Mohanlal: ಡೈರೆಕ್ಷನ್‌ ಕ್ಯಾಪ್ ತೊಟ್ಟ ಮೊದಲ ಸಿನಿಮಾದಲ್ಲೇ‌ ಗುರುತು ಸಿಗದಷ್ಟು ಬದಲಾದ ಮೋಹನ್‌ಲಾಲ್; ಏನಿದರ ವಿಶೇಷ?

Mohanlal: ಡೈರೆಕ್ಷನ್‌ ಕ್ಯಾಪ್ ತೊಟ್ಟ ಮೊದಲ ಸಿನಿಮಾದಲ್ಲೇ‌ ಗುರುತು ಸಿಗದಷ್ಟು ಬದಲಾದ ಮೋಹನ್‌ಲಾಲ್; ಏನಿದರ ವಿಶೇಷ?
‘ಬರೋಸ್’ ಚಿತ್ರದಲ್ಲಿ ಮೋಹನ್​ಲಾಲ್

Barroz First Look: ಮೋಹನ್​ಲಾಲ್ ಮೊದಲ ಬಾರಿಗೆ ಆಕ್ಷನ್ ಕ್ಯಾಪ್ ತೊಟ್ಟಿರುವ ‘ಬರೋಸ್’ನ ಮೊದಲ ಲುಕ್ ಬಿಡುಗಡೆಯಾಗಿದೆ. ಇದರಲ್ಲಿ ಮೋಹನ್​ಲಾಲ್ ಸಂಪೂರ್ಣ ಭಿನ್ನ ಗೆಟಪ್​ನಲ್ಲಿ ಕಾಣಿಸಿಕೊಂಡಿದ್ದು, ಫ್ಯಾನ್ಸ್ ಥ್ರಿಲ್ ಆಗಿದ್ದಾರೆ. ಅಷ್ಟಕ್ಕೂ ‘ಬರೋಸ್’ ಕತೆ ಏನು? ಇಲ್ಲಿದೆ ಮಾಹಿತಿ.

TV9kannada Web Team

| Edited By: shivaprasad.hs

Jan 01, 2022 | 4:01 PM


ಮಲಯಾಳಂ ನಟ ಮೋಹನ್​ಲಾಲ್ ಮೊದಲ ಬಾರಿಗೆ ಆಕ್ಷನ್ ಕಟ್ ಹೇಳುತ್ತಿರುವ ‘ಬರೋಸ್’ (Barroz) ಚಿತ್ರ ಸಾಕಷ್ಟು ಕುತೂಹಲ ಮೂಡಿಸಿದೆ. ಫ್ಯಾಂಟಸಿ ಅಡ್ವೆಂಚರ್ ಮಾದರಿಯ ಈ ಚಿತ್ರದಲ್ಲಿ ಸ್ವತಃ ಮೋಹನ್​ಲಾಲ್ (Mohanlal) ನಟಿಸುತ್ತಿದ್ದಾರೆ. ಈಗಾಗಲೇ ಚಿತ್ರದ ಪ್ರೋಮೋ ಟೀಸರ್ ಕುತೂಹಲ ಮೂಡಿಸಿತ್ತು. ಪೋಸ್ಟರ್​ಗಳೂ ಕುತೂಹಲ ಕೆರಳಿಸಿದ್ದವು. ಇದೀಗ ಹೊಸ ವರ್ಷದಂದು ಹೊಸ ಪೋಸ್ಟರ್​ ಬಿಡುಗಡೆ ಮಾಡಿದೆ ಚಿತ್ರತಂಡ. ಪೋಸ್ಟರ್​ ನೋಡಿದ ಅಭಿಮಾನಿಗಳಿಗೆ ಅಚ್ಚರಿಯಾಗಿದೆ. ಕಾರಣ ಮೋಹನ್​ಲಾಲ್ ಸಂಪೂರ್ಣ ಭಿನ್ನ ಗೆಟಪ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ತಲೆಗೂದಲಿಲ್ಲದೆ, ಗಡ್ಡ ಬಿಟ್ಟ ಮೋಹನ್​ಲಾಲ್​ರನ್ನು ಬಹುಶಃ ಅವರ ಫ್ಯಾನ್ಸ್ ಎದುರುಗೊಳ್ಳುತ್ತಿರುವುದು ಇದೇ ಮೊದಲ ಬಾರಿ. ಚಿನ್ನದ ಸಿಂಹಾಸನದಲ್ಲಿ ಮೋಹನ್​ಲಾಲ್ ಕಾಲು ಚಾಚಿ ಕುಳಿತ ಪೋಸ್ಟರ್​ಅನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ.

