Tamanna Bhatia: ಎಲ್ಲೆಲ್ಲೂ ‘ಕಾವಾಲಾ’ ಹಾಡಿನ ಗುಂಗು; ಏರ್​ಪೋರ್ಟ್​​ನಲ್ಲೂ ಡ್ಯಾನ್ಸ್​ ಮಾಡಿದ ತಮನ್ನಾ

ಇತ್ತೀಚೆಗೆ ಬಿಡುಗಡೆ ಆಗಿರುವ ‘ಕಾವಾಲಾ..’ (Kaavaalaa) ಹಾಡಿನ ಹವಾ ಜೋರಾಗಿದೆ. ಯೂಟ್ಯೂಬ್​ನಲ್ಲಿ ಧೂಳೆಬ್ಬಿಸಿರುವ ಈ ಹಾಡಿಗೆ ಫ್ಯಾನ್ಸ್​ ಫಿದಾ ಆಗಿದ್ದಾರೆ. ಇದು ರಜನಿಕಾಂತ್​ ನಟನೆಯ ‘ಜೈಲರ್​’ ಸಿನಿಮಾದ (Jailer Movie) ಸಾಂಗ್​. ಈ ಹಾಡಿನಲ್ಲಿ ತಮನ್ನಾ ಭಾಟಿಯಾ ಅವರು ಕುಣಿದ ಪರಿ ಕಂಡು ಅಭಿಮಾನಿಗಳು ಖುಷಿಪಟ್ಟಿದ್ದಾರೆ. ಈ ಹಾಡಿನಿಂದಾಗಿ ತಮನ್ನಾ ಅವರ ಫ್ಯಾನ್​ ಫಾಲೋಯಿಂಗ್​ ಹೆಚ್ಚಾಗಿದೆ. ಇತ್ತೀಚೆಗೆ ಮುಂಬೈ ಏರ್​​ಪೋರ್ಟ್​​ನಲ್ಲಿ ಅವರು ಅಭಿಮಾನಿಯ ಜೊತೆ ‘ಕಾವಾಲಾ’ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಆ ಸಂದರ್ಭದ ವಿಡಿಯೋ ವೈರಲ್​ ಆಗಿದೆ. ಅಭಿಮಾನಿಯ ಜೊತೆ ತಮನ್ನಾ (Tamannaah Bhatia) ಅವರು ಕೂಲ್​ ಆಗಿ ನಡೆದುಕೊಂಡಿದ್ದಾರೆ.

ತಮನ್ನಾ ಭಾಟಿಯಾ ಅವರು ಏರ್​ಪೋರ್ಟ್​ ಒಳಗೆ ತೆರಳುತ್ತಿದ್ದರು. ಆ ವೇಳೆ ಪಾಪರಾಜಿಗಳು ಒಂದು ಮನವಿ ಮಾಡಿಕೊಂಡರು. ಅಭಿಮಾನಿಯೊಬ್ಬರ ಡ್ಯಾನ್ಸ್​ ನೋಡಿಕೊಂಡು ಹೋಗುವಂತೆ ತಮನ್ನಾಗೆ ರಿಕ್ವೆಸ್ಟ್​ ಮಾಡಲಾಯಿತು. ‘ಅಯ್ಯೋ ನನ್ನ ವಿಮಾನ ತಪ್ಪಿಹೋಗುತ್ತೆ..’ ಎಂದು ತಮನ್ನಾ ಗೊಣಗಿದರು. ಕೂಡಲೇ ಅಲ್ಲಿದ್ದ ಅಭಿಮಾನಿಯು ‘ಕಾವಾಲಾ..’ ಹಾಡಿಗೆ ಸ್ಟೆಪ್​ ಹಾಕಿದರು. ಅವರ ಜೊತೆ ತಮನ್ನಾ ಕೂಡ ಡ್ಯಾನ್ಸ್​ ಮಾಡಿದರು. ‘ಇವರು ನನಗಿಂತ ಚೆನ್ನಾಗಿ ಡ್ಯಾನ್ಸ್​ ಮಾಡಿದ್ದಾರೆ’ ಎಂದು ಅಭಿಮಾನಿಗೆ ತಮನ್ನಾ ಮೆಚ್ಚುಗೆ ಸೂಚಿಸಿದರು.

