Jr NTR: ಪತ್ನಿ ಜೊತೆ ಕಳೆದ ಸುಂದರ ಕ್ಷಣಗಳ ಫೋಟೋ ಹಂಚಿಕೊಂಡ ನಟ ಜ್ಯೂನಿಯರ್ ಎನ್​ಟಿಆರ್​

ಟಾಲಿವುಡ್​ ‘ಯಂಗ್​ ಟೈಗರ್​’ ಜ್ಯೂ. ಎನ್​ಟಿಆರ್ (Jr NTR) ಅವರಿಗೆ 2022ರ ವರ್ಷ ಸಖತ್​ ಸ್ಪೆಷಲ್​. ಯಾಕೆಂದರೆ ಅವರಿಗೆ ಈ ವರ್ಷ ಬಹುದೊಡ್ಡ ಗೆಲುವು ಸಿಕ್ಕಿದೆ. ರಾಮ್​ ಚರಣ್​ ಜೊತೆ ಅವರು ನಟಿಸಿದ ‘ಆರ್​ಆರ್​ಆರ್​’ ಸಿನಿಮಾ (RRR Movie) ತೆರೆಕಂಡು ಭರ್ಜರಿ ಯಶಸ್ಸು ಪಡೆಯಿತು. ವಿಶ್ವ ಬಾಕ್ಸ್​ ಆಫೀಸ್​ನಲ್ಲಿ ಸಾವಿರಾರು ಕೋಟಿ ರೂಪಾಯಿ ಕಮಾಯಿ ಮಾಡಿ ಬೀಗಿತು. ಈ ಚಿತ್ರದಿಂದ ಜ್ಯೂ. ಎನ್​ಟಿಆರ್ ಅವರ ಮೈಲೇಜ್​ ಹೆಚ್ಚಿದೆ. ಸದ್ಯ ಅವರು ಕುಟುಂಬಕ್ಕೆ ಹೆಚ್ಚು ಸಮಯ ನೀಡುತ್ತಿದ್ದಾರೆ. ಅದಕ್ಕೆ ಸಾಕ್ಷಿ ಎಂಬಂತೆ ಪತ್ನಿ ಲಕ್ಷ್ಮಿ ಪ್ರಣತಿ (Lakshmi Pranathi) ಜೊತೆ ಇರುವ ಒಂದು ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಜ್ಯೂ. ಎನ್​ಟಿಆರ್​ ಅಭಿಮಾನಿಗಳ ವಲಯದಲ್ಲಿ ಈ ಫೋಟೋ ಸಖತ್​ ವೈರಲ್​ ಆಗಿದೆ. ಕ್ಯೂಟ್​ ಜೋಡಿಯನ್ನು ಕಂಡು ಫ್ಯಾನ್ಸ್ ಬಗೆಬಗೆಯಲ್ಲಿ ಕಮೆಂಟ್​ ಮಾಡುತ್ತಿದ್ದಾರೆ.

ಬೇರೆ ನಟರಿಗೆ ಹೋಲಿಸಿದರೆ ಜ್ಯೂ. ಎನ್​ಟಿರ್​ ಅವರು ಸೋಶಿಯಲ್​ ಮೀಡಿಯಾ ಬಳಸುವುದು ಕಡಿಮೆ. ಆಗೊಮ್ಮೆ ಈಗೊಮ್ಮೆ ಮಾತ್ರ ಅವರು ಏನಾದರೂ ಪೋಸ್ಟ್​ ಮಾಡುತ್ತಾರೆ. ಸಿನಿಮಾಗಳ ಬಗ್ಗೆ, ಫ್ಯಾಮಿಲಿ ಬಗ್ಗೆ ಅಪರೂಪಕ್ಕೆ ಅಪ್​ಡೇಟ್​ ನೀಡುತ್ತಾರೆ. ಈಗ ಅವರು ಪತ್ನಿ ಲಕ್ಷ್ಮಿ ಪ್ರಣತಿ ಜೊತೆಗಿರುವ ರೊಮ್ಯಾಂಟಿಕ್​ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಇಬ್ಬರೂ ಎದುರುಬದರು ಕುಳಿತು ಮಾತನಾಡುತ್ತಿರುವ ಕ್ಷಣ ಈ ಸುಂದರ ಫೋಟೋದಲ್ಲಿ ಸೆರೆಯಾಗಿದೆ.

ಜ್ಯೂ. ಎನ್​ಟಿಆರ್ ಮತ್ತು ಲಕ್ಷ್ಮಿ ಪ್ರಣತಿ ಅವರು ಯಾವುದೋ ರೆಸಾರ್ಟ್​​ನಲ್ಲಿ ಕುಳಿತಂತಿದೆ. ಮಳೆಗಾಲದ ತುಂಪು ವಾತಾವರಣದಲ್ಲಿ ಬಿಸಿ ಪಾನೀಯ ಹೀರುತ್ತಾ, ಹಸಿರು ಪರಿಸರವನ್ನು ಅವರು ಆಸ್ವಾದಿಸುತ್ತಿದ್ದಾರೆ. ‘ಈ ರೀತಿಯ ಕ್ಷಣಗಳು..’ ಎಂದು ಆ ಫೋಟೋಗೆ ಜ್ಯೂ. ಎನ್​ಟಿಆರ್​ ಕ್ಯಾಪ್ಷನ್​ ನೀಡಿದ್ದಾರೆ. 9 ಲಕ್ಷಕ್ಕೂ ಅಧಿಕ ಮಂದಿ ಈ ಫೋಟೋಗೆ ಲೈಕ್​ ಮಾಡಿದ್ದಾರೆ. ಸಾವಿರಾರ ಕಮೆಂಟ್​ಗಳು ಬಂದಿವೆ.

ಟಾಲಿವುಡ್​ ಮಾತ್ರವಲ್ಲದೇ ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ಜ್ಯೂ. ಎನ್​ಟಿಆರ್​ ಅವರಿಗೆ ಬೇಡಿಕೆ ಇದೆ. ಅದರಲ್ಲೂ ‘ಆರ್​ಆರ್​ಆರ್​ಆರ್’ ಸಿನಿಮಾ ಸೂಪರ್​ ಹಿಟ್​ ಆದ ಬಳಿಕ ಅವರ ಚಾರ್ಮ್​ ಹೆಚ್ಚಿದೆ. ಅವರ ಜೊತೆ ಸಿನಿಮಾ ಮಾಡಲು ಪ್ರತಿಷ್ಠಿತ ನಿರ್ಮಾಣ ಸಂಸ್ಥೆಗಳು ಕಾದಿವೆ. ಸದ್ಯ ಅವರ ಮುಂದಿನ ಸಿನಿಮಾ ಬಗ್ಗೆ ಅಪ್​ಡೇಟ್​ ತಿಳಿಯಲು ಫ್ಯಾನ್ಸ್​ ಹಂಬಲಿಸಿದ್ದಾರೆ. ಜ್ಯೂ. ಎನ್​ಟಿಆರ್​ ಅವರ 31ನೇ ಚಿತ್ರಕ್ಕೆ ಪ್ರಶಾಂತ್​ ನೀಲ್​ ನಿರ್ದೇಶನ ಮಾಡಲಿದ್ದಾರೆ. ಈ ಸಿನಿಮಾ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಇದೆ.