್ತಾರೆ. ಮೈ ಮಾಟ ಪ್ರದರ್ಶಿಸುವಂತಹ ಉಡುಗೆಗಳನ್ನೇ ಧರಿಸಿ ಅವರು ರೆಡ್​ ಕಾರ್ಪೆಟ್​ ಮೇಲೆ ಹೆಜ್ಜೆ ಹಾಕುತ್ತಾರೆ. ಆದರೆ ಈಗ ಅವರು​ ‘ಮೆಟ್​ ಗಾಲಾ 2021’ ಕಾರ್ಯಕ್ರಮದಲ್ಲಿ ಕಾಣಿಸಿಕೊಂಡ ರೀತಿಗೆ ಎಲ್ಲರೂ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ಅಂಗಾಲಿನಿಂದ ನೆತ್ತಿಯವರೆಗೆ ಕಪ್ಪು ಬಣ್ಣದ ದಿರಿಸಿನಲ್ಲಿ ಸಂಪೂರ್ಣ ದೇಹವನ್ನು ಮುಚ್ಚಿಕೊಂಡು ಕಿಮ್​ ಕರ್ದಾಶಿಯನ್​ ಎಂಟ್ರಿ ನೀಡಿದ್ದಾರೆ. ಈ ವಿಚಿತ್ರ ವೇಷದ ಫೋಟೋ ಈಗ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದೆ.

ಮೆಟ್​ ಗಾಲಾ ಎಂಬುದು ಪ್ರತಿ ವರ್ಷ ನ್ಯೂಯಾರ್ಕ್​ನಲ್ಲಿ ನಡೆಯುವ ಒಂದು ಫ್ಯಾಷನ್​ ಹಬ್ಬ. ಈ ಸಮಾರಂಭದಲ್ಲಿ ಜಗತ್ತಿನ ಹಲವು ಖ್ಯಾತ ಸೆಲೆಬ್ರಿಟಿಗಳು ಭಾಗವಹಿಸುತ್ತಾರೆ. ಈ ಬಾರಿ ಕೂಡ ಅದ್ದೂರಿಯಾಗಿಯೇ ಮೆಟ್​ ಗಾಲಾ ಆಯೋಜನೆಗೊಂಡಿದೆ. ಈ ಉತ್ಸವದಲ್ಲಿ ಸೆಲೆಬ್ರಿಟಿಗಳು ಧರಿಸುವ ಕಾಸ್ಟ್ಯೂಮ್​ಗಳು ಸಖತ್​ ಗಮನ ಸೆಳೆಯುತ್ತವೆ. ಆದರೆ ಇಂಥ ವಿಚಿತ್ರ ಬಟ್ಟೆ ಧರಿಸಿ ಬರುವವರು ವಿರಳ. ಫ್ಯಾಷನ್ ವಿಚಾರದಲ್ಲಿ ಯಾವುದೇ ಬೌಂಡರಿಗಳನ್ನು ಹಾಕಿಕೊಳ್ಳದ ಕಿಮ್​ ಕರ್ದಾಶಿಯನ್​ ಅವರು ಸಂಪೂರ್ಣ ದೇಹವನ್ನು ಕಪ್ಪು ಬಟ್ಟೆಯಿಂದ ಮುಚ್ಚಿಕೊಂಡು ಬಂದಿದ್ದಾರೆ.

ಕಿಮ್​ ಜೊತೆ ಮತ್ತೋರ್ವ ವ್ಯಕ್ತಿ ಕೂಡ ಅದೇ ರೀತಿ ಕಾಣಿಸಿಕೊಂಡಿದ್ದಾರೆ. ಅದು ಅವರಿಂದ ದೂರವಾಗಿರುವ ಪತಿ ಕಾನಿ ವೆಸ್ಟ್​ ಎಂದು ಕೆಲವರು ಊಹಿಸಿದ್ದಾರೆ. ಆದರೆ ಕಾನಿ ವೆಸ್ಟ್​ ಈ ಕಾರ್ಯಕ್ರಮಕ್ಕೆ ಹಾಜರಾಗಿಲ್ಲ ಎಂದು ಮೂಲಗಳಿಂದ ಗೊತ್ತಾಗಿದೆ. ಹಾಗಾಗಿ ಅದು ಅವರ ಫ್ಯಾಷನ್​ ಡಿಸೈನರ್​ ಇರಬಹುದು ಎಂಬುದಾಗಿಯೂ ಕೆಲವರ ಊಹಿಸಿದ್ದಾರೆ. ಸದ್ಯಕ್ಕೆ ಅದಕ್ಕೆ ಉತ್ತರ ಸಿಕ್ಕಿಲ್ಲ. ಎಲ್ಲೆಲ್ಲೂ ಕಿಮ್ ಅವರ ಈ ಕಪ್ಪು ಕಾಸ್ಟ್ಯೂಮ್​ ಬಗ್ಗೆಯೇ ಚರ್ಚೆ ಆಗುತ್ತಿದೆ.

ಅಂದಹಾಗೆ, ಕಿಮ್​ ಅವರು ಈ ರೀತಿ ಅಚ್ಚರಿ ಮೂಡಿಸಿದ್ದು ಇದೇ ಮೊದಲೇನಲ್ಲ. ಕಳೆದ ತಿಂಗಳು ಕೂಡ ಒಂದು ಕಾರ್ಯಕ್ರಮಕ್ಕೆ ಅವರು ಇದೇ ಮಾದರಿಯ ಬಟ್ಟೆ ಧರಿಸಿ ಬಂದಿದ್ದರು. ಸದ್ಯ ಕಿಮ್ ಸಂಸಾರದಲ್ಲಿ ಬಿರುಗಾಳಿ ಎದ್ದಿದ್ದೆ. ಪತಿ ಕಾನಿ ವೆಸ್ಟ್​ ಜೊತೆ ಅವರಿಗೆ ಮನಸ್ತಾಪ ಉಂಟಾಗಿದೆ. ವಿಚ್ಛೇದನಕ್ಕಾಗಿ ಈ ಜೋಡಿ ಅರ್ಜಿ ಸಲ್ಲಿಸಿದೆ. ಈ ದಂಪತಿಗೆ ನಾಲ್ವರು ಮಕ್ಕಳು ಇದ್ದಾರೆ. ಮದುವೆಗೂ ಮುನ್ನ ಅವರಿಗೆ ಮೊದಲ ಮಗು ಜನಿಸಿತ್ತು. ಏಳು ವರ್ಷಗಳ ಅವರ ದಾಂಪತ್ಯ ಜೀವನ ಶೀಘ್ರದಲ್ಲೇ ಅಂತ್ಯವಾಗಲಿದೆ.

ಇದನ್ನೂ ಓದಿ:

ಕಸದ ಚೀಲವನ್ನೇ ಕಾಸ್ಟ್ಯೂಮ್​ ಮಾಡಿಕೊಂಡಿದ್ದ ನಟಿ ಊರ್ಫಿ ಬಿಗ್​ ಬಾಸ್​ನಿಂದ ಔಟ್​; ನಿಲ್ಲದ ಕಣ್ಣೀರು

ಅಕ್ಕನ ಬಟ್ಟೆ ಕದ್ದು ಪ್ರೇಯಸಿಗೆ ಗಿಫ್ಟ್​ ಮಾಡುತ್ತಿದ್ದ ರಣಬೀರ್​ ಕಪೂರ್​; ಎಲ್ಲರ ಎದುರು ಸತ್ಯ ಬಾಯ್ಬಿಟ್ಟ ರಿಧಿಮಾ

Click on your DTH Provider to Add TV9 Kannada