View this post on Instagram

A post shared by Viral Bhayani (@viralbhayani)

ತಮನ್ನಾ ಅವರು ಈಗ ಭರ್ಜರಿ ಟ್ರೆಂಡ್​ನಲ್ಲಿ ಇದ್ದಾರೆ. ತಮನ್ನಾ ಅಭಿನಯಿಸಿದ ಚಿತ್ರಗಳು ಬ್ಯಾಕ್​ ಟು ಬ್ಯಾಕ್​ ಜನರ ಎದುರು ಬಂದು ಮನರಂಜನೆ ನೀಡುತ್ತಿವೆ. ಒಟಿಟಿಯಲ್ಲಿ ಬಿಡುಗಡೆಯಾದ ‘ಲಸ್ಟ್​ ಸ್ಟೋರೀಸ್​ 2’ ಸಿನಿಮಾದಲ್ಲಿ ಅವರು ಕಾಣಿಸಿಕೊಂಡ ಪರಿ ನೋಡಿ ಪ್ರೇಕ್ಷಕರು ಬೆರಗಾದರು. ‘ಜೀ ಕರ್ದಾ’ ವೆಬ್​ ಸರಣಿ ಕೂಡ ಚರ್ಚೆ ಹುಟ್ಟು ಹಾಕಿತು. ಈಗ ‘ಕಾವಾಲಾ..’ ಸಾಂಗ್​ ಸಹ ಎಲ್ಲೆಲ್ಲೂ ಸದ್ದು ಮಾಡುತ್ತಿದೆ.

ಇದನ್ನೂ ಓದಿ: Tamannaah Bhatia: ‘ಇಂಡಿಯನ್​ ಶಕೀರಾ’: ಅಭಿಮಾನಿಗಳು ಕೊಟ್ಟ ಹೊಸ ಬಿರುದನ್ನು ಸ್ವೀಕರಿಸಿದ ತಮನ್ನಾ ಭಾಟಿಯಾ

ಅನಿರುದ್ಧ್​ ರವಿಚಂದರ್​ ಅವರ ಸಂಗೀತ ನಿರ್ದೇಶನದಲ್ಲಿ ‘ಕಾವಾಲಾ..’ ಹಾಡು ಮೂಡಿಬಂದಿದೆ. ಯೂಟ್ಯೂಬ್​ನಲ್ಲಿ 2.6 ಕೋಟಿಗೂ ಹೆಚ್ಚು ಸಲ ಈ ಸಾಂಗ್​ ವೀಕ್ಷಣೆ ಕಂಡಿದೆ. ದಿನದಿನಕ್ಕೂ ಈ ಹಾಡಿನ ಕ್ರೇಜ್​ ಜಾಸ್ತಿ ಆಗುತ್ತಿದೆ. ‘ಸೂಪರ್​ ಸ್ಟಾರ್​’ ರಜನಿಕಾಂತ್​ ಮತ್ತು ತಮನ್ನಾ ಭಾಟಿಯಾ ಅವರು ಈ ಹಾಡಿನಲ್ಲಿ ಜೋಡಿಯಾಗಿ ಹೆಜ್ಜೆ ಹಾಕಿದ್ದಾರೆ. ‘ಸನ್​ ಪಿಕ್ಚರ್ಸ್​’ ಬ್ಯಾನರ್​ ಮೂಲಕ ‘ಜೈಲರ್​’ ಸಿನಿಮಾ ನಿರ್ಮಾಣ ಆಗುತ್ತಿದೆ. ನೆಲ್ಸನ್​ ದಿಲೀಪ್​ಕುಮಾರ್​ ಅವರು ನಿರ್ದೇಶನ ಮಾಡಿದ್ದಾರೆ. ಶಿವರಾಜ್​ಕುಮಾರ್​ ಕೂಡ ಈ ಸಿನಿಮಾದಲ್ಲಿ ನಟಿಸಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.