ದಾನಿಶ್ ಸೇಠ್ಗೆ ಕರೆ ಮಾಡಿ ಹೊಗಳಿದ ರಣಬೀರ್ ಕಪೂರ್; ಈ ವಿಡಿಯೋ ಅಪ್ಲೋಡ್ ಮಾಡಿದ್ದಕ್ಕೆ ಬೈದ ಬಾಲಿವುಡ್ ನಟ
ಬಾಲಿವುಡ್ ಖ್ಯಾತ ನಟ ರಣಬೀರ್ ಕಪೂರ್ ಅವರು ದಾನಿಶ್ಗೆ ಕರೆ ಮಾಡಿ ಹೊಗಳಿದ್ದಾರೆ. ಈ ವಿಡಿಯೋವನ್ನು ದಾನಿಶ್ ಸೋಶೀಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
Updated on: Sep 06, 2021 | 1:58 PM
ನಟ ದಾನಿಶ್ ಸೇಠ್ ಸೋಶಿಯಲ್ ಮೀಡಿಯಾದಲ್ಲಿ ವಿವಿಧ ರೀತಿಯ ವಿಡಿಯೋ ಅಪ್ಲೋಡ್ ಮಾಡುವ ಮೂಲಕ ಸದಾ ಸುದ್ದಿಯಲ್ಲಿರುತ್ತಾರೆ. ಅವರು ಸಿದ್ಧಪಡಿಸುವ ಕಂಟೆಂಟ್ಗಳು ಸಾಕಷ್ಟು ಜನರಿಗೆ ಇಷ್ಟವಾಗುತ್ತದೆ. ಈ ಕಾರಣಕ್ಕೆ ಅವರ ಅಭಿಮಾನಿ ಬಳಗ ದೊಡ್ಡದಿದೆ. ಈಗ ಅವರಿಗೆ ಅಚ್ಚರಿ ಒಂದು ಸಿಕ್ಕಿದೆ. ಅದೇನೆಂದರೆ ಬಾಲಿವುಡ್ ಖ್ಯಾತ ನಟ ರಣಬೀರ್ ಕಪೂರ್ ಅವರು ದಾನಿಶ್ಗೆ ಕರೆ ಮಾಡಿ ಹೊಗಳಿದ್ದಾರೆ. ಈ ವಿಡಿಯೋವನ್ನು ದಾನಿಶ್ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ದಾನಿಶ್ ಅವರಿಗೆ ರಣಬೀರ್ ಮ್ಯಾನೇಜರ್ನಿಂದ ಕರೆ ಬಂದಿದೆ. ನಂತರ ಕಾಲ್ ರಣಬೀರ್ಗೆ ವರ್ಗಾವಣೆ ಆಗಿದೆ. ‘ನಿಮ್ಮ ವಿಡಿಯೋವನ್ನು ನನ್ನ ಟೀಮ್ನವರು ತೋರಿಸಿದರು. ಅವುಗಳು ನಿಜಕ್ಕೂ ತುಂಬಾನೇ ಫನ್ನಿ ಆಗಿದೆ’ ಎಂದರು ರಣಬೀರ್. ಈ ಮಾತನ್ನು ಕೇಳಿ ದಾನಿಶ್ ಸಾಕಷ್ಟು ಖುಷಿ ಆದರು. ಅವರಿಗೆ ದಾನಿಶ್ ಧನ್ಯವಾದ ಹೇಳಿದರು. ‘ನಿತ್ಯವೂ ನೀವು ಈ ವಿಡಿಯೋ ಹೇಗೆ ಮಾಡ್ತೀರಾ’ ಎಂದು ಅಚ್ಚರಿಯಿಂದ ಪ್ರಶ್ನೆ ಮಾಡಿದರು ರಣಬೀರ್. ಇದಕ್ಕೆ ದಾನಿಶ್ ವಿವರಣೆ ನೀಡಿದ್ದಾರೆ. ಹೀಗೆ, ಮಾತುಕತೆ ಮುಂದುವರಿದಿದೆ.
