‘ನಮ್ಮಿಬ್ಬರ ನಡುವೆ ಸಾಕಷ್ಟು ವಯಸ್ಸಿನ ಅಂತರ ಇದೆ, ನಾನು ಕರೀನಾ ಮಗನ ಪಾತ್ರ ಮಾಡ್ತೀನಿ’; ಪಾಕ್ ನಟನ ಹೇಳಿಕೆ

ನಟಿ ಕರೀನಾ ಕಪೂರ್ ತಮ್ಮ ವೃತ್ತಿ ಜೀವನದಲ್ಲಿ ಒಂದಕ್ಕಿಂತ ಹೆಚ್ಚು ಶಕ್ತಿಶಾಲಿ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ‘ಜಬ್ ವಿ ಮೆಟ್’, ‘ಗುಡ್‌ನ್ಯೂಸ್’, ‘ಕ್ರ್ಯೂ’, ‘ವೀರೆ ದಿ ವೆಡ್ಡಿಂಗ್’, ‘ಉಡ್ತಾ ಪಂಜಾಬ್’, ‘ಬಜರಂಗಿ ಭಾಯಿಜಾನ್’, ‘ಬಾಡಿಗಾರ್ಡ್’, ‘ಗೋಲ್​ಮಾಲ್ 3′ ಮುಂತಾದ ಚಿತ್ರಗಳಲ್ಲಿನ ಅವರ ಪಾತ್ರಗಳು ಗಮನ ಸೆಳೆದಿವೆ. ವಯಸ್ಸು 40 ದಾಟಿದ ನಂತರವೂ ಕರೀನಾ ತಮ್ಮ ಫಿಟ್ನೆಸ್ ಮತ್ತು ಫ್ಯಾಶನ್ ಸೆನ್ಸ್‌ನಿಂದಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಸದಾ ಸುದ್ದಿಯಲ್ಲಿರುತ್ತಾರೆ. ಅನೇಕ ದೊಡ್ಡ ಕಲಾವಿದರು ಅವರ ಜೊತೆ ಕೆಲಸ ಮಾಡುವ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ. ಕರೀನಾ ಬಗ್ಗೆ ಪಾಕಿಸ್ತಾನಿ ನಟರೊಬ್ಬರು ನೀಡಿರುವ ಹೇಳಿಕೆ ಅವರ ಅಭಿಮಾನಿಗಳನ್ನು ಕೆರಳಿಸಿದೆ. ಖಾಕನ್ ಶಹನವಾಜ್ ಅವರು ಕರೀನಾ ಜೊತೆ ಕೆಲಸ ಮಾಡುವ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ. ಅವರ ಮಗನಾಗಿ ನಟಿಸಲು ಬಯಸಿದ್ದಾರೆ. ಖಾಕನ್ ಶಹನವಾಜ್ ಅವರನ್ನು ಟ್ರೋಲ್ ಮಾಡಿದ್ದಾರೆ.

‘ಕರೀನಾ ಕಪೂರ್ ಅವರಿಗೆ ಅವಕಾಶ ಸಿಕ್ಕರೆ ಅವರೊಂದಿಗೆ ಯಾವ ರೀತಿಯ ಚಿತ್ರ ಮಾಡುತ್ತೀರಿ’ ಎಂದು ಅಭಿಮಾನಿಯೊಬ್ಬರು ಖಾಕನ್ ಶಹನವಾಜ್ ಅವರಿಗೆ ಕೇಳಿದರು. ಇದಕ್ಕೆ ಅವರು ತಮಾಷೆಯಾಗಿ ಉತ್ತರಿಸುತ್ತಾರೆ. ‘ನನಗೆ ಅವಕಾಶ ಸಿಕ್ಕರೆ, ನಾನು ಅವರ ಮಗನಾಗಿ ತೆರೆಯ ಮೇಲೆ ನಟಿಸುತ್ತೇನೆ. ಏಕೆಂದರೆ ಕರೀನಾ ಮತ್ತು ನನ್ನ ನಡುವೆ ದೊಡ್ಡ ವಯಸ್ಸಿನ ಅಂತರವಿದೆ’ ಎಂದಿದ್ದಾರೆ ಅವರು. ನಟನ ಈ ಹೇಳಿಕೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆದ ತಕ್ಷಣ, ಅನೇಕರು ಅವರನ್ನು ಟೀಕಿಸಿದರು.

