ಅಕ್ಕನ ಬಟ್ಟೆ ಕದ್ದು ಪ್ರೇಯಸಿಗೆ ಗಿಫ್ಟ್ ಮಾಡುತ್ತಿದ್ದ ರಣಬೀರ್ ಕಪೂರ್; ಎಲ್ಲರ ಎದುರು ಸತ್ಯ ಬಾಯ್ಬಿಟ್ಟ ರಿಧಿಮಾ
ರಣಬೀರ್ ಕಪೂರ್ ಅಕ್ಕ ರಿಧಿಮಾ ಕಪೂರ್ ಮತ್ತು ತಾಯಿ ನೀತೂ ಕಪೂರ್ ಅವರು ‘ದಿ ಕಪಿಲ್ ಶರ್ಮಾ ಶೋ’ನಲ್ಲಿ ಇತ್ತೀಚೆಗೆ ಭಾಗವಹಿಸಿದ್ದರು. ಆ ವೇಳೆ ಹಲವು ಸಂಗತಿಗಳನ್ನು ಹಂಚಿಕೊಂಡರು.
ಬಾಲಿವುಡ್ನ ಬಹುಬೇಡಿಕೆಯ ನಟ ರಣಬೀರ್ ಕಪೂರ್ ಅವರು ಸಿನಿಮಾಗಳಿಗಿಂತಲೂ ಹೆಚ್ಚಾಗಿ ವೈಯಕ್ತಿಕ ಕಾರಣಕ್ಕೆ ಆಗಾಗ ಸುದ್ದಿ ಆಗುತ್ತಾರೆ. ಅವರ ಬದುಕಿನಲ್ಲಿ ಹಲವು ಪ್ರೇಯಸಿಯರು ಬಂದುಹೋಗಿದ್ದಾರೆ. ದೀಪಿಕಾ ಪಡುಕೋಣೆ, ಕತ್ರಿನಾ ಕೈಫ್ ಸೇರಿದಂತೆ ಅನೇಕ ಟಾಪ್ ನಟಿಯರ ಜೊತೆ ರಣಬೀರ್ ಡೇಟಿಂಗ್ ಮಾಡಿದ್ದರು. ಆದರೆ ಯಾವ ಸಂಬಂಧವೂ ಮದುವೆ ಮಂಟಪದವರೆಗೆ ಬರಲೇ ಇಲ್ಲ. ಈಗ ಅವರು ಆಲಿಯಾ ಭಟ್ ಜೊತೆ ಪ್ರೀತಿಯಲ್ಲಿ ಮುಳುಗಿದ್ದಾರೆ. ಈ ನಡುವೆ ಅವರ ಒಂದು ಕೆಟ್ಟ ಚಾಳಿಯ ಬಗ್ಗೆ ಸಹೋದರಿ ರಿಧಿಮಾ ಕಪೂರ್ ಬಾಯಿಬಿಟ್ಟಿದ್ದಾರೆ.
ರಣಬೀರ್ ಕಪೂರ್ ಅವರು ಗರ್ಲ್ಫ್ರೆಂಡ್ಸ್ ಸಹವಾಸ ಮಾಡುತ್ತಿರುವುದು ಇಂದು-ನಿನ್ನೆಯಲ್ಲ. ಚಿಕ್ಕವಯಸ್ಸಿನಲ್ಲೂ ಅವರು ಹಾಗೆಯೇ ಇದ್ದರು. ಇತ್ತೀಚೆಗೆ ಅವರ ಅಕ್ಕ ರಿಧಿಮಾ ಕಪೂರ್ ಮತ್ತು ತಾಯಿ ನೀತೂ ಕಪೂರ್ ಅವರು ‘ದಿ ಕಪಿಲ್ ಶರ್ಮಾ ಶೋ’ನಲ್ಲಿ ಭಾಗವಹಿಸಿದ್ದರು. ಆ ವೇಳೆ ಹಲವು ಸಂಗತಿಗಳನ್ನು ಹಂಚಿಕೊಂಡರು.