ಈ ವಿಡಿಯೋವನ್ನು ದಾನಿಶ್ ಸೋಶಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಈ ವಿಡಿಯೋ ನಿಜವೋ ಅಥವಾ ಸುಳ್ಳೋ ಎನ್ನುವ ಪ್ರಶ್ನೆ ಅಭಿಮಾನಿಗಳಲ್ಲಿ ಮೂಡಿದೆ. ದಾನಿಶ್ ಎಲ್ಲರನ್ನೂ ಪ್ರ್ಯಾಂಕ್ ಮಾಡುವುದರಲ್ಲಿ ಎತ್ತಿದ ಕೈ. ಅವರು ಚೆನ್ನಾಗಿ ಮಿಮಿಕ್ರಿ ಕೂಡ ಮಾಡುತ್ತಾರೆ. ಹೀಗಾಗಿ, ದೂರವಾಣಿ ಕರೆಯಲ್ಲಿ ಮಾತನಾಡಿದ್ದು ಯಾರು ಎನ್ನುವ ಪ್ರಶ್ನೆ ಅಭಿಮಾನಿಗಳನ್ನು ಕಾಡುತ್ತಿದೆ. ಕೆಲವರು ಇದು ರಣಬೀರ್ ಎಂದರೆ, ಇನ್ನೂ ಕೆಲವರು ಇದು ಪ್ರ್ಯಾಂಕ್ ಎಂದು ಬರೆದುಕೊಂಡಿದ್ದಾರೆ.
View this post on Instagram
ಇದಾದ ಬೆನ್ನಲ್ಲೇ ದಾನಿಶ್ ಮತ್ತೊಂದು ವಿಡಿಯೋ ಅಪ್ಲೋಡ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ‘ನಾನು ವಿಡಿಯೋ ಅಪ್ಲೋಡ್ ಮಾಡಿದ್ದಕ್ಕೆ ರಣಬೀರ್ ಬೈದಿದ್ದಾರೆ’ ಎಂಬುದಾಗಿ ದಾನಿಶ್ ಹೇಳಿಕೊಂಡಿದ್ದಾರೆ.
View this post on Instagram
ಇದನ್ನು ನೋಡಿದ ಅಭಿಮಾನಿಗಳು ಸಾಕಷ್ಟು ಕನ್ಫ್ಯೂಸ್ ಆಗಿದ್ದಾರೆ. ಇದರಲ್ಲಿ ಯಾವುದು ನಿಜ, ಯಾವುದು ಸುಳ್ಳು ಎಂದು ಫ್ಯಾನ್ಸ್ ಪ್ರಶ್ನೆ ಮಾಡಿಕೊಳ್ಳುತ್ತಿದ್ದಾರೆ. ಅಂದಹಾಗೆ, ದಾನಿಶ್ ಈ ಮೊದಲು ವಿದ್ಯಾ ಬಾಲನ್, ಆಸ್ಟ್ರೇಲಿಯಾ ಕ್ರಿಕೆಟಿಗ ಡೇವಿಡ್ ವಾರ್ನರ್ ಸೇರಿ ಸಾಕಷ್ಟು ಸೆಲೆಬ್ರಿಟಿಗಳ ಜತೆ ಮಾತನಾಡಿದ್ದಾರೆ.
ಇದನ್ನೂ ಓದಿ: ಒನ್ ಕಟ್ ಟೂ ಕಟ್ನಲ್ಲಿ ದಾನಿಶ್ ಸೇಠ್ ‘ಗೋಪಿ’ ಅವತಾರ! ಹೊಸ ಚಿತ್ರದ ಬಗ್ಗೆ ಕುತೂಹಲ
Danish Sait: ಅನ್ಯಾ ಜತೆ ರಿಜಿಸ್ಟರ್ ಮ್ಯಾರೇಜ್ ಆದ ದಾನಿಶ್ ಸೇಠ್; ಫೋಟೋ ವೈರಲ್