ಟ್ವಿಟರ್​ನಲ್ಲಿ ಪೋಸ್ಟರ್​ ಹಂಚಿಕೊಂಡಿರುವ ಮೋಹನ್​ಲಾಲ್, ‘ನಮ್ಮ ಮುಂದೆ ಮತ್ತೊಂದು ಹೊಸ ವರ್ಷ ನಿಂತಿದೆ. ಈ ವರ್ಷ ಎಲ್ಲರ ಜೀವನದಲ್ಲಿ ಅತ್ಯಂತ ಆನಂದದಾಯಕವಾದ ಕ್ಷಣಗಳು ಬರಲಿ’’ ಎಂಬರ್ಥದಲ್ಲಿ ಅವರು ಬರೆದುಕೊಂಡು, ಪೋಸ್ಟರ್ ಶೇರ್ ಮಾಡಿದ್ದಾರೆ. ಈಗಾಗಲೇ ‘ಬರೋಸ್’ ಚಿತ್ರ ತನ್ನ ಕಥಾ ಹಂದರದಿಂದ ಗಮನ ಸೆಳೆದಿದ್ದು, ಮೋಹನ್​ಲಾಲ್ ಸ್ವತಃ ನಿರ್ದೇಶನದ ಕ್ಯಾಪ್ ತೊಟ್ಟಿರುವುದರಿಂದ ನಿರೀಕ್ಷೆ ನೂರ್ಮಡಿಯಾಗಿದೆ. ಇದೀಗ ಹೊಸ ಲುಕ್ ನೋಡಿದ ಫ್ಯಾನ್ಸ್​ ಮತ್ತಷ್ಟು ಖುಷಿಯಾಗಿದ್ದಾರೆ.

ಮೋಹನ್​ಲಾಲ್ ಹಂಚಿಕೊಂಡ ಟ್ವೀಟ್ ಇಲ್ಲಿದೆ:

‘ಬರೋಸ್’ ಚಿತ್ರದ ವಿಶೇಷತೆ ಏನು?
ಮೋಹನ್​ಲಾಲ್ ‘ಬರೋಸ್’ ಚಿತ್ರದಲ್ಲಿ ಅದೇ ಹೆಸರಿನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದ ಪೂರ್ಣ ಹೆಸರು ‘ಬರೋಸ್: ಗಾರ್ಡಿಯನ್ ಆಫ್ ಡಿ‘ಗಾಮಾ ಟ್ರೆಷರ್’. ‘3ಡಿ’ಯಲ್ಲಿ ತಯಾರಾಗುತ್ತಿರುವ ಈ ಚಿತ್ರದಲ್ಲಿ ಅತ್ಯಾಧುನಿಕ ತಂತ್ರಜ್ಞಾನವನ್ನು ಬಳಸಲಾಗುತ್ತಿದೆ. ಜಿಜೊ ಪನ್ನೋಸ್ ಬರೆದ ಕತೆಯನ್ನು ಆಧರಿಸಿ ಚಿತ್ರ ತಯಾರಾಗುತ್ತಿದೆ.

‘ಬರೋಸ್’ ಪ್ರೋಮೋ ಟೀಸರ್ ಇಲ್ಲಿದೆ:

‘ಬರೋಸ್’ ಎಂಬುವವನು 400 ವರ್ಷಗಳಿಂದ ಡಿ‘ಗಾಮಾನ ನಿಧಿಯನ್ನು ಕಾಯುತ್ತಿರುತ್ತಾನೆ. ಡಿ‘ಗಾಮಾನ ನಿಜವಾದ ವಂಶಸ್ಥರಿಗೆ ನಿಧಿಯನ್ನು ಒಪ್ಪಿಸುವುದು ಆತನ ಜವಾಬ್ದಾರಿಯಾಗಿರುತ್ತದೆ. ಇದು ಚಿತ್ರದ ಒನ್​ಲೈನರ್. ಚಿತ್ರದಲ್ಲಿ ಸ್ಪಾನಿಷ್ ನಟರಾದ ಪಾಸ್ ವೇಗಾ, ರಫೇಲ್ ಅಮರ್ಗೋ ಮೊದಲಾದವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆಶೀರ್ವಾದ್ ಸಿನಿಮಾಸ್ ಬ್ಯಾನರ್​ನಲ್ಲಿ ಚಿತ್ರ ನಿರ್ಮಾಣವಾಗುತ್ತಿದೆ.

ಇದನ್ನೂ ಓದಿ:

ಹಣ ಉಳಿಸಲು ಅಭಿಮಾನಿಗಳಿಗೆ ಐದು ಕಿವಿಮಾತು ಹೇಳಿದ ‘ಕನ್ನಡತಿ’ ನಟಿ ರಂಜನಿ ರಾಘವನ್​

‘ವಿಕ್ರಾಂತ್​ ರೋಣ’ ರಿಲೀಸ್​ ಮುಂದಕ್ಕೆ ಹೋಗಿಲ್ಲ; ಆದ್ರೂ ಜನರಿಗೆ ಡೌಟ್​ ಬರಲು ಕಾರಣ ಏನು?

Follow us on

Most Read Stories

Click on your DTH Provider to Add TV9 Kannada