ಕತ್ರಿನಾ ಪ್ರೆಗ್ನೆಂಟ್ ಆಗುತ್ತಿದ್ದಂತೆ ವೈರಲ್ ಆಗುತ್ತಿದೆ ಸಲ್ಲು ಜೊತೆಗಿನ ಹಳೆಯ ವಿಡಿಯೋ

ಕತ್ರಿನಾ ಕೈಫ್ (Katrina Kaif) ಅವರು ಈಗ ಪ್ರೆಗ್ನೆಂಟ್ ಆಗಿದ್ದಾರೆ. ಅವರು ಮಗುವಿನ ನಿರೀಕ್ಷೆಯಲ್ಲಿ ಇದ್ದಾರೆ. ವಿಕ್ಕಿ ಕೌಶಲ್ ಜೊತೆ ಕತ್ರಿನಾ ವಿವಾಹ ಆದರು. ಈಗ ಇಬ್ಬರೂ ಪಾಲಕರಾಗುವ ಖುಷಿಯಲ್ಲಿ ಇದ್ದಾರೆ. ಕತ್ರಿನಾ ಕೈಫ್ ಅವರು ಇತ್ತೀಚೆಗೆ ಯಾವುದೇ ಸಿನಿಮಾ ಘೋಷಣೆ ಮಾಡಿರಲಿಲ್ಲ. ಹಾಗಾಗಿ, ಇವರು ಮಗುವಿನ ನಿರೀಕ್ಷೆಯಲ್ಲಿ ಇದ್ದಾರೆ ಎಂದೇ ಹೇಳಲಾಗಿತ್ತು. ಅದು ನಿಜವಾಗಿದೆ. ಹೀಗಿರುವಾಗಲೇ ಇವರ ಹಳೆಯ ವಿಡಿಯೋ ಒಂದು ವೈರಲ್ ಆಗಿದೆ. ಇದಕ್ಕೆ ಫ್ಯಾನ್ಸ್ ನಾನಾ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.

ಕತ್ರಿನಾ ಕೈಫ್ ಹಾಗೂ ಸಲ್ಮಾನ್ ಖಾನ್ ಮಧ್ಯೆ ಒಳ್ಳೆಯ ಬಾಂಧವ್ಯ ಇತ್ತು. ಇಬ್ಬರೂ ಪ್ರೀತಿಸುತ್ತಿದ್ದರು. ಇವರ ಸಂಬಂಧ ಮದುವೆವರೆಗೆ ಹೋಗುತ್ತದೆ ಎಂದು ಎಲ್ಲರೂ ಭಾವಿಸಿದ್ದರು. ಆದರೆ, ಹಾಗಾಗಲೇ ಇಲ್ಲ. ಕತ್ರಿನಾ ಹಾಗೂ ಸಲ್ಮಾನ್ ಮಧ್ಯೆ ಬ್ರೇಕಪ್ ಆಯಿತು. ಆ ಬಳಿಕ ಕತ್ರಿನಾ ಜೀವನದಲ್ಲಿ ಸಾಕಷ್ಟು ಏರಿಳಿತ ಬಂತು ಎಂಬುದು ಎರಡನೇ ವಿಚಾರ. ಈಗ ಕತ್ರಿನಾ ಹಾಗೂ ಸಲ್ಲು ಚಿತ್ರದ ಕ್ಲಿಪ್ ವೈರಲ್ ಆಗಿದೆ. ಈ ಕ್ಲಿಪ್​ನಲ್ಲಿ ಫನ್ನಿ ಟಾಕ್ ಇದೆ.

ಸಲ್ಲು ವಿಡಿಯೋ

‘ಹೆಚ್ಚು ಎಂದರೆ ಏನಾಗುತ್ತದೆ. ನನಗೆ ಪ್ರೀತಿ ಆಗಬಹುದು, ಮದುವೆ ಆಗಬಹುದು, ಮಕ್ಕಳಾಗಬಹುದು, ಆ ಮಗು ನಿಮಗೆ ಪ್ರೇಮ್ ಅಂಕಲ್ ಎಂದು ಕರೆಯುತ್ತೆ’ ಎಂದು ಕತ್ರಿನಾ ಸಲ್ಲುಗೆ ಹೇಳಿರುವ ವಿಡಿಯೋ ವೈರಲ್ ಆಗಿದೆ. 2007ರಲ್ಲಿ ಬಂದ ‘ಪಾರ್ಟ್ನರ್’ ಚಿತ್ರದ ದೃಶ್ಯ ಇದಾಗಿದೆ. ಈ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ಅವರು ಪ್ರೇಮ್ ಹೆಸರಿನ ಪಾತ್ರ ಮಾಡಿದ್ದರು.

ಇದನ್ನೂ ಓದಿ: ಮೊದಲ ಮಗುವಿನ ಆಗಮನದ ನಿರೀಕ್ಷೆಯಲ್ಲಿ ನಟಿ ಕತ್ರಿನಾ ಕೈಫ್

ಕತ್ರಿನಾ ಹಾಗೂ ಸಲ್ಮಾನ್ ಖಾನ್ ಬ್ರೇಕಪ್ ಬಳಿಕ ಒಳ್ಳೆಯ ಗೆಳೆತನ ಮುಂದುವರಿಸಿಕೊಂಡು ಹೋಗಿದ್ದಾರೆ. ಇಬ್ಬರೂ ಕೆಲವು ಚಿತ್ರಗಳಲ್ಲಿ ಒಟ್ಟಾಗಿ ನಟಿಸಿದ್ದಾರೆ. ವಿಕ್ಕಿ ಜೊತೆಗಿನವ ವಿವಾಹದ ಬಳಿಕವೂ ಕತ್ರಿನಾ ಅವರು ಸಲ್ಲು ಜೊತೆ ನಟಿಸಿದ್ದಾರೆ. ‘ಟೈಗರ್ 3’ ಸಿನಿಮಾ ರಿಲೀಸ್ ಆಯಿತು. ಕತ್ರಿನಾ ಕೊನೆಯದಾಗಿ ನಟಿಸಿದ ಚಿತ್ರ ಎಂದರೆ ಅದು ‘ಮೇರಿ ಕ್ರಿಸ್​ಮಸ್’ ಆ ಬಳಿಕ ಅವರ ನಟನೆಯ ಯಾವುದೇ ಸಿನಿಮಾ ತೆರೆಗೆ ಬಂದಿಲ್ಲ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.