ಪಾಕಿಸ್ತಾನಿ ನಟ ಖಾಕನ್ ಶಹನವಾಜ್ ಅವರು ಕರೀನಾ ಕಪೂರ್ ಜೊತೆ ನಟಿಸುವ ಬಯಕೆ ವ್ಯಕ್ತಪಡಿಸಿ, ಅವರ ಮಗನಾಗಿ ನಟಿಸಲು ಬಯಸುವುದಾಗಿ ಹೇಳಿದ್ದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ. ವಯಸ್ಸಿನ ಅಂತರದ ಕಾರಣದಿಂದಾಗಿ ಈ ಹೇಳಿಕೆ ವಿವಾದವನ್ನು ಸೃಷ್ಟಿಸಿದೆ. ಅವರ ಹೇಳಿಕೆಯನ್ನು ಅನೇಕರು ಟೀಕಿಸಿದ್ದಾರೆ.

‘ಇವರು ಯಾರೆಂದು ಕರೀನಾಗೆ ತಿಳಿದಿಲ್ಲ. ನಾನು ಅವರ ಕೆಲಸವನ್ನು ನೋಡಿಲ್ಲ’ ಎಂದು ಒಬ್ಬರು ಬರೆದಿದ್ದಾರೆ. ‘ಪಾಕಿಸ್ತಾನದ ನಟರು ಭಾರತದಲ್ಲಿ ಕೆಲಸ ಮಾಡಲು ಬಿಡುವುದಿಲ್ಲ’ ಎಂದು ಕಮೆಂಟ್ ಮಾಡಿದ್ದಾರೆ. ಖಾಕನ್ ಶಾನವಾಜ್ 27 ವರ್ಷದ ಪಾಕಿಸ್ತಾನಿ ನಟ. ಅವರು ಅನೇಕ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳಲ್ಲಿ ನಟಿಸಿದ್ದಾರೆ. ತಮ್ಮ ಇನ್​ಸ್ಟಾಗ್ರಾಮ್ ಖಾತೆಯಲ್ಲಿ ಮೂರೂವರೆ ಲಕ್ಷ ಫಾಲೋವರ್ಸ್ ಗಳನ್ನು ಹೊಂದಿರುವ ಇವರು ಕೆಲವು ರಿಯಾಲಿಟಿ ಶೋಗಳಲ್ಲಿಯೂ ಭಾಗವಹಿಸಿದ್ದಾರೆ.

ಇದನ್ನೂ ಓದಿ: ಕರೀನಾ ಕಪೂರ್ ಧರಿಸಿರುವ ಈ ಉಡುಗೆಯ ಬೆಲೆ ಕೆಲವು ಲಕ್ಷಗಳು

44 ವರ್ಷದ ಕರೀನಾ ಕಪೂರ್ 2000ರಲ್ಲಿ ನಟನಾ ಕ್ಷೇತ್ರದಲ್ಲಿ ತಮ್ಮ ಪ್ರಯಾಣವನ್ನು ಪ್ರಾರಂಭಿಸಿದರು. ಅವರು ಬಾಲಿವುಡ್‌ನ ಪ್ರಮುಖ ಮತ್ತು ಯಶಸ್ವಿ ನಟಿ. ಕರೀನಾ ಮತ್ತು ಖಾಕನ್ ಸುಮಾರು 16 ವರ್ಷಗಳ ವಯಸ್ಸಿನ ಅಂತರವನ್ನು ಹೊಂದಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.