‘ಆಗ ನಾನು ಲಂಡನ್ನಲ್ಲಿ ಓದುತ್ತಿದ್ದೆ. ರಜೆ ಇದ್ದಾಗ ಭಾರತಕ್ಕೆ ಬಂದಿದ್ದೆ. ಆ ಸಂದರ್ಭದಲ್ಲಿ ರಣಬೀರ್ನನ್ನು ಭೇಟಿ ಮಾಡಲು ಅವನ ಗರ್ಲ್ಫ್ರೆಂಡ್ ನಮ್ಮ ಮನೆಗೆ ಬಂದಳು. ನನ್ನ ಬಳಿಯೇ ಇದ್ದಂತಹ ಒಂದು ಬಟ್ಟೆಯನ್ನು ಆಕೆ ಧರಿಸಿರುವುದು ನೋಡಿ ಅಚ್ಚರಿ ಆಯಿತು. ಅವಳ ಮುಖ ನೋಡುವ ಬದಲು ನಾನು ಬಟ್ಟೆಯನ್ನೇ ನೋಡುತ್ತಿದ್ದೆ. ನನ್ನ ಕಬೋರ್ಡ್ನಲ್ಲಿ ಕಾಣೆ ಆಗಿದ್ದ ಡ್ರೆಸ್ ಇದೇ ಎಂಬುದು ಗೊತ್ತಾಯಿತು. ರಣಬೀರ್ ನನ್ನ ವಸ್ತುಗಳನ್ನು ಕದ್ದು ತನ್ನ ಪ್ರೇಯಸಿಯರಿಗೆ ಗಿಫ್ಟ್ ಮಾಡುತ್ತಿದ್ದ ಅಂತ ಆಗ ನನಗೆ ತಿಳಿಯಿತು’ ಎಂದು ರಿಧಿಮಾ ಹೇಳಿದ್ದಾರೆ.
ಈ ಮಾತಿಗೆ ರಣಬೀರ್ ತಾಯಿ ನೀತೂ ಕಪೂರ್ ಧ್ವನಿಗೂಡಿಸಿದ್ದಾರೆ. ‘ಆ ಸಂದರ್ಭದಲ್ಲಿ ಖರ್ಚು ಮಾಡಲು ರಣಬೀರ್ ಬಳಿ ದುಡ್ಡು ಇರುತ್ತಿರಲಿಲ್ಲ. ನಾವು ಮಕ್ಕಳಿಗೆ ಅಗತ್ಯಕಿಂತ ಹೆಚ್ಚು ಹಣ ನೀಡುತ್ತಿರಲಿಲ್ಲ’ ಎಂದು ಅವರು ಹೇಳಿದ್ದಾರೆ. ಸದ್ಯ ಆಲಿಯಾ ಭಟ್ ಜೊತೆ ರಣಬೀರ್ ಡೇಟಿಂಗ್ ನಡೆಸುತ್ತಿದ್ದಾರೆ. ಅನೇಕ ಸಂದರ್ಭಗಳಲ್ಲಿ ಇಬ್ಬರೂ ಜೊತೆಯಾಗಿ ಸುತ್ತಾಡುತ್ತಿರುವುದು ಎಲ್ಲರ ಗಮನಕ್ಕೆ ಬಂದಿದೆ. ಶೀಘ್ರದಲ್ಲೇ ಅವರು ಹಸೆಮಣೆ ಏರುತ್ತಾರೆ ಎಂಬ ಸುದ್ದಿ ಕೂಡ ಹರಿದಾಡುತ್ತಿದೆ.
View this post on Instagram
ಸಿನಿಮಾಗಳ ಆಯ್ಕೆಯಲ್ಲಿ ರಣಬೀರ್ ಸಿಕ್ಕಾಪಟ್ಟೆ ಚ್ಯೂಸಿ ಆಗಿದ್ದಾರೆ. 2018ರಲ್ಲಿ ಸೂಪರ್ ಹಿಟ್ ಆಗಿದ್ದ ‘ಸಂಜು’ ಬಳಿಕ ಅವರ ಬೇರೆ ಯಾವುದೇ ಸಿನಿಮಾ ತೆರೆಕಂಡಿಲ್ಲ. ‘ಶಂಶೇರಾ’ ಮತ್ತು ‘ಬ್ರಹ್ಮಾಸ್ತ್ರ’ ಚಿತ್ರಗಳಲ್ಲಿ ಅವರು ಅಭಿನಯಿಸುತ್ತಿದ್ದಾರೆ.
ಇದನ್ನೂ ಓದಿ:
ದಾನಿಶ್ ಸೇಠ್ಗೆ ಕರೆ ಮಾಡಿ ಹೊಗಳಿದ ರಣಬೀರ್ ಕಪೂರ್; ಈ ವಿಡಿಯೋ ಅಪ್ಲೋಡ್ ಮಾಡಿದ್ದಕ್ಕೆ ಬೈದ ಬಾಲಿವುಡ್ ನಟ
ದೀಪಿಕಾ ಪಡುಕೋಣೆ, ರಣಬೀರ್ ಕಪೂರ್ಗೆ ಸಿಕ್ಕ ಮೊದಲ ಸಂಬಳ ಎಷ್ಟು? ಖರೀದಿಸಿದ್ದು ಏನು?
Published On - 9:21 am, Thu, 9 September